|
|
 جاء في الاخبار ... لن نسلم مواطن ليهان في الخارج علينا الطلاق 1
|
جاء على لسان رئيس البرلمان المنتخب ان السودان لن يسلم متهم واحد الى الخارج ليزل ويهان ويطيع الامريكان واننا ما دمنا نتعاون بهذه الصورة الكبيرة مع المخابرات الامريكية وبعزة النفس الشايفنها انتم لن يجرؤ احد على اجبارنا على تسليم مواطن او مسئول الى محكمة العدل الدوليةلاننا سنتولى نحن تأديب واهانة المواطن المطلوب وغير المطلوب... هو في عدل في العالم ده نحن وبتوفيق من قوش كوش قوش تمكنا من خديعة المخابرات الامريكية وتعاملنا معها لابعد حد في ملف بن لادن الاجرامي ودسينا ملفه المالي و وبالتالي تمكنا من الانفراد بجون قرنق ورفاقه من الشمال وحتشوفوا ح نصيعهم كيف والله والله والله وعلينا الطلاق من كل الزوجات القديمات قبل انقلاب الانقاذ ح نعمل انتخابات وح نفوز فيها وح ندي جماعة الجنوب النسبة التي تحددها المخابرات الامريكية ولو لقينا منهم اي تحيز للجماعة ديل او ديك ح نفتح ملف جديد من ملفات الاغتيالات والمرة دي ما ح نديهم اي معلومة الا اذا اقسم قرنق بعدم الطموح في منصب اعلى من نائب الرئيس والله والله والله سنقيم المشروع الحضاري زي ما دايرة امريكا وتعمل الدايرة في البلد وح نوسع التعاون في كل المجالات الامنية والاقتصادية وال..... بس بشرط ان يخلوا الجاز يواصل دعم الاخوان من عائدات الفائض من البترول بعد ماتاخذ امريكا حصتها وهديتها معها وجون الدين اخونا في الحكم حصتوا ولو قدرنا كمان ندي شوية لي بتاعين دارفور بعد ده نحن الشرق والشمال لينا معاهم تعامل خاص والبفضل بكفينا كلنا...
أيها الشعب السوداني الفضل
نعدكم ونقسم لكم باغلظ الحلفان ان امريكا في النهاية ح تقتنع بالمشروع الحضاري وح تسرق افكارنا دي عشان تنقلها الي بلدانهم التي تفتقر الي مثل هذه المشاريع الحرامية (الحضارية) ونحن ما خايفين منها لاننا عرفناها دايرة مننا شنو وما بقصر نحن ابدا.. وتاريخنا في الشغل ده طويل نعرف للمكايدات واللف والدوران بصورة تحير ابليس ذاتوا
والسلام عليكم ورحمة الله
رئيس البرلمان المنتخب من قبل الرئيس المنتخب من قبل من ... الله اعلم
|
|
 
|
|
|
|
الرفاعي عبدالعاطي حجر
فيس بوك
تويتر
انستقرام
يوتيوب
بنتيريست