|
|
|
 Re: نكتة أضحك قدر قدرتك والباقي خلى لي بكرة (Re: أبوالريش)
|
جنى الاكرم
واحد دنقلاوى مر بى جماعة قاعد جنب البحر ..سألهم
يااهوانا انشاء الله الهصل خير مالكم قاعدين جنب البحر دى ؟
رد عليه مهمد خير ..والله ياابد الله بشير دى ليها ستة يوم من نزلت البحر ولسة ماطلعت!!
رد عليه عبدالله.. لاحولاااااااا ياربى بشير دى بتكون ماتت؟!!!
جنى
البسمة التى ارسلتها رائعة ..وبحق نحن فى حاجة لان نضحك قليلا ..رغم كثرة النواح!!
تسلم ولك كل الاحترام..
| |
 
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: المسافر)
|
جني ضحكتني وانا زعلان
والله فكرة جميلة وشوية نطلع من جو السياسة والنكت
وهي دي واحدة وما يجيني واحد ناطي يقول نكتة بايخة
راجل قال لزوجته : هل تعلمين في هذه الأيام أشعر أنني أمثل جنينة حيوانات؟ سألته الزوجة مستغربة لماذا؟ قال: لأنني أستيقظ صباحاً مثل الحصان و أذهب لأعمل مثل الحمار وأعود مساءً ألهث مثل الكلب و أخيراً أنام بجانبك يا بقرة
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: Tragie Mustafa)
|
أدروب قبضوهو سكران أيام النميري جلدوهو وسجنوهو
جا راجع الخرطوم بعد سنة, لقي الإنتفاضة مدورة والمظاهرات مالية الشوارع
ياجماعة في شنو؟
يا أدروب دي الإنتفاضة
أنتفادة يعني شنو؟
يا أدروب خلاص نميري شالو وبعد كده تسوي الدايرو..
قام أدروب مشى سكر سكرة قوية ومشى نقطة البولبس عديل
يا سعادة الضابط::
مالك يا أدروب داير شنو؟
سجل عندك أنا أدروب مهمد أدروب
ســــــكران وشيوعي كمان
| |
|
|
|
|
|
|
|
|
 Re: نكتة أضحك قدر قدرتك والباقي خلى لي بكرة (Re: jini)
|
*** مسطول سال مسطول عن المسطره التي يحملها
طلبة الهندسه علي ظهرهم دي شنو ??
• قال ده اظنوا سيف الجامعه البيقولوا ؟؟؟
** محششين وقفو في نقطة تفتيش السواق طلع الاثبات؟؟
قال الثاني علي الطلاق ماتدفع
** سواق تاكسى محشش
اشر له واحد فى الشارع ..تاكسى تاكسى قال عارف عارف
إتنين لقو ليهم بيضة في طريق القطر بقو يتغالطو واحد بيقول
دي بيضة دجاجة والتاني بقول لأ بيضة حمامة ،
جا واحد مسطول ماري بيهم سألوه دي بيضة شنو ؟
قاليهم لقيتوها وين ؟ قالو في سكة القطر ،
شال البيضة عاين ليها كدة وشمّاها؟؟؟
قاليهم دي عايزة ليها كلام ، دي بيضة قطر؟؟؟؟
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: singawi)
|
الله
جنى العزيز
والله تستاهل شهادة تقدير عديل كده!!
اييوة شفت بوستك ده خلا المتشاكلين يتصالحو ويتصافوا كيف؟!!
ياسلاااااااااااااام
ياريت اى اتنين بينهم اى خلاف فكرى ..ايدلوجى ..وغيره يجو بوست جنى ده يضحكوا ويتصالحو ويتصااافوا وفعلا الدنيا شن فيها ؟!!..اخرتها كوم تراب!!
ياناس متشكرة جدا انو نكاتى عجبتكم
وانتظرونى اتزكر ليكم واحدة تانية
ياجنى الغالى انشاء الله ماعدمناك ياولدنا..
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: jini)
|
واحد انقلب بيهو لورى شايل سمك هو وأصحابو ، الناس جو ساعدوهم ومرقوهم من اللورى ، وسألوه : انت يا زول سليم ولا نوديك المستشفى ?
شال ليهو سمكتين طبقن وقال ليهم انا تمام والحمد لله اللقيت مركوبى جنبى !
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: ست البنات)
|
بت حنكوشة جات لسيد دكان من دكاكين الأحياء الفلبانة ، قالت ليهو :
عندك جبنة ?
قال ليها : لا والله ( وهو مبحلق فيها وبيرد ساكت من غير تركيز )
عندك جيلاتى ?
قال ليها : لا والله ،
قالت ليهو عندك شنو ?
قال ليها : عندى جحنية ...
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: jini)
|
Quote: جعلى سالوه : الغربة كيف؟؟
قال: شدة ماحارة عينك للشايقى تمشى تسلم عليهو !!!! |
والله يا ناديه الغربة كلها ماسي ودي من اكتر ماسيها هههههههههههههه
قالو في واحد مصري قال لي سوداني ( شايقي ) والله الغربة دي كلها مااااسي
رده عليهو الشايقي قال ليهو هو مقاسك قدر شنو
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: jini)
|
أريترية كانت معانا فى البيت ، طلعنا ولما رجعنا سألناها :
هل فى ضيف زارنا فى الفترة دى ?
قالت الزول السمين ود عمكم داك !
اختى قالت ليها وصفيهو لى ، عشان ما عرفتو !
قالت ليها بفرح شديد : أيوااا ، يأكل سعوت ...(صعوط - تمباك )
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: جمال هباني)
|
واحد من العمال يسكن ريفى بحرى شمال وبساسق فجرا بلواري الحضار بإستمرار يوم اللوري إتقلب جمب الكباشى فوقعت على الرجل شوالات البصل فصاح أرفعوا منى اللوري ثم أسعف لمستشفى بحري وأعطاه الطيب أرنيك لشهر بعد الشهر صار كلما يركب اللوري يتحسس الشوالات فإذ وجده بصلا صاح بأعلى صوته قولو أقيف قولو أقيف
منصور
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: jini)
|
الشايقى الجعلى قاعدين تحت شجرة لالوب يتونسوا ، الشايقى قال للجعلى اطلع جيبلى لالوبات من الشجرة !
الجعلى قال ليهو انت محنن ???
فجأة ظهر أسد ! الجعلى طلع فوق الشجرة ، والشايقى جرى بعيد !
لما الأسد فات ، الشايقى لقى ليهو عود صغير ، قال للجعلى الأسد فات ! خوفتوا ليك
بالمطرق دا ! لكن انت وقت الله رفع قدمك ، لا تنسى اللالوبات جيبن معاك ....
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: ست البنات)
|
سلامات جنى والمجموعة
قالوا فى طفل يجى لصاحب دكان يقول ليهو عندك طحنية يرد بتاع الدكان يقول الطفل طيب ادينى عسل
ويسال الطفل لبتاع الدكان عندك بصل بتاع الدكان نعم الطفل طيب ادينى زيت والحكاية دى زعلت بتاع
الدكان وقال للطفل الا تجيب ابوك عشان يادبك والطفل راح جاب ابو بتاع الدكان شوف ياخينا ابنك دا
مجننى يطلب حاجة اقولو فى يقول ادينى حاجة غيرها الرجل زعل من ابنو وقال لبتاع الدكان انا حا اضربو
ليك حسى ان شاء عند بستونة بتاع الدكان ايوه فيى الرجل طيب ادينى سوط...
بلدينا اشتغل راعى فى السعودية والكفيل جاب ليه خراف سواكنية عشان الرجل خبير فيها وفى يوم الكفيل
زعل منو قال ليه انتو حسى الفرق بينك وبين حيواناتكم شنو بلدينا ما البحر الاحمر.
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: ست البنات)
|
الى المهاجر :
اتنين جعليين ماشيين فى الخلا ، لاقاهم رباطى ، قال ليهم جيبوا كل العندكم !
واحد عاوز يقاوم ، قام الرباطى أداه كف جامد ! وطوالى أخونا وقع فى الأرض !
والرباط شال العندهم ومشى !
قام أخوه قال ليهو : انت بس من فرد كف تقع ???
قال ليهو : لكن كان قمت ما كان عققبلى !!
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: ست البنات)
|
واحد شايقى موصل نسوان الى بيت بكاء ، بالحمار ، والمركب ، لحدى ما وشلهم القطر ، وهو زهجان منهم وخاصة من واحدة اسمها خادم الله .
قععدن فى درجة رابعة وكانت ظلام !
ويسأل كل واحدة بأسمها ، اتوهطى ? تقول ليهو ايى ، وتدعى ليهو بالخير ، اخر واحدة سألها :
خادم الله وهو زهجان منها شديد ، اتوهطتى ?
قالت ليهو : أيى ، عيللى الواطا ضولومما !
قال ليها : ضولومما ? انتى دايرى تذاكرى ????
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: ست البنات)
|
عندنا عمنا اتزوج من البلد وجاب زوجته الى عطبرا ، وطبعا الشايقية ما عندهم (زمان ) الفول فى ثقافتهم !
الصباح جاب ليها فول فى بستله ورغيف ، ومشى للشغل ، لما رجع للفطور ، قال ليهل أسرعى بالفطور !
قالت ليهو : أسوى بشنو ?
قال ليها وين الفول الجبتو الصباح دا ?
قالت ليهو : حيبيبات البليلى ? حتلتهن أكلتهن !!!
ست البنات .
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: ست البنات)
|
جماعة محس قاعدين منتظرين المركب
معاهم واحد كرعينو ماشاء مقاس 56 جادع مركبوا بالجنبة وقاعد
جا واحد رباطابي
قال ليهم منتظرين شنو
قالوا المركب
نان القدامكم دا شنو ما تركبوا تمشو تعدوا
وهاك ياستو مقال جعفر عباس عن اهلي الرباطاب والجعليين
تعلموا التسامح من الرباطاب.. أو حتى الجعليين
ربما عزز انتمائي للوطن ك"كل"، انني عشت في مدينة الدوحة مدة متصلة أطول من تلك التي عشتها في اية قرية او مدينة سودانية،.. نعم أحمل أجمل الذكريات عن مرتع طفولتي وصباي في جزيرة بدين، وأعتقد ان الله أكرمني بالانتماء اليها والى اهلها الرائعين الطيبين المبدعين، وأحب مدينة الخرطوم بحري كثيرا ليس فقط لأنها مسقط رأسي، ولكن لأنني عشت فيها طويلا وعرفت الكثيرين من مجانينها وعقلائها، وأعتبر كوستي وطني الثاني بعد بدين، فقد قضيت أجمل سنوات شبابي الباكر فيها، ولي في كل حي وحارة فيها ذكريات جميلة،.. وصحيح انني أتحدث بمناسبة وبدون مناسبة، وباعتزاز شديد عن انتمائي لنوبة شمال السودان، واعتبر كل محسي ودنقلاوي وحلفاوي قريبا لي من الدرجة الأولى، ولكن ذلك لا يعني أنني أقل اعتزازا بان صلة غير قابلة للفصم تربطني بكل قرى وبلدات ومدن وقبائل السودان،.. بما في ذلك الجعليين (رضوا أم أبوا)، وحتى أم درمان التي يمارس اهلها الاستعلاء العرقي على أهل الخرطوم بحري والخرطوم قبلي، أحبها، بل واعتقد ان الشخصية الامدرمانية متميزة في كل شيء، ولكن "مصيبتي مصيبة"، فما ذكرت اسم موقع في السودان إلا وهاج أهله وماجوا، حتى كدت أعتقد ان السودانيين جميعا ذوو أصول جعلية، ثم تحول بعضهم الى جنجويد ونوبة وفونج وهدندوة وهلمجرا،.. تقول ان توتي تتعرض لمؤامرة تهدف الى انتزاعها من أهلها فيقول التواتة ان ذلك في حد ذاته "مؤامرة"، وأورد مقطعا من اغنية دلوكة كردفانية فيعتبر اهل كردفان ذلك تشكيكا في عروبتهم،.. واتساءل لماذا هناك كلاكلة صنقعت بينما هناك كلاكلات محروسة ب"القبة" و"القلعة" فتأتيني رسالة: لو راجل تعال بطريق جبل اولياء! واحتج لأن هناك من هم مثلي "محس" ولكنهم جعلوا انتماءهم المحسي "كترانج"، فيصدر قرار بسحب جوازي المحسي!! والسبب في كل ذلك أن اهل كل قرية وبلدة وجخنون في السودان يحسبون ان الله لم يخلق مثلهم في البلاد والعباد، ولا يريدون ان يسمعوا عن أنفسهم غير المدح والبوبار والفوجاج!! انظروا يا جماعة الى الرباطاب فقد اتهمهم بقية اهل السودان بأن عيونهم حارة، وبأنهم يتسمون بالقطامة، ومصدر الاتهام والافتراء ان الرباطابي ذكي ولماح وسريع بديهة، ومع هذا فان الرباطاب لا يغضبون على النكات التي تدور حولهم، بل انهم مصدر معظم تلك النكات (آخر واحدة زودني بها مولانا عادل سمير، عن جماعة يبحثون عن قبر أبيهم.. وطال الجدل بينهم: يا هو ده، لا، ما يا هو ده.. فسألهم رباطابي كان في المقابر: انتو جايين تدوهو الفاتحة، وللا تدوهو مصاريف؟) هذه الطرفة إعجاز بلاغي، وشاهد على اننا ندرك ان الرباطاب ذوو ذكاء مفرط، فالرباطابي القطيم ذلك قال لهم بشكل غير مباشر انه ليس من الضروري ان تكون الفاتحة على روح أبيكم موجهة بالليزر، اقرأوها من اي موقع وستصله!! ويحكي الصديق عبد الرحمن مدني عن صاحب له رباطابي كان يشارك في مظاهرات ابريل التي راح ضحيتها نميري، ووقف الرباطابي في مكان مرتفع ونظر الى نحو اكثر من مليون شخص يهتفون: الشي المحيرني، كل زول من ديل عندو سرير!! ولم يكن صاحب الملاحظة رباطابيا شماسيا، بل حامل شهادات عليا، ولكن الجينات الرباطابية اشتغلت عندما راى اولئك الخلق.. ولو سمع تلك العبارة بعض من حوله وعرفوا انه رباطابي لقضوا ليلتهم تلك على الأرض بزعم ان الرباطابي "أدى السراير عين"،.. ولكن المستمع المنصف والمدرك للقدرات البلاغية للرباطاب كان سيدرك ان الرجل انتبه الى ان الانتفاضة قدمت دليلا علميا على ان العاصمة باتت تعاني من الانفجار السكاني،.. وكل من يحاول تقديم نفسه كظريف يفبرك نكاتا حول النوبيين ولم نعد نحن النوبيين نابه لأن عرب السودان وعجمه يسموننا برابرة، بل صرنا نعتبر الكلمة "اسم دلع"!.. نفس الشيء يمكن ان يقال عن الشايقية والبجة!!.. وثمة سؤال: هل مر اسبوع واحد لم اتحرش فيه بالجعليين، مع ما هو معروف عنهم بأنهم "على الهبشة"؟ ولكن لم يحدث قط انني تلقيت رسالة غاضبة من جعلي.
واعتقد ان النكات والطرف التي تستهدف قبيلة او منطقة معينة - وبعكس ما يرى الكثيرون - تسقط الحساسيات القبلية والمناطقية، لأنها تلطف تلك الحساسيات،.. وكتبت من قبل عن شيوع نكات بلا حصر في منطقة الخليج والجزيرة العربية عن كسل السودانيين، وقلت انها لم تعد تستفزني، لأسباب كثيرة أهمها انني ومن واقع المعايشة اعرف ان للسودانيين مكانة خاصة جدا في نفوس اهل تلك المنطقة، بل وبدون مبالغة أجزم بان السودانيين أقرب الجاليات المهاجرة الى قلوب الخليجيين عموما، رغم انهم يعرفون اننا سريعو الاشتعال.. معي في قناة الجزيرة الفضائية المذيع صاحب الصوت الأجمل محمد الكبير الكتبي، وهو من ابناء الفاشر، وكلما تساءل زملاؤنا في غرفة الأخبار عن أمر يتعلق بقضية دارفور قلت لهم: اسألوا الكتبي فهو من الجنجويد، حتى صارت التهمة "لابساهو" وحتى وضعه جورج بلفور بشبوش المربوش في قائمة محور الشر، .. والفلسطينيون يؤلفون نكات عجيبة عن أهل الخليل والسوريون عن اهل حلب والمصريون عن اهل الصعيد،... ولم تعد تلك النكات تنم عن استعلاء او ... استخفاف! الغريب في الأمر ان السودانيين جميعا لا يرون بأسا في تأليف نكات تتهكم على بلدهم: السودان لو عملو فيهو شوية تحسينات يصلح كموقع لجهنم! والسيد الصادق المهدي قال في خطبة احد الاعياد ان السوداني سيدخل الجنة بإذن الله، "لأن الله لا يعذب عبده مرتين"! وليس في هذا استخفاف بالوطن، بل هو نقد فيه الكثير من المرارة المغلفة بالبسمة.
لنترك وهم ان هذه القرية او المدينة أو القبيلة هي الكمال بعينه.. ولندرك ان بعض اسماء القرى والمدن عندنا على درجة عالية من الركاكة، ولكنها ركاكة محببة الى النفس أكثر من الاسماء المستوردة التي تم اطلاقها على أحياء الأثرياء في عاصمتنا... وجميعنا نعرف ان اهل القطينة اكثر اهل السودان تعليما وتنويرا، ولكننا نعرف أيضا ان القطينة بلدة بائسة لم تعرها حكومة اي اهتمام رغم أنها قريبة جدا من العاصمة، ونعرف ان اهلها يسمونها جنة بلال، ومن حقنا ان نسألهم: كيف "جنة" وهي من ضواحي الكلاكلة؟ وليس من حقهم ان يغضبوا لهذا السؤال!
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: jini)
|
أهلا أخي مهاجر
اسعدني كثيرا قراءه ذلك المقال المنصف والذى عرج علي ذكر الرباطاب ونفي عنهم مساله إتهامهم بممارسه العين والتشبيهات التي عرفت علي انها من السحر الذي ربما يؤدي بالانسان الي مصير مجهول
هكذا إعتاد البعض ان يصفهم ولعل الذي يتحمل ترسيخ تلك الصورة الغير جميله في أذهان الناس عن الرباطاب هم من يوثقون لثقافتهم بشكل غير جيد أمثال محمد موسى وغيره
لا أريد ان أفلسف الأمور كثيرا ولكن دعابات اهل تلك الديار والتي يصفها البعض بالمساخه ما هي الا فلسفه عميقه وذات مرامي بعيده بمعني التوريه والرباطاب كما ذكرت اخي الكريم لا تضيرهم تلك النكات التي يتدوالها الناس عنهم
ومن نكاتهم الواقعيه والتي لم يدركها محمد موسي بعد
أن هناك مجموعه منهم تقيم في بلد عربي شاءت الظروف ان يعود أحدهم للسودان فى إحدي إجازاته والشى المتعارف عليه انه سيحمل رسائل وبعض الاشياء من اصحابه الى اهلهم فى تلك الرحاب الجميله ذهب اليهم ووجدهم بانتظاره يكتبون رسائلهم ويجهزون اشياؤهم التي سيبعثون بها الى ذويهم وشرع فى سؤالهم واحدا تلو آخر ماذا اقول لاهلك يافلان وماذا سترسل اليهم وهكذا الى ان جاء الدور علي آخرهم والذى لم يكتب رساله ولم يجهز شيئا يرسله الى اهله فساله ماذا اقول لاهلك يا فلان إن سالؤنى عنك أجابه دون تردد
لمن تصل جنب بيتنا أدي حمارتك عصا
والثانيه
فى رباطابي قاعد مع ولده فوق القيف تحت راكوبه والدنيا صيف حار المهم قال لولده يا محمد يا ولدى ادينى مويه من الزير البارد الجنبك دة مشى محمد وجاب الكوز مليان مويه لابوة
شرب الاب وقال لولدة يا محمد يا ولدي المويه دى نبلع فيها ساكت فى الصيف دة ورد عليه ولده دون نرددوسريع جدا اول يا أبوي فى الشتاء كنت قاعد تلوكه
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: نزار باشري ابراهيم)
|
واحد جاء لقى جماعة بسطلوا جنب القيف وطوالي قعد معاهم
واحد من الجماعة اتحير في الشيء الجاء قعد لا احم لا دستور
ومرة مرة يديه حدرة كدا، المهم السطلة ربطت والزول الجاء
مؤخر قام وقف وبدأ يفتش هنا وهنا
صاحبنا المكجنو داك قام قال ليه يازول مالك بتفتش في شنو
قال ليه : بفتش في رأسي
قال ليه : يازول أمش مشيك علي بالطلاق من جيتنا جيتنا بلا رأس
| |
|
|
|
|
|
|
|
|
 Re: نكتة أضحك قدر قدرتك والباقي خلى لي بكرة (Re: jini)
|
الجماعة الظريفين...سلام هوي..
قالوا واحد رباطابي مشى الجزارة و اشترى ليهو نص كيلو عضام, واقف جنبو في شباك الجزارة رباطابي تاني..قال ليهو..آااحاج أحمد عازم لك كلاب و لا شنو؟
حاج أحمد قال ليهو: آااي بالحيل...الدعوة ما وصلتك..؟!
| |
|
|
|
|
|
|
|
|
|
Re: نكتة أضحك قدر قدرتك والباقي خلى لي بكرة (Re: jini)
|
فى مناسبه و الزحمه حاصله اللبنانى يفتش على زوجتو لاقى
سودانى برضو يفتش عن زوجتو، دار بينهم الحوار التالى :
اللبنانى : تعال نوحد جهودنا و نفتش على زوجاتنا مع بعض .
السودانى : فكرة كويسه ، إنت زوجتك لابسه شنو ؟
اللبنانى : لابسه منطلون جينز مطاط و فنيله ضيقه فوق السرة
و شعرها ذهبى طويل .... و إنت زوجتك لابسه شنو ؟
السودانى : مرتى أنا طايره فر .. ورح نفتش زوجتك إنت !!
ملحوظه هامه جدا :
مجرد نكته .
| |
|
|
|
|
|
|
| |
jini
abuguta
Mohamed Suleiman
المسافر
Habib_bldo
Walid Safwat
saadeldin abdelrahman
محمد حسن عوض احمد
Tragie Mustafa
عبدالماجد فرح يوسف
Abdelrahman Elegeil
صديق الموج
بلدى يا حبوب
ست البنات
Kostawi
Sobajo
munswor almophtah
مهاجر
هاشم نوريت
نزار باشري ابراهيم
garjah
A.Razek Althalib
salah elamin
فيس بوك
تويتر
انستقرام
يوتيوب
بنتيريست