|
الشعب قال كلمته مالى اراكم صامتون
|
صباح اليوم خرجت الخرطوم فى انتفاضة ابريلية جديدة ، مئات ...قل الوف ..ملايين ... احسب كما تشاء من السودانيين من كل الاحزاب من كل السحنات من كل الاعراق من قبل السودان الاربعة خرجوا صباح اليوم يهتفون ضد الامم المتحدة ضد فرنسا ضد كل امبروطوريات الشر ، لم يخرجوا حبا فى الحكومة ولكنهم خرجوا حبا فى السودان ولم يخرجوا طمعا فى ماعند البشير ولكنهم خرجوا طمعا فى ما عند كل شريف ووطنى . لقد كانت الخرطوم صباح اليوم تضج بالكبرياء والشرف كانت صاخبة كانت غاضبة غضبة طالت واستطالت حتى التحمت الجماهير مع حرس السفارات - البريطانية والامريكية - واضطرت الشرطة لتفريق الناس بالغاز المسيل للدموع وفى هذا تفاصيل كثيرة . وحقا فان الخرطوم تنتفض وقد قال الشعب كلمته وحسم خياره وعلى الذين يمقتون الانقاذ ان يدركوا حقيقة واحدة ان هذا النظام محمى بالشعب و منحها اليوم جرعة معنوية ودعما لا يقاس بشى ومنحها تفويضا اضافيا وعلى المراهنين على زواله بانتفاضة وهبة ضده ان يبحثوا لهم عن مدخل اخر . والشعب اليوم خرج - مسيرة قوية ومهيبة - وقال كلمته فمالى اراكم صامتون ام ترى ان هناك من تسوءهم مثل هذه الاخبار مالى لا ارها فى المنبر .. لقد غضب السودانيون اليوم غضبة مضرية .. وهلا هلا الشعب طالع بره .... وشرفى يا منايا
|
|
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Mohamed , Fear Allah if Ingaz represent the nation why are they killing or incite the killings of poor villagers in Darfur. What kind of Islam do you believe in? As prof. Eltayib Zenulaabidden said "Morals decay is the worse sins of Ingaz because it will not only impact the Ingaz but the nation) and that what INgaz is dragging the sudanse people to. By the way is the Ingaz has elders ???
| |
|
|
|
|
|
|
Re: الشعب قال كلمته مالى اراكم صامتون (Re: Mohamed Doudi)
|
why are they killing or incite the killings of poor villagers in Darfur. What kind of Islam do you believe in? As prof. Eltayib Zenulaabidden said "Morals decay is عزيزى قتل اى انسان فى دارفور او غيره حرام وفعل شنيع لا خلاف حول على ذلك ومن خرجوا اليوم لم يطالبوا بمكافاة مجرم ولكنهم خرجوا لانهم يدركون ان القفة كبيرة وشيلوها لناس كتار الناس الزعلانة دى والوصلت مرحلة العراك لاقتحام السفارات ما ممكن تكون اقل وطنية منكم اذن فى شى غلط ....فتشوه عندكم
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Mohamed, Who is responsible for this mess!!!! Your government denied all the accusation( no killing, then about five thousands only, no rape and no no no) An independent justice system is the only alternative (ICC) . If the government was serious they have stopped the killing and brought perpetraters to justice long a go. How can justices be served when Elbashir , Taha and the rest can stop and void and decision made by our justices system ( Turabi unlawful detention is a clear example of our corrupt system) I am writing to you as a Sudanese citizen and I need an honest answer. We all know Ali Osman is the one who freed Hilal from Portsudan person and let him lead the Janjaweed if Ali Osman in the list who is going to press charges against him and his henchmen ? Tell me what is your opinion if some one incite the killings of others is that person responsible for that killings or not ?
| |
|
|
|
|
|
|
Re: الشعب قال كلمته مالى اراكم صامتون (Re: أبوالريش)
|
الأخ محمد حامد جمعة الشعب السوداني لم يقل كلمته بعد. ما أؤمن به أن "كلمة الشعب السوداني" لا تجيء بهذه الطريقة/ مئات بل آلاف بل ملايين. كلمته التي لقمناها من أثداء أمهاتنا هي: أصبح الصبح فلا "السجن" ولا "السجان" باق
| |
|
|
|
|
|
|
Re: الشعب قال كلمته مالى اراكم صامتون (Re: أبوالريش)
|
يا شباب انا نقلت الشفتو والشفتو دا ما حشد مصنوع فوقو ... اصحوووووووووووووووووووووووووووووووووووووووووووووووووووووووووووووووووووووو صدقونى الناس دى ما كلها انقاذ ولا جبهة اصحححححححححححححححححححححححححححححححححححححححححححححححو
| |
|
|
|
|
|
|
Re: الشعب قال كلمته مالى اراكم صامتون (Re: أبوالريش)
|
الاخ محمد حامد تحياتى يا رايق ركز علي الكلام التحتو خط يا حبيب
Quote: صباح اليوم خرجت الخرطوم فى انتفاضة ابريلية جديدة ، مئات ...قل الوف ..ملايين ... احسب كما تشاء من السودانيين من كل الاحزاب من كل السحنات من كل الاعراق من قبل السودان الاربعة خرجوا صباح اليوم يهتفون ضد الامم المتحدة ضد فرنسا ضد كل امبروطوريات الشر ، لم يخرجوا حبا فى الحكومة ولكنهم خرجوا حبا فى السودان |
the key word كما يقول الانجليز لم يخرجوا حبا فى الحكومة
Quote: وحقا فان الخرطوم تنتفض وقد قال الشعب كلمته وحسم خياره وعلى الذين يمقتون الانقاذ ان يدركوا حقيقة واحدة ان هذا النظام محمى بالشعب و منحها اليوم جرعة معنوية ودعما لا يقاس بشى ومنحها تفويضا اضافيا وعلى المراهنين على زواله بانتفاضة وهبة ضده ان يبحثوا لهم عن مدخل اخر . |
اها شفت كيف يا محمد حامد الخروج المليوني للشعب السودانى من كل الاحزاب والذى لم يكن حبا فى الحكومه تحول بي قدرة قادر تفويض لي حكومة الانقاذ و حماية للنظام من قبل الشعب و الدليل الوووووووله وكمان بالصور نحن يا محمد حامد ما مساكين و ما بنفهم فى المنطق ...غشونا ساى كان باسم الدين او باسم الوطن او تحت اي مسمي اخر ما كلو عند العرب صابون....و لا رايك شنو انت قايل كل الناس البتكره الانقاذ بتحب الامم المتحده او العكس...خمونا ساي يا حبيب ما نحن بنستاهل
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
الاخ/ محمد حامد جمعه
Quote: والشعب اليوم خرج - مسيرة قوية ومهيبة - وقال كلمته فمالى اراكم صامتون ام ترى ان هناك من تسوءهم مثل هذه الاخبار مالى لا ارها فى المنبر .. لقد غضب السودانيون اليوم غضبة مضرية |
سنظل نصمت حتى تأتى ساعة الكلام تحياتى
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
انه حلما جاور أحلام حكام السودان ومؤيديهم
القرار الفعلي بيد الجماهير فاعطوها حقها لتقول رأيها فيكم
الذي ارتكب خطأ يجب أن يدفع ثمن هذا الخطأ
لابد أن تتم محاسبتكم على ما ارتكبتموه في ذلك الشعب لكي لا تكرروا هذه الفعلة مرة أخرى ولا يكررها غيركم
يامحمد الظالم لابد أن يحاسب ولقد تمت وتتم محاكمة رئيس صربيا في محكمة دولية وايضا قادة الثورة في سيراليون
تتم محاكمتهم في محكمة دولية وقادة بوروندي تتم محاكمتهم في محكمة دولية والان الدور عليكم مطلوب من قادة
الحكم المتورطين في دارفور يسلموا انفسهم لتتم محاكمتهم في محاكم دولية الظالم لابد أن يحاسب ولا رأيك شنو !!!
والشعب لن ينسي رفقائكم وامراء الجهاد من حركة العدل والمساواة وسوف يقدمهم ايضاء للمحاكمه لذلك انتم
من طينه واحده ولا خير فيكم ان لم تعترفوا بما ارتكبتموه .
ولي عودة ان لم تستيقذ من نومك
أنور أحمد
| |
|
|
|
|
|
|
Re: الشعب قال كلمته مالى اراكم صامتون (Re: esam gabralla)
|
يا ريت ... اقلو نعرف وقتها الوطنى الجدد من الزول الراكب الموضة ..
عارف لو بتعاين وتشــوف، لعرفت الوطنيين من الراكبين موضــة الأن، وليس غـدا. لكن يبـدو انك قاعـد تعاين بدون شــوف!! الراكب الموضـة هـو الذى يؤيـد كل من يقـرأ البيان الأول.
| |
|
|
|
|
|
|
Re: الشعب قال كلمته مالى اراكم صامتون (Re: esam gabralla)
|
انور : تحياتى تعرف يا صديق الخلاف ليس بشان ان هناك اشخاص يجب ان يحاسبوا هذه نقطة لا خلاف حولها - اى مبدا المحاسبة - لكن لماذا لا تمتد النظرة الى ما وراء هذا الطلب ولماذا يفترض البعض ان الاخر والقادم من وراء البحار سياتى من اجل اقامة العدل والحق واين هذا مما يقع فى مناطق اخرى المسالة انور ان القضية تجاوزت الانقاذ الى السودان وتجاوزت الحزب الحاكم الى كيان وامة وللاسف فان كل القضية ان يصر البعض على ان تتحملها الحكومة واين الطرف الاخر من هذا وحتى التسريبات لا تتحدث عن اسم اى من المتمردين وهم قتلوا وارتكبوا فظائع لماذا يتم السكوت عنها esam gabralla يا اخوى قلت لى المداح مالهم .... ياخ احترم الشعب دا حتى لو ما كنت مقتنع بيهو
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Quote: تعرف يا صديق الخلاف ليس بشان ان هناك اشخاص يجب ان يحاسبوا هذه نقطة لا خلاف حولها - اى مبدا المحاسبة - |
اشكرك أخ محمد علي الرد اعلاه فكل ظالم يجب أن يحاكم دوليا وعلينا أن نستخلص الدروس من تاريخ استقلال السودان الي يومنا هذا لكي تستفيد في مسيرتها في الحياة كان في هذه الفترات قهر للشعب وازلال والان بعد ان اصبح هنالك محكمه دوليه للشعب حق المحاكمه العادله لاسترداد حقوقه.و في تقديري الشخصي ان قام المسؤلين بتسليم انفسهم فلا حاجه لقادم من وراء البحار وسوف نقف بكل مانملك للحول دون حدوث هذا لكننا سوف نكون كلا في خندقه تعرف ليه لانكم اعطيتموهم طعم الاستعمار .اما الطرف الاخر من القضيه المحكمه الدوليه لها طرفين لذلك لستة المطلوبين من الطرفين ,الطرف الاخر هم حركةالعدل والمساواة المحكمه الدوليه لها وثائق من منظمات حقوق الانسان ومنظمات الاعانه انهم كسروا القانون الدولي بهجومهم علي هذه القوافل ناهيك عن ماضيهم عندما كانوا في سدة الحكم وامراء جهاد .
| |
|
|
|
|
|
|
Re: الشعب قال كلمته مالى اراكم صامتون (Re: esam gabralla)
|
الاخ محمد حامد اقترح على النظام ان يعطي فرصة لتسيير مظاهره من قبل مؤيدي القرار وبعد كدا يمكننا المقارنة ,, يعني ببساطة لو خرج اقارب الضحايا في الحرب في دار فور بيكونوا اضعاف مؤيدي القرار ,, ولو خرج سكان معسكرات النازحين في دار فور برضو بيكونوا اضعاف ,,, دعك من هذا ما رايك لو خرجت جماهير حزب الامة تاييدا للقرار ?? اها رايك شنو يا سعادة العريف الركن ???
| |
|
|
|
|
|
|
Re: الشعب قال كلمته مالى اراكم صامتون (Re: merfi)
|
يا محمد حامد
و الله بالغت عدييل كدا ؟؟ وكمان تقول لي الشعب قال ؟؟ هو شعب بدون مناضلين يسووا بيهو شنو ؟؟ البجعجع ليهو منو ؟؟ و البهضرب ليهو منو ؟؟ و البياخد عشانو آسايلم منو ؟؟ و البشيل حالو برا منو ؟؟ و تقول لي شعب ؟؟ في شعب يرفض التدويل ؟؟ و برضو تقول لي شعب ؟
| |
|
|
|
|
|
|
Re: الشعب قال كلمته مالى اراكم صامتون (Re: عصام دهب)
|
خالص التحايا محمد بقدر ما كلامك مستفيز ومغلوط وغيرو من اشكال الدعاية الفارغه لحزب الكيزان ديل..
لكن ايضا لو قاعدين على المعارضين دي لاستبعد ذلك .. الواحد ياكافى البلا التقول لسانو طالع من حمام..زفر ولا اخلاق نقاش ولا فهم فى الراس..
كلهم يقرفوا.. كيزان على معارضه
ويكون فى عونا نحن الشعب..
| |
|
|
|
|
|
|
Re: الشعب قال كلمته مالى اراكم صامتون (Re: lana mahdi)
|
يا لتلكم المسيرة المليونية التي هزت أركان مجلس دول الضلالة و الإستكبار ... يا لها من مسيرة عارمة بلفت خمستاشر على مقياس رختر ذو التسعة درجات .... يا لها من سند حقيقي يعبر عن حب الجماهير و ولعهم بالكيزان ... يا له من إنجاز في عهد الإنقاذ ... يا لها من باسطرمبة بالبيض و الجبنة !!!!!
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Quote: esam gabralla يا اخوى قلت لى المداح مالهم .... ياخ احترم الشعب دا حتى لو ما كنت مقتنع بيهو |
يا شفت ... زريتنى ما مقتنع بيهو انا و لا الجا بانقلاب "لاعادة صياغة الانسان السودانى"، وازيدك علم فى حاجات كتيره فى شعب السودان انا وغيرى ما مقتنع بيها ؟؟ تقلع منى الجنسيه يا مان؟؟؟ برضو ما بنفع تلقط كم اراقوز بجلاليب خضراء مرقعه وينططوا ليك فى مسيرتك دى وتهرشنى بالمديح ؟؟؟
Quote: ما بياخدو معاه نص يوم بيكون ركبهم التونسية |
التونسيه دى اوعا تكون بتمر بى لاهاى يا....حبه
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
ايها الامننجي قبل الانتفاضة بشهور سير نميري واتباعه الجبهجية ما سموها المسيرة المليونية ضد الشعب السوداني العظيم ولكن فرحتهم ما تمت وقال الشعب فيهم كلمته وعصف بهم في مزبلة التاريخ في اقوي انتفاضة في التاريخ مارس ابريل وقد هرب الامننجية وزيول الكيزان متلفحين بثياب النساء فاذا زاكرتك ضعفت فان زاكرة ابناء الشعب السوداني لن تنضب وان التاريخ سوف يعيد نفسه والحساب إتي لا ريب فيه
| |
|
|
|
|
|
|
Re: الشعب قال كلمته مالى اراكم صامتون (Re: Anwar Ahmed)
|
يا صحاف الأنقاذ لقد أخجلت صحاف بغداد أتذكر تلك المسيرات الضخمة في شوارع بغداد قبل ثلاثين شهرا؟ أتذكر تلك الهتافات: بالروح .. بالدم ... نفديك يا صدام؟ أتذكر كيف دخل الجنود الأمريكان عاصمة الرشيد دون مقاومة تذكر؟ ها أنتم تعيدون لنا أنتاج نفس الفيلم؟ متي تتعلمون أن عهد الطغاة قد ولي؟ متي تتوقف عن الكذب الفاضح يا محمد حامد جمعة؟
| |
|
|
|
|
|
|
Re: الشعب قال كلمته مالى اراكم صامتون (Re: Mohamed Suleiman)
|
أتذكر كيف دخل الجنود الأمريكان عاصمة الرشيد دون مقاومة تذكر؟ محمد سليمان ... وين يا سعادتك اسمع شنو الكلام دا يعنى الامريكان عاوزين يخشو امدرمان .... ! والله الناس ليها حق تتميز من الغيظ والحنق محمد سليمان احبطتك مش كدا بالصور التقيل جاى وراء .... بس خلى بالك سلبة .... وما تفلس وتفقد المنطق
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
يا الصحاف أذا أردت ان تقتبس كلامي .. أقتبس الكلام كما جاء في السياق و ليست علي طريقة " لا تقربوا الصلاة " أنت كتبت:
Quote: أتذكر كيف دخل الجنود الأمريكان عاصمة الرشيد دون مقاومة تذكر؟ محمد سليمان ... وين يا سعادتك اسمع شنو الكلام دا يعنى الامريكان عاوزين يخشو امدرمان .... ! والله الناس ليها حق تتميز من الغيظ والحنق محمد سليمان احبطتك مش كدا بالصور التقيل جاى وراء .... بس خلى بالك سلبة .... وما تفلس وتفقد المنطق |
و كان كلامي كما اوردته:
Quote: يا صحاف الأنقاذ لقد أخجلت صحاف بغداد أتذكر تلك المسيرات الضخمة في شوارع بغداد قبل ثلاثين شهرا؟ أتذكر تلك الهتافات: بالروح .. بالدم ... نفديك يا صدام؟ أتذكر كيف دخل الجنود الأمريكان عاصمة الرشيد دون مقاومة تذكر؟ ها أنتم تعيدون لنا أنتاج نفس الفيلم؟ متي تتعلمون أن عهد الطغاة قد ولي؟ متي تتوقف عن الكذب الفاضح يا محمد حامد جمعة؟ |
أنتم تخافون من الحقيقة. و ستصدمكم الحقائق في لاهاي.
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
الاخ انور تحياتي،
بدل التعميم خصص ثم برهن علي انو لغتي ماسليمة للاسباب واحد اتنين تلاتة.
بالعدم حافهم راس السوط وصلك، لانك منهم من حيث طريقة تفكيرك.
كلامي ده ماوليد اللحظة ابدا، ولاجديد فيه وقد قيل بواسطة اخرين، علي راسهم الطيب صالح المقولتو:
من اتي هؤلاء ؟
اصبحت حكمة جارية علي اللسان.
فلست في انتظار امثالكم ليقومو لسانا، وفاقد الشئ لايعطيه.
بعدين هي بقت في اللسان بعد كل الانتا شايفو ده قدام عينك، ولاياهو الغرض؟
شتان مابين اللسان وسنان دولة الاغتصاب ورايات الشريعة ترفرف!
| |
|
|
|
|
|
|
Re: الشعب قال كلمته مالى اراكم صامتون (Re: Bashasha)
|
نقلا عن "الشرق الأوسط" اللندنية رأي عقلاني للدكتور أحمد الربعي (وزير الاعلام الكويتي الأسبق)
العرب.. ومعركة «الكرامة» الوطنية! أحمد الربعي
قرار مجلس الأمن بشأن محاكمة مجرمي دارفور في المحكمة الجنائية الدولية في لاهاي لا بد أن ينفذ. وهي حقيقة يجب أن تتعامل معها الحكومة السودانية بعيدا عن العناد، وسواء كان القرار ظالما أو عادلا، فإنه قرار نافذ، وكل ردود الفعل السلبية التي أبدتها الحكومة السودانية لن تغير من هذه الحقيقة. كلما صدر قرار دولي بشأن دولة عربية اشتعلت اسطوانة الحديث عن «الكرامة الوطنية» ورفض «انتهاك السيادة» ويخرج من يقول إننا على استعداد للتضحية بالغالي والنفيس فداءً للوطن، وغير ذلك من الكلام الانفعالي الذي لم يثبت جدواه في حالة واحدة. الحكومات السودانية المتعاقبة وخاصة حكومة الإنقاذ التي قادها حسن الترابي تتحمل المسؤولية بشأن تردي الأوضاع الإنسانية في دارفور، والصمت السوداني ومعه العربي على أطول حرب في العالم طيلة عشرات السنين والتعامل باللامبالاة مع المأساة الإنسانية والجوع والقتل في دارفور هما السبب المباشر لوصول الحال إلى ما هي عليه. في السودان تفرجوا على حريق يشتعل بل وشاركوا فيه، حتى إذا تحرك الضمير الإنساني وتم تدويل القضية بدأت حكاية الكرامة وحكاية انتهاك السيادة، والحديث عن الموت حتى آخر مواطن. الأمر فعله صدام حسين حين استهان بكرامة الإنسان وشن الحروب يمينا وشمالا، ثم عندما صدرت القرارات الدولية استهان بها، وكانت النتائج المعروفة. في لبنان تمت إدارة معركة رئاسة الجمهورية اللبنانية بشكل خاطئ وكانت ممارسة بعيدة عن العمل السياسي الذكي والرفيع وتم ترك الأمر يتدهور، وتم التغاضي عن نصيحة الناصحين ودعاوى التعامل بمسؤولية مع الوضع اللبناني حتى إذا صدر قرار مجلس الأمن وتم تدويل القضية اللبنانية بدأ الحديث عن مؤامرات صهيونية امبريالية وحديث عن كرامة وطنية. القرار بشأن السودان ليس الأول في تاريخ المنظمة الدولية، وكل قرارات محاكمة مجرمي الحرب تم تنفيذها. محاكمات ما بعد الحرب العالمية، محاكمات البوسنة والهرسك وروندا والعراق، والسودان لن يكون استثناءً. مطلوب الخروج من عقلية التحدي التي لا تسندها القوة، والكلام الكبير الذي لا يسنده منطق، ومطلوب التعاون والتعامل مع قرار مجلس الأمن بكثير من الهدوء وبأقل خسائر ممكنة وهذا هو الطريق الوحيد الممكن مهما كان تقيمنا للقرار.
| |
|
|
|
|
|
|
Re: الشعب قال كلمته مالى اراكم صامتون (Re: Bashasha)
|
Quote: هسي انت ولا اولياء نعمتك، من حرامية الانقاذ، سودانيين اصلاء؟ |
بشاشا سلام انا لم اعمم وكنت واضحا وقد ظللت لك ما اعترضت عليه ولغتك ماسليمة للاسباب الاتيه اولا انت من دعاة السودان الجديد وقائد حملته هنا في المنبر فوصفك لزيد من الناس بل انت مارست التعميم بقولك لمحمد انتم لست سودانيين اصلاء عار في جبين دعاة السودان الجديد واي عار !!! فكيف تكون نظرتك انت بشاشا لمن قام علي كتفيه السودان الجديد ام انك تكذب وتمثل عليهم وعلينا وان لم تكن كذلك اذا ان السودان الجديد شعار سياسي ليس هو رؤية أو برنامج شامل لمعالجة ما تنطقه من عنصريه فان كان كذلك هذا يجعلني افكر مائة مرة في تصور طبيعة القضايا الاجتماعيه والسياسيه في عهد السودان الجديد مثل قيمة الوعي و الاستعلاء السلطوى التدميري
وتاني يابشاشا بطل دواس عرقي اجتماعي وركز علي دواسك الفكري
مع ودي
أنور أحمد
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
الآخ محمد حامد جمعة
حقيقة انت من اسمح الناس خلقا في هذا البورد
ولكن الحقايق المفروض انت ذاتك وإحتراما لنفسك تراجعها إنوا هذا النطام نطام دكتاتوري إستولي علي السلطة بقوة السلاح ... وبدأ في خيانة حق حتي من قادوا معه المغامرة بالتخلص منهم تدريجيا لعدم إنتماءهم للتنظيم الخفي وراء المحاولة ثانيأ إنشق التنظيم علي نفسه وإغتال معنويا وشخصيا قادته مارس المحسوبية في أبشع صورها والعزل والإقصاء لحد بعيد رفض علي الدوام الصدق في معاهداته مع الإيدي التي إمتدت إليه وتحالفت معه ومارس معها أسوأ أشكال التتبيع والتعالي والتضعيف لم يفكر أبدا في حق جميع السودانيين في فرص متساوية في كل المستويات باع من إئتمنوه من حركات إسلامية متطرفة ومطاردة بأبخث الآثمان لصالح الطاغوت المصري ورضاء عدوته الآولي إمريكا خزل قيادات المعارضة وهي تمد له اليد من اجل الوطن فكان يظهر لهم شيئا ويضمر آخر
وغير هذا الكثير الكثير
لذا نعم كانت مسيرات مليونية ولكن السبب في ذلك التعبئة للعوامل المشتركة وأهمها حنق السودانيين علي إميركا وسياسة الكيل بمكيالين ويد الإمبريالية العالمية في ما يجري في دارفور والدعم المعنوي والمادي الذي يقدمونه للحركات المسلحة في دارفور
صبوحة
| |
|
|
|
|
|
|
Re: الشعب قال كلمته مالى اراكم صامتون (Re: صباح حسين)
|
صبوحة ... اسعد الله صباحك بالخير والعافية والسلامة الوافية اولا شكرا على كلامك وحديثك السمح واتفق معك فى كثير مما قدمتية بشان الحكومة الحالية وهذه مسالة لا انكرها وارى ان ثمة اتجاهات لازمة لمعالجة ذلك واعتقد ان الاسلاميين جادون فى هذا المسعى واؤمن بان تيار الاصلاح والمصالحة مع اصل ومقاصد فكر الحركة ومجمل مكونات القوى السياسية الاخرى يسعى بصدق لبلورة وضع جديد لكن الاشكالية تبقى دوما فى الطرف الاخر الذى تقف التوجسات فى رصده لكل حركات وسكنات النظام الحاكم والذى بدلا عن اشعال الضوء فى دربه يقف خصومه يلعنون الظلام ويضعون المتاريس ومنها مشكل دارفور والذى تعلمون ام لا تعلمون كان مخطط نهضت به ودعمته بعض الاحزاب ثم تدخلت الاطماع الدولية ولوبيات الضغط كما ترين والازمة الاكبر اننا فى السودان بحاجة ماسة يا صبوحة لفرز الوان دقيق بين موقفنا من خلافات احزابنا وبين موقفنا الجمعى من وطننا غض النظر عن تلك الخلافات والذى ارمى اليه فى النهاية ان الحكومة اخطات فى اشياء كثيرة لكن ما يحدث سيجعلها فى موقف الشهيد والمظلوم ودونك ما حدث بالامس حين وجدت الحكومة نفسها مدعومة فى هذه الازمة دعما قد تشكر عليه مجلس الامن ومتمردى دارفور
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
يا محمد حامد جمعه
كلامك صاح مئه بالمئه الجماعه ديل الطلعوا المظاهره اصلوهم ما كيزان عاين ليهم ضعاف وتعبانيين وميتين من الجوع كيف وانت عارف كويس الشعب الطلع بالملايين ده لموهو من خلاوى شرق النيل ومن الجنيد ورفاعه والحصاحيصا ومن معسكرات المويلح ومن القرى الجنب العاصمه يعنى ناس ترابله مساكين ساى لا عارفين امريكا ولا سمعوا بفرنسا الحافلات وقفت وركبوهم قالوا ليهم ارح الخرتوم للفرجه والجماعه ما صدقوا . وبالمناسبه الشعب الواقف مع الحكومه وقال كلمته مش حرام عليكم بعد ما جبتوه الخرتوم تفكوه عكس الهوى و تخلوه يشهد حق الرجعه من فلول الطابور الخامس و المارقين واعداء الدين والوطن الما طلعوا المظاهره. حاشيه: انت بحكم عملك وزير الخارجيه صاح قدم استقالتوا
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
انور تحياتي
مرة اخري لغتي ماسليمة علي اي اساس؟
علل.
ذي ماكررت القول من قبل، الكيزان وكل جماعات الاسلام السياسي بدرجات متفاوتة ماسودانيين، من حيث اخلاقهم وسلوكهم وفهمهم الوافد للدين.
هم من ادخلو العنف والغدر والتشفي والفجور في الخصومة في رحاب العمل السياسي في بلدنا.
هم من ادخلو قيم الجهاد الوهابي في العمل السياسي ضد مواطنين سودانين مساوين لهم في حقوق المواطنة والواجبات.
هم من اهانو نساءنا وجلدو اخواتنا بالسياط واغتصبوا الحرائر في دارفور.
هم من افرغو الدين من شحنتو الروحية ليلقوا به جثة هامدة في قارعة الطريق، ممادفع بهم لتجسيد احط نماذج الفسق والانحلال الخلقي، مما ادي الي تفشي الفساد واستشراء الرشوة والمحسوبية علي نحو لم يتكرر في تاريخنا منذ ايام التركية المقبورة.
هؤلاء لايشبهونا في شئ لتشبهم باسيادهم العرب، وبالذات شذاذ الافاق منهم، كالزرقاوي وبن لادن.
اماكون الانقازيين اولياء نعمة محمد جمعة فهذه حقيقة. الرجل اتي للمنبر تحوم حوله شبهات العمالة للامن الانقاذي من دون كل بقية العضوية تقريبا.
رغم ذلك دافعت عن حقه في التعبير والعضوية بشدة.
اذا كلامي ده حاصل فماوجه اعتراضك علي لغتي؟
الحد الفاصل عندنا مابين الراي والاساءة هو اقامة الدليل.
نحن لانلقي القول علي عواهنه، ولن نقبل ان يتم اسكاتنا بحجة اللغة ولا غيرو.
انت لوعندك ارضية مشتركة مع هذا لانقازي تسمح لك بلغة محايدة، فلا ارضية مشتركة لي مع الانقاذيين ولن اتنازل عن اضعف الايمان ليرضوا او ترضي عنا، ولست بقائد للواء السودان الجديد بالمنبر، لاني لم اقدم مايؤهلني لهذا الدور.
اناعسكري نفر في خندق المقاتلين من اجل سودان جديد، هنا، وهذا كافي جدا.
| |
|
|
|
|
|
|
Re: الشعب قال كلمته مالى اراكم صامتون (Re: Bashasha)
|
سلام يابشاشا
قولك:
Quote: ذي ماكررت القول من قبل، الكيزان وكل جماعات الاسلام السياسي بدرجات متفاوتة ماسودانيين، من حيث اخلاقهم وسلوكهم وفهمهم الوافد للدين. |
انت اذا تطعن في سودانية أي شخص يختلف معك في الرأي فهم مشكوك في سودانيتهم وليست وطنيتهم عندك....فهل مؤيدي فكرة السودان الجديد محتكري لسودانيتهم و وطنيتهم !!! هذا نفس التحجر الفكري الذي يمارس من قبل الانقاذ وجماعات الهوس السلطوي التدميري.
وقولك:
Quote: هم من ادخلو العنف والغدر والتشفي والفجور في الخصومة في رحاب العمل السياسي في بلدنا.
هم من ادخلو قيم الجهاد الوهابي في العمل السياسي ضد مواطنين سودانين مساوين لهم في حقوق المواطنة والواجبات.
هم من اهانو نساءنا وجلدو اخواتنا بالسياط واغتصبوا الحرائر في دارفور.
هم من افرغو الدين من شحنتو الروحية ليلقوا به جثة هامدة في قارعة الطريق، ممادفع بهم لتجسيد احط نماذج الفسق والانحلال الخلقي، مما ادي الي تفشي الفساد واستشراء الرشوة والمحسوبية علي نحو لم يتكرر في تاريخنا منذ ايام التركية المقبورة.
هؤلاء لايشبهونا في شئ لتشبهم باسيادهم العرب، وبالذات شذاذ الافاق منهم، كالزرقاوي وبن لادن. |
لا خلاف في هذا
وقولك:
Quote: اماكون الانقازيين اولياء نعمة محمد جمعة فهذه حقيقة. الرجل اتي للمنبر تحوم حوله شبهات العمالة للامن الانقاذي من دون كل بقية العضوية تقريبا. رغم ذلك دافعت عن حقه في التعبير والعضوية بشدة. |
اتمني ان يكون مقصدك - اما دفاعك عنه في التعبير هذا ماعرفناك به
Quote: نحن لانلقي القول علي عواهنه، ولن نقبل ان يتم اسكاتنا بحجة اللغة ولا غيرو |
خرجت من عنق الزجاجة اذا
Quote: انت لوعندك ارضية مشتركة مع هذا لانقازي تسمح لك بلغة محايدة، فلا ارضية مشتركة لي مع الانقاذيين ولن اتنازل عن اضعف الايمان ليرضوا او ترضي عنا، |
ليست لدي ارضية مشتركة ودخلت هنا بايدلوجيه تختلف من بايدلوجيه محمد ...تابع
ولم تجب علي سؤالي كيف تكون نظرتك انت بشاشا لمن قام علي كتفيه السودان الجديد ??
أنور أحمد
| |
|
|
|
|
|
|
Re: الشعب قال كلمته مالى اراكم صامتون (Re: Bashasha)
|
اناعسكري نفر في خندق المقاتلين من اجل سودان جديد، هنا، وهذا كافي جدا.
طيب يا بشاشا : وكت انت عسكرى مش احسن تكون منضبط فى لغتك وانت تخاطب حضرات الضباط ... امشى انتظم واربط قاشك وورنش بوتك وتعال دق رجلك قبال ما تخش البوست دا ... انصراف بالمناسبة انا ما برفض الشتم - يعنى حتقول شنو اكثر من القالوه اخوانك - لكن بس بدعوك لان تترفق بالقراء ممن ليسوا اعضاء بالمنبر عشان ما يخادو انطباع مش كويس عن السودان الجديد بتاع الشتائم والنبذ دا
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Quote: انت اذا تطعن في سودانية أي شخص يختلف معك في الرأي |
ياانور ده نظام مجرم وفاسد وفاسق وبشهادة المجتمع الدولي، تقول خلاف في الراي؟
خلاف شنو او راي شنو مع قرن الشيطان هذا؟
ثم ياخي ماانا لوحدي القال عليهم ماسودانيين. الطيب صالح قال نفس الكلام ده. ذي ماكررت من قبل الكوز ماسوداني في اخلاقياتو، مقارنة بالشيوعيين مثلا.
نحن بنتكلم عن سلوك مجسد ومجسم في اللحم والدم وعلي مستوي الدولة، تقول راي؟
كل عشيرتي تقريبا كيزان، ولهذا عايشتهم عن قرب. منهم الزبير الفي الحسبة عم لي. فانا اعرفهم In & Out, man!0 تقول لي راي؟
سؤالك الاخير مافهمتو، ممكن توقعوا لي؟
| |
|
|
|
|
|
|
Re: الشعب قال كلمته مالى اراكم صامتون (Re: Kostawi)
|
الاخ/محمد صدر القرار وواجب التنفيذ السول الان بعد هذه المسيرات :ـ هل ذلك سوف يعطل القرار ومجلس الامن سوف يقوم بالغائه؟ سوف يستمر لتنفيذ القرار حسب الاليات لمثل هذه القرارات هل رفض القرار وادانته والتصريح بان الحكومة لن تسلم اى شخص اذا طلب ماهى توقعات ماسيحدث؟ وهو له جانبين :ـ 1- جانب الحكومة:ـ رفض القرار وتعنت ومسيرات وصراخ وتستمر النار فى دارفور ويتطاير شرارها الى جهات اخرى ،، ثم ماذا بعد؟؟؟ اتدرى؟ 2-جانب الامم المتحدة:ــ باختصار سوف نكون (ليبيا اخرى) والاليات من قبل الامم المتحدة كالاتى:ـ او الافضل قل لنا ماهى حسب وجهة نظرك ؟
| |
|
|
|
|
|
|
Re: الشعب قال كلمته مالى اراكم صامتون (Re: صلاح الدين عبدالله محمد)
|
محمد حامد : سلامات .. عساك بقيت طيب ؟ لا يفوتك أن من يعول عليهم ( فرسان التغيير ) بالخارج ( تفرنسوا و تأمركوا ) عبر القرارات الدولية رغم أن أمامهم كثير من التجارب التى استفادت منها الشعوب الأخرى في رفض التدخل الأجنبي. لكن نجد أن بعض قوانا السياسية لا ترفض بل ( ترفد ) مثل هذا التدخل . فمن أين و كيف أتى القرار الدولي موضوع الحديث : 1- نتيجة كبر الجريمة و عدد الضحايا الضخم . 2- من التماطل القانوني في السودان الذى عجز عن إيقاف و محاكمة المجرمين . 3- عن المعلومات الأكيدة التى أثبتت تورط كبار القادة في تمويل و تشجيع العمليات في الغرب . 4- الإستهداف الغربي للدولة القارة التى تتوسط ثماني دول أفريقية و عربية في قمة المشروع الغربى للقارة . تكاملت كل هذه الظروف و قدمت التدويل للقضايا السودانية لمجلس الأمن حيث لم يجد السودان من مناصر الا دولة الجزائر التى لا تملك الفيتو . الوضع أحرج حتى أصدقاء السودان الذى لم يعرفوا حتى الآن كيف يدافعوا عما يجرى محليا و دوليا . الجبهة الاسلامية يا محمد حامد أدخلتنا في متاهة جد خطيرة و صعبة ؛ تجربة الشعب السوداني معها منذ جبهة الميثاق مرة و مؤلمة ؛ و هذا هو الحصاد . من الناحية الأخرى ؛ ليس هناك من يعول على قوى المعارضة ؛ فمن الطبيعي جدا أن تستمسك بالقرار الدولي الذى ترى فيه خلاصا و بديلا بعد ان فشلت فشلا مخجلا في التغيير ؛ خاصة التجمع الذى تشتت ولم يجد لم شمل - بعد ان باعته الحركة في الاتفاق الثنائي المسمى بإتفاقية السلام في نيفاشا - لم يجد الاهذا القرار و تأييده بشدة ليصل للخرطوم . لكن السؤال الكبير : من الذى كتب بيان التجمع الأخير المؤيد للقرار في حين أن رئيسه أصدر بيانه رافضا للقرار ؟ هل يمكن ان يوقع السيد الميرغنى على رأيين سياسيين متباينين هكذا ؟ و منذ متى اصدر التجمع بيانا واحدا متفق عليه منذ مؤتمر القضايا المصيرية ؟ و لماذا جلس التجمع مع المؤتمر الوطنى و هو يعرف انه الذى أجرم في دارفور طالما ان الجريمة شنعاء تتطلب تدخل القضاء الدولي ؟ الأسئلة كثيرة و محيرة ؛ لكن طالما ان الوضع ( الحاكم و المعارض ) هكذا فتبا لغد آت .
| |
|
|
|
|
|
|
Re: الشعب قال كلمته مالى اراكم صامتون (Re: صلاح الدين عبدالله محمد)
|
أخي محمد حامد جمعه، كتبت:
Quote: العوض قلبو مو رجيف يا وابل الضحى الهتيف الليلة الناس سوت البدع ..................... ويا اخوانا البره .... الناس جوه البلد زعلانة لكن صدقونى حتموت بشرف |
بصراحة لم أفهم ماذا تقصد! وعندما توضح أكثر سأقوم بالرد عليك. وإلى ذلك الحين أهديك هذه الصورة وهي سبب مطالبتي بالعدالة الدولية:-
والسبب الثاني هو كا عبر عنه السيد الصادق المهدي في مقاله الوارد في هذا الرابط السيد الصادق المهدي : الشعب السوداني حريص على ان ينال ا...ة عقابا عادلا ورادعا
وبالتحديد عن استقلالية القضاء التي ورد فيها:
Quote: الثاني: القضاء السوداني قضاء عريق بلا شك وقد ساهم قضاتنا في تأسيس القضاء في كثير من البلدان الشقيقة. ولكن نظام «الإنقاذ» في السودان اعتدى على استقلال القضاء لا سيما في الفترة التي أطلق عليها الشرعية الثورية، حيث أحيل عدد كبير من أكفأ القضاة للتقاعد من دون وجه حق، واستقال آخرون احتجاجا وجرى تعيين قضاة من أعلى السلم إلى أوسطه وأدناه من قضاة ملتزمين حزبياً للجبهة الإسلامية القومية سابقاً، ومن ثم للنظام القائم حالياً. تمت الإعفاءات والتعيينات بوسائل لم تراع قدسية واستقلالية القضاء. ونتيجة لهذه الإجراءات تشرد عدد كبير من القضاة السودانيين المؤهلين. وفي 5/1/2005 أرسل ممثلون لأربعمائة قاض مذكرة لرئيس الجمهورية بصورة لنا جاء فيها بالنص: «نقول بتواضع واحترام إن استقلال القضاء كقيمة حقيقة لا يقوم فقط بإيراد النصوص المنظمة إذ لا خلاف في أن دستور 1998 نص على استقلال الهيئة القضائية غير أنه لا يخفى على أحد أن الدستور شيء وواقع الحال شيء آخر. إن الهيئة القضائية بحالتها الراهنة غير مؤهلة للقيام بدورها المرتقب في حماية الحقوق والحريات وبسط العدل وتحقيق المساواة». إن ممارسات نظام «الإنقاذ» نحو القضاء خلقت رأيا عاما في السودان، يؤيد هذا الاستنتاج فلا غرو أن جاء في تقرير اللجنة الدولية لتقصي الحقائق في حوادث دار فور أن «النظام القضائي السوداني قد أضعف كثيرا أثناء الحقبة الماضية». فأوصت اللجنة لمجلس الأمن أن يحال المتهمون بجرائم الحرب والجرائم ضد الإنسانية في دار فور للمحكمة الجزائية الدولية، لا سيما، ويذكر التقرير أن عددا من المتهمين هم من أفراد غير سودانيين، كما أن من المتهمين أفرادا من المقاومة المسلحة.
|
أما أم الأسباب فهي أن نظام البشير غير شرعي، وكل ما بني على الباطل فهو باطل.
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
تعجبنى غيرتكم ... و حبكم للوطن الكبير ، يعجنى إبداء الرأى و إحترام الآخر .... و لاتعجبنى بعض العبارات التى تتخلل الأسطر هنا .... وهناك ، هذا المكان الذى تتحاورون فيه أصبح منبرا عالميا ، و البلد الذى ( تتقاتلون ) من أجله كبيرا و جميلا ، أتمنى أن نكون جديرين بالحوار من أجله ، للجميع مودتى .
| |
|
|
|
|
|
|
Re: الشعب قال كلمته مالى اراكم صامتون (Re: Elawad Eltayeb)
|
العوض ... رحم الله الشهداء تخريمة : بالمناسبة فى ناس كتلوهم الثوار - ان صحت التسمية - فى ابو كارنكا وبرام وكلبس واللعيت جار النبى وغبيش والمجرور .... ولا ديل برضو ما شهداء يستحقو الاعلان عنهم والدعء لهم والدعاء على من سفك دمهم
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
قيل ان اشعب سئل يوما: ايهما احلى الارز باللبن ام الفطير بالعسل فقال : لا احكم على شيء غائب
الاخ / محمد حامد الحكومة طلعت بي ناسها وقالوا كلامهم .... ممكن تخلوا الناس التانية تعبر بحرية عن رأيها ؟؟؟؟ عشان المقارنة تكون على المكشوف.
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
يؤسفني ان اقول انك تجيد المقدرة على الزوغان من الحوار المفضي الى نتيجة. انت بتنط من نقطة الى اخرى او ردود بلهوانية موضوع الانتخابات احيلك الى رأي البروفسير حسن مكي والدكتور غازي حيث اتفقا ان الحركة الاسلامية زورت الانتخابات ولا تزال الانقاذ تفعل بحسبان ذلك من الدين. انت كصحفي الم تحس بان انتخابات اتحاد الصحفيين كانت مهزلة. راجع زملاء المهنة ومنهم قد تعرف تقييم الآخرين لكم انتو الآن بتزوروا ارادة امة لحماية مجرمين ... يا تو انتخابات عايزين الطرف التاني يقبل بيها وانتو يا هو انتو
| |
|
|
|
|
|
|
Re: الشعب قال كلمته مالى اراكم صامتون (Re: Zoal Wahid)
|
يا زول ... انا شخصيا مقتنع لو الاسلاميين كسبوا حتى الانتخابات القادمة - بعد فترة النقاهة للسلام - برضو حتجو ناطين بانو دى مزورة ومضروبة وغيرو ... ما كل الاحزاب بعد الانتفاضة ما خلت للجبهة الاسلامية صفحة ترقد عليها ولمن جات الانتخابات اكتسحنا دوائر كتيرة - خاصة فى الخريجين - وفى ناس جرت هوا ... بنابر فى الجمعية التاسيسية ما لقوها ... وربك يعجل بانتخابات ... والنشوف اخرتا
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
الاخ محمد حامد جمعة
لك التحية
عندما يتعرض الوطن لمحنة يبقي النداء هنا نداء الواجب والضمير والعقل النقي
والخروج الجماهيري الذي اسميته انتفاضة ونحن نتمناها اكثر من ذلك وهو موقف يعزز من شان الوطن ان كان هذا الموقف من جماهير الانقاذ ام جماهير الشعب عامة
ولكن مايدعو للسف موقف بعض الاخوة السودانيين الذين ركبوا حصان مجلس الامن الاعرج متوهمين ان الانتصار لا يتم الا عبر هذه البوابةالخجلة والمنكسرة
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Quote: انتقادات لموقف الصين من القرار 1593 الأربعاء 6 أبريل 2005
الخرطوم(smc) انتقد د. نافع علي نافع وزير الحكم الاتحادي الصين لعدم نقضها للقرار 1593 «وهي تملك القدرة والاسباب المنطقية لنقضه» وتساءل قائلاً ماذا تنتظر الصين لتستخدم حق النقض في مواجهة القرارات الظالمة التي تستهدف اصدقاءها لكن د. نافع وجه تحية للشعب الصيني ووصفه بصديق الشعب السوداني |
وقد قال لهم الوزير بالغتى يا الصين راجيه شنو، بعد العقودات دى كلها؟؟؟ لكن برضو اصدقاء لاغبياء سياسة الانقاذ الخارجيه، ان كان للصين مصالح بمئات الملايين فى السودان فلها بعشرات الاضعاف مثلها مع امريكا ... والسياسه مصالح
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
Quote: انتقادات لموقف الصين من القرار 1593 الأربعاء 6 أبريل 2005
الخرطوم(smc) انتقد د. نافع علي نافع وزير الحكم الاتحادي الصين لعدم نقضها للقرار 1593 «وهي تملك القدرة والاسباب المنطقية لنقضه» وتساءل قائلاً ماذا تنتظر الصين لتستخدم حق النقض في مواجهة القرارات الظالمة التي تستهدف اصدقاءها لكن د. نافع وجه تحية للشعب الصيني ووصفه بصديق الشعب السوداني |
وقد قال لهم الوزير بالغتى يا الصين راجيه شنو، بعد العقودات دى كلها؟؟؟ لكن برضو اصدقاء لاغبياء سياسة الانقاذ الخارجيه، ان كان للصين مصالح بمئات الملايين فى السودان فلها بعشرات الاضعاف مثلها مع امريكا ... والسياسه مصالح
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
والسياسه مصالح الغريبة لمن ناسنا يلعبوها كدا
المشكله ناسكم قالوا هى لله "بس" لا للسلطه و لا لشنو؟؟ للجاه باقى ليك ناسكم ديل حيخلوا العمارات السوامق وال قصور دى و يمشوا للموت ، ولا البيوت فى ماليزيا وسويسراجاهزه وحسابات بره ملانه و مستفه، ولو مغالطنا اسال العنبه و لا السعيد عثمان محجوب، قال شركة نسيج قال
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
الاخ محمد خالد جمعة
تحياتي
عندما يتعرض الوطن لمحنة يبقي النداء هنا نداء الواجب والضمير والعقل النقي
والخروج الذي اسميته انتفاضة ونحن نتمناه طوفان خروج مطلوب ويعزز من شأن الوطن ان كان وقود هذا الحروج من جماهير الانقاذ ام من جماهير الشعب السوداني عامة وان كنت احسب ان التمييز واظهار التسميات الحزبية في مثل هذه المواقف معيب ومؤسف بل والمؤسف جدا موقف بعض الاخوة الذين ركبوا حصان مجلس الامن الاعرج واهمين ان طريق الانتصار لا يمر الا عبر هذه البوابة الخجلة والمنكسرة
عوض عمر
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
الاخ محمد حامد جمعة
تحياتي
عندما يتعرض الوطن الى محنة يبقى النداء هنانداء الواجب والضميروالعقل النقي والخروج الذي اسميته انتفاضة ونحن نتمناه طوفان خروج يعزز من شان الوطن ان كان هذا الخروج وقوده جماهير الانقاذ ام جماهير الشعب السوداني عامة وان كنت احسب ان التمييز الجماهيري هنا معيب ومؤسف بل والمؤسف اكثرموقف بعض الاخوة الذين ركبوا حصان الامم المتحدة الاعرج متوهميين ان طريق الانتصار
لايمر الاعبر هذه البوابه الخجلاة والمنكسرة
عوض عمر
| |
|
|
|
|
|
|
Re: الشعب قال كلمته مالى اراكم صامتون (Re: عوض أحمد عمر)
|
الاخ محمد حامد
وماذا بعد هذه المظاهرات؟؟
ناسك ديل يا اخوي احسن يرجوا الراجيهم
ماذا فعل الغزافي ما هو برضو اتراجل واتفاصح والمحصلة كانت ايه
وا حسرتاه علي السودان ما عارفة ناس انغاذكم ديل موصلنه وين الله يكدب الشينة
مع سلامي
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
أخي محمد حامد جمعه لك التحية والتقدير ولشعبنا العظيم العزة والمنعة والرفعة أياً كان الذي شاركوا في تلك المسيرة أو المظاهرات فإنهم لن يغيروا شيئاً من الواقع ، وأنا شخصياً أمقت الإنقاذ ليس لذاتها إنما لصفاتها وسوء إدارتها لدفة الحكم في البلاد منذ أن داست مجنزراتها على أسفلت شارع القصر وشارع النيل وشارع الإذاعة وحتى يومنا هذا ، ولندع كل ذلك جانباً ونقول أن خيار الشعب برفض القرار الأممي لن يؤخر أو يقدم في الأمر شيئاً فالعالم لم يعد يهاب أو يخشي أو يتعاطف حتى مع تجييش وتعبئة الشارع في أى مكان في العالم حتى في أمريكا بل أصبحت مثل تلك المظاهرات التي طالعتنا بها الكثير من الفضائيات من العاصمة الخرطوم مجرد غوغاء لا تنظيم و لاترتيب ، أما أولئك الذين خاطبوا الجمهور المحتشد لم يضيفوا للحقيقة شيئاً فخطب عنترية ملؤها الوعيد والتهديد وزبد ما يلبس أن يذهب جفاء ، وما تجييش الشارع العراقي ضد الأمريكان ولا الشارع الأفغاني والباكستاني تارة بإسم القومية وأخرى بإسم الدين ببعيد عن واقعنا. كمواطن أرفض كل ما يمس أمن وسلامة ووحدة الوطن وفي المقابل أؤمن بالعدالة والمساوة التي لم نتذوق طعمها ولو جزئياً طوال فترة الحكم الحالي فالخرطوم ، وهنا لا أنشد المدينة الفاضلة لأنني أعلم يقيناً أنه لم يعد زمان عمر بن الخطاب رضي الله عنه قابل للتكرار في عصرنا هذا ، لكن لما لم تحرك الحكومة ساكناً ولم تتحرك لمحاكمة الذين إرتبكوا كل تلك الفظاعات في السودان بصفة عامة وفي دارفور على وجه الخصوص ولو صورياً كان لابد للعالم أن يتحرك فلم يعد القانون أخي مع الحق في كل الأحوال فإحتلال العراق لم يعد له ما يبرره غير الرغبة في غزوه شئنا أم أبينا ومحاكمة القائمة التي حوتها كراتين عنان لمحكمة العدل واقعة رغم أنفنا جميعاً. وأخشي ما أخشاه أنها لم تعد لله بل للسلطة والجاه
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
جمعة ، أي فرس وأي مربط ؟ ستنال منكم العدالة مهما طال الزمن . ونحن بدورنا سنشد من أذر العدالة الدولية الي أن تنالكم الواحد تلو الآخر ، وحتما سينقلب الأمر . نشاهد كيف يفرفر مستخدمينك ، حيث لا نفعهم مال ولا بنون . شفقتي عليك بعد الزج بتلك الشرزمة بقونتانمو- كوبا ؛
دنقس .
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
العزيز / محمد حامد جمعة
المحترم
دعك من هؤلاء يمكن عاودتهم الحنين لصفوف البنزين وصفوف الخبز (باليوم وليس بالساعات ). نحن كدهـ
لايعجيني العجب ولا الصيام في رجب . ومثلما هناك سلبيات اكيد هناك اجابيات اكتر بس مين يعترف .
وبالمتاسبة ماانتمي لاي حزب فقط انتمي للسودان .
| |
|
|
|
|
|
|
Re: الشعب قال كلمته مالى اراكم صامتون (Re: محمد حامد جمعه)
|
نقطة نظام لوسمحتو انا مندهش لي قبولكم لي مسيرات الانقاذ كمعيار لاي شئ!
ده هظار عديل!
بل حتي في النظم الديمقراطية مسيرة تنظما الحكومة فلايعتد بهاعلي الاطلاق، خليك من محترفي فبركة المسيرات ديل.
مع انو الي هذا التاريخ ماشفت حكومة دولة ديمقراطية تنظم مظاهرات! صراحة فهمنا للعملية كلها متخلف بمئات السنين عن فهم وممارسة الشعوب الواصلة للمسالة كلها!
النقطة الحرجة هنا، انو السوداني العادي بينفر من منظر سوداني اخر يقتاد ليحاكم في الخارج هذه حقيقة، ولكن اذا ذات الفرد تروي شوية حيصل لي انو مافي حل تاني علي الاطلاق الا باستقالة هذا النظام واعادة الجهاز القضائي لماقبل 89 ليحاكمو مجرمي الحرب وهذا ايضا مستحيل!
من يرفض المحاكمات ويرفض استقالة النظام كوز او عميل للنظام او منتفع، لاغير!
| |
|
|
|
|
|
|
|