|
جمعية المحبة السودانية السودانية ..
|
هذه الجميعة غير مسجلة في أي مكان ولا أوراق رسمية .. إنما مكانها هنا في هذا المنبر .. أسباب تكوين هذه الجمعية .. ما يحدث فيه من فجور في الخصومة أدمنت عليه بعض العضوية وأصبحت الشتائم بدل الحوار .. وبلدنا تتمزق يميناً ويساراً شرقاً وغرباً والغول يعيث فيها فساداً .. ليس هناك شروط لقبول العضوية سوى الحب لهذا الوطن المسمى السودان .. شعارنا .. أنا سوداني أنا .. رسوم العضوية .. أفديك بالروح يا موطني .. الجنسية .. جعلي ودنقلاوي وشايقي ايه فايداني غير ولدت خلاف خلت اخوي عـــاداني خلو نبانا يسري مع البعيد والدانـي يكفي النيل ابونا والجنس سـودانـي
|
|
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
Quote: الجنسية .. جعلي ودنقلاوي وشايقي ايه فايداني غير ولدت خلاف خلت اخوي عـــاداني خلو نبانا يسري مع البعيد والدانـي يكفي النيل ابونا والجنس سـودانـي |
الحِبيِّب معتصم...
أولاً صباحك زين يا اخوي وكلللللللللل (العِقد الفريد) المعاك بالرياض منننننننن أبي جهينة وتمبس لييييييييييييييييي أبو إيمان وإيمان...
ثانياً الحمد لله أن ساعدني الوقت لكي أكون أول المسجلين في هذه الجمعية (جمعية المحبة والوئام ... جمعية نبذ الكراهية والخصام... جمعية سوا سوا عالي المقام)...
ثالثاً قواسيب مودتي لك ولكل الإخوة الحا ينزلو مطر للتسجيل في هذه الجمعية بإذن الله تعالى...
أبو الحســـــــــــين...
| |
|
|
|
|
|
|
Re: جمعية المحبة السودانية السودانية .. (Re: أبو الحسين)
|
أبوالحسين .. كيفك يا حبيب .. ألف مرحب بيك في الحوش الكبير منور والله ..
يسعدني إنك تكون أول المسجلين في هذه الجمعية والتي شعارها المحبة والسلام .. يؤلمني كثيراً ما يحدث هنا من صراع وبلدنا وإنسانها في أمس الحوجة لنا .. ليس هناك خلاف في إختلاف الأفكار والتوجهات ولكن بأدب نؤسس له وننتهجه .. وعينا على السودان بكل إختلافاته بحثاً وراء إستقراره وأمنه وسلامه .. وبعيداً عن النظرة الضيقة وشخصنة الخلاف ..
شكراً يا أبو الحسين ..
| |
|
|
|
|
|
|
Re: جمعية المحبة السودانية السودانية .. (Re: Adel Sameer Tawfiq)
|
شكراً جميلاً يا عادل سمير .. من هسي أعتبر نفسك الرئيس يلا باشر مهامك ..
هي دعوة للتسامح وبناء أدبيات جديدة لسودان ننعم فيه جميعاً بالسلام والمحبة .. تبدأ من هذا المنبر لتعم كل ربوعه .. وأعلم تماماً انو المسألة ليست بالسهلة .. ولكن بوجود إخوة أمثالكم سنصل ..
محبتي ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
العزيز معتصم،،
- أخذت الفكرة مني بطيب خاطر وتوارد خواطر،،
- كنت أفكر في ماهو أكبر من الجمعية ،،
- حزب سياسي : يحكم السودان،،
- شرط عضويته : حب السودان وإحترام الآخر،،
- أنا معكم : جمعية وحزب،،
- لا تدع هذه الفكرة تصغر أو تموت ،، هي والله الخلاص بإذن الله،،
- علاقاتنا الآن تنبؤ بكوارث وخذ ما يحدث من تراشق عنيف في هذا المنبر مثالاً ،،
- معتصم : بشر لدعوتك من الآن، لا حل آخر غير عودة السودانيين إلى ذاتهم فما يحدث الآن دخيل عليهم ولا يشبههم،، - صدقني أنت صح ،، وفقك الله ،،
| |
|
|
|
|
|
|
Re: جمعية المحبة السودانية السودانية .. (Re: عبد اللطيف بكري أحمد)
|
الحبيب عبداللطيف بكري .. تحياتي يا زول يا جميل ..
والله بقينا مشفقين على مثلنا وتقالدينا التي توارثناها من أجدادنا .. ومشفقين على وطننا السودان وعلى مواطنيه من ظلم ذوي القربى .. يا سلام على توارد خواطرك .. طالما في أمثالكم لا خوف على الوطن .. الفكرة حلوة ويا ريت ناخد بيد بعض للبناء والإعمار .. البناء الحزبي والديمقراطي ومنظمات المجتمع المدني لننعم بحرية وسلام دائمين .. كلنا فكرة ووقفة رجل واحد سنصل إلى ما نصبو إليه .. ما أكثرها الكوارث التي تحدق بنا زي ما قلت .. يلا لي قدام ..
شكراً جميلاً .. ولك خالص المحبة ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
العزيز مـــوو آآآآي دة الشغـــل ... دة الشغـــل...
سجلني معاك لو في خـــانـــة شـــاغــرة .... و لو مـافــي خُتنــــي إحتيــاطــي في ال "waiting list " و انـا جـاهـز من
مجـاميعـــو ...
مــع مــودتــي الخالصـة لإســرة الجمعيــة
هيثــم،،،
| |
|
|
|
|
|
|
Re: جمعية المحبة السودانية السودانية .. (Re: tmbis)
|
تامبا يا شقيق .. تعرف بعد إذن الجماعة الحضروا كلهم هنا .. في أن تكون الناطق الرسمي باسم الجمعية دي .. عشان أنا عارف حبك للوطن وهذا المكان .. وغيرتك عليهما ومن تحب .. وثقتنا فيك بأنك لا تخشى في الحق لومة لائم .. شكراً لأنك دوماً معنا ..
محبتي لك بلا حدود ..
| |
|
|
|
|
|
|
Re: جمعية المحبة السودانية السودانية .. (Re: saadeldin abdelrahman)
|
Quote: هذه الجميعة غير مسجلة في أي مكان ولا أوراق رسمية .. إنما مكانها هنا في هذا المنبر .. أسباب تكوين هذه الجمعية .. ما يحدث فيه من فجور في الخصومة أدمنت عليه بعض العضوية وأصبحت الشتائم بدل الحوار .. وبلدنا تتمزق يميناً ويساراً شرقاً وغرباً والغول يعيث فيها فساداً .. ليس هناك شروط لقبول العضوية سوى الحب لهذا الوطن المسمى السودان .. شعارنا .. أنا سوداني أنا .. رسوم العضوية .. أفديك بالروح يا موطني .. الجنسية .. جعلي ودنقلاوي وشايقي ايه فايداني غير ولدت خلاف خلت اخوي عـــاداني خلو نبانا يسري مع البعيد والدانـي يكفي النيل ابونا والجنس سـودانـي |
الابن الغالى معتصم ود دفع الله
والله دخلت المنبر ونفسى منقبضة
لكن لاقانى بوستك الجميل دة فازال غمى وهمى
سجلونى معاكم
وسيروا وعين الله ترعاكم
بلادا فيها زينين زيكم....ما بتجيها عوجة تب... باذن واحد أحد
بس ختوا ايدينكم فى ايدين بعض...ويد الله مع الجماعة
تحياتى
| |
|
|
|
|
|
|
Re: جمعية المحبة السودانية السودانية .. (Re: مهيرة)
|
دكتورة مهيرة تحياتي .. وسلامتك من قبضة النفس ..
هي دعوة لنشر ثقافة التسامح والسلام بيننا .. دعوة للم الشمل زي ما قال الريس أبوجهينة .. دعوة لوضع السودان فوق كل صراعاتنا وخلافاتنا .. دعوة لنشر المحبة في هذا المكان الذي جمعنا ..
وشكراً كثيراً لكلامك الطيب الذي أثلج صدورنا ..
محبتي وتقديري ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
الغالي معتصم سلامات
Quote: هذه الجميعة غير مسجلة في أي مكان ولا أوراق رسمية |
نسجلها في قلوبنا .
Quote: إنما مكانها هنا في هذا المنبر |
فليكن مكانها الفؤاد بمساحة مليون مبل محبة للوطن .
Quote: شعارنا .. أنا سوداني أنا .. |
سودانيون نحن لاقبيلة ولا طائفة ولا حزب . السودان اولا السودان اخيرا .
سجل يامعتصم .
| |
|
|
|
|
|
|
Re: جمعية المحبة السودانية السودانية .. (Re: Frankly)
|
Quote: معكم من أجل سودان الغد ثري بإنسانه ثري بموارده ثري بثقافاته ثري بتعدداته
سودان الإنتماء إليه فخر لكل من يكن الحب لهذا الوطن ولساكنيه
قد نختلف في رؤانا ولكننا نتفق في عشقه وحبه |
وهل هناك أجمل من كل هذا الحب .. شكراً يا كمال فرانكلي ..
كامل المحبة ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
معتصم..
سجلني معك..
فأنا..
أحلم بوطن كبير القلب..
يملؤه الحب..
يالفي الشمال صباحكم خير..
يالفي الجنوب مساكم نور..
يالفي الشرق منك سماح و بأعتذر..
يالفي الغرب..حقك علي.. تقصيري نحوك مالو حد..
يالفي الوسط..ياكا السند..ياكا العضد..
أمسك قوي..
أوعى عقدك ينفرط...
| |
|
|
|
|
|
|
Re: جمعية المحبة السودانية السودانية .. (Re: Sana Khalid)
|
Quote: أحلم بوطن كبير القلب.. يملؤه الحب.. يالفي الشمال صباحكم خير.. يالفي الجنوب مساكم نور.. يالفي الشرق منك سماح و بأعتذر.. يالفي الغرب..حقك علي.. تقصيري نحوك مالو حد.. يالفي الوسط..ياكا السند..ياكا العضد.. |
يا لجمال كلماتك يا سناء خالد .. وروحك السمحة المحبة للوطن وأهله .. هكذا نحلم معك ومعاً بالخير والسلام والتنمية .. لوطن أنهكته الحروب وظلم أهله وجورهم ..
شكراً جميلاً .. لك كل الحب والتقدير ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
Quoteمعتصم : بشر لدعوتك من الآن، لا حل آخر غير عودة السودانيين إلى ذاتهم فما يحدث الآن دخيل عليهم ولا يشبههم،،َQuote
وقال تمبس: من دخل هذه الجمعية فهو آمن ..
وقال الزميل الذي أقتطعت منه العبارة أعلاه: ليس جمعية بل حزب شروط عضوية حب السودان وقبول الآخر ..
الواقع يثبت أننا في مرحلة تتباعد فيها الخطى بين أهل السودان ولا بد من حكمة تلم الشمل بعد أن فرقت أهل السودان المصالح والمظالم والسياسة واتسعت الخروق على جميع الراتقين .. وها هو معتصم يبدأ مسيرة المليون ميل بخطو للم الشمل .. فهلا تضافرت لها جهود مخلصة لتثمر حقا وصدقا.. اللهم آمين
| |
|
|
|
|
|
|
Re: جمعية المحبة السودانية السودانية .. (Re: Mohamed Abdelgaleel)
|
تحياتي محمد عبدالجليل ..
فعلاً زي ما قلت تفرقنا وتبعادت بيننا الخطى .. والحكمة أصبحت غائبة فبدل من توحدنا وتكاتفنا إختلفنا وتشاكلنا .. العداوة أصبحت بيننا والعدو الحقيقي يمرح ومبسوط من كل هذا الخلاف والتشتت .. فكرة إنشاء حزب أو كيان مشروع كبير يحتاج فعلاً لوطنيين مثلكم وهو ليس بالسهل وليس بالصعب وما نفتقده فعلاً هو البناء الحزبي المؤسسي ويمكننا الأخذ بتجارب الغير ولا ضير في ذلك ،الحرية والديمقراطية هي غايتنا وهذه لا تأتي بين يوم وليلة فهي تحتاج لأقوياء يشغلهم الوطن وحبه ..
شكراً للثقة والإضافة يا محمد .. متعك الله بالصحة والعافية ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
الأخ الأكرم معتصم سلام ومحبه لأنك انسان كلك حب وجمال شوف عدد الجميلين والجميلات الذين أتوا يلبون نداء الوطن الغالي بكل الحب والتعظيم كلي امل ان يتناسى الجميع قبليتهم وتحزبهم وجهويتهم وان نضع السودان امامنا.. وسجلني انشاء الله وزير طاقه بس ماعندي مانع.. عزالدين محمد عثمان
| |
|
|
|
|
|
|
Re: جمعية المحبة السودانية السودانية .. (Re: عزالدين محمد عثمان)
|
سلام يا عزالدين .. شكراً لكلامك الجميل دا .. الطاقة العايزنها حب الوطن والإيمان به والعمل من أجله .. ودي ظهرت مع تجاوبكم الجميل هذا ودا نبع ما بجف يعني بترول دائم .. سنصدره للعالم أجمع ونقول ليهم ياهم ديل أهلي ياهم ديل السودانيين .. وحقيقي سعدت جداً لهذا التجاوب الكبير .. ربنا يجنب وطننا السودان وأهله الكوارث وظلم ذويه .. وينعم عليه بالتنمية والسلام ..
كامل محبتي ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
معتصم يا راقى سلام عليك واشكرك على هذه الدعوة الحكيمة لانها بصراحة سوف تخرج الناس من ما هم فيه من فرقة وضيق الى لم الشمل مره اخرى وتجعل كل واحد منهم يراجع نفسه بنفسه وان يكون حريص على الا يفسد سعادة الاخرين الذين ليس لهم ذنب فى تعكير صفاء هذا المكان الجميل سوى تواجدهم فيه الذى ظنوا انه سوف يكون مصدر من مصادر السعادة التى شحت فى هذا الزمان .
طبعا لى عظيم الشرف بتسجيلى فى العضوية
بالمناسبة انا من بورداب الرياض الجداد
اكرر شكرى لهذه الفكرة الحلوة
احمد العمار
| |
|
|
|
|
|
|
Re: جمعية المحبة السودانية السودانية .. (Re: احمد العمار)
|
أخي الحبيب معتصم ود دفع الله
يا جميل يا راقي إحساسك .. ويا جميل يا منتهى الإلفه ..
بالله بسرعة سجلني في الجمعية قبل ما (الرئيس) يقفل الدفتر ويخليني (لايص) أزازي ، وغير آمن ،
مش (فردتك) تمبس قال من دخلها فهو آمن ، عاد وين نلقى الأمان كان ما لقيناه في جمعيتك والتي عمادها القلوب ، من أجل وطن حدادي مدادي معافى ويجمع أهله في حب وتآخي ووئام .
أضم صوتي لصوت أخي ود السماني وأقول ليك (نسجلها في قلوبنا) العامرة بحب السودان وحب أهله الطيبين من أمثالكم .
وأردد مع أخي عمر البعشي الحكمة القائلة :
Quote: الماعندو محبــة ماعنــدو ما عنـدو الحبة والعنـدو محبــة ما خلــى الحبـــــــــة |
وسجل ياتاريخ مولد أروع وأعظم جمعية حب .
سير وعين الله ترعاك ، وقلوبنا معك يا رائع .
( ليمو )
| |
|
|
|
|
|
|
Re: جمعية المحبة السودانية السودانية .. (Re: مجاهد عبد الرحمن)
|
الحبيب مجاهد كيفك يا جميل .. وما أجملكم حين تستجيبون لنداء المحبة والسلام ونداء الأوطان .. سيظل الوطن في حدقات أعيننا وسنعمل في صمت من أجله .. آلمني كثيراً ما يحدث له من تمزق وتفتيت وتشريد لأهله .. وهذا من صنع أيدينا نحن بنوه ولك أن تنظر حاله الآن إلى أي هاوية هو ذاهب .. جنبنا الله وأياكم شر العوارض والمحن .. شكراً لهذه الثقة الرئيس موجود راجع المداخلات ونحن سنكون جنود مرابطين ..
كامل المحبة ..
| |
|
|
|
|
|
|
Re: جمعية المحبة السودانية السودانية .. (Re: احمد العمار)
|
Quote: لانها بصراحة سوف تخرج الناس من ما هم فيه من فرقة وضيق الى لم الشمل مره اخرى وتجعل كل واحد منهم يراجع نفسه بنفسه وان يكون حريص على الا يفسد سعادة الاخرين الذين ليس لهم ذنب فى تعكير صفاء هذا المكان الجميل سوى تواجدهم فيه الذى ظنوا انه سوف يكون مصدر من مصادر السعادة التى شحت فى هذا الزمان . |
دا الكلام الراقي وجميل زيك يا أحمد العمار .. ولنا عظيم الشرف بوجودك معنا .. ونحن في إنتظار لقائك مع مجموعة بورداب الرياض في أقرب فرصة .. ألف مرحب بيك بيننا ..
لك كامل الحب والتقدير ..
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
الغالي معتصم والغالين الأحبة،،
كل من ساهم بكلمة في هذا الأمر فقد سقى بقطرة صدق وعزة غرساً وريفا نراه يكبر ،،
معتصم:
هذا الموضوع حيوي بالنسبة لي ولوطني الكبير ولكل الذين جاءوا هنا حالمين بعودة الوطن الضال،،
لم أرى ملمحاً لتراجع ،، بل الأمل مزدان بقدوم الأصفياء الأنقياء كل يوم،،
لا نريد كلمة نشاز في هذا البوست : من أحب الوطن وأحبنا في ضيافة المعتصم فليتحكر في سويداء الفؤاد،، أما من رأى غير ذلك فليخرج في صمت وسيجزيه الله خيراً على ذلك ،، على أن يعود إلينا لاحقاً عله يجد ما يسره،،
معتصم :- دير بالك ،، فورة الأمل إن خبت جذوتها فهي النهاية،، الأمر ليس عسير وهاهي بدايتك فاقت التوقع،،
((تذكروا : بلاداً حوت مآثرنا كالفراديس فيضها منن،،))،،
| |
|
|
|
|
|
|
Re: جمعية المحبة السودانية السودانية .. (Re: عبد اللطيف بكري أحمد)
|
تحية قلبية أخي عبداللطيف .. عبرك أحي كل المتداخلين على تجاوبهم ودا نابع من حبهم الكبير لوطنهم .. ودا شي نحتاجه كثيراً واساسي لبناء الأوطان نشكرهم جزيل الشكر ..
Quote: لم أرى ملمحاً لتراجع ،، بل الأمل مزدان بقدوم الأصفياء الأنقياء كل يوم،، |
نحمد الله على ذلك .. وفقنا الله وإياكم لخدمة الوطن ورفعته ..
كامل محبتي وتقديري ..
| |
|
|
|
|
|
|
Re: جمعية المحبة السودانية السودانية .. (Re: خالدة البدوي)
|
السلام عليكم معاكم ونصين كمان عندي اقتراح ( اصلي اليومين ديل عامل فيها عبد المصلح المقترحي ) مش بيقولوا السلام يحتاج الى جيش قوي يحميه فلازم من فريق قوي يجيد كل مهارات الهجوم والدفاع للتصدي لأعداء الحب مبدئياً ارشح... من العضوية الفوق دي 1. منى خوجلي –حارس مرمى 2. تمبس ومعتصم - نص مهاجم ونص مدافع ( حسب الترتيب) 3. دكين .. مهاجم ..لكن يتم تغييروا لما يفقد اعصابو ( لأنو في الحالة دي بيكون عالة على الفريق) ويكون الفريق في حالة استعداد للدفاع عن المحبة السودانية السودانية ضد كل من تسول له نفسه التعدي على الخطوط الحمراء للحب والله أكبر والعزة للسودان ( بتاعتنا مش بتاعة الكيزان) ........................ وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: جمعية المحبة السودانية السودانية .. (Re: الزوول)
|
أخـي وصـديقــي الودود معتصـم
تحية قلبية بي شوقي مروية سلام من الأعماق يا نسمه صيفيه
Quote: شعارنا .. أنا سوداني أنا .. رسوم العضوية .. أفديك بالروح يا موطني .. الجنسية .. جعلي ودنقلاوي وشايقي ايه فايداني غير ولدت خلاف خلت اخوي عـــاداني خلو نبانا يسري مع البعيد والدانـي يكفي النيل ابونا والجنس سـودانـي |
بلداً تحتوي أشخاص من أمثالك لا بد أن يعم فيها الحب والوئام والتفاني والإخلاص ، شكراً لك على كل جميل تتحفنا به ونحن معكم قلباً وقالباُ ، وعشت يا سودان عالي الهمم . وتحياتي لك ولمن تحب .
| |
|
|
|
|
|
|
Re: جمعية المحبة السودانية السودانية .. (Re: معتصم دفع الله)
|
قال محبة قال
قد لاتتفاجأ اذا قلت لك انني ضد هذه الجمعية .. فهذا عهدي .. لا أويدها .. بل أناصبها العداء شعارنا فيها لا صداقة .. لا محبة .. بل عداء مستحكم .. قتال حتى النهاية .. سلب ونهب .. سفكاً للدماء تعرض وانتهاك للاعراض .. كما يحدث هذه الايام من البعض منا .. قتلنا روح الحوار .. سلكنا طريق التعرض للاهل والاولاد سبيلاً ..
هذه رسالة من احد الحاقدين على وحدة البورداب اين ما كانوا
اما انا وليد399 فأعلانها صراحة بالانضمام إلى هذه الجمعية الرائعة كروعة الفتى الاسمر معتصم دفع رجل المحبة والسلام .. وكل من تداخل مؤيداً في هذا البوست .. لكم جميعاً الود والحب والاحترام
والسلام ختام ..
ابو ايمان
| |
|
|
|
|
|
|
Re: جمعية المحبة السودانية السودانية .. (Re: ajaj)
|
باب المحبة فااااااتح يا بنت عجاج .. بعدين ما تستنكحينا ساي وتقولي طالبة وما عايزه تدفعي .. الاشتراك موقفين ليهو زول في الباب .. هسي عليك الله في رسوم أكتر من المحبة دي ..
تحياتي وتقديري ..
| |
|
|
|
|
|
|
Re: جمعية المحبة السودانية السودانية .. (Re: عبدالرحمن عزّاز)
|
ويقول محجوب شريف ..
وطنا.. الباسمك كتبنا ورطنا أحبك مكانك صميم الفؤاد وباسمك اغنى.. وتغنى السواقى خيوط الطوقى سلام التلاقى ودموع الفراق واحبك ملاذ وناسك عزاز أحبك حقيقه.. وأحبك مجاز وأحبك بتضحك وأحبك عبوس بعزة جبالك ترك الشموس وما بين ظلالك افتش وأكوس أفتش طفولتى وملامح صباى بناتك عيونن صفاهن سماى وهيبة رجالك بتسند قفاى صحى بتملا عينى.. وتشّرف غناى بحضرة جلالك.. يطيب الجلوس مهذب أمامك يكون الكلام لأنك.. محنك عميق الدروس مجيد المهابه ومديد القوام شبابك.. تشابك شديد الزحام أراهم.. وراهم غبار الحياه مداين.. تعاين كأمّ العروس تهلل.. تكلل جبين الإمام رزازاً يبلل أغانى الخليل أصدق كلامك حقيقه وبخاف أخاف الطريق.. اللى ما بودى ليك وأعاف الصديق اللى ما بهم بيك معاك انتظارى.. ولو بالكفاف وعنك بعيداً أبيت الرحيل وبيك اعتزاز الصباح الجميل جميع الأغانى اتكالن عليك جميع الأغانى اتكالن عليك
ما أجملنا حين نجتمع في حب الوطن يا عبدالرحمن عزاز .. شكراً جميلاً ..
خالص المحبة ..
| |
|
|
|
|
|
|
|