لاحظت في الفترة الأخيرة غزو كيزاني مكثف ومنظم ومخطط له لهذا البورد. وقد كان الغزو كثيفا ومنظما بحيث أن كل كيزان البورد U]U] يتداخلون في نفس الموضوع وبنفس المضامين والمعاني. وتجدهم كلهم يلجأوون للهتر والكلام البذيء في المواضيع التي لا يستطيعون الرد عليها )أو تتم (زرزرتهم فيها). أو يحاولون كلهم جر البوست المعين إلى منحى بعيد عن الموضوع الذي فتح من أجله . كذلك لاحظت أنهم لا يتداخلون في البوستات فرادى (يعني دايما بيجوا متبارين) ليعينوا بعضهم البعض(وطبعا بيتفقوا في الأول عن طريق الماسنجر والتلفون على الردود والتكتيك )
منذ ثلاثة أيام لاحظت انحسار هذه الهجمة واختفاء العديد منهم. ماهو السبب
هل هي وقفة لتنظيم الصفوف
أم هروب من المعركة
وللا ياربي يكونوا مشوا لافتتاح خزان مروي ولسه ما رجعوا.
(عدل بواسطة shammashi on 03-21-2005, 11:32 PM) (عدل بواسطة shammashi on 03-22-2005, 00:19 AM)
03-22-2005, 00:34 AM
shammashi shammashi
تاريخ التسجيل: 03-10-2002
مجموع المشاركات: 2278
عندنا واجد اخونا من اكبر المعارضين للحكومة 12 سنة ما نزل اها امه جاءت زياره له...لما سافرت سفرها مع زول معرفة فى المطار جاءت سياره اخذتها من سلم الطيارة الى صالة كبار الزوار...مشى ليهم فى البيت لقى ولدها كبييييييييييير فع ناس الانقاذ....لما جاء من الاجازة قال لى والله انتو الماكلين هواء قلت ليه كيف...قال الناس هنا معانا معارضة وهناك اخوانهم شايلين ليهم حقهم وبكرة تجى حكومة المعارضة بتاعة المنافى...ديل يقسمو معانا.. اها شنو ليك فى كلامى دا.. الجماعة عندهم عزاء وفرح مع بعض
03-22-2005, 00:58 AM
shammashi shammashi
تاريخ التسجيل: 03-10-2002
مجموع المشاركات: 2278
والله يا شماشي قصة واخرها لسه عشنا وشفناك بتفتح بوست وبتتفاصح وتنظر وتحلل والله العشر قام ليهو شوك من بتين يا اخوي ربنا فتحها عليك وطلق كيبوردك وشغال تصنف وتجرح وتداوي علي مزاج مزاجك وبقي عندك شجاعة ادبية تحاور بيها زي العالم والخلق لكن اكتر حاجة مكيفاني انه البوست دا مستمد من المثل السوداني الشهير ( غاب اب شنب ولعب ابو ضنب ) ولا خليها حلوة شوية ونطبق عليها المثل البيقول ( بلدا ما فيها تمساح يقدل فيها ورل ) اتجدع يا شمش ايامك وشايفك اليوم داك مشيت علي عمنا ود الشيخ وقدمت شكوي فيهو عشان تتفسح في البورد وبكري ما قصر معاك يعني بقت واسطتك قوية يا شماشي لكن ما لقيتك شماشي واصل وواستك قوية الا اذا كان .. اسع عليك الله كدي اعمل سيرش لي شماشي من يوم شختو البورد دا وسجلت فيهو بتين كتب جملة مفيدة ؟ وبعدين مالك زعلان من كيزان البورد داير البورد دا براك تبرطع فيهو دا اذا كنت بتعرف تبرطع اساسا الغريبة اول ما يجوك تبلع لسانك وتديها صنة من بوستاتك وتعمل فيها ما شايف وتلبس نظارات شمش في نص الضلمة ولا دا الشماشي لمن يقوم علي الجنصصة .. علي الاقل مفروض تكون حريص علي انه كيزان البورد يجوك في بوستاتك (الربنا فتحها عليك بيها ) لانه من غيرهم انت ما بتسوى شفت الكيبورد وريني انت بتكتب في شنو وبوستاتك الجهبوزة في شنو؟ والله يا شمش اكتر حاجة مكيفاني فيك انه بقي عندك ثقة في نفسك وبقيت تجرؤ علي التصريح بعد ان استنفدت كل المطاعانات اسبابه عندك اها يا شمشانا عندي وعد قديم كد معاك اني اقعد ليك ومن يوم الليلة ولي قدام انا ماخدك ملحق بس ادعو ربنا القي ليك زمن ولا اتزكرك اها حتمشي تشتكيني لي بكري زي عادتك الجديدة يا كبير
الطفل المعجزااااااااااااااااااة ..والنار النار النار النااااااااااااار المحرقة ... الله يرحمك يا الكاشف ..
لكن ما تقول لي لاحاااااااااااااااااااااااااااااااااااااااااااااااااااااظ !!! فكرت كتير قبل ما أدخل ليك لأني عارف والله زول غيرنا بيهببو ليك ماف !!! قلت الراجل المسكين ده ليهو كم يوم يحك في راسو ويفكر ويفكر ويفكر في موضوع وتلقاهو النوم غالبو عشان عايز يجي يكتب ليهو موضوع شطحة ووهمة في شكل كيس مقدود وقووووووووووووووم كده يا الجمل إتمخض وألد ليك فار!!!!!!!!!!!! بالله أسة ده موضوع ده !!!!؟؟؟انا قلت عشان ما مجهودك ده يروح عبث قلت أجي أرفع ليك البوست وكمان عشان نرفع ليك معنوياتك ونوريك إنو في ناس مهتمة بيك خصوصاً وإنت في مرحلة الطفولة ودي أثرها النفسي (التهميش) ما جميل عشان الأطفال ...
تلاتة يوم عديييييييييييييييييل كده ؟؟؟؟؟؟ يكونو فارشين يا ربي؟؟
Quote: وتجدهم كلهم يلجأوون للهتر والكلام البذيء
ياراجل حرام عليك الناس ديل ما بذيئين بس مهاترين بوتو ...
Quote: (وطبعا بيتفقوا في الأول عن طريق الماسنجر والتلفون على الردود والتكتيك )
الزيك ده ما بيحتاج يخسروا فيهو هللة واحدة ولا تعريفة !!! بتعرف التعريفة يا بابا ؟؟؟ غايتو كان الكيزان ديل جنس كلام شموشي التمبوشي بيخليهم يتراسلوا بي المسنجر ويضربو التلفونات ديل كيزان مقددين ومصديين وما ينفعوا كيزان سبيل ...
تخريمة : زماااااااااااان كان في برنامج أطفال لتعليم اللغة العربية أبجد هوز حطي كلمن هذا ورق هذا قلم .. كان فيهو أنسة إعراب.... أنسة قواعد ... والان نضيف ليهم أنسة لواحظ...
03-22-2005, 01:07 AM
shammashi shammashi
تاريخ التسجيل: 03-10-2002
مجموع المشاركات: 2278
يا ود يا امتحان انت لكن الامتحان ما عندك ... يعني وريني بتقصد منو انت في كيزان بورد غيرنا ما قديتونا لمن صدقنا وبعدين منو القال ليك حارق رزي والله رزي شغال علي نار هادئة ... كدي انحنا فيك انت الان بقيت سبويه زمانه بتشرح وتسرح الحصل عليك شنو ؟ انا الايام الفاتت دي كلها ما كان عندي نت الكيزان او ناس الامن ما رسلو لي راتبي قالوا قروش البترول كلها اخدوها اخوانا الجدد ناس الحركة عشان كدا قالوا خلو خزان مروي يسقي شوية وندفع ليكم بل بوردات اها كدا ارتحت ان شاء الله... ولو ربنا فاتحه عليك ما تشوفنا وتقدر ظروفنا خلينا نكون ماك علي اتصال عشان ما تفقدنا وراسك ينقطع اها ما قلت لي يا ابو ضنب سيخة شنو الاخسرها فيك بعدين هو زاتو الراس وينو البستاهل سيخة ما سمعت الشماشي راسماله صباع سلسيون ولا انت شماشي ديجتال بتشمها طايرة بعدين ياخي قلنا ليك عندك ثقة زيادة وين الكيبورد البينا دا شن قدرك علي الكيبورد ولا انت خلاص شايف نفسك الايام دي الطيب صالح بعد بوستينك الفتحتهم ديل ؟ كدي يا شمس اقسمها شوية كدا امكن نبلعها ليك
تخريمة : خطوات عمل الأقتباس QUOTE: 1- ظلل النص المراد عمل إقتباس له .. 2-أعمل نسخ Copy أو مفتاح CTRL+C 3-أضغط الزر QUOTE الموجود في الشاشة .. 4-أعمل لصق PASTE أو المفتاح CTRL+V 5- أضغط OK... ياخ عذبتنا والله بي خرمجتك دي .. زي ما بتقول الأغنية : قدر ما درسنا فيهو درس وااااااااااااااااااااااااااااااحد ما فهمو ...
03-22-2005, 01:47 AM
abuguta abuguta
تاريخ التسجيل: 04-20-2003
مجموع المشاركات: 8276
Quote: عمل الأقتباس QUOTE: 1- ظلل النص المراد عمل إقتباس له .. 2-أعمل نسخ Copy أو مفتاح CTRL+C 3-أضغط الزر QUOTE الموجود في الشاشة .. 4-أعمل لصق PASTE أو المفتاح CTRL+V 5- أضغط OK... ياخ عذبتنا والله بي خرمجتك دي .. زي ما بتقول الأغنية : قدر ما درسنا فيهو درس وااااااااااااااااااااااااااااااحد ما فهمو ...
هى هى هى ..ايووووووووووووووووووى ظبطتت معاى.... شكرا ياود الفاروق تراك انت زول كويس لو خليت كوزنتك دى هى هى هى هى هى...بساعدك فى تغير المهنة
أساسي يا حبيب : أول حاجة تحيات وأشواق بقدر أخطاء شموشي التمبوشي (شفت شوقي ده قدر شنو ؟) تاني حاجة : بداية غير موفقة ليك بعد غيبة !!!!! تصوم وتصوم وتصوم وتجي تفطر علي بصلة ؟؟؟؟؟؟؟؟؟؟؟؟؟؟؟؟؟؟؟؟؟؟ معقولة بس بداياتك تكون مع شموشي التمبوشي ذلك الطفل المعجزة ؟؟؟؟؟ الليلة الزول ده مابنوم وبمشي في الحلة يقول ليهم الليلة أساسي شخصياً خش لي بوست والغريبة رد علي عاااااادي وناقشني واداني إحساس إني بفهم وبعرف !!!!!!!! تالت حاجة : عاش من شافك وين أيامك ..
تخريمة : شموشي الليلة الا تطييييييييييييييييييييييييييييييير ...
03-22-2005, 02:00 AM
اساسي اساسي
تاريخ التسجيل: 07-20-2002
مجموع المشاركات: 16468
تعرف يا عمر الزول لمن يكون طول من الما تشات ويكون عنده مباراة مهمة بحاول يعمل احماء او تسخينة ( وهمية ) اها لقينا شموشي دا قلنا نعمل بيهو احماء او بشكل اخر كدا لمن يكون عندك لعبة مهمة في الرابطة مثلا بتشوف كورة شراب تضقل بيها في احسن من كدا عليك الله الغريبة الشماشة ديل كلهم مفتحين الا شماشينا دا اول مرة اشوف ليك شماشي داقس تغميضة لمن مظلل القزاز ــــــــ
شموشي التمبوشي: ما قلت ليك ده شعراً ما عندك ليهو رقبة ...
أسة فتحت البوست وقلت لينا انا الليلة قاعد ليكم ومن ديك وعيييييييييييييييييك .. أمشي ذاكر كويس وثقف نفسك ولم أكبر كم من المعلومات وكتر من ناس سايكولوجي وبايولوجي ومترافزولوجي واتيتويشن وبلاي استيشن وابو جلبو ...
في الأنتظار علي قناة أبوظبي ..
03-22-2005, 08:29 PM
shammashi shammashi
تاريخ التسجيل: 03-10-2002
مجموع المشاركات: 2278
بعدين يا أساسي وعمر أنا سؤالي كان عن الكيزان الجد جد ومقتنعين بفكرهم وما خجلانين منو وديل على الأقل جديرين بالاحترام.
مش عن الكيزان تجميع تايوان الزيكم. والكيزان تجميع تايوان دي الأرزقية الماخدين الشغلانية للمصلحة الشخصية.
بعدين ياعمر أجمل حاجة فيك إنك عارف قدر نفسك وشايفك دايما بتقول لي ناسك إنتو أبعدوا وخلوني أنا لشماشي لأنو ما مستواكم. قبل كدا قلتها لود الشيخ وأسي بتقولا لأساسي. إنت يعني ياكا مسؤول الخربشة عند كيزان البودر؟؟؟؟؟ (تتذكر الصلصة)؟؟؟؟؟؟
تتذكر المثال الذكرتو ليك سابقا عن المرة القالت لولدا (لمن شاكلوا الزول) أبعد لي منو لأنو إنت أبوك مربيك.
تيب يامسؤول الخربشة . أساسي ورانا سبب غيابو وإنت لأسي ماوريتنا.
بعدين أنا حزب بهجة ساكت
أها رايك شنو؟؟؟
03-22-2005, 08:57 PM
shammashi shammashi
تاريخ التسجيل: 03-10-2002
مجموع المشاركات: 2278
شموشي التمبوشي : يبدو إنو علاقتك بي البورد ده زي علاقتي باللغة الهروغلوفية ... يا راجل انا الحمد لله البورد ده بقا لي مرضة والواحد أول ما يدخل المكتب أول حاجة بيعمل Sign In وبعدين يشوف باقي شغلو ...يعني قااااااااااااااااااااعد يا تمبوشي وما فارقت البورد بالتالي ما عندي أي عزر للغياب لأني موجود ..
بعدين يا أخوي انا دايماً بمرق ليك إنت لأنك ما متعب في النقاش ومعلوماتك حببببببببة اي كلمتين بيجيبوا راسك فعشان كده الواحد بيحب يقزقز بيك لي المباريات الكبيرة وزي ما قال أساي المباريات الكبيرة عايزة رفع معنويات بي فريق تعبااااان تغلبوا 24/صفر وتقوي بيهو عضلاتك ...
يا تمبوشي : قصة المرا دي حكيتي لي وانا قلت ليك بي حكايتك دي انا عرفت إنك ممكن تكون ساكن وين ومجتمع حلتكم قدرت أتصوروا وقدرت حتي أعرف مستوي فهمك خصوصاً بعد وصية أبوك الغالية ليك بي إنك ما تتابع الناس ديل ..لكني بيني وبينك كده أحسن ليك خليك مع ناس حمادة بت وقدورة وكبشور شباب وصغاااااااااااااااااااااااار ولا شنو ؟؟؟سمك ...
تخريمة : طيب ياخ إنت بتسأل عن الكيزان الأصليين الما أرزقية والله انا مكن أساعدك وأتصل ليك بيهم بس ورينا الأسماء عشان نقدر نعرف إنت قاصد منو ... والله الا تقول الروووووووووووووووووووووووب حتي نعتقك ...
03-23-2005, 00:50 AM
HOPEFUL HOPEFUL
تاريخ التسجيل: 09-07-2003
مجموع المشاركات: 3542
الأخوين الأعزاء عمر الفاروق اساســـي اسف لدخولي العرضي في هذه (السانحة) وانتم تضقلون بالإبن (الشماشي) خير تضقيل .. من باب الإحماء (الزاتي) وتجرية دم اصابع اليد.
اشكركم علي هذا العمل الجليل والذي فيه الابن (الشماشي) اول المستفيدين بما ستمدانه به من فنون ومهارات وثقافات هو في امس الحاجة لها..
اشكركم علي ما تضيعونه من وقت ثمين ومهدر. راضين مرضيين في تثقيف و(تحنيك) ابننا (الشماشي) .. والذي هو بلا أدنى شك في هذا الوقت منكب علي شاشته يقرأ ما تسطرانه له من حديث ومواعظ وحكم ودرر تبتغون بها رفع المعدل الادراكي لدى الابن (الشماشي).. وفي ذلك اجر عظيم وانتم تعلمون.
اعجبني وقهقهني هذا الحديث
Quote: تعرف يا عمر الزول لمن يكون طول من الما تشات ويكون عنده مباراة مهمة بحاول يعمل احماء او تسخينة ( وهمية ) اها لقينا شموشي دا قلنا نعمل بيهو احماء او بشكل اخر كدا لمن يكون عندك لعبة مهمة في الرابطة مثلا بتشوف كورة شراب تضقل بيها في احسن من كدا عليك الله الغريبة الشماشة ديل كلهم مفتحين الا شماشينا دا اول مرة اشوف ليك شماشي داقس تغميضة لمن مظلل القزاز
وهل جزاء الأحسان إلا الإحسان !!!!!!!!!! وزي ما اتعب عيونو وإنكب علي الشاشة وهو يكتب الموضوع ده فلا بأس أن يواصل التعب و ( الإنكباب) علي نفس الشاشة لمتابعة الردود ...
تخريمة : دعوتك سمحة ...
03-23-2005, 03:35 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
كيفك ياراجل ياخي والله حيرتني .. كل ما أدخل في بوست بلقاك مع شماسي متناقرين ؟؟!!!! يعني الواحد إصلو ما يقدر يستمتع بكتاباتك إلا عن شماسي ؟؟!! ياراجل خليك منه (باقي لي إتمرنت خلاص الضقيل وصل أحدي مليون ومية وخمستاشر ما سخنت لست) ؟؟!!
تخريمة (شاديها من البوست) ..
ر يا شماسي وكت الكيزان إنحسروا عن البوست ما خلاص خليهم في حالم ؟؟!! مالك داير تجيبم تاني عبر بوستك دا ؟؟!! هسي لو جو تقولو البوست إتملا كيزان ولو مشوا تقولوا البوست بقى فاضي ؟؟!!
يا خي حيرتونا من عملية دا حار ودا ما بنكوي بيهو ..
ألز حاجة يا عمر إنو دليما في مناقراتك مع شماسي الناس بتستفيد منك يعني في المناقرة القبال دي أناإستفدت من عملية ال qoute الإنتا شرحتها وفي البوست دا شايف أبقوتة برضو إستفاد منها وإتعلمها ..
بس المحيرني إنتا شارحا مرتين لي شماسي لييه ؟؟!! ما هو أنا وأب قوتة إتعلمناها من أول مرة .. الحاصل شنو ؟؟!!!
ناذر يا حبيب .. والله لكن طاقيتك دي تراها ما ساي وجواها في بلاااااااااااااااااااوي يعني ما زي طاقية واحد صاحبنا تاني برضو مركب ليه برنيطة تخريج بس بي جواها ماف شي وفااااااااضية ..
Quote: يعني الواحد إصلو ما يقدر يستمتع بكتاباتك إلا عن شماسي
امانة ما بمتعك متعة ما سائلة في متعة مارادونا وأقوانو في الأنجليز .. امنة ما بمتعك متعة ما سائلة في متعة الفلوت عند غاندي... أمانة ما بمتعك متعة ما سائلة في متعة البيانو عند مريم عثمان احمد البشير ..
أها كيف ليك متعتك ؟؟؟؟؟؟؟؟؟؟؟؟؟
Quote: هسي لو جو تقولو البوست إتملا كيزان ولو مشوا تقولوا البوست بقى فاضي ؟؟!!
لالالالالا يا ناذر هم لو جو شموشي التمبوشي بيقول : الرووووووووووووووووووووووووووووووووووووووووب وبيقول زي ما بيقول جمهور الهلال العظيم لي المريخاب يوم زيكو شال الكورة : واي واي ما دايرين واي واي ما دايرين ..
Quote: ألز حاجة يا عمر إنو دليما في مناقراتك مع شماسي الناس بتستفيد منك يعني في المناقرة القبال دي أناإستفدت من عملية ال qoute الإنتا شرحتها وفي البوست دا شايف أبقوتة برضو إستفاد منها وإتعلمها ..
تقول شنو يا ناذر كترت التكرار بتعلم ال..... شطار (ماتفهمني غلط)
Quote: بس المحيرني إنتا شارحا مرتين لي شماسي
قدر ما درسنا فيهو درس واااااااااااااحد ما بيفهم !!!!!!!
Quote: يللا أخليكم تكملوا الدواس بتاعكم
ده دواس من طرف واحد ... يعني زي الحب المن طرف واحد ...
تخريمة : شموشي التمبوشي ده يا ناذر خلي بالك إلا نلاقيهو بي وردي عشان يدرشو ...
03-23-2005, 04:27 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الحبيب عمر والله متعتني متعة ... الله يجازيك قطعت مصاريني من الضحك ...
Quote: امنة ما بمتعك متعة ما سائلة في متعة الفلوت عند غاندي... أمانة ما بمتعك متعة ما سائلة في متعة البيانو عند مريم عثمان احمد البشير ..
والجيتار عن عماد ببو والعود عندي (أنا ذاتي)
Quote: تقول شنو يا ناذر كترت التكرار بتعلم ال..... شطار (ماتفهمني غلط)
لا لا أنا فاهمك كويس (الكلام دا قولو لي زول ما إندو هديدة) ياخي والله أنا داير إتونس معاك ونسة وذكريات بس خايف أبوظ لي شماسي البوست بتاعو ونقوم نطلع من موضوع البوست يقوم يتهمنا ويقول نحنا كيزان (قصدي يتهمني أنا ما إنتا خلاص الفيك هو عرفا) عشان كدة خلى الونسة في بوست تاني ولو صحبك دا أدانا الإذن نتونس في بوسطيهو ما عندي مانع ..
Quote: ولو صحبك دا أدانا الإذن نتونس في بوسطيهو ما عندي مانع
يا أخوي نحن أسياد بيت وما بننتظر الأذن من زول إتونس ساي الحبببببببة ما بتجيك ..طبعا دي علي وزن الراجل القال لي بتو أقري ساي الحبببة ما بتجيك ... والله انا عندي نية أوصل البوست ده لي 100 رد عشان تمبوشي ده معنوياتو ترتفع ..
Quote: والجيتار عن عماد ببو
مالك ياخ مع النورمال Normal...
Quote: إتونس معاك ونسة وذكريات
ونسة ممكن لكن زكريات دي صعبة شوية أنا زول صغمبروتي وقدر أو إحتمال أصغر من شموشي التمبوشي كيف ليك بنفع؟؟؟؟
03-23-2005, 03:39 AM
shammashi shammashi
تاريخ التسجيل: 03-10-2002
مجموع المشاركات: 2278
الجماعة جايين. أها أسي ظهر واحد ليهو زمن كابي الزوغة. لكن دا ما داسيها زيك إنت والاسد أب شنب.
وشفت الظهر دا زول بتاع ما سنجرات فقري عديل كدا. قبل سنة ونصف قبضتوا ليك في ماسنجر جاني منو بالغلط وكان بيدبر في مؤامرة على واحد بيهاجم في نظام الإنقاذ(وبالتحديد الماسنجر كان مرسل لواحد يسمي نفسو سنتمنتال) ولمن نشرت عمايلو ومؤامراتو قام نكر. ولمن انزنق شديد قام رسل لي ماسنجر وقال لي تعال نتفاهم في الماسنجر (وبالتحديد قال لي وراء الباب ) . واتحداهو اليقول والله العظيم هذا لم يحصل. وأنا أقولها والله العظيم كل ما ذكرته حصل.
بعدين ياعمر البوست حقق الغرض الكنت قاصدو منو وهي دردقة من ينكرون أنهم كيزان.
براك شفت الكيزان الماناكرنها واحد فيهم جا ماري بيهنا مافي. لكن جوا الناكرنها.
تيب ما تخلوها ياخي الجابركم عليها شنو.
حتة المرة القالت لولدا ابعد لي منو دي أنا ذكرتها لأنها بتنطبق عليك تماما ,انت تعلم تماما أن مكان تربيتك أو تربيتي لن تهم الآخر في شيء.
لكن مستوى التربية بتعسكو اللغة التي يتخاطب بها الفرد ومن كلمتين الواحد بيعري نفسوا ويتكشف. وهذه عقدة الكيزان فمعظم من يدعون التدين والدفاع عن الدين تجد أن لهم نقطة سوداء في تاريخهم.
أرشك شوية علم نفس وللا أخليك شوية. هاك السيكولوجي دا.
اللهم أحفظنا.
03-23-2005, 04:18 AM
shammashi shammashi
تاريخ التسجيل: 03-10-2002
مجموع المشاركات: 2278
Quote: [امانة ما بمتعك متعة ما سائلة في متعة مارادونا وأقوانو في الأنجليز .. امنة ما بمتعك متعة ما سائلة في متعة الفلوت عند غاندي... أمانة ما بمتعك متعة ما سائلة في متعة البيانو عند مريم عثمان احمد البشير ..
خارج النص : أبسط يا عم أهو البوست مشي كويس ووصل ليك 35 وعدد قراء حلوين كمان يعني دي في حياتك ما حصلت ليك وتلقاك مشيت نسخت منو كم نسخة ووزعتها في الحلة ( الفيها المرا إياها).. يعني بي البلدي كده ( ولا حتي تحلم بيها ) وبي الأفرنجي Don't Think About It
جوة العضم :
Quote: لكن دا ما داسيها زيك إنت والاسد أب شنب.
الشينة منكووووووووووووووووورة ...وكده .. بعدين الأسد ده شايفك بتكسر ليهو في التلج كويييييييييييس وما عندك عوجة ووصلتو مرحلة الأسد النتر ويا عالم المرة الجاية تقول ليهو أساسي يا حبيب ليك وحشة وشوية كمان وتقول ليهو الرائع أساسي ناثر الفرح ونمشي قدام شوية وتقول ليهو إحتمال أجي عمرة رسل لي عنوانك أيها الماكر وإسمك الحقيقي عشان نتعرف ...صدقيني هي بتبدا كده ...
تحت الحزام :
Quote: بعدين ياعمر البوست حقق الغرض الكنت قاصدو منو وهي دردقة من ينكرون أنهم كيزان.
غرض شنو يا تمبوشي ؟؟؟؟؟؟؟؟؟؟؟؟؟؟؟؟؟ ياخ أرحم نفسك ياخ !!!! داير تعمل فيها بتفكر وعندك غرض ورسالة ودردقة وبطيخ ... قم لف يا عمك !!!!!! إنت النوع القام بالتسجيل في المنبر أيام التسجيل مفتوح وجيت في غفلة رقيبي وسجلت فيهو زيو زي أي منتدي تتبادل فيهو أغاني نانسي عجرم وفاطنة الجمكو وخواطر فيل وترسل وردة في عيد الحب وتتعرف علي هناية وتشاغل فلانة لكن للأسف جيت لقيت الموضوع كبييييييييييير عليك والشغلانة فيها جهابزة ومشاهير وبلاوي .... هيييييييييييييييييييييييييييييييييه ...دنيا ..
Quote: أها أسي ظهر واحد ليهو زمن كابي الزوغة. لكن دا ما داسيها زيك إنت والاسد أب شنب.
Quote: براك شفت الكيزان الماناكرنها واحد فيهم جا ماري بيهنا مافي
أها نصدق ياتو واحدة في ديل ؟؟؟؟؟؟؟ الجماعة ديل جو ولا ما جو ؟؟؟؟؟؟؟؟؟؟؟؟؟؟؟؟؟؟؟؟؟ ما قلت ليك إنت بتكتب ساي !!!!!!!!!!!!!!!!!!!!!!!!!!!!!!
Quote: لكن مستوى التربية بتعسكو اللغة التي يتخاطب بها الفرد ومن كلمتين الواحد بيعري نفسوا ويتكشف
إيه رأيك انا ولا إنتظرت حتي الكلمتين ديل عشان أعرفك ...من إسمك عرفت الحاصل طوااااااااااالي ... بس زي ما قال (الأسد النتر) بتعرفوا؟؟؟ قصدي أساسي طيب ..قال كلام جمييييل والله : قال أول مرة إشوف ليهو شماشي فارة وداقس وما تفتيحة وانا بقول ليهو يا أساسي ما ليك حق يا أساسي أصلو شماشة قاردن سيتي ما سائلين في حناكيش بري ....
Quote: أرشك شوية علم نفس وللا أخليك شوية.
والله إنت موية فول ما ترشها خلينا من علم النفس ....
Quote: هاك السيكولوجي دا.
جيبو وتعال ...
تخريمة : زمااااااااااااان في الدافوري لمن يكون في زول شاتر الكورة بنقول ليهو ياخ أطلع كورتك حبة ... إنت كتابتك حبة ...
03-23-2005, 04:37 AM
shammashi shammashi
تاريخ التسجيل: 03-10-2002
مجموع المشاركات: 2278
ليس عوووووووووووووووع واحدة .. ولا عوووووووووووووووووووووووعين .. بل.. تلاااااااااااااااااتة عوعاااااااااااااااااااااااااااااات ..
تخريمة : وصية من زول عزيز عليك وبيحبك شديد وبيبالغ في ريدك ..والوصية علقوها لي في رقبتي من زول هو ما كوز لكن مركب مكنة كيزان .. إسمو ود الشيخ بتعرفوا؟؟؟؟؟؟؟؟؟؟؟؟؟؟؟ لالالالالالا ما ود الشيخ المشيت قوولت فيهو داك لالالالالالالا أصلو إنت معقولة تكون بتاع قولات ؟؟؟؟ حاشااااااااااااااااك إنت ما الشماشي الشفت ... ما قلت ليك يا أساسي شمشاة قاردن سيتي ديل عينة !!!!!!!!!!!!!!!!!!! عموما ود الشيخ يبلغك التحايا وبيقول ليك طالعني في موقع تاني إنت مسجل فيهو وطولت ما جيتو !!!! مش قلت ليك إنت بتسجل في خرتومية موقع عشان تلعب !!!!! أها الزول ده راجيك بي هناك وقال ليك ما شايل سيخ ولا ايييييييييييييي حاجة جاييك بي يدينو بس إنت جيب أي شي وتعال ...
03-23-2005, 05:14 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ياخي والله العظيم رغم إني مافاهم إنتو مالكم بتتناقروا عبر البوستات إلا إنو البوست دا مريحني شديد ما عارف ليه لكن أمكن عشان لغتو سهلة ومبسطة وشاعر بي كلماتا زي بتطلع كدة بعفوية (زي كلمات الحلة ديك) وغايتو انا عندي ليكم حل ..
لو بترضو الإتنين ختوني حكم بيناتكم بشرط ما تكونوا دافنين أسباب المشكلة سوا يقوم أي واحد يحكي لي (شامي أخوه كدا لييه) وبعد داك أنا أقوم أفصل بيناتكم ويحصل إنسحاب تكتيكي للخلف ..
موافقين ولا حا نجرف _ حلوة نجرف دي _ البوست من موضوعو؟؟؟ .. بعدين صراحة كدة أحسن توافقوا لإنو البوست موضوعو إنجرف ..
أها منو يبدا ويحكي ؟؟!!
03-23-2005, 01:15 PM
Abdelrahman Elegeil Abdelrahman Elegeil
تاريخ التسجيل: 01-28-2005
مجموع المشاركات: 2031
Quote: وصية من زول عزيز عليك وبيحبك شديد وبيبالغ في ريدك ..والوصية علقوها لي في رقبتي من زول هو ما كوز لكن مركب مكنة كيزان ..
وإنت مركب مكنة منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياخي أنا زمان قلت ليك إنت راكب غلط وبرضك ما داير تتعظ.
إنت الناس ديل فاكنك عكس الهواء وانت ما داري. وانت زول قلت مقدم علي عرس عشان تتم نصف دينك. فعليك الله خليك في حتة نصف دينك دي. فهمتها وللا دايرة درس عصر. وما تنسى حتة (م ن) والصلصة الزمان قلتها ليك.
بالمنسبة ودالشيخ لو عايز يلاقيني قول ليهو يلاقيني هنا في هذا البورد المحترم. لكن أنا في لبورد دا ما عندي اي موقع الاقيهو فيهو. أو يلاقيني في تورنتو ولو جايب سيخة معاهو الزول الدقا الترابي قاعد.
شموشي التمبوشي أوتذكر صغيري أوتذكر أوربما لاااااااااا تذكر ... دي علي وزن أوتذكرين صغيرتي أوربما لا تذكرين ... شفت كيف نثقفك كمبيوتر وغنا وإنشاء الله لمن ننتهي من البوست ده بتطلع إنت المستفيد معلومات عامة وثقافة وفن ورياضة يعني يا صغيري ممكن بعد كده عاااااادي تمشي تشترك في برنامج (بدون عنوان ) بس أوعك من الفاضي !!! ولو جابت صاح ممكن تطلع ليك بي كيس شعيرية أو كرتونة صابون أو 30 الف جنيه ... طبعا ناس من سيربح المليون ديلك كبااااااااار عليك وبنحاول نجهزك ليهم بعد ننتهي من التدقيل ونبدا في المهرارت الفردية .... أما ناس وزنك دهب فممكن نشركك معاهم بس ما حاتستفيد كتير لأنو وزنك يا مان بالوقية ...
Quote: وإنت مركب مكنة منو؟؟؟؟
انا مركب مكنة جيليت للحلاقة !!!!! كيف ليك ؟؟؟مناسبة ؟؟؟؟ يعني شفتها مكنة ساهلة في الحلاقة يعني يا صغيري نحلق ليك حلاقة بي رواااااااااااااقة ...
Quote: إنت الناس ديل فاكنك عكس الهواء وانت ما داري.
ياقلبي خلي الجوجوة وكل البات قلبن قوي ..يجهجهوك ويبهدلوك ويفكوك عكس الهوا زي ما قالت أغنية فرفور (مش قلت ليك بثقفك)..هم ديل منو الفاكني ؟؟؟ يا تمبوشي ركز معانا شوية ..
Quote: بالمنسبة ودالشيخ لو عايز يلاقيني قول ليهو يلاقيني هنا في هذا البورد المحترم
خلاص إنت مش عرفت طريق الشكاوي ؟؟؟ والقوالات ؟؟؟ رسل لي الإدارة وقوووول ليهم وخليهم يرجعوا ود الشيخ ..إصلو إنت قالوا قوالات مسموعة !!!!! إنت زماااااااااااان ما سمعت المثل : القوالة حرام بتقطع (الأضان) من ورا وقدام ...
تخريمة : المباراة بدت ونحن لسة بندقل بيك وما شفنا ليك مشجعين ...مساطبك الشعبية والجنوبية والمقصورة فاااااااااااضية إنت يا خوي الفيفا حرمتك من اللعب بي جمهور؟؟؟؟ يا ربي تكون فلقتوا الحكم ولا إستخدموا ألعاب نارية في الملعب( أصلو إنتو ناس أطفال والالعاب النارية تمام معاكم) ولا ياربي يكون المشجعين عندهم راي في مستوي لعيبتكم ؟؟؟؟؟؟؟؟؟؟؟؟؟؟؟؟
تعرف هم أصلاً مئة رد لكن إنت عارف الحسنة بي عشرة أمثالها ويضعاف الله الحسنات لمن يشاء ...وشموشي التمبوشي ده نحن عايزين نكسب فيهو حسنات نثقفو مجاناً ونرفع ليهو من مستوي اللياقة الذهني ...
Quote: يا الفاروق علمنا مما علمكم الله كيف ممكن نكتب بالخط الكبير جدا جدا
شفت يا مان تكتب الكلام ده : [font size=24 ] هنا تكتب الكلام (مثلاً) شموشي التمبوشي ... [/font] الرقم 24 ده حجم الخط ومممكن إنت تكتب الرقم الدايرو ... اها نقول ليك ربنا يوفقك وإنشاء الله شموشي زاتو يستفيد باقي لي الزول ده في أي حاجة حبببببببببببببببببة ..
03-24-2005, 06:08 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
إنتو كلتمي دا ما قريتو ولا شنو ؟؟!! أنا لسة منتظر موافقتكم علي إقتراحي .. هاكم ليهو أقروهو تاني ..
Quote: يا شباب شماسي وعمر
ياخي والله العظيم رغم إني مافاهم إنتو مالكم بتتناقروا عبر البوستات إلا إنو البوست دا مريحني شديد ما عارف ليه لكن أمكن عشان لغتو سهلة ومبسطة وشاعر بي كلماتا زي بتطلع كدة بعفوية (زي كلمات الحلة ديك) وغايتو انا عندي ليكم حل ..
لو بترضو الإتنين ختوني حكم بيناتكم بشرط ما تكونوا دافنين أسباب المشكلة سوا يقوم أي واحد يحكي لي (شامي أخوه كدا لييه) وبعد داك أنا أقوم أفصل بيناتكم ويحصل إنسحاب تكتيكي للخلف ..
موافقين ولا حا نجرف _ حلوة نجرف دي _ البوست من موضوعو؟؟؟ .. بعدين صراحة كدة أحسن توافقوا لإنو البوست موضوعو إنجرف ..
أها منو يبدا ويحكي ؟؟!!
والله دافننو سوا وما دايرين زول يعرف ؟؟!! بي راحتكم أنا كدا مرتاح والبوست ممتعني جدا .. بس والله خايف في النهاية بكري يفصل كل من شارك في البوست دا..
03-24-2005, 06:20 AM
HOPEFUL HOPEFUL
تاريخ التسجيل: 09-07-2003
مجموع المشاركات: 3542
Quote: اخونا الشماشي دا لو صرج منكم بمشي علي وييييييين
يامان إنتا جامع الشغلة مالك ؟؟؟! أنا ماعندي علاقة بالحاصل هنا أنا زي ما شايف جيت حجاز .. وبراك شايف زول بيعبرني منهم مافي .. ولو هو مصر يمشي أي حتة بس ما يمشي يشتكي لي بكري يقوم يفصل لينا عمر من المنبر .. والله كل شي إلا فصل عمر دا ...
يا عمر أقبل بي واسطتي أخير ليك .. هسي يقومو يفصلوك بسبب شماسي تقعد تتجرس وترسل لي وتعلق وصية في رقبتي تقول لي قول لي شماسي كان راجل يطالعني في منبر تاني
أنا غايتو من هسي جهزت لي بوست وعنوانو (يابكري وشماسي .. لماذا فصلتم عمر الفاروق ؟؟!!)
الأخ ناذر : حياك الله وما ناسيك ولا جاهلك والله .. ننساك هو إنت إنت بتتنسي ... وكيف يجهلوووووووووووووووووووووووووك .. تعرف زول حايجيب لي الهوا غيرك ماف !!!! الموضوع عادي جداً والنقاش ممتاز والراجل طارح موضوع عميييييييييييييييق (علي قولو) ..أسة الجاب سية الفصل هنا شنو ؟؟؟ مالك ياخ داير تعمل لينا حركات (الكيزان ) تطلع الأشاعة وبعد شوية الناس تصدقا !!!!! يا زول إنت أظنك عمييييييييييييييل تخريمة : نديك النكتة دي عشان نفرفش بيك شوية : قالوا في واحد عامل فيها معارضة ( زي شموشي كده) جا يكوي لقا الكهربا قاطعة جا يستحم لقا الموية قاطعة قام مشي الزلط لقا المواصلات صععععبة والناس ملموما اها بقا يتكلم ليك لي الناس بي صوت عالي : أي تستاهلوا ..إنتو ما تطلعوا ..أطلعوا ..أطلعوا واقفين وساكتين كده ..أطلعوا وهيجوا..أطلعوا .. أها في المحطة واقف واحد زي (جنابو محمد حامد) عاين ليهو كده وقال ليهو : يطلعوا ويييييييييييييييييييييين ؟؟؟ (أداهو عين حمرا) صاحبنا رد ليهو وقال : يطلعوا أي حتة ..قطر الأمارات ..السعودية ..كندا ..أمريكا .. المهم يطلوا ...
03-24-2005, 07:41 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
النكتة جميلة وعجبتني وزي نوعية النكات دي أنا متأكد إنها حا تعجب شماشي برضو لإنو طبعا زول مناضل وبيحب النكات البتكسر ضهر الحكومة ..
لكن والله خيبت أملي وأمل شماسي .. أنا هسي كنت قايلك من نوعية الكيزان الناكرنها (عشان نرجع لموضوع البوست وشماسي ما يزعل) لكن تاريك طلعت زول مناضل برضو .. يعني بدون إنحياز كدة وبصراحة شماسي فايتك في النضال حبتين كدة قول لي كيف ؟؟!! المرة الفاتت (ديك) في المظاهرات العاتية (ديك) لمن الشعب إتنفض ضد حكومة البشير بقيادة شماسي في المظاهرات الفتشناها (ديك) متذكرها ولا أوصف ليك مكان المظاهرة ؟؟!! المهم إنتا الوكت داك كنت بتناضل بالنكات الظريفة دي وشمو.. قصدي شماسي كان بيناضل بيقود أمة وشعب وجيل ضد حكومة النكد ولسان حاله يقول :
أنا إبن جلا وطلاع الثنايا (وما عارف إيه كدة) ..
ما تزعل مني يا فردة ما كمان قالو النضال درجات ولا موهو كدي أنا الظاهر فرضت واسطتي بالرجالة .. (إنتا يا عمر موضوع البوست كان شنو عشان نرجع ليهو) !!!
ناذر باشا : تعرف موضوع المظاهرات داك ما كانت قصتو قصة ..ما حكيتا ليك ؟؟؟؟ أصلاً كان في مجموعة طلاب الدكتور ما جاهم المحاضرة قاموا مشوا كداري من النيلين لحدي (الملاهي) وفي رواية (حدائق 6 أبريل) وقالوا يعملوا حفلة تعارف وجلسة أسرية ونظام عندهم واحد قال بيغني وواحدة تانية حافظة قصيدتين لي نزار قباني وبراك عارف برامج الحدايق البيض ديك وكل الناس إتنين إتنين وزي ما قال الكاشف : جلسنا مكان نزلنا ..وقلنا لمن عزلنا ..نحن هنا إنعزلنا ..وعلي نخب المحبة ..كلوووو زول حب حبة .. شفت النضال ده كيف .. أها جماعتنا الطلاب (إياهم) قاموا طلعوا وما لقوا مواصلات أو( ماعندهم حق المواصلات) قاموا إتمشوا أها قاموا الناس قالوا دي مظاهرات ... طبعاً أجمل حاجة في الموضوع أخونا شماشي طفلنا المعجزة وتعليقو في البوست بتاع المظاهرات .. عارفو قال شنو ؟؟؟؟ قال : " نعم توجد مظاهرات وحاولت أن ألحق بها من مكان عملي بالمقرن ولكن لأن السوق العربي مغلق لا توجد مواصلات لذا لم أتمكن باللحاق ببقية المناضلين " ... شفت يا ناذر شماشة أخر زمن ؟؟؟؟؟ مظاهرات يركبوا ليها مواصلات !!!!!!!!!!!! طبعا حببببببببببة كده وكان قال والله وما كنت شايل معاي " توشيز" عشان السخانة " ياااااااااااااااااي " والناس الفي المظاهرات " بيئة خاااااااالص" ياخ دي مظاهرات ولا حفلة بي فرفور البيركبوا ليها مواصلات دي !!!! معقولة بس في ناس كده ..!!!
بعدين يا ناذر موضوع النضال ده بالله أعفيني منو .. انا مواطن سوداني بسييييييط جدا جدا جدا ألعب الدافوري في الحلة نتلم في دكان عم حسيب ونأكل البوش .. يوم الجمعة كان عندنا تحدي بي البيبسي ...بالليل نتلم كشباب تحت لمبة عمود نلعب الضمنة جمب دكان أيوب (حياتنا كلها دكاكين والله التقول نحن قدرة فول).. شفت كيف ..دي الشموشية ولا بلاش تقول شموشية قاردن سيتي .؟؟؟؟ قال توشيز قال ... تخريمة : المظاهرات الجاية حاتقوم من جامعة الأحفاد أرجو من شماشي تجهيز علبة ماكنتوش وموية صحة (سوبا) ويحاول يأجر بتاع أمجاد باقي اليوم يكون معاهو وياريت لو يشيل معاهو كروت معايدة وبوكي ورد عشان ناس سوسو ونونو وريما .. شعار المناضلين (شموشي والبقية): غيروا لينا الراجل ده ..ما دايرين الراجل ده ..الراجل ده غلا البيبسي ..الراجل ده زاد الجيرسي ..
03-25-2005, 10:24 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
سيداتي آنساتي سادتي نحيكم و على الهواء و في تغطية مباشرة من استاد الخرطوم و نحن ننقل لكم المباراة الودية ما بين فريق back street cats و فريق الشماسة و أأٍف جداً لتأخر النقل التلفزيوني لأنو واجهنا صعوبة شديدة و نحن داخلين بالكاميرات ، أصلوا فوجئنا بأنو مشجعين فريق الشماسة إتلملموا و الجايين بالكاروهات إتلملموا في "سيارات" مشجعي فريق back street cats "الشديدة" و عدل مشوا على "التنُكّة" و هاك يا بل لقطع من القماش ما عارف حيعملوا بيها شنو ، لكن غايتو صحبي كمال حامد قال لي دي بيختوها في النخرين زي الكمامات من الغبار و كدة ، المهم الشماسة لقيناهم ليك مجدعين برة زي حب التسالي راقدين سلطة فأنا قلت لكمال حامد يا صحبي دة بيكون هم ختو كمامات على حساب إنو في اعصار جاي و يبدو إنهم شفط شفط تقيل من هوا الاعصار دة لذلك حتى ما قدروا يدخلوا الاستاد و اتجدعوا برة سلطة ، و لحدي ما جازفنا ولقينا لينا درب عملنا فيهو ياااااااااع لحدي ما جينا انقطعنا جوة المنصة حقت "كمال حامد" أقصد يعني حقت التعليق الرياضي كانت ربع ساعة مرت من المباراة ما بين الفريقين و للأسف الشديد فريق الشماسة لاعب بدون مشجعين لأنو يا حسرة راقدين زي ما قلت ليكم برة ، و كمان برضو كابتن الفريق شماسي الحريف في لجنة الفيفا راصداهو برة ، قال شنو قال عمرو ما قانوني ! قلنا ليهم ما قانوني كيف ؟ قالوا أصغر من الـ 18 صحبي كال حامد ضحك و قال لي وهو بيغمز عاين أولادو قاعدين يفوقوا في المشحعين تول لي أقل من الـ18 ؟؟ كه كه كه كه كه قلت ليهو يا كيمو ياخي يمكن لأنو الكابتن شكلو ولد "حجيري" كمال حامد نطنط عيونو و قال لي حجيري يعني شنو ؟ قلتة ليهو حجيري دة يبدو ليك من شكلو زول حتيتة كدة و كأنما ناقص نمو لكن بي شنبو يرك فوقو الصقر ، فالظاهر ناس الفيفا و شداد خدعهم المظهر ، المهم الحمد لله المشكلة عدت على خير لما جبنا ليهم شهادة تسنين الكابتن بتاع الشماسة و الكورة شغالة ، و فريق back street cats بيلعب بلعيبة محترفين وهم الاعب أساسي البرازيلي و اللاعب عمر الفاروق الألماني و برضو فريق الشماسة بيلعب بعدد من اللعيبة المحترفين المجلوبين من جزيرة كنداكة الفي ممبسا وكدة ، و اللعبة طبعاً ودية و بطلب من فريق الشماسة و رغم إنو فريق back street cats كان معترض على إنو يلعب مع مستوى زي كدة إلا إنو الجمهور كان مصر إنولازم يلعبوا عشان يقعدوا الشماسة في علبم و ما يرفعو منشاتم تاني و يعملوا فيها مقطعين اللعبة ، و المساطب الشمالية الخاصة بفريق back street cats ملانة للآخر بينما المساطب الجنوبية فاضية لأنو الجماعة راقدين دلاقين برة ، و ماشي أساسي و ماشي و ماشي و فك باص لعمر و عمر مر من الشماسي الأول و التاني و بيض للتاني و لبس الشماسي الكبير جلابية بيضا شرط و تووووووووووووووووف قووووووووووووووووووووووووووووووون . هدف أول و لحظات مع الاعلان و نتابع
الإستديو التحليلي لما بين الشوطين : مرحب بي ضيوفي الأعزاء علي يميني المدرب " نقد " طبعا ده ما نقد بتاع الشيوعيين .. وعلي يساري المدرب " حسن المصري" .. المدرب نقد : والله انا في رأي المباراة غير متاكأفأة تماااااااااااااااااااااااااماً لأنو فريق الشماشة فريق تنقصها الخبرة والأحتكاك ..وهو فريق زي ما عارفين بيعتمد إعتماد كلي علي الشكاوي وطبعاً كلكم يا أخ كمل حامد متزكرين شكوي فريق الشماشة للفيفا طاعنين في قانونية مشاركة اللاعب ود الشيخ .. فريق الشماشة بي مستواهو الحالي غير مؤهل للعب في التصفيات الأولية ناهيك عن بلوغ الدور الثاني ... أما فريق ال 4 Cats ولا هو إسمو شنو ؟؟؟Back Street cats فهو فريق بيلعب الكورة الممرحلة والمنظمة وفريق مليان بي النجوم المحترفين خصوصا اللاعب " أساسيونا" ولاعب الإرتكاز المحوري غير الظاهر " هوب الفل زيدان " إضافة لي بعض اللاعبين المحليين من ذوي الخبرة الدولية "عمر الفاروق فيتش "...
كابتن حسن المصري : واخد بال حضرتك المباراة دي في عك كروي رهيب من فريق الشماسة وتحس كده حضرتك إنهم ماعندهمش خطة واضحة بيحاولو يبدأو الهجوم بس أول ما الفريق الخصم يستلم الكورة تلأيهم كلللللهم إختفوا وما بيأدروش يضغطوا علي الخصم وبالتالي فريق الBack Streetمسيطر علي مجريات المباراة تماااااااااااما ومتحكم في زمام المباراة .. لو تركز شوية أخ كمال حتلأي اللاعب رقم 10 في فريق الشماسة ( هو إسمو إيه؟؟؟) اللاعب ده كورتو مش أد كده يعني لاعب عادي جداً وبصراحة انا مش عارف إزاي لاعب زي ده يلعب في الدرجة الأولي ؟؟؟طب أمال مين اللي حيلعب في الليق ؟؟؟؟؟؟
كمال حامد : شكراً للأخوة المدربين علي هذا الحديث وقبل بداية الششوط الثاني وفي أقل من دقيقة كل مدرب يدينا تصورو للشوط الثاني !!!!
نقد : والله انا أعتقد إنو فريق ال Cats حسم المباراة مبكراً جداً وفي الشوط الثاني حا يحاول يمتع الجمهور بي تابلوهات رائعة والأكثار من الون تو نسبة للتفاهم الكبير بين أعضاء الفريق ولو واصل الفريق بي نفس مستوي الشوط الأول أكيد المباراة حاتنتهي بي هزيمة تاريخية 99/ صفر ...
حسن المصري : انا في رأي إنو المدرب حا يبدأ يريح اللعيبة المحترفين ويدفع بي نجوم جدد علشان هو محتاج للعيبة المحترفين في مباريات إقليمية خصوصاً المباراة اللي حتتلعب في " دارفور" وهي مباراة مهمة وحساسة .. أعتقد إنو المدرب حا يسحب اللاعب أساسي للراحة وكمان اللاعب علاء الدين لأنو عندو بطاقة صفراء من الحكم وأقل إحتكاك مع الشماشي ( اللاعب الممثل) ممكن الحكم يشهر البطاقة الثانية لي علاء وبالتالي يحرم فريق الcats من مجهوداتو لي مباراة دارفور ..
كمال حامد : يبدو أن الشوط الثاني قارب من البدء وأري لاعبي فريق الCats داخل الملعب ولا وجود لفريق الشماشة ... سنوافيكم بتحليل شامل لمجريات الشوط الثاني إنشاء الله ..
تخريمة : ننوه السادة المشاهدين أن عرض أخبار العاشرة سيأتيكم بعد نهاية المبارة مباشرة...
03-26-2005, 00:24 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
و ما زلنا معكم أنا و الفردة الصاح كمال حامد المعلق الرياضي و العلق كل أمور الرياضة في السودان لصالحو من إذاعة المباراة لتحليلها و التعليق ما بين و قبل و بعد الشوطين و تقديمها يوم الجمعة في قوالب درامية و ما فضل ليهو إلا يحكمة أويلعب مع الكباتن جوة. المهم يا كيمو يا صحبي بدت المباراة و حقيقة في لت و عجن غريب ياخي من فرقة الشماسة ، شيء جوز ، و شي قبيض من الفنايل ، و شي من البلنجات ة و الفعيص و لعب حقارات عدييييييييل كدة ، و ظاهر الجماعة فقدوا المنطق بعد البيض الكتير البيضوهو ليهم عمر و أساسي و الحكم كروتو في السما و النجيلة اتمعطت معيط شديد و صاحبنا شماي وقع و جات عربية الاسعاف البيجو خشت الاستاد و خموهو ليك بين الحياة و الموت و معانا من هنا أخونا عبدو قابل رجل الاحصاءات الرياضية ، أخونا عبدو السلام عليكم .. أخونا عبدو إيه رأيك للحاصل للكابتن شماسي الولد دة مالو زي الضاربو تمساح وقع فجأة كدة وما قام تاني ؟ - عبدو يقول: والله طبعاً حسب أخر إحصاء و طبقاً لما ورد لنا قالوا الكابتن شماسي كان بيتدرب و بياكل 24 ساعة "بسكويت كابتن ماجد البرير" على أساس إنو غذاء رياضي متكامل و الكابتن حسب الاحصائية ماكل 35 كرتونة قبل المباراة براهو و الظاهر الجلود قلبت معاهو و كدة. سيداتي آنساتي ادتي و بما إنو كل الشماسة راقدين دلاقين جراء الكمامات الغريبة الخاتينها في نخرينم و بما أن اللاعب الوحيد "لمن محنني" شماسي وقع دايخ قالبة معاهو الجلود توقفت المباراة و لحين استئنافها نعود مرة أخرى لاستديوهاتنا الرئيسية في امدرمان.
03-26-2005, 00:50 AM
shammashi shammashi
تاريخ التسجيل: 03-10-2002
مجموع المشاركات: 2278
انا ماااااااااا قلت ليك إلا تقول الروب حتي نعتقك !!!!!!!!! تقول واااااااااااااا علاء الديناه واااااااااااااااااااااااا بكريااااااااااااااااه وااااااااااااااااااا ولد برضو ما بخليك ...
تخريمة : اخبار المظاهرات شنو ومسيرتكم وصلت وين أسة ؟؟؟كافتريا لذيذ ولا عصائر تويتي ولا مطاعم أمواج ولا ياربي تكونوا أسة في ريل بيرقر ... والله لكن الشموشية ماااااااااااااااااااااااا عندكم ..
03-26-2005, 01:27 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
و أنا شغال مذيع بس للكورة دي لكن كان احتجتوني و ما أظن لأنو شايف في سيطرة كاملة يا حبة عيني و الشماسة مرميين زي حالم المعروف ، فلو في حوجة دقيقتين بس و ألبس الكدارة الما خمج و أجيكم أشوت ليكم ضفاري توووووووووووووووووووووووووووووووف و أحلى الأهداف حتى الآن.
عمر إنت مافي صحافة رياضية ولا هم من زمن : بس "بكسر الباء" إعتزلوا الخربشة ؟
فاصل و نواصل التعليق على المباراة
03-26-2005, 06:09 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا أخوانا الشوط التاني بدأ وله لسة ؟؟؟!! يا عمر دحن النسعلك : إنت زوار ومتفرجي الماتش دا حصلوا كم ؟؟!! عايزين التقارير العلمية والإحصاءات أول بأول عشان نعرف الفورة بتين ..
يلا سرعة الشمس صقعتنا صقع ..
03-26-2005, 09:37 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
سيداتي آنساتي سادتي لا نزال معكم و على الهواء مباشرة من استاد الخرطوم و ما زالت المباراة متوقفة بعد نقل لاعب فريق الشماسة " وهنا ضحكة جانبية من كمال حمد و يقول وهو يجذبني : فريق شنو يا أبو علوة دة وحيد يا ناس براي كه كه كه كه " ياخ كمال حامد دة ضحك لمن عمتو وقعت. المهم ما علينا و لا يزال الفتية الأشاوس من فريق back street cats يسيطرون تماماً على الوضع و يقومون بعمليات إحماء لحين وصول اللاعب ، و الجمهور يهتف في المدرجات الشمالية "تيت يتيت أساسي حديد" روق روق يا فاروق" لأنو عمر الفاروق دخل لحدي هسي تلاتة و تمانين قون و الجماعة بيقولوا ليهوا كفاهم كفاهم كفاهم ، و الحقيقة الأنا مستغرب ليهو و أنا من منصة الإذاعة إنو حتى مدرب الشماسة مافيش ، إنت يا كيمو مدربم إسمو منو ؟ - يا زول ما بتعرف عبد الله ضلس "دالاس" ؟ - بالله دلس المرض داك بتاع الليق ؟ - ليق شنو يا أبو علوة ، هو فريق الشماسة دة والله الليق ذاتو كتير عليهو ديل ناس كورة شراب سااااااااااااااي.
غايتو كمال حامد قداني قد و براني بري ما عادي ، طبعاً إستغل فرصة غياب اللاعب "الوحيد" المصاب و توقف المباراة ، فأنا أحسن حاجة أرجع للاستيديو و أتخارج من عمك دة أمش ي على الأقل أشوف مشجعين فريق الشماسة الحصل عليهم شنو. سيداتي آنساتي سادتي ننتقل بكم مرة أخرى لاستديوهاتنا الرئيسية لحين بدء المباراة من جديد ، بين فريقي الشماسة و الـ back street cats
03-26-2005, 10:43 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
أيوة كده .... تعال بي هنا ..أصلو نحن بنحب نلعب المباريات في أرض الخصم ولا يهمنا عاملي الأرض والجمهور !!!!!!!!!!!!!!! يعني الواحد إلا يقعد يساكك فيك من حلة لي حلة ومن شارع لي شارع حتي يقدر يجيبك بي هنا ؟؟؟؟؟ ما قلنا ليك قول الروب عشان نخلص من الموضوع ده ونشوف غيرك !!!! ناذر ده والله عندو أشغال كتييييرة عايز يقضيها ونحن مأخرنو !!!!!!!!
أها نحن وقفنا وين اخر مرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نخلي ليك الأجابة إنت يا أيها المعجزة ...
يا ناذر أخوي : دحين إنت الفاضل سعيد ده مش عندو مسرحية تااااااني بايخة إسمها (أكل عيش)!!!! أها صاحبنا ده أظنو بي بوستيهو ده داير يعيش الدور ده لكن لقانا لسة محتفظين بي ( النصف الحلو ).......ولا أقول ليك يا مان نحن ناس (صقر) قريش والمدرسة المختلطة ونقابة ( المنتحرين ) ..شفتنا شفوت كيف !!!!!!!!!!!!!!!!!!!!
تخريمة : تعرف يا ناذر مرة عملوا لقاء مع الفاضل سعيد وكان السؤال كالتالي : لخص لنا عادل إمام ودريد لحام والفاضل سعيد في كلمات ؟؟؟ قال ليهم(وهو مادي يدو زي أم قضيم ): الفاضل سعيد وعادل إمام ودريد لحام مثلث متساوي الأضلاع مااااااااااا لم أتفوق عليهم في فن الإخراج والتأليف ..............
والله نحن الشماشة ديل فترنا معاهم علمناهم كورة وغنا وأسة مسرح ... شي بدييييييييييييييييييييييييييييع ... هاك مكي سنادة ده ...
03-27-2005, 06:04 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا ولد يا شماسي إنت مش عملت فيها الولد حريف و عندك مقدرات كروية و قدرة على المحاورة و المراوغة و تسديد الأهداف ؟ ياخي والله خجلتنا لكن ، إنت طلعتةمستوى فشنك أي كلام ، و المشكلةما في المستوى ، لأنو ممكن تكتسب بعض المقدرات من الجري ورانا ، لكن المصيبة إنو جمهور "تك" بكسر التاء غايتو طلعت شماسي حنكوش صحي صحي والله حالك يحنن المجانيين طيب أسمع ياخي شوف ليك ناس إنشاء الله بالإيجار يجي يآزروك في مبارياتك. والله شا شماسي أنا لو في محلك تاني ما دق فيهو حرف ، زول يهببني مافي و مواضيعي البكتبة يجوا يقلعوها مني دة كلام شنو يا ناسي.
أها يا عمر نبدأ المباراة ولا لسة ؟ ناذر بالله خليك قريب نستفيد منك في المنتجة الإعلانية بين الأقوان. شموسي لحدي هسي كم كم؟
03-27-2005, 10:57 PM
shammashi shammashi
تاريخ التسجيل: 03-10-2002
مجموع المشاركات: 2278
شماشي الجهلول (يا كافي البلا لا عربي لا إنجليزي) والله مرقت من الدنيا دي ساااااااااااااااي إنت غايتو إنشاء الله تلقاها في الاخرة أصلو إنت الدنيا دي فيها تور الله في برسيمو لا دارجي بتعرفو ولا الفصحي بتعرفا ولا الإنجليزي بتعرفو ياربي تكون من ناس التوتسي والهوتو وتكون رطاني ؟؟؟؟؟؟ بعدين ياخ أذكر محاسن الموتي وما تعمل فيها شفت علي المراحيم (ربنا يرحمهم) وخليك راجل شوية وأقعد أحرس بيتك الفتحتو ده مش تقوم تخلي الرجال قاعدين وتخش في حوش الحريم .. أركز !!!!!!!!!!!!!!!!!!!!!!!!!!!!!!!!!!!!!!!!
03-27-2005, 11:27 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
سيداتي آنساتي سادتي لا زلنا معكم من استاد الخرطوم و المباراة ما زالت متوقفة رغم أن اللاعب "الوحيد" شماسي مرة مرة كدة بيفوق و يجي خاشي و يهضرب ليهو بكم كلمة كدة و يلف ليهو لفتين حول نفسو و يجي داقي الدلجة ، و شايف يا أخ كمال حامد طاقم الحكام مجتمعين و سمعتة تحت تحت كدة من شمار منقول عن كمال شداد إنو الفيفا رسلت فاكس عاجل من حياتو شخصياًقال المهزلة دي لازم تقيف ، وقالوا نطقة بالسوداني عديل كدة "دة كلافم فارخ" يقصد فارغ طبعاً ، وقالوا قال ديل شماسة الشنو اللا عندهم لعيبةيا كافي البلا ولا حتى مشجعين ! لذلك يبدو إنو المباراة ستتوقف لحين حضور بقية لعيبة الشماسة و لحين فوقان الجمهور الشماشي المجدع برة زي الطوب الجنب عمارة كمال حامد التالتة. و هناكيمو قال لي: "يا أبو علوة فريق الشماسة لو قريب يكون في سينما حلفاية أصلو قالو في فلم لي كومار أب شلخة كه كه كه كه كه كه" عموماً نود مرة أخرى لاستديوهاتنا الرئيسيةلحين معاودةاللعب الغير متكافيء ما بين فريق الشماسة و الـ back street cats
03-29-2005, 01:56 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
سيداتي آنساتي سادتي حقيقة لا زلنا معكم من استاد الخرطوم في هذه المباراة المهزلة ما بين فريقي الشماسة و الـ back street cats و حقيقة استياء كبير من جميع المتابعين عبر أجهزتنا الإعلامية و غضب عارم من اتحاد الكرة لسماحه لمثل فريق الشماسة بأن يتبارى ضمن فرق الممتاز ، و شايف أخونا كمال بيناتق من قبيل و يتزحزح نحو المايك أصلو الشغلة مرضة و كدة ، هاك يا كمال ياخ قديتنا ذاتو هاك .. - ياخي ما ممكن دة مستوى إيه دة و دة كلام شنو يعني فريق جمهور ما عندو و لعيبة ما عندو دة لاعب ليه ، يعني ما ممكن الفريق دة لعبوا معاهو ناس back street cats في أرضو مسكوها منو و في أرضهم مسكوها منو ياخ ديل لو مشوا في عرسهم ممكن لا قدر الله يحصل نفس الشيء عشان كدة نصيحة ليكم يا شماسة أوعى في عرسكم تعزمو back street cats. و عموماً أهو قاعدين معاكم نشوف آخرتا و محل رهيفة تنقدة "دة شعار back street cats طبعاً"
واي واي ما دايرين ..واي واي ما دايرين ..واي واي ما دايرين .. الجماعة مرقوا ..الجماعة مرقو ..الجماعة مرقوا ..
عبارات برددا طواااااااااااااالي لمن أكون في دار الرياضة أم درمان يبدو ان التاريخ يعيد نفسه طالما السعودية مافيها دار رياضة نكورك هنا في دار الفاقد التربوي ...
قلت التوبة خلاص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أها يا زول نلقاك في بوست تاني جديد وتمنياتنا ليك بي نوم هادئ في أحد المجاري الهادئة ومكيفة (دي مجاري قاعة الصداقة ) ...
03-29-2005, 03:42 AM
shammashi shammashi
تاريخ التسجيل: 03-10-2002
مجموع المشاركات: 2278
أنا كلمة both لمن كتبتها غلط كنت قاصدك يا سيد لمن قعدت تتفلسف وختمت النكتة بالإنجليزي وكتبت الكلمة هكذا Booth وإنت عارف أنا كنت قاصد كدا لأني عملتها Bold وختيت تحتها خط لكن كعادة كل الكيزان في لوي عنق الحقيقة. ثانيا كل الناس البتكتب هناومن ضمنهم انا ) بيخطأوا لأنهم أساسا ما طباعين لكن شايفك وبقية كدايس الميتافيزيقا لمن تعجزوا عن الرد وتحصل الزنقة تقوموا تفتشوا للمواضيع الانصرافية وتبدوا تتكلموا عن اللغة الركيكة والأخطاء الإملائية . ولمن يزردوكم بنفس الحبل تقعدوا تجقلبوا.
أما الموتى الذين ذكرتهم فلو كانت لديهم حسنات لما اضطررت لذكر سيئاتهم (وإنت متين بقى عندك راي أنو مثل ذلك السلوك يعتبر سلوكا سيئا. إنتو زي السلوك دا ما عندكم عادي زي الزبادي).
بعدين إنت الكلام اللين دا لا تقولو قدام الناس زي:
ووب علي
أححي ووب علي أمتعك
الكلام دا عيب ياخ يتقال قدام كل الناس لانو بيعتبر خادش للحياء العام . خلوهو بس لقعداتكم الخاصة. مفهوم
هلا وغلا ..هلا ولله ... ايوة كده خليك ضكران وشد حيلك وتعال لي ضيوفك العزمتهم ومشيت قعدت في حوش الحريم ترمي الودع وتشرب في الجبنة ...
تعرف زكرتني نكتة الراجل المشي ليهو لي ناس ولقا المرا وقعد يتونس معاها وهي كانت لابسة قصيير وفجأة جا راجل تاني من جوة المطبخ (زوج المرا ) وشايل ليهو سكينة أها صاحبنا ده قال خلاااااااااااص الليلة مضبوح ممضبوح وبقا يرجف ويفتش في الأعزار عشان يقولا لي الراجل أب سكينة ده .. الراجل أبو سكينة (راجل المرا) قال ليها وهو بيأشر بي السكينة : إنتي يا علوية الكبدة دي أسويها ليكم نييييييييييية ولا أحمممممممممممرا !!!!
أها بس إنت بقيت لي زي أب سكينة ده جيتنا نافش ريشك وقلنا خلاص الليلة الزول ده حايدرشنا درش السنييييييييييييين ..
تخريمة : حمممممممممممر لينا الكبدة دي بس ما تكتر الملح!!!!!!!!!!!!!!
03-29-2005, 04:27 AM
Abdelrahman Elegeil Abdelrahman Elegeil
تاريخ التسجيل: 01-28-2005
مجموع المشاركات: 2031
الأخ كمال حامد يحيكم من إستاد الخرطوم بعد نهاية مباراة فريق الCats ضد فريق الشماشة في مباراة غير متكافأة بين الطرفين سيطر فيها فريق الCats علي مجريات المباراة كاملة وقد كان لعامل الخبرة والأداء الراقي والتجانس سبب رئيسي في فوز الفريق أما فريق الشماشة والذي يلعب بدون جمهور فقد إكتفي بالفرجة والتصفيق وبهذا تنتهي هذه المباراة (من طرف واحد ) بفوز ال Cats ب 99/ صفر ( في واحدة علي عجل يا علاء بس الحكم قال أوف سايت) ... الشكر موصول للأخوة الزملاء في التلفزيون : الأخ ناذر محمد خليفة في التصوير الخارجي .. الأخ العجيل في هندسة الصوت .. الأخ أساسي ساعد في الأخراج .. الأخ علاء الدين مخرج منفذ ..
أيها الأخوة المشاهدون إليييييييييييييييييييييييييييييي لقااااااااااااااااااااااء (زي ما بيقول عثمان حسن مكي )...
تخريمة : سبب نهاية المباراة هي مطالبة فريق الشماشة بإيقافها بعد أن أوحوا للحكم بأنهم لن يستطيعوا تكملة المباراة للأرهاق وقلة الحيلة وعدم الموضوع ولذا هم قرروا ترك الملعب فوراً ..
Quote: البيت خليناهو ليكم قلنا تاخدوا راحتكم شوية.
03-29-2005, 11:46 PM
Abdelrahman Elegeil Abdelrahman Elegeil
تاريخ التسجيل: 01-28-2005
مجموع المشاركات: 2031
من أمدرمان حيث استوديوهاتنا نهنيكم على صبركم الخرافي لهذه المباراة الملة. وغلى أن نلقاكم في بوست أخر .. نتركك في أمان الله والشكر وصول لكل من واسانا في تسجية جثان الرحل إلى مثواه الأخير )
قاعده أقرا في كلامكم ده من قبيل.. وفترته... انت يا اساسي ويا عمر، ما عندكم شغله؟ ما بتفوتروا؟ وب علي منكم... حسي انت الحارقكم شنو؟ زول لاحظ حاجه... ما قال فلان وفلان... يعني الزول ما يجيب سيرة الكيزان ديل اصلوا؟ ما كفايه ماسكين الحكم بالقوة، كمان اللسان ماسكينو... بِس... عمر، عليك الله امشي شوف البوست حق عزاز داك، وحاة الله انت مضيّع موهبتك في شي ما ياهو... وانت يا اساسي، طولنا من قصصك ومن الضفه الأخرى منّك...
شماشي... انا اوافقك الملاحظة الكتبتها عن اسلوب الكيزان في البورد...
بنت الحسين
03-30-2005, 04:53 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
اساسي
..
Hani Abuelgasim
HOPEFUL
ناذر محمد الخليفة
Abdelrahman Elegeil
المكاشفي الخضر الطاهر
علاء الدين يوسف علي محمد
مريم بنت الحسين
فيس بوك
تويتر
انستقرام
يوتيوب
بنتيريست