|
زولا تهدينا امسية جميلة احتفالا بالانسان الفنان موصلي
|
مساء الامس كانت سهرة جميلة في ابوظبي ابتدر الغناء الشاب الظريف منصوري فرحت وانا اعانق الموصلي وهو يحتفظ بنضارة الشباب والاماني السندسية سوركتي مايسترو الموسيقي والتنسيق الشاب الجبلي اختار اغاني جميلة باداء جيد شروق ابوالناس صوت مدهش والموصلي ما بيجامل تحدث عنها حديث طيب حمزة سليمان ابدع ديتو مع شروق حتي طرب اواب وامه ياسر مفاجاءة الحفل الغنائية من سوركتي صوت قوي وجميل في اغاني عبد العزيز محمد داؤد جوليا قمر نوبي نورت الحفلة انسانة وداليا بنت الاحفاد لم يؤثر المكان المنزوي في بهاء حضورهن صديقي ابو حجل لا لما في جري الحفلة ولا طيران العرس المشا ليهو عبد الجبار الناقد ظهر واختفي بشكل سريع ابو المعالي كذلك مهنة المتاعب كانوا بيتابعوا الاخبار كارا بالحس الصحفي تابع خبر نقد وجاء بالخبر اليقين محسن خالد كرر عليه سؤال انت صغير جدا لكن كتاب سمبتيكوشاهدتة في بداية الحفل ثم اختفي سريعا عبد الله بابكر ترقي من مساعد لمخرج مع كاميرا الفديو شلبي خلعة الحادث لسا معاهو كاتل حيلو الزنجي اخيرا اطلق سراحه من عسل الزواج العريس ودا لمسيد غاب سريعا الزول معذور هشام المجمرنجم الحفل مرة يسمع الغناء ومرة مع بوست النهب المصلح المسافر اصطحب بناته الجميلات القرير اخر انسجام بالجلابية والعمة خال فاطمة جاء متاخرا وايضا اختفي عباس الهميم من العين وشعلة نشاط الجريفاوي والاسرة بكامل الاناقة خاصة الطفلة الجميلة ابرار احمد من الله بحسه التنظيمي العالي سجل حضورا فاعلا وولده الظريف صحبه شديدة مع بت هشام المجمر افتقدنا الصديق علي اسماعيل الذي اعتذر واصر علي دعوة الموصلي في دبي كعادتة مع ضيوفنا من البورداب عمر عزيز اعتذر لارتباط كذلك ابوتقي وبهاء ومهدي الامين ومرتضي الزيلعي الاصدقاء عجب الفيا والكتيابي وعاطف عمر وابو القنقد دون اعتذار الحاصل شنو الكان ناقص من بهجة الحفل غياب اسرتي زوجتي لبني والاميرات سارة وسماح اللقاء القادم مع الموصلي في الشارقة بحضور رجاء العباسي انشاء الله بعد غدا في المجمع الثقافي بابوظبي محاضرة الموصلي عن الموسيقي السودانية والخميس الحفل الساهر بالنادي السوداني بابوظبي
|
|
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
Quote: سمبتيكوشاهدتة في بداية الحفل ثم اختفي سريعا
|
هكذا هم الجنود المجهولون ، تجدهم وراء كل عمل ناجح ، وتجدهم هم أساس الأشياء ومصدر قيامها ، لكنّهم ينزوون بعيداً عن الأضواء ..
التحيّة لكم/ن بورداب الامارات لهذا التميّز .. والتحيّة لكِ يازولة .. وتحيّة خاصّة لك أخي سيمباتيكو لعلمي التام بكل ما تقوم به من مجهودات وفي تجرّد تام ونكران ذات وصمت ..
ـــــ انا في البعيد مشتاق لهمسة من الوطن يانسمة [email protected]
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: بهاء الدين سليمان)
|
العزيز محمد سيد أحمد،.. تحياتي يا أخي، ولنا في تلك الأمسية فيضٌ من حياة وحنان،.. طبعاً أنا أدس نفسي دائماً، وليس إلا من باب الزهد في الصورة،... ولذا لم أرغب في أن يصورني الأعزاء، خصوصاً تلك الزولة الرائعة، والمعطاءة، ولكم أحب مثلها، من هم على استعداد دوماً لخدمة الناس، المفارقين، والذين تتوقّف حياتهم على ابتناء حياة وعيش غيرهم،.. لقد تركتَ (وهي) في نفسي أثراً جميلاً، وكذلك الأخ (القرير) الذي لم نعرف اسمه حتى اللحظة، والأخ شلبي والجميع،...
أحييكم جميعاً وضيفنا الأستاذ الموصلي،... وبحق أتمنى لكم كل ما ترجونه لأنفسكم،.. ونحو لحظات قادمة، مبتكرة، وأحنّ من حنانا،...
| |
|
|
|
|
|
|
شكرا زولا123 (Re: mohmmed said ahmed)
|
شكرا زولا123
شكرا محمد سيد أحمد
بحق كانت ليلة لطيفة
مسحت عنا الكثير من عنت السياسة و أخبار السودان الموجعة التحية لكل من شارك فى تلك الأمسية الجميلة
بس رجاء العباسى ما شرفت رغم توقعنا لحضورها إنشاء الله خير
| |
|
|
|
|
|
|
Re: شكرا زولا123 (Re: هشام المجمر)
|
الاحبه بورداب الامارات الذين أتو للتلاقي والمحبة من كل الاتجاهات غمرتموني بمحبتكم الممزوجة بالتقدير وكنت في بيتي معكم وبكم شكرا لكم جميعا واعود للتحية بالتفصيل لاحقا
بنت عمتي العزيزه ناديه عثمان والله يقتلني الشوق اليك لكن الجماعه ديل من كترة العوازيم والبرامج والبروفات والمحاضرات كتلوني تسلمي وعندي شوية مشاكل انترنتيه في بعض الاحيان تسلمي وبديك الو طيب
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
أمسية الخميس وروعة التلاقى مع الرائع الموصلي كانت لحظات جاد بها الزمان وعما بها المكان واحدة من الليالي التى لا تنسي . سعدنا بلقاء الاحبة وتشرفنا بعرفة فى الفه حميمه زاد من بهاءها دقة الاعداد والمجهود الكبير من الاخت د. زولا 123 وسوركتى كعادته دوما اتحفنا بالجديد والمثير ودقه اختيارة للمشاركين
لكل البورداب التحية على الحضور والمشاركة
محمد عبدالله ـ الزنجي
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
اهلين
فعلا الأمسية كانت قمة في الروعة
والجماعة طبعا ما قصرو في الطرب
والاستاذ الموصلي متواضع زيادة
عن اللزوم وهادئ برضو
وسعدنا بحضور اغلب البورداب ومع اسرهم
والما حضروا مع زوجاتهم عارفين نفسهم
وبالتاكيد افتقدنا الذين لم يتمكنوا
من الحضور واكيد انها اسباب خارجة
عن ارادتهم .... ونتمنى انو مناسباتنا
ما تكمل ونتلاقى في ساعة خير
وما تتنسى بت عاطف الجريفاوي وبت هشام المجمر
اميرات الحفلة
ونشكر زولا على هذا اللقاء والتعب اللي تعبتوا
من اجل نجاح البرنامج بالصورة الحلوة الطلع بيها
والشكر برضو لي كل من ساهم معاها في العمل
شلبي في داعي تذكر انسانة بالرادار
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: AL GURAIR)
|
ضيفنا الكبير يستحق الأحتفال بحق وأسرة بورداب الامارات كانت تتوق معه الى لقاء آخر يصل الشوق الذي امتد منذ آخر لقاء لنا في الشارقة. لاكنه هذه المرة كان في العاصمة الجميلة أبوظبي. فحظينا بمشاركة جميلة لأعضاء منها قابلناهم لأول مرة. وسعدنا معهم جميعا بلقاء الفنان الاستاذ الموصلي وطربنا لسماعه.
أشكر جميع من ساهم في انجاح هذا الحفل, كل من جعل هذا اللقاء ممكنا , وان كان لابد لي من شكر خاص للاستاذ عبد الرحمن سوركتي على كل ما قام به من جهود, عباس وهو دائما أهل للمسؤلية, الباشمهندس من الله وليس هذا بالغريب على مثله, شلبي ومتابعة أدق التفاصيل ولو من على البعد, عبد الله بابكر الذي أتعبناه بالتصوير وعلى اسماعيل الاب الروحي لاسرة بورداب الامارات. ولكل الرائعين الذين استقطعوا جزء من وقتهم ولو بالسؤال والمتابعة.
لكل الجميلات زهرات سودانيز اونلاين اللواتي اسعدنني بحضورهن البهي وتشريفنا في مدينة أبوظبي. وهو اكبر حضور للجنس اللطيف من البوردابيات ضم: انسانة, بت الاحفاد 2001, جوليا حمزة, الأمدرمانية, الوردة, سلمى محجوب وشخصي. واعتذرت بت القبايل لظروف سفرها.
تحية خاصة للأصوات الرائعة التي أتحفتنا بالغناء : (منصوري, شروق أبو الناس, ياسر بابكر و محمد الجبلي) لهم كل الشكر على الابداع وتلك الاجواء الطربية الخالصة التي حفتنا في امسيتنا فخرجت متميزة للغاية ومختلفة بحق. الجدير بالذكر أن كل من شارك في تلك الليلة جاء متبرعا خاصا أسرة موقع سودانيز اونلاين بنفحات ابداعه ( وان كان معظمهم من غير الأعضاء) في لفتة جميلة فنالوا منا كل التقدير والاحترام وبادلناهم حبهم لنا بمثله.
شرفنا بالحضور كل من :الموصلي, المسافر وسلمى, الواثق, منصوري, خال فاطمة, سيمباتكو, هشام المجمر, عاطف عبد الله والامدرمانية, سوركتي, من الله, محسن خالد, ود الشيخ, بدري الياس,أبو عبيدة النعمان, الكيك, يحي عبد الكريم , حمزة سليمان والوردة ,القرير, عباس, اسير الغرام, بت الاحفاد 2001, شلبي, جوليا,انسانة, الزنجي, فريد ود المسيد ومدامه, عبد الله بابكر, محمد سيد أحمد, الجريفاوي, صلاح ابو حجل, محمد كارة. نسيت زول؟
واعتذر عن الحضور لظروف طارئة: علي اسماعيل, الكتيابي, عبد القادر سبيل, أبو تقى مهدي الأمين وشقيقته ندى, عجب الفيا, عاطف عمر نهال أحمد كرار, لنا مهدي.......... الباقيين سامحناهم !!! تحياتي وحبي
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
Quote: الزنجي اخيرا اطلق سراحه من عسل الزواج العريس ودا لمسيد غاب سريعا الزول معذور هشام المجمرنجم الحفل مرة يسمع الغناء ومرة مع بوست النهب المصلح المسافر اصطحب بناته الجميلات القرير اخر انسجام بالجلابية والعمة |
اها يا موصلى الترترة دى كلها ما محتاجة لى عمرة؟
والله دى دايرة حج عديل كده..اتلحلح وعمرة مرورا بالرياض
الله يهنيكم،،،،
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: zola123)
|
Quote: بنت عمتي العزيزه ناديه عثمان والله يقتلني الشوق اليك لكن الجماعه ديل من كترة العوازيم والبرامج والبروفات والمحاضرات كتلوني تسلمي وعندي شوية مشاكل انترنتيه في بعض الاحيان تسلمي وبديك الو طيب |
الموصلى ود خالى
الموبايل اشتكى لى ربو منى
ماسكاهو فى يدى انتظر فى اتصالك لمن فترت!!
كده هنت عليك يايوسف؟!!
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
يا شباب الصور ظاهرة عندي, لاكن يمكن geocities ما بتحمل وبقفل براه حانقلها موقع تاني وأمري لله, مع اني كنت عايزاها بصورة دائما في موقعي.
محمد سيد أحمد والله انا الما عارفة أشكركم كيف على ذوقكم واهتمامكم وأكيد من حظي السعيد اني اتعرفت على ناس حلوة زيكم كدة
شلبي شكرا يا ذوق, وعن صورك والضلمة نعمل شنو لاكن؟ شوف في الضلمة دي ذاتها جوليا منورة كيف؟ بالمناسبة لقيت في الكاميرا صورة ليك أخذت على حين غرة قالوا لي رسليها لخطيبته في السودان طوالي. وأنا حاستغل الموضوع وأبدا في البتزاز من حسي.
انسانة كفارة الرادار ما تستاهلي والله
لؤي شكرا وأكيد سيمباتكو يستاهل أكتر
جوليا الحلوة تسلمي يا عسل وبعدين صورك كلها حلوة في التلفون ليه ما عاجباك؟
بهاء الدين يا اخوي نحن عملنا بوست واعلان من اكتر من شهر للحفلة ومهدي اول زول قال بيكلمك هو انت, اها بعد ده في لوم؟
محسن خالد تسلم ويا ريت نكون نستحق القلته ما زال عندي أمل ان تفك الحظر وتسمح بنشر صورتك ولو ما قلت يس ما حانزلها زي ما وعدت. هشام المجمر, نادية, الزنجي, بت الاحفاد, المسافر, فريد, نهال, عباس, منعم, محمد, ايهاب. شكرا كتييييييييييييير وربنا ما يحرمني من لطفكم وكلامكم الجميل ونتجمع دايما في المناسبات السعيدة
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
سيد أحمد, شلبي, الجريفاوي, عباس
صلاح أبو حجل وحمزة سليمان
المسافر, الموصلي , عبد الله بابكر
ود الشيخ رسل ليكم الصورة دي اهداء خاص وقل ليكم: وراكم وراكم يا سودانيز اونلاين !
الواثق والكيك ( خلاص خلوها على الله)
عبد الرحمن سوركتي وجهود كبيرة لاخراج الحفل بهذه الصورة الجميلة
شلبي, سيد أحمد وجوليا , بورداب( فرع وادي حلفا )
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
رائعتنا الغـالية zoola 123 ،،، مـا أروعـك ، و مـاأسعدنا نحن معشر بورداب الإمـارت بهذا التألق ،، إبداع في التوثيق و جمال في التواصل ... الشكر العميق لكل الأعـزاء الذين شاركوا في رسم هذه اللوحة الفريدة (شيباً و شباباً).. (قلتي لي صورة على حين غرة) دى الكاميرا الخفية ولا شنو؟؟ يازولة انا اليومين دي معذور(بيقولوا الزولة ده خلعة حادث ) ... ياريت لو تنزلي لينا(شوية) من (لقطات الفيديو) و لمسات عبد الله بابكر الفنية لتكملة التوثيق .. أذكر ان هناك صورة لي مع الاخ عبد الله بابكر عربون(الصلح) الذى توجناه ليلة الحفل فالرجل نقي السريرة تبقى اللحظات معة ذكريات جديرة بالتوثيق .
غايتو انا كان طاوعتيني البوست ده بعملوا ليك (مايطلبه المشاهدون)...
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
الاخ شلبي
قال
Quote: ياريت لو تنزلي لينا(شوية) من (لقطات الفيديو) و لمسات عبد الله بابكر الفنية لتكملة التوثيق .. أذكر ان هناك صورة لي مع الاخ عبد الله بابكر عربون(الصلح) الذى توجناه ليلة الحفل فالرجل نقي السريرة تبقى اللحظات معة ذكريات جديرة بالتوثيق
|
وانا ارد
يا اخي كلنا اخوان وانت ايضا تعجبني فيك نقاء نفسك وطيبة قلبك
وفي النهاية كلنا سودانين بس قول ربنا يحفظ لينا سوداننا
ويحفظكم يا بورداب الامارات يا رائعين
ويحفظ الدكتورة زولا التي تسعى دوما لجمع الشمل
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
الاخت زولا
والبورداب
اجب اعرفكم بالاخ الذي يجلس بجانب الاخ محمد سيد احمد والاخ من الله الذي اشارت اليه الاخت زولا بالضيوف
هو الاخ عبداله كسلا
وهو من اشد المتابعين بالمنبر سودانيز اون لاين
كان حريصا لحضور الاحتفال وحريص بالتعرف على جميع البورداب الذي يحفظ اسمائهم جميعا
رجاء للاخ بكري ان يتيح له فرصه التسجيل
وهو شقيق لاعب السودان الفذ محمد حسين كسلا
شكرا للاخ عبدالله كسلا للاهتمام بالحضور
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
الأعـزاء الغاليين ،، تحية و شوق كمية،، رائعتنا zoola123،، أشكرك جداً على الإيميل و الهدية التى اتت على(حين غرة) ... لكن ما قلتى لي (المسلط) الذى إنتقى هذا (الموقف) للتوثيق منو؟؟ .. خالص شكرى لك يارائعة... العزيز عبد الله ،، تسلم ياغالي.. زولــة .. مازال الليل طفلاً (يحبو) .. نحن ليلنا لسة طويل و في إنتظار بقية الصور و المزيد متى ما تيسر لك ذلك... الغالي جداً الجريفاوي.. نفتقدك بشدة ياحادي الركب و قائد المسير.. أستبشرنا بأطلالتك البهية يوم الحفل بعد طول غياب و قد صادف ذلك اليوم خروج محمد ابراهيم نقد للعلن (تكون متكتكه معاه).. ولكن أراك تعود ادراجك و تؤثر الانزواء بعيدا .. ولا دي (قام إتعزز الليمون عشان بالغنا في ريدو).. دمتم ،،
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
زولا123.....,,,,,,,,,,,,,,,,,,, أنا وصلت أمس بالليل من كوالالمبور بعد رحلة طويلة مرورا ب بانكوك أها الحفلة الجاية متين مع العلم انو انا حاكون بي جاي لمدة شهرين أها تحياتي ابورداب الامارات ,,,,,,,,,
| |
|
|
|
|
|
|
Re: زولا تهدينا امسية جميلة احتفالا بالانسان الفنان موصلي (Re: mohmmed said ahmed)
|
العزيز محمد سيد احمد
لك اكاليل الود ( اكاليل دي من الكلاكلة)
كيفك والاسرة لكم الود
وشكرا لحديثك الفخم عن شخصي الضعيف والشكر موصول للدكتورة العزيزة زولة123
بداية انا اسف جدا لعدم النتابعة ودة كان نسبة لظروف السفر للسودان.
في الحقيقة اليوم كان جميل بوجود مجموعة من الناس الحلويين وكل الامنيات ان يجتمع
الشمل دائما وفي جميل المناسبات ..
تشرفت بمعرفة من كنت لا اعرفهم من البورداب وهم اضافة حقيقية في مسيرة الانسانية
وعظيم اسفي انني سافرت بعد وصول الاخ يوسف الموصلي مباشرة ولم استمتع به....
وتحياتي للجميع .
الكلام دة بكتبوا من الخرطوم والله .
| |
|
|
|
|
|
|
|