اذا اردتم اختصار حياتي فى كلمة واحدة يمكن ذلك.. ما عليكم الا ان تذكروا ريم الجميلة.. فابنة شقيقتى ريم هي كل حياتي.. ما بيني وبينهامن الحب اكثر مما بينها وبين والدتهاوكل العائلة بل كل من يعرفنا يدرك ذلك..
11-20-2006, 04:07 AM
صباح احمد صباح احمد
تاريخ التسجيل: 02-04-2005
مجموع المشاركات: 2082
وبالرغم من سنوات عمرهاالبسيطة استطيع القول ان ريم اضافة لكونها حبيبتي تعد من اعز صديقاتي.. وللمعلومية ..ريم تعرف عن اصدقائي فى سودانيز اون لاين الكثير..
11-20-2006, 04:14 AM
صباح احمد صباح احمد
تاريخ التسجيل: 02-04-2005
مجموع المشاركات: 2082
ومنذ دخولها المدرسة كانت ريم هي الاولى علي بنات صفها لمدة ثلاثة اعوام..وفي كل عام كانت نتيجتها تأتي وعليها توقيع استاذة الصف بأن ريم ذكية وهادئة ومتعاونة وممتازة فى دروسها مع الامنيات بدوام التفوق..
قالت لي صباح هذا اليوم ودون سابق انذار _ريم دة اسم اصلو ما بكبر ..اسم اطفال وبس قلت:طيب..كنتي دايرة يسموك منو ردت بسرعة: امل يا رقية يا فاطمة سألتها:بتحبي من؟ اجابت:انتي.. ثم عادت للقول: خليهم خمسة قلت:طيب..اكتر خمسة بتحبيهم منو؟ ردت بسرعة: انتي ..امي..الجدو_تقصد والدي_ الوية_تقصد شقيقتها الصغري ولاء_ يا حبوبة_تقصد والدتي_ يا وفاء _تقصد شقيقتها الكبري وفاء.
قلت: لمن تكبري دايرة تقري شنو سألت: كم حاجة؟ _اتنين *دايرة اقرأ طب وقانون عادت تسأل مرة ثانية: _صباح..قانون دة يعني شنو؟ وقبل ان اجيب قالت وهي تضحك: تلقيك قلت في سرك طالما ما عارفة قانون يعني شنو قلتيهو ليه..
قلت: تعرفي اسم زول فى الحكومة؟ هزت رأسها بأن لا قلت: ولا الرئيس البشير؟ قالت: لا دة بعرفو..وبعرف جون قرنق.. قلت: طيب هسة الزول دة وين؟ ردت بسرعة: ميت..وقع من طيارة.. سألتها: طيب بتتقعي للسودان دة شنو؟ شألت بدورها: كيف يعني؟ اجبتها: يعني ماشي للاحسن ولا للاكعب.. قالت: للاحسن.
11-20-2006, 05:10 AM
صباح احمد صباح احمد
تاريخ التسجيل: 02-04-2005
مجموع المشاركات: 2082
سألتها: بتعرفي الصادق المهدي؟ سألت: كويس..مش دة الزول الصورتو كبيرة في دولابك. اومأت براسي ان نعم,وسألتها:طيب..بتعرفي مولانا الميرغنى: اجابت بأن لا.. _طيب..الترابي _ الترابي دة ياتو..الكتلوا صاحبك.._تقصد هاشم بدر الدين وكنت قد حدثتها عن قصته مع الترابي في اعقاب حوار فكرت في اجرائه مع هاشم_ قلت: ما كتلوا لسة.. سألتها: طيب بتعرفي منو من ناس دارفور اجابت: بعرف الزول الفي الصورة الكبيرة المعلقة جوة_تقصد صورة عائلية لا علاقة لها بدارفور.
11-20-2006, 05:17 AM
صباح احمد صباح احمد
تاريخ التسجيل: 02-04-2005
مجموع المشاركات: 2082
سألتها: طيب بتحبي منو من الفنانين والفانات؟ سألتني: كم يعني؟ قلت: واحد منهم بس.. ردت بسرعة: شاكيرا.. قلت: بتحبي المدرسة؟ ردت بنفاد صبر: آآآي قلت: رأيك فيها شنو؟ ردت وهي تتثاءب: كيف يعني؟ وقبل ان اجيب علي سؤالها قالت: ياخي كفاك انا دايرة انوم لسة الوقت بدري علي المدرسة..
11-20-2006, 04:48 AM
خالدة البدوي خالدة البدوي
تاريخ التسجيل: 03-05-2006
مجموع المشاركات: 1816
كل الأمنيات الطيبة لريم و عمراً مديداً بإذنه تعالى .. و نسأل الله تعالى أن يحفظها وذويها بحفظه و أن يديم عليهم جميعاً عنايته و يوفقهم بتوفيقه .. آمل يا صباح أن تبلغي ريم حبنا لها و فخرنا ببنجاحاتها و تفوقها و أمنياتنادوماً لها بمستقبل زاهر و مشرق إن شاء الله تعالى ..
11-20-2006, 06:27 AM
Dr. Moiz Bakhiet Dr. Moiz Bakhiet
تاريخ التسجيل: 05-20-2004
مجموع المشاركات: 9044
كل سنة وريم وهي (يعني أنت) وهن (يعني حبوبة).. وهو(يعني جدو) وهؤلاء (يعني كل العائلة) وأولئك (يعني العائلة الممتدة) وهلمجرا (يعني كل الشعب السوداني) بالف خير...
__________________ صحيح ما بعرفكم لكن تجمعني بكم سماء وهوية هذا الوطن القارة
11-22-2006, 08:42 AM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صباح احمد
خالدة البدوي
عصام دهب
Dr. Moiz Bakhiet
عبد المنعم سليمان
سجيمان
طارق جبريل
ابو عثمان
Kamal Karrar
رأفت ميلاد
فيس بوك
تويتر
انستقرام
يوتيوب
بنتيريست