|
|
 قفوا معي إجلالاً وإحتراماً لهؤلاء ..
|
شكراً كبيراً لكم ...
شكراً جميلاً لكم ..
شكراً عجيباً لكم ...
الوقفة الوقفتوها معاي والله أعز الناس ما وقفوها معاي !!!!
الدور الشهم العملتوهو تجاهي أتحدي من ينافسكم فيه ...
في غربة يتنكر فيها الخليل لخليله والحبيب لحبيبه والصديق لصديقه كنتم أنتم أصدقائي..
في غربة مافيها غير أربعة جدران كنتم من يونسني .....
في غربة غريبة وعجيبة وكئيبة كنتم انتم من يشاركني همومي ...
والله والله والله الوقفة الوقفتوها معاي ما بيقيفا الا زول أصيل وود ناس وود أصول ..
لكم التحية وتعظيم سلام وإنحناءة إجلالا وإحتراماً ..
التحية لكم يا :
1- قناة الأفلام MBC2..
2- شعيرية إندومي جاهزة التحضير(متبلة) ..
3- قناة الجزيرة الرياضية ..
4-برينجلز لما تصك ما حاتفك ..
5- رز ابو كاس (بسمتي)..
اها يا ناس وروني منو الوقف معاكم في غربتكم !!!!!
|
|
 
|
|
|
|
|
|
|
|
Re: قفوا معي إجلالاً وإحتراماً لهؤلاء .. (Re: Hussein Mallasi)
|
| Quote: سودانيز اون لاين دوت كوم. |
دي واقفة معانا في الغربة وفي بلدنا ... الله يديها العافية ..
Quote: جريدة الحياة؛
بتاعت ناس الخازن و جورج سمعان؛
|
تعرف يا ملاسي الأيام دي عندهم دعاية في الراديو ترفع ليك الضغط ..
صوت الراجل : أشوفك كل يوم صرت تقرين الجريدة ..
صوت المرا : إنتم يا الرجال فاكرين (الحياة) ليكم وحدكم ..
تخريمة :
الغربة لكن ما عنننننننننننننننننننندك ..
| |
|
|
|
|
|
|
|
|
|
Re: قفوا معي إجلالاً وإحتراماً لهؤلاء .. (Re: A.Razek Althalib)
|
ابو رزقة :
Quote: والله ضحكتني..
بعد الزعل الفيني |
سبب واحد يخليك تزعل ماف عرفناك هاشاً باشاً خليك مواصل علي كده ...
تعرف يا ابورزقة ..صلاح شتات ده واحدة من الحاجات الصبرتنا علي الغربة وممكن لمن ترجع السودان تذكروا ضمن حصاد غربتك ..
صلاح شتات رغما عن (نورو المولللللللللللللع طوااااااالي) لكن رائع روعة الأرجنتين وإنجلترا البرازيل وكل منتخبات كأس العالم ...
| Quote: والأحجام العائلية للمشروبات الغازية.. |
دي حصرياً علي غرفة فاجأتك السنين ملتقي الأحبة في الدار العامرة بقيادة العمدة معتصم ود دفع الله ...
| |
|
|
|
|
|
|
|
|
|
Re: قفوا معي إجلالاً وإحتراماً لهؤلاء .. (Re: عمر الفاروق شيخ الدين)
|
التحية والتقدير لام بي سي تو
وون تي في
التحية والتجلة والتقدير للاخوة البخارية نفر رز دجاج شواية
تميس وقلابة
التحية والتجلة والتقدير
للاخوة في لتل سيزر
التحية والتجلة والتقدير والاحترام والانجياز لرابطة سودان دوت نت واجتماعاتها
يوم الخميس من كل اسبوع واستثماري فيها (العشاء المضمون) والونسة الدقاقة
وتحية خاصة للغالية هي التي تضئ ايامنا وتجعل للحياة معني ان تستمر 
كل الشجب والاستنكار والادانة لشركة الاتصالات السعودية التي نغصت حياتنا وبطاقاتها المدفوعة سوا 
| |
|
|
|
|
|
|
|
|
 Re: قفوا معي إجلالاً وإحتراماً لهؤلاء .. (Re: اساسي)
|
اساسي
الكتل ملف منو..
الله يلعن أباليسهم..
والملف الكتلو زولك ده..
ملف علاقي... ولا بانوراما..
عمر الفاروق شيخ الدين..
بالمناسبة تمبس ماشي عمرة يوم الخميس ...
وده داير ليهو إفراد بوست...
معتصم دفع الله..
هو معتصم في الله معتصم بالله محتسب..
وأنا داير أفرد ليهو بوست مع سيف مساعد..
للمصالحة..
وكفي الله المؤمنين الفتن..
ما ظهر منها ..
وما بطن..
قولوا آمين...
| |
|
|
|
|
|
|
|
|
|
Re: قفوا معي إجلالاً وإحتراماً لهؤلاء .. (Re: abuguta)
|
أبوقوتة القنبلة الغير موقوتة ..
لأنو بي الجد انا لو مكانك وبي حالتك ديك كان إنفجرت زماااااااااااااااان
Quote: ..حصل مرة عليكم ناس
بدينوا البنزين...
|
والله دي أول مرة أسمع بيها!!!!! زمان سمعنا بي شحدة البنزين وتكون حايم بي خرطوشك والباقة لكن حقك ده مشاااااااااتر ...
| Quote: ديل ساعدونى فى الغربة..الطلابية |
اها يا خوي الغربة بعد العمل كيف ؟؟؟؟
بس أوعك تحيي تجار عموم البطحا ..خصوصا الهنود منهم والبيكونو وصاهم عمك عبد الغني خان عليك ..
| |
|
|
|
|
|
|
|
|
|
Re: قفوا معي إجلالاً وإحتراماً لهؤلاء .. (Re: عمر الفاروق شيخ الدين)
|
أساسي الفرتق الكراسي في راس الشماسي..
ياراجل إنت نكار جميل كده مالك ...
شوهدت وأنت تتجول في (البك) مرات ومرات... وفي كل 5 كيلو في جسكم يوجد 3 كيلو من البك ...
| Quote: كل الشجب والاستنكار والادانة لشركة الاتصالات السعودية التي نغصت حياتنا وبطاقاتها المدفوعة |
نغصت حياتنا ونقصت جيوبنا بل وقددتها ...
اللهم أسرع في خدمات الإتصالات الأمارتية وأجعل كيد أصحاب الكبائن في نحورهم ...
| |
|
|
|
|
|
|
|
|
|
Re: قفوا معي إجلالاً وإحتراماً لهؤلاء .. (Re: ابو جهينة)
|
أستاذنا أبوجهينة :
والله سبل النقل بنحييها بس الخطوط السعودية دي تزاكرا غااااااااالية ..
الخطوط السودانية تأخر أشواقنا زهاباً وإياباً ..
التريب تك يؤجل تحرك أشواقنا عبر عرباتنا الخاصة..
في إنتظار الأسكلا التي تزيد من كميات الشحن وال 100 كيلو ...
| |
|
|
|
|
|
|
| |
Hussein Mallasi
A.Razek Althalib
اساسي
abuguta
ابو جهينة
عمران حسن صالح
فيس بوك
تويتر
انستقرام
يوتيوب
بنتيريست