|
|
 فيلم سودانى انتاج 2005 ( الخرطوم عاصمه الثقافه العربيه )
|
مشهد اول :
اينشتاين ذات نفسه له مقوله مهمه (ان الحقيقه بسيطه ) وهو من اكتشف نظرية النسبيه بكل تعقيداتها ولكن هنالك بشريه فتح الله عليهم شباك معرفه بسيط وتراهم يتجدعون اوصافهم كالاتى : ( نظارة طبية على ارنبه الانف وقميص محشو فى البنطال على طريقه خالى مسؤوليه يدعون المعرفه وهم دون ذلك
مشهد ثان
السيد ( قبورة ) فى السبعينات دخل مدرسه ريفيه وكان ذلك انجازا مابعده على حسب وضع قريته الصغيرة وعندما عاد من الاجازة انتظره صبيان الحله على أحر من الجمر حتى يخبرهم عن أجادته للتنقليزى الذى سمعوا انه اصبح يجيده جاد السيد ليونسكى تماما
قالوا له كدى قولينا : قبورة جا من بربر بالانجليزى
مده عنقه بزهاء وكبرياء وقاليهم دقيقه اشرب من الزير جغمه واجيكم فالبتاع دة داير تسليكه فى الحبال الصوتيه عشان الفونتكس وكدة
تفرجخ الاولاد ارضا فى انتظار الجمله الرهيبه
وعندما عاد بعد ان اكترع جغمتين من الزير قال :
بالانجليزى يعنى ( شكلتا قبربر هاز سفريفر بربر )
تصفيق شديد وموسيقى تصويريه
مشهد ثالث :
موظف ( باكستان ) ما ان يرى الحسناواات حتى تصيبه ام بعلو وتتجمد اوصاله ويرجف زى الجلى أمرة المدير ان يخاطب الموظفات الجدد ويرحب بهن بحسبانه أحسن من يجيد الحنك فى المؤسسه وماجاورها دخل عليهن وهن جالسات فى خدورهن وكل واحده تقول للتانيه انتى شنو وعلى العليها اضاءه شديده فى الغرفه الواحده تلمع زى صحراء الربع الخالى الساعه 12 ضهر
تصبب عرقا وعرقا وابتدر قائلا : نرحب بكم ... هناك طبعا الشغل هنا لازم يكون اول باول يعنى
Fce to Face
...و ...
صمت شديد ... ثم قرقر . قرقررررر
وطبعا صاحبنا عمل مكر مفر مقبل مدبر معا
مشهد اضافى :
واحد محتمز لامى فى الجماعه شمال ( المسأله الشوفونيه فى ايذان القدمبليه بالنمو الاصطراعى تثمل جذوه اليوتوبيا الدائريه فى الاربعه عشر لقطة عمياء وكنتورات البلى استيشن فى مسأله اليونتى لتيم مانشستر وانها سلكشن لايك زيس وثم ....
قبقبه احد الحضور .. ثم يامنجنيز البوتاسيوم حامض ... تنحنح الاستقرائى : فك يارويبض يافندمنتال انت ماعرفتنى انا مافلان بتاع الفلانيه .
رد المفقوعه مرارته : ان شاء الله تكون نمره حداشر بتاع كوستاريكا يا .... ( صوت شلاليت وكفوف على التوالى ) وهنا انسحب المخرج ( اسماعيل ) خوفا على نظارته والكاميرا التى استلفها من جماعه الرفق بالانسان
ستار
هذه الاستقرائيه متوفره فى اكثر محلات الكومنكيشن وانتو عارفين لكن ماجبنا سيره زول عشان فى واحدين بقوا يحمروا لينا فى الشارع سااااااااكت تقلو شلنا منهم بلازما الانصات وفنطازيه البعد العشر الموازى لسنه ثامنه .
الاستقرائيين ( مصطلح نجرته ونسه لوصف ناس فى الحته دى والحته ديك لاهان على ارضى واسامحك )
خبر عاجل :
الحاج فلهمه أسقط من كشوفات مثقفى الحله , بعد ان قبض عليه متلبسا يدندن وهو يدعك ملابسه ( حنانه و ده القسم البوش معانا وين .... )
وللسيناريو بقيه .........
|
|
 
|
|
|
|
فيس بوك
تويتر
انستقرام
يوتيوب
بنتيريست