|
|
 الحرف الخـتام
|
الحرف الخـتام
طليتى في زمن الزحام
وما لقيتى البشابه لي خطاك
ماتعلنى الحرف الختام
أصلو الصباح قرب يطُل
شيلي لصبر ...
وإتوشحى الشوق للطريق
الجاي من سكة الوجع
البينزف مني ..
لي حضرة العشق الهلام
وإتيقني إنو الوصول
لابد يـكون ...
مهما بعد مشوار خطاك
بستحلفك ...
ما تعلني الحرف الختام
إتذوقي في كل شبابيك المدن
وهج إنتصار ...
وإتاملى لون الصباح
مع غنوة الهم التعب
وإبقى النضال معنى الفرح
لي سكة الزمن المسافة
وتبقى أجمل كرنفال
بستحلفك ...
وأفرد جناحات العشم
بي نية الحلم القبيل
إتمددي ومدي الشعاع
شوفي النجوم كان توصلك
بس أظهري .. وأبقى الختام
لي سكة الوجع الكلام
بستحلفك ...
شيلي الصبر ..
وما تعلني الحرف الختام.
|
|
 
|
|
|
|
معتصم دفع الله
إسماعيل وراق
فيس بوك
تويتر
انستقرام
يوتيوب
بنتيريست