|
|
|
 Re: Boney M.....ذِكْرَيَات؟ (Re: Elnasri Amin)
|
الاخ النصري امين
في العام واحد وثمانون اذكر جدا هذه الفرقة وشريطها الشهير كان احد اقربائي يمتحن للشهادة الثانوية حينها وكان معنا اذكر انه كان دائم الاستماع الي شريطهم الشهير ذلك والذي كنت احفظه عن ظهر قلب دون ان اعي اي اغنية ما تعني ... ايامها كنت في السابعة من العمر (عشان ما تقولي جيلي وجيلك ..لووووووووول) كنت احب جدا تشغيل اغنية سرقة البنك لانه قام بترجمتها لي لذا ارتبطت عندي الفرقة بسرقة البنوك واغنية اخري لا اذكر منها سوي chalalalaaaaaaa بالعربي ما بتجي طبعا اذا كنت تذكر اللحن حتما ستذكرها اذكر ايامها كان منتشر شريط للفنان الجديد نجم الدين الفاضل الذي يغني يا حليلك يا اسمر ابيت لعيوني تظهر حارمني الوصال واغنية وين السلبة ودرب البير يا ود باقير واغنية يا حنان يا حنة يا زهور في جنة ..وعبد العزيز المبارك (قاتل قلوب العزاري حينها) واغنية يا عسل رايق مصفي يا عيون كاتلانا الفة فيك شفا للناس ونحن بالقليل منك بنشفي ... وفنان البرنسات وقتها مجزوب اونسة كل هذا ظهر مع البوني ام في فترة واحدة راسخة في ذاكرتي حينما بدأت اتفتح لسماع الغناء وانتبه له ذلك الزمان والغريبة هذه الفترة فقط هي التي ظلت راسخة في زهني ووعيتها تماما ولا اذكر الفترة التي جاءت بعدها مثما اذكرها وظهور فرقة الاصدقاء المسرحية والفنان العميري
لا ادري لما هذه الفترة كانت مميزة في تاريخ ذاكرتي ؟؟
| |
 
|
|
|
|
|
|
|
|
Re: Boney M.....ذِكْرَيَات؟ (Re: Elnasri Amin)
|
لاحولا يا اساسى
عندك ذاكره فوتغرافيه..
ده كلو وعمرك سبعه سنين بس...
طبعا اكتر زول مشهور عندو الذاكره الفوتغرافيه هو
بيل كلنتون الرئيس الامريكى السابق..
يقال انه يستطيع تذكر كتاب كامل عقب قراءته
ساحاول جمع بوست عن هذه الظاهره الفريده....
اذكر و نحن فى الثانوى العالى كنا بنسك الحفلات
واول ما نسمع مكرفون حفله بنتابع الصوت لغاية ما نصل
مره مشينا حفله و لقينا الفنان بيقلد فنان اسمه التازى
نحن اساسا عندنا راى فى التازى سيد الاسم و لمن لقينا اخونا
ده بيقلد فيهو رجعنا بيوتنا و اكتفينا بحضور برنامج السهره
فى التلفزيون اسمه لقطات
هل تزكر لقطات ؟
| |
|
|
|
|
|
|
|
|
|
Re: Boney M.....ذِكْرَيَات؟ (Re: Elnasri Amin)
|
الاخ نيوبى
مرحب بيك فى البوست
ياحبيب مافى تهديد..
بس انت قول ..من ياتى جيل؟
وممكن نختبرك..
هل حصة التسميع فى المدرسه
فى نشيد يبدا ب
قد كان عندى طاير....فى قفص من ذهب
الاخ الحليله
يازول ماعندى اى مانع نعمل بوست حول الذاكره الفوتغرافيه
اجمع المواد و رسلها لى بس حاول تكون المعلومه مبسطه وبلغه
سهله فالهدف لنشر المعلومه هم الناس العاديين.
عندى ايميلاتى و تلفونى ..
و انا جاهز.
الاخ صفوت
تحيه طيبه
طالما عرفت برنامج لقطات ممكن تعرف لى
مسلسل سودانى ناجح جدا جدا اسمه الوطاويط
عرض فى التلفزيون السودانى فى سنة 1970-1971
ادينى اى معلومه عنه.
انا بتزكر المسلسل ده لسبب واحد
انى كنت راقد فى مستشفى القرنتيه"امدرمان"
و ما حضرت الحلقه الاخيره.
| |
|
|
|
|
|
|
|
|
|
Re: Boney M.....ذِكْرَيَات؟ (Re: Elnasri Amin)
|
Dear Nasri
I wounder if you could remember me, I am an X St. Catharinian. This is a great group, Last year .
they visited our city ( Edmonton) and performed That was amazing
are you in touch with Al Bagir
salam
sharif
| |
|
|
|
|
|
|
|
|
|
Re: Boney M.....ذِكْرَيَات؟ (Re: Elnasri Amin)
|
معليش يا نصري
لم اتابع الوطاويط.. لكن اتذكر اداء المخرج السوداني محمود ياسين لدور ضابط شرطه.. و قد اكون مخطاءا فحينها كنت مشروع ممثل طفل مع الابوين المرحومين محمد رضا حسين و احمد قباني .. لكن انا من جيل مسلسل كورينا....
| |
|
|
|
|
|
|
|
|
|
Re: Boney M.....ذِكْرَيَات؟ (Re: Elnasri Amin)
|
الاخ وليد صفوت
اسمح لى ان احنى قبعتى لك, فقد تفوقت على تماما.
| Quote: لكن انا من جيل مسلسل كورينا.... |
فانا لا اذكر كترينا المسلسل و لكن و مجهود تذكرت كترينا الشارع.
يبدو اننا من جيل واحد...
ذلك الجيل الذى تم تغيير المرحله الاوليه الى الابتدائيه..
و ذياده سنوات الدراسه الى سته بدلا من اربع ..
ومحى الدين صابر...
مظاهرات شمالك قزازك..
وتغيير الزى المدرسى من جلابيه الى" رداء"
حاولت عمل جرد لذاكرتى و اكتشفت ان اقدم صفحه فيه كانت و انا عمرى 5 سنوات ..
كنت مع العم عبدالعزيز فى سيارته الفولجا الروسيه..
توقف لاداء بعض الحوائج فى مبنى البلديه فى بدايه شارع العرضه...
تركنى فى السياره لوحدى وقال لى انه سيعود بعد دقيقتين.....
و لكن و بعد مرور دقيقه واحده تملكنى خوف رهيب من الناس
والباعه المتجولين حول المبنى...
خرجت من العربيه و ظللت هائما لعده ساعات على امل الوصول
الى سوق امدرمان حيث محلات الاسره فى "القصيريه" فى مواجهة
موقف الطراحات...
ساعدتنى اكشاك الفاكهه فى مواجهه البوسته للوصول لهدفى حيث وجدت
حاله طوارئ معلنه و استغرب الجميع كيف لطفل فى الخامسه يجد طريقه
هكذا و نسوا ان منظر الموز و المنقه كان بوصلتى و ماذالت.
| |
|
|
|
|
|
|
| |
اساسي
elhilayla
Walid Safwat
Ahmed Al Bashir
فيس بوك
تويتر
انستقرام
يوتيوب
بنتيريست