|
Re: ما تقطعي قلبنا... (Re: رشا سالم)
|
Quote: اتمني ان نخطو خطوة عملية الي الامام لنحدد اشخاص بعينهم خارج وداخل السودان ينشطون في الاتصال وجمع المعلومات ان الوضع الصحي للاخت غادة اصبح حرج جدا وهي تحتمل ما لايطاق ولان المبلغ كبير جدا......بالنسبة ولنا داخل السودان كما ارجوان نبحث جميعا عن جهات متبرعة لدعم مثل هذه العمليات في الداخل والخارج. هذه الحملة ضخمة تحتاج الي ان نتعاون جميعا.
|
ده جزء من مداخلة للاخ علي عجب في البوست بتاعه لانقاذ غادة..
البوست ده اتكتب يوم 30 شهر مايو..
مجموعة من الاخوان كانوا متبنين مأساة غادة اليومية..
ومتابعين معاها لحظة بلحظة..
علي سبيل المثال: الاخ علي عجب..
الاخ معاوية كرفس..
الاخ طلال عفيفي..
الاخ حسين ملاسي..
الاخ خضر حسين خليل..
ده علي سبيل المثال لا الحصر..
| |
|
|
|
|
|
|
Re: ما تقطعي قلبنا... (Re: رشا سالم)
|
اتصلت علي الاخت غادة قبل شهور ..
واتحصلت علي رقم تلفونها من بوست الاخ علي عجب..
ربنا يلبسه توب العافية وما يشوف شر يارب..
جاني صوتها متماسك وفيهو رنة تفاؤل وامل..
قالت لي الامور ماشه كويس والكربة قربت تنفرج..
| |
|
|
|
|
|
|
Re: ما تقطعي قلبنا... (Re: رشا سالم)
|
انشغلت بأمور الدنيا عن غادة ومعاناتها..
فتشت عن البوست ده قبل فترة ولميت فيهو ..
كنت متخيلة اني حا القي خبر عن عمليتها..
او عن انها بتتماثل للشفاء بعد العملية..
لكن للاسف ما لقيت اي معلومة جديدة..!
| |
|
|
|
|
|
|
Re: ما تقطعي قلبنا... (Re: رشا سالم)
|
استفسرت وسألت عن غادة وعرفت انها لسة بتعاني..!
المشكلة وين؟؟
البوست ده مابيحمل اي ذرة لوم لأي شخص كان متابع موضوع غادة
من بدايته..
بالعكس..
انا كتبته اسم الاخ حسين والاخ طلال عشان اي زول
دخل البوست ده يكون عرف قصة غادة ..وتكون مسئوليته
في مساعدة الاخوان ديل ابتدت..من لحظة المعرفة..
والمعرفة اساس المسئولية..!
| |
|
|
|
|
|
|
Re: ما تقطعي قلبنا... (Re: رشا سالم)
|
البوست ده اهدافه كالآتي..
معرفة سبب التأخير بتاع العملية..وده سؤال
بيجاوبوا عليهو ناس السودان ..معاوية كرفس..علي عجب
ملاسي..طلال عفيفي..شبشة..عاصم كتة..خضر حسين ..وغيرهم
من المتابعين المشكلة الانسانية دي..
الهدف التاني خاص ببورداب السعودية عموما وبورداب
الرياض خاصة بقيادة الريس ابو جهينة..
لأني عرفت انه الاقتراح المطروح هو اجراء العملية
في المملكة السعودية..اذا كان الامر كذلك,لازم كل
الناس تعمل نفير عشان نصل لحل للموضوع ده..ونتصل بالسفارة
ونتصل بالمستشفيات هنا وده في ما لايذيد عن اسبوع..
| |
|
|
|
|
|
|
زراعة الكبد لغادة..زراعة الانسانية جوانا..! (Re: رشا سالم)
|
الهدف التالت خاص بكل البورداب..
وده مبني علي الاول..
اذا كان السبب لسه في موضوع القروش ..حتلموا القروش
لعملية غادة نوري..حتي لو كان عشرة دولار لكل عضو في
البورد ده..او ما يعادلها بأي عملة..
انا متأكدة انكم حتلموا ليها المبلغ المتبقي لو دي
كانت المشكلة..
البت عمرها 31 سنة وبتموت بشكل بطيء كل يوم..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: معاوية كرفس)
|
معاوية كرفس..
جيت والله جابك ..
التحايا ليك انت ولكل الناس الجميلين المعاك..
شلتوا مشكلة غادة زمن طويل براكم وعملتوا الربنا
سخركم لعمله..
دايرين المسئولية دي تبقي مقسمة علي كل اعضاء البورد
وحتي الزوار..
اي زول عينه وقعت علي البوست ده او البوستات السابقة
اصبح مسئول امام رب العالمين عن مجريات الاحداث..
اضعف الايمان ما مطلوب في الموضع ده!
ياريت يا كرفس ترجع تاني دلوكت وتورينا الحاصل
لأنه الزمن مافي صالح غادة..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: tmbis)
|
الاخ العزيز تمبس..
Quote: .. يستحسن يارشا ان لا نجازف بي اي قرارات غير محكمة الخطة .. ومدروسة بعناية .. نعم ان الحالة سيئة للاخت غاده واسال الله ان يقويها .. لكن ما قابلناه هنا من احباط متعلق بي طريقة المعاملة في المستشفيات ـ وأنت ست العارفين ـ جبرتنا ان لا نجازف باي فكرة مالم تكون كل المعطيات مكتملة من أوراق وفحوصات حتى تحديدا المستشفى والطبيب المعالج .. ولا اخفي عليك حتى رقم السرير المفترض يكون فيهو المريض ..
|
القصة يا تمبس بقت ما مستحملة دراسة..
ما دايرين نعمل لجان..
عندنا اجسام موجودة ..بورداب الرياض مثال..
ناس نشيطين واتصالهم ببعض ساهل ..
اذا افترضنا انه العملية مفروض تكون هنا..(كمثال)..
يبقي لازم نتحرك يا تمبس ..
اي نتيجة حتكون احسن من لاشيء..
لو بدينا في اي لحظة..حيكون احسن من اللحظة البعدها يا تمبس..
بس يا ريت اول شيء نعرف المشكلة وين..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
Quote: القصة يا تمبس بقت ما مستحملة دراسة..
ما دايرين نعمل لجان..
عندنا اجسام موجودة ..بورداب الرياض مثال..
ناس نشيطين واتصالهم ببعض ساهل ..
اذا افترضنا انه العملية مفروض تكون هنا..(كمثال)..
يبقي لازم نتحرك يا تمبس ..
اي نتيجة حتكون احسن من لاشيء..
لو بدينا في اي لحظة..حيكون احسن من اللحظة البعدها يا تمبس..
بس يا ريت اول شيء نعرف المشكلة وين.. |
المشكلة وين دي تكون مسؤولية د. رشا .. ويقوم الأخ تمبس بدعوة لجنة بورداب الرياض عاجلا .. وتتولى د. رشا بشرح المشكلة + المطلوب عمله من بورداب الرياض .. ويبقى من فرج عن مؤمن كربة من كرب الدنيا فرج الله عنه كربة من كرب يوم القيامة .. بارك الله فيكم .. النوايا تنبي عن مشاعر إنسانية دافقة .. وخير النوايا الحسن ما تبعها العمل.. ومعكم وسأسافر السودان خلال هذا الشهر .. وأعلن تضامني والمساهمة فيما تقررونه قدر المستطاع.
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: Mohamed Abdelgaleel)
|
الاستاذ محمد عبدالجليل...
Quote: ويبقى من فرج عن مؤمن كربة من كرب الدنيا فرج الله عنه كربة من كرب يوم القيامة ..
|
ربنا يفرج كربة غادة...
ربنا يبلغها العافية ..
يارب تفرح اسرتها بيها وبصحتها..
Quote: وخير النوايا الحسن ما تبعها العمل.. ومعكم وسأسافر السودان خلال هذا الشهر .. وأعلن تضامني والمساهمة فيما تقررونه قدر المستطاع. |
ياريت يا محمد نسمع من الناس في السودان ونفهم هم وصلوا وين بالظبط..!
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: محمد المرتضى حامد)
|
الدكتورة الاصيلة رشا بت سالم,
كل سنة و انت و من تحبين بالف خير و عافية
تحية صادقة لك و لما دأبت من مبادرات خيرة و اضاءات على قضايا انسانية !
رشا اضم صوتى لصوتك :
يا نااااااس :
( لسه مافي زول ادانا معلومة مفيدة). عايزين معلومة مفيدة و عااااااجلة !!!!!!
و لغادة و لكم تحايا الصحة و العافية
نادية السر
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: على عجب)
|
الي الاخت رشا سالم لك مني اجمل الامنيات اولا اشكرك علي هذا الاهتمام كما اشكر كل الذين مازالوا يتابعون الامر
لقد علمت منذ فترة طويلة من غادة نوري انكقد اتصلت بها من السعودية وانك ستسعين لايجاد حلول هناك. وانا اقدر لك ذلك الاتصال ولما لمسته من تقدير من غادة لهذا الاهتمام.
اما بالنسبة لاخر التطورات فاننا راينا ان تذهب غادة الي السعودية لاننا وجدنا ضوء اخضر من اصدقاء في السعودية من ضمنهم بدر زيادة والفكرة وصلت مرحلة انتظار الفيزا من السعودية لتسافر علي الفور. المطروح الان ان تحصل غادة علي اعفاء كامل او جزئي من قبل السلطات الملكية السعودية او تجمع بقية التكاليف من السعودية لاجراء العملية قد تكون هنالك بعض المحازير كما وردت في مداخلة بعض الاخوة لكننا رئينا ان وجودها في السعودية علي الاقل من ناحية اجراء فحوصات جديدة اسلم. اخيرا ارجوا ان اطمئنك واطمئن كل المهتمين ان غادة نوري الان بصحة جيدة وقد زرتها في ثالث ايام العيد ووجدتها كعادتها قوية وجميلة وتدعوا لكل من يقف معها بالخير. اشكرك يادكتورة واعدك بان اواصل متابعة الامر معك اما بالنسبة لانقطاع متابعة البوست السابق فهو فقط لظروف سفر وغياب وضغط العمل ليس الا وهذه سانحة لان ننشطه من جديد.
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: على عجب)
|
الاخ علي عجب..
ربنا يجعله في ميزان حسناتك..
ان لله عبادا اختصهم بقضاء حوائج الناس..
وانت منهم يا استاذ علي..
غادة تستحق الاهتمام ..
وربنا يحفظها وينعم عليها بتوب العافية..
يا ريت توضح لينا اكتر..
Quote: اما بالنسبة لاخر التطورات فاننا راينا ان تذهب غادة الي السعودية لاننا وجدنا ضوء اخضر من اصدقاء في السعودية من ضمنهم بدر زيادة والفكرة وصلت مرحلة انتظار الفيزا من السعودية لتسافر علي الفور.
|
يعني الفيزا طلعت من السلطات السعودية ولا لسه في طور الاقتراح؟
Quote: المطروح الان ان تحصل غادة علي اعفاء كامل او جزئي من قبل السلطات الملكية السعودية او تجمع بقية التكاليف من السعودية لاجراء العملية |
في برقية اتقدمت باسمها في الديوان الملكي ولا نقدم ليها؟؟
Quote: اخيرا ارجوا ان اطمئنك واطمئن كل المهتمين ان غادة نوري الان بصحة جيدة وقد زرتها في ثالث ايام العيد ووجدتها كعادتها قوية وجميلة وتدعوا لكل من يقف معها بالخير.
|
ربنا يقبل دعانا ليها وتكون في خير وصحة وعافية..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
رشـــا تألمت كثيراً بعد أن عدت لهذا البوست الآن من آخر مداخلة لي .. وكنت كتبت
أرجو أن يسامحنى ضميري .. فكلمة ليس التي سقطت عن دون عمد لا اغفر لهــا ولن أغفر لتسرعي .. أرجو أن يسامحنى كل من قرأ ردي ولم يجد لي العذر في هذا السهو .. وقمت بتعديل الآن وكلي آسف لهذا السهو الغير مقصود بدون شك .. فما يقدمه البعض هنــا من تواصل روحي حتى ولو بكلمة يساهم بها في رفع البوست إلى الأعلى قمة الإنسانية واسأل الله أن يوفقنــا .. ونرى غادة بيننا تنعم بكامل الصحة وليس ببعيد على خالق العباد .. كما ذكرت يارشا تجديني أمامكم .. ومداخلتي اعلاه كان من جانب خوفي على أن يمر الزمن ويتسرب من أيدينا الأمل .. فالتجارب المحبطة هنــا ربما تكوني عايشتي بعض تجاربهــا .. لكن بالتنسيق مع الجميع في كل مكان وكل قادر على مد يد العون إن شاء الله بأمكاننا ان نفعل ما عجزنــا عنه قبلا .. هذه ملحمة إنسانية أخرى تؤكد معدنكم .. وتؤكد أهمية هذا المكان لنــا جميعاً كقيمة انسانية في المقام الأول ... اتضرع للمولى عز وجل سميع الدعاء أن يكلل كل هذه المساعي بالنجاح .. ونرى غاده بيننا تشاركنــا فرحة عودتها لنـــا سالمة متعافية ..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: tmbis)
|
اخي العزيز تمبس..
Quote: أرجو أن يسامحنى ضميري .. فكلمة ليس التي سقطت عن دون عمد لا اغفر لهــا ولن أغفر لتسرعي .. أرجو أن يسامحنى كل من قرأ ردي ولم يجد لي العذر في هذا السهو .. وقمت بتعديل الآن وكلي آسف لهذا السهو الغير مقصود بدون شك .. فما يقدمه البعض هنــا من تواصل روحي حتى ولو بكلمة يساهم بها في رفع البوست إلى الأعلى قمة الإنسانية واسأل الله أن يوفقنــا .. ونرى غادة بيننا تنعم بكامل الصحة وليس ببعيد على خالق العباد ..
|
..
اي انسان بيعرف تمبس اكيد حيعرف انه في غلطة في الكلام..
انا عارفه انك كنت جزء من منظومة كبيرة ساعدت في انقاذ احد الاصدقاء..
بورداب الرياض معروفين ناس حارة وبأذن الله كلنا نقيف مع غادة..
لا تأسف صديقي..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
لانك انتي روح الناس... بقيف الكل ... يبارك نفسو بين ايديك ويبث افراحو في الدنيا بعد مايشوف فرح عينيك....
العزيزه ... رشا
كما عهدناك دائما سباقه للخير.. نضم صوتناواصوات اخرين وربنا يسوي الفيهو الخير للجميع وانشاء الله ربنا يجعله في ميزان الحسنات...
وانشاء الله ماتشوفي شر..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
دكتورة رشا جميل منك فتح هذا البوست الانساني وعلى العموم نحن مستعدين لاي مساهمة في موضوع العلاج وبخاصة موضوع المساهمات المالية من الشيوخ هنا بالمملكة العربية السعودية
مستعد لتقدم طلبكم لمؤسسة الجميح الخيرية لاني اعمل ضمن منظومة الجميح القابضة واستعد ان اصل لهم مدعوما بخطاب واوراق ثبوتية او حتى صور منها
صلاح غريبة - الرياض شركة الجميح القابضة
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: ghariba)
|
الاخ صلاح غريبة..
Quote: مستعد لتقدم طلبكم لمؤسسة الجميح الخيرية لاني اعمل ضمن منظومة الجميح القابضة واستعد ان اصل لهم مدعوما بخطاب واوراق ثبوتية او حتى صور منها |
كلامك سمح شديد يا غريبة..
انا بحاول اتحصل علي الورق واوصله ليك..
ربنا يديك العافية والصحة..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: Mohamed Abdelgaleel)
|
الاستاذ محمد عبدالجليل..
اتصلت بزول في مستشفي الحرس الوطني الرياض..
قال انه التكلفة بتاعت العملية بتصل لمبلغ 280 الف ريال..
المبلغ كبير لكن حسب علمي في مبلغ موجود already ..
يعني ممكن الناس تبدا تجمعها من دلوقت ..
كل البورداب في كل العالم اكيد حيشاركوا بالحاجة البيستطيعوها..
انا حاتصل بالاخوان في السودان..وبالاخت غادة ونشوف رقم حسابها كم..
وباذن الله القروش ما تكون عائق..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
Quote: اتصلت بزول في مستشفي الحرس الوطني الرياض..
قال انه التكلفة بتاعت العملية بتصل لمبلغ 280 الف ريال..
المبلغ كبير لكن حسب علمي في مبلغ موجود already ..
يعني ممكن الناس تبدا تجمعها من دلوقت ..
كل البورداب في كل العالم اكيد حيشاركوا بالحاجة البيستطيعوها..
انا حاتصل بالاخوان في السودان..وبالاخت غادة ونشوف رقم حسابها كم..
وباذن الله القروش ما تكون عائق.. |
والأمر كذلك .. فأرى أن تنزلي بوست الآن يكون أكثر وضوحا به رقم الحساب .. ويكون بعنوان واضح .. أٌقترح:
معاً لعلاج الأخت : _________ وبه شرح مبسط لحالتها الراهنة .. والمطلوب..
كلل الله مساعيك بالنجاح ..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: Mohamed Abdelgaleel)
|
الاخ محمد عبد الجليل وكل الاخوان..
حاولت اتصل بالاخت غادة عشرات المرات لكن ما اتوفقت..(ضعف في الشبكة)
اتصلت بالاخ معاوية كرفس ..
اتفقنا علي انه يكتب رقم حساب غادة بالتفصيل ..
وده حيكون خلال اليوم ده..
بعد كده حنعمل بوست تاني ونداء لكل الناس ..
لجمع ما تبقي من المبالغ المطلوبة..
ايدكم مع غادة..
في انتظار رقم الحساب يا معاوية..
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
د. رشا سالم
سلامات
هذا موقف انساني تستحق الاشادة والتقدير علي طرحة .
القصة يا تمبس بقت ما مستحملة دراسة..
ما دايرين نعمل لجان..
عندنا اجسام موجودة ..بورداب الرياض مثال..
ناس نشيطين واتصالهم ببعض ساهل ..
اذا افترضنا انه العملية مفروض تكون هنا..(كمثال)..
يبقي لازم نتحرك يا تمبس ..
اي نتيجة حتكون احسن من لاشيء..
لو بدينا في اي لحظة..حيكون احسن من اللحظة البعدها يا تمبس..
بس يا ريت اول شيء نعرف المشكلة %
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
.
الأخت العزيزة د/ رشا سالم
أشكرك علي الاتصال التلفوني
لقد شرح لكم العزيز / علي عجب الموقف الآن
وهو أن غادة ومرافقها في انتظار الفيزا من السعودية
و التي حسب معلوماتي سوف تصل في الأيام القليلة القادمة
سوف أجتهد في مدكم بعنوان الأشخاص الذين يتابعون
هذا الإجراء في السعودية ( وهم من أقرباء غادة )
حتي يمكنكم التصال بهم و مشاركتهم جهودهم
أما بخصوص رقم حساب غادة بالسودان فهو :
BLUE NILE MASHREQ BANK
Main Branch. Khartoum
Account No: 6970
Ghada Mohamed Osman Nouri
بنك النيل الأزرق المشرق
الفرع الرئيسي الخرطوم
حساب رقم: 6970
غادة محمد عثمان نوري
مرة أخري لك كل الشكر وكافة المتابعين
.
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
Quote: المطروح الان ان تحصل غادة علي اعفاء كامل او جزئي من قبل السلطات الملكية السعودية او تجمع بقية التكاليف من السعودية لاجراء العملية |
أها ، بالواضح كده ،، المافاضح عايزين قروش عاجلة جدآ بادر الهميم كرفس بالأعلان عن حساب في بنك المشرق في الخرطوم
مباشرة المطلوب التالي : 1- تحديد المبلغ المطلوب ، تحديدآ 2- نشوف المساهمات من الزملاء وكل زول يسمي مساهمتو بشفافية تامة علمآ بأن ريال واحد حا يؤثر
يفتح بوست جديد عاجل ، تفتحه رشا سالم يحدد فيه المبلغ المطلوب وتكتب فيه المساهمات
والمطلوب برضو من أي عضو أن يسمي مقدرته/ مساهمته مهما كان مقدارها ونرحب بمساهمات الأصدقاء الزوار التي يمكنهم الإعلان عنها في أي ايميل متوفر في البروفايل من ايميلات الذين إتصدوا للموضوع زي عفيفي وملاسي وكرفس وخضر حسين خليل ورشا سالم
أنا جاهز
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
.
العزيزة د/ رشا
غادة في كل الأحوال ذاهبة إلي السعودية
أنا قمت بإنزال رقم حساب غادة
فقط علي حسب طلبكم
لكني أعتقد أن الأولوي لكم هو الإتصال
بالمجموعة التي هي ساعيةالآن في قدوم غادة للسعودية
( موضوع التأشيرات )
لتوحيد الجهود وتقديم كل المساعدات
.
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: رشا سالم)
|
االدكتوره رشا .. تحياتي ..
تحياتي صديقي عبد الكريم ..
وبما انني زول تعيبان اليومين ديل ولا عندي خيل اهديها ولا مال سانسق مع الاخ معاويه غدا وهذه مني 50000 جنيه سوداني بسيطه ومتواضعه وقدر حالي ساضعها صباحا في بنك المشرق ..
شاكرا لكم مبادرتكم واني عاجز عن الشكر ..
ملحوظه : تم الاعلان عن القيمه لتواضعها ولفتح الباب ..
عاجل الشفاء ..
منعم
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: بدري الياس)
|
الحاصل شنو يا حسين ملاسي وطلال عفيفي..؟؟؟؟؟
.
الي اهل الخير واصدقاء غادة نوري فالنقف معها لاجراء عملية زراعة كبد
.
هام و عاجل و عاجل و هام عايزة صور التقاريرالطبية غادة نورى و هسه !
.
من الدوحة سلام والف سلامة ..اختنا الغالية غادة نوري...
.
الفزعة ..يا حبان (نداء لكل البورداب وزوار الموقع)
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: سمرية)
|
الو اتصال من غادة . اهلين كيفك معليش طولت ما اتصلت بيك تلفوني سرقوه مني . الاخبار الاخبار تمام اخر حاجة وردي قال هو متبرع يعمل لي حفلة برضو, لكين عنده حفلة يوم 6/1 في المسرح القومي وعنده بعدها ظروف سفر , وقلنا احسن يكون في فرقة بين الحفلتين يعني تكون بعد العيد. تمام خلاص نحنا نجتهد مع ناس عقد الجلاد وساورا ونشوف بعد العيد مع وردي .
...... انورعقد الجلاد بضرب لي طوالي بصبح وبمسي علي وقال لي انا والشباب مجتهدين حانعمل ليك حاجة . ...... بعد موضوع الجريدة (اللقاء في صحيفة الراي العام) في ناس كتيرين بضربو لي وبتونسو معاي , وفيهم ناس عملو العملية واحد عميد عملها في الصين. يعني عاملين ليك ازعاج لا لا بالعكس مونسني شديد وانا كمان بحب الونسة انفع كنت اكون محامي . .. في دكتورة تعمل في زراعة الكبد في الصين سودانية قالت حاتعمل لي محاولات هناك سعرها هناك اقل وفي تجارب قيمة في زراعة الكبد عنهم وبتكلف كلها 50.000 دولار بما فيها النسيج . .. فيب زول اسمه العكدابي راجل عندة مصنع ظريف قابلته هو نفسه عمل العملية وهو الايام دي ماشي ايطاليا اخوه جراح في المانيا شال الورق ووعدني انه حايشوف معاه وقال لي انا ممكن اساعدك ماعندك مشكلة لكن قال لي اهم حاجة يكون في قروش بعد العملية لانه في تكاليف كتيرة جدا . .... يلا تاني شبه لقيت لي حتة منظمة تامين عالمي اسمها pupa في الخرطوم وهي بريطانية وعرفتها عن طريق ناس جوني قالو بتهم عملتها عن طريق المنظة دي قالوا بتتحمل التكلفة والاقامة عليك ومحتاجين قروب يامنوا عندهم قابلت المسؤلة وقالت يجي قروب يامن عندهم مجموعة 10 انفار القروش السنوية الف وخمسمائة دولار سنوي . يكون العشرة اشخاص مضمونين يواصلوا في التامين حتي اعمل العملية .والتامين الاقل 1400 $ حسب الفئة العمرية ممكن من جهات مختلفة .
برضو قابلت الدكتور البتابع معاه قال الحالة مستقرة خالص وناس الاردن كلامهم فيه تضخيم عشان استعجل ما اتاخر في اجراء العملية قال ممكن اذا حافظت ناخد زمن من غير مشاكل لحد مانعمل العملية وكان اداني حبوب بترفع السكري , حا ارجع له تاني عشان نشوف. المهم انا كويسة وماعندي مشكلة. .
| |
|
|
|
|
|
|
Re: الحاصل شنو يا حسين ملاسي وطلال عفيفي..؟؟؟؟؟ (Re: على عجب)
|
علي عجب....
الحمدلله علي الاخبار الجميلة دي...
انا حاسة انه غادة بتفضل تعمل العملية في الصين...
بس ما عارفه المبلغ ممكن يتجمع كله؟؟
الحاجة الكويسة في السعودية انه ممكن نتحصل علي امر ملكي بموجبه تكون العملية مجان..
طبعا دايره تعب واتصالات تقيلة لكن ممكنه...
اذا اتعملت حفلة لوردي بالاضافة لحفلات عقد الجلاد وساورا..ممكن يكون عندنا مجال
للحركة في اتجاه الصين...
غايتو ربنا يسهل الامور ويديها الصحة والعافية وطولة العمر في مرضاته يارب...
| |
|
|
|
|
|
|
|