|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: شـــــلة اللســـــتك .... (Re: معتصم دفع الله)
|
اهو كده اللستك دردق
الله يلعن الكوكايين وملحقاته
ياخ زمان تقوم الصباح بي ريحة سجارة البنقو في الحلة ما تعرف المولعة منو ؟
تمرق على الشغل وانت راسك 100%
هسع الموضوع كلو بقى حقن وحبوب وشم
ما عرفناه مزاج ولا عيا
حجة امنه ما بتعرف ليك زول كييف قديم بتاع خدرا جمبهم بيت فاضي
ارحل جمبو
ياخ بقيت اقوم بي صداع كلو يوم
| |
 
|
|
|
|
|
|
|
|
Re: شـــــلة اللســـــتك .... (Re: Bakhaf)
|
للأصدقاء
الحب
الجمال
الحميميه
للبلد
الناس
الحر
الكتاحه
عرق النهار
ضوء القمر الصافي
أغاني الدوبيت
صوت النقارة المداعب من بعيد
و أشياء و أشياء
تهويمات عشق
و ريدة صافية
ضمير أبيض
لا يهم أن يفهم من يفهم
أو يحس من يحس
أو لا يفعل أحد
المهم أن أكون معهم
ببعض شيء
| |
|
|
|
|
|
|
|
|
|
Re: شـــــلة اللســـــتك .... (Re: حسن سنادة)
|
شلة اللستك (الفكره)
( 1 )
أولاً بعد السلام شلة اللستك دي ما ليها أي علاقة بي (خوة لستك) سمح.
أها شلة اللستك دي شلتي. كل يوم بنتلاقى في الناصيه قدام بيت ناس معاوية تبش (تبش دي عشان عضلاتو) من نصحى الصباح - طبعاً نحن صباحنا ببدا الساعه 11 او 12 كدا. بنتلما مرات بعد ما نفطر في البيت أو بوش دكان البرقاوي، بعد داك سجاره في سفه في سفه في شاغله بنات الثانوي الراجعات من المدرسه و إن كان بنات الثانوي الزمن دا بقو شفع ساي، اييييييييييه حليل زمنا زمن المعاهد المختلطه. الزمن داك زمان زمن (علب الفورموست)، الزمن داك بنطقطق ليك أي واحد نشوفوا ليك مع واحده من الحله راجعه من المدرسه. طبعاً الطقطقه دي كانت مسئوليه تبش المباشرة و نحن بنجي بعد داك كان الود مشى جاب أولاد حلتم بنتدخل بعد داك مرات بنفرتقم ليك و مرات (باركوها يا أخوانا) حسب (الوضع الاستراتيجي على أرض الواقع). لكن هسي زاتم أولاد الزمن دا ما عارفم ما لم ولا شافوا ليهم حته (أكثر أماناً).
| |
|
|
|
|
|
|
|
|
|
Re: شـــــلة اللســـــتك .... (Re: حسن سنادة)
|
(2)
ما تتخيلوا إننا عاجبانا الحاله دي، و لا كلنا ما عندنا موضوع و عطاله. بس هي الظروف.
يعني مثلاً (تبش) إتخرج ليهو تلاته سنين من الجامعه، عمل الإلزامية و الغير إلزاميه و السبعه و زمتا بالمره، قرا كورسات الكومبيوتر و كمل ال(تريننج) في عرض الخرطوم و طولا، و رغماً الحال عاضي. تقريباً كلنا ذاك الرجل، أقل واحد فينا.
عادل لحسه إتخارج السعودية (على ما أذكر بفيزة راعي مواشي) من الثانوي (راعي مثقف يعني) عشان هو الكبير بعد ما أبوه مات، تما لفتو عند العرب أبين عقالات و فشلت كل محاولات التماشي مع الغربة و ضاع أمله في العرب قال يجرب الغرب، قرب يصل أوروبا لكن كشة الإقامه الشهيرة كانت أسرع، حالياً يكابس.
و لكلً حكوه
موهوبين مدفونين في لستكنا دا و تحت عمدان في حتت و في مساطب في أماكن و في لا شي في الكتير، خالد ود بتاع كمنجه (ختري). من و نحن في الثانوي بضرب حفلات و بطلع عدادات وقتها هو الكان بصرف على الشله. يبدو أن الحظ مابي يخدمنا، الكمنجات بقت ما شغاله و سوقا نايم كلها كم حفله كل شهر و نصها مجاملة و سوسة الفن البتنخر في القلب. قدر ما حاولنا نقنعو يقلب يعزف اورغن مع الموجه مابي قال" غنا الأيام دي ما غنا و هو ما بركب الموجه"، تقول كان بعزف مع الكاشف.
نسى محمد الرسم و الألوان بعد ما شاف ألوان، خليت الكتابه زمن، و غيره و غيره.
| |
|
|
|
|
|
|
|
|
|
Re: شـــــلة اللســـــتك .... (Re: حسن سنادة)
|
خلاس قمتا لي فلسفتك الفارغة دي
هو لستك ولا مكتب في العامرة الكويتيه
شنو شابكنا
من حيث انى والذي جل الارض وشاااااع وجوه المسام
دايرين ونسنة لستك
البورد ده كلو ما مليان مثقفاتيه
ما تقدنا هنا كمان
| |
|
|
|
|
|
|
|
|
|
Re: شـــــلة اللســـــتك .... (Re: Bakhaf)
|
(3)
لم نسكت للظروف أو الأيام أو الطاغوت.
نحن نملك مخالب لنحفر في الصخر كي نعيش.
جيل عوده قوى من الضرب.
كل ما الباب يتسدى نجري ندافرو نفتحو.
قولو العاوزينه، نحن عارفين نحن بنعمل في شنو، آمالنا واحده، طموحاتنا المسحوقه سنعيدها للهواء.
نخرج أنوفنا لنشم النقي من الهواء و نحن غارقون في الوحل و لن نغرق.
"حبنا
أن يضغط الكف على الكف و نمض
و إذا جعنا
تقاسمنا الرغيف"
قول لمن يسمع
لن نموت
و سنمد يد تلمس الشمس
و سنأتي لكم بما كنت تأملون
و أكثر
| |
|
|
|
|
|
|
|
|
|
Re: شـــــلة اللســـــتك .... (Re: حسن سنادة)
|
Quote: خلاس قمتا لي فلسفتك الفارغة دي
هو لستك ولا مكتب في العامرة الكويتيه
شنو شابكنا
من حيث انى والذي جل الارض وشاااااع وجوه المسام
دايرين ونسنة لستك
البورد ده كلو ما مليان مثقفاتيه
ما تقدنا هنا كمان |
خلاس حاضر
انا قلتا اقشر في الاول ياخ
هوي قالوا الايام دي تمتطي صهوة (جواد) عربي أصيل ابيض (خ ترخيس كرري)
صحي؟؟؟؟
| |
|
|
|
|
|
|
|
|
|
Re: شـــــلة اللســـــتك .... (Re: حسن سنادة)
|
والله يا مان
اخبارك باااااااااايته
اخوك امتطاه وهاجر بيه الى وادي ود مدني
رخصتو هناك عن قبلية المدنين
عشان قروشهم حبه
هسع عربيتي مرخصة لحدي شهر تمنية الجاي
وحاتكم بفتش في بتاعين الحركة
اي حاجة عندي تامة
حتى بتاعت النار ديك مركبها
عاوزهم يوقفونا عشان اتجدع فيهم
والله ما شغالين بي الشغلة
| |
|
|
|
|
|
|
|
|
|
Re: شـــــلة اللســـــتك .... (Re: Bakhaf)
|
Quote: والله يا مان
اخبارك باااااااااايته
اخوك امتطاه وهاجر بيه الى وادي ود مدني
رخصتو هناك عن قبلية المدنين
عشان قروشهم حبه
هسع عربيتي مرخصة لحدي شهر تمنية الجاي
وحاتكم بفتش في بتاعين الحركة
اي حاجة عندي تامة
حتى بتاعت النار ديك مركبها
عاوزهم يوقفونا عشان اتجدع فيهم
والله ما شغالين بي الشغلة |
عرفوك متلقي حجج
(الوش الغيااااااااااز ابو عيون بتدور داك)
| |
|
|
|
|
|
|
|
|
|
بسسسسسسسس (Re: حسن سنادة)
|
احنا يا يابا تطير عيشتنا ...
مراقبة ... مراقبة ...
فجة ما نمشى ؟!!!!!!
يعنى من المحراكة للصاج ... للريكة ... للويكة ؟!!!!!!!!
والله فى
| |
|
|
|
|
|
|
|
|
|
re: (Re: رأفت ميلاد)
|
هوي يا بخاف
جيب ليك حاجه نحفر بيها
نشيل البتاع دا من هنا
القصه دي هنا ما جايبة تعبا
| |
|
|
|
|
|
|
| |
Bakhaf
الملك
Rihab Khalifa
ajaj
ALMURADABI
معتصم دفع الله
Soumeta
ودرملية
رأفت ميلاد
فيس بوك
تويتر
انستقرام
يوتيوب
بنتيريست