|
|
 أمي الله يسلمك ..
|
أمي الله يسلمك ..ويديك لي طولة العمر في الدنيا يوم ما يألمك ...
أمي...
يمة ...
ماما...
mam...
Mother ...
كل لغات العالم كل اللهجات أتفقت علي هذه الكلمة ..كلمة تحمل كل معاني الحنان ...
كلمة ربما تكون أول كلمة ينطق بها لسانك وأنت طفل تتأتئ وتتمتم ...
بت صديق العجب:
حنيييييييينة وطييييييييييييبة ..في كل عام وفي أيام زي دي لازم نجي داخلين عليك بي هبابة مرة ..ومرة منقد ..ومرة مقشاشة ..ومرة مبخر ...مرة طقم كبابي ..مرة توب ..أكتفي دوما بطبع قبلة علي جبينك ..
عارفاني يمة من زماااااااااان وانا عندي راي في الأعياد غير الأسلامية لكني بكون ضعييييييييييييف جداً والبيت يلبس حلة زاهية في كل سنة في اليوم داك ...
كل أيامي معاك أعياد ....كل لحظة معاك عيد ...
شريط زكرياتي معاك يحتاج لتيرابايت وخوفي علي الباندودث بتاع بكري ...
من وين تكون البداية ؟؟؟؟؟؟؟؟؟
من أنانيتي وانا أسكن داخلك ؟؟ أقاسمك اللقمة !!!! كل كباية موية ليك عندي فيها 10 (جغمات)!!! من حوامتي معاك محل ما تمشي وراك !!! ماسك في طرف توبك اكتفي بحيلة الدموع الكذابة حتي تضعفي وتنحني شايلاني في صفحتك !!!!!
من وين البداية ؟؟؟؟؟؟؟؟؟
من صرخة تشق صمت الليل تسلبك راحتك تقلق نومك !!! اول الصاحيين واخر النايمين ...
أصحي وألقاك في المطبخ ...أنوم و إنتي لسة في المطبخ .....
عمر إتعشيت ؟؟؟؟؟ لالالالا انا ما بحب العدس ...خلاص النقوم أسوي ليك اللحمة وتساهري ...
عمر شربت الشاي ؟؟؟؟؟ لالالالا يا امي اللبن ده ما لبن علب ...خلاص يا ولدي أمشي الدكان جيب ليك لبن فورموست وتعال نسوي ليك واحد تاني ...
عمر أمشي في ( النملية) تلقاني خاتا ليك بطاطس محمرة أنا عارفاك بتحبها شديييييييييد وقلت قبل ما أعملا ملاح أسوي ليك منها جبس ....
عمر ..يا ولد جسمك ده مسخن شدييييييييييييييييد أمشي صحي أبوك ده خليهو يوديك الدكتور ....
معقولة يا أمي وللمرة الرابعة علي التوالي ما حا أجي داخل عليك بالمقشاشة ؟؟؟؟؟
ملعون أبوك غربة !!!!!!!!!!!!!!!!!!!!!!!
4 سنوات والي الأن ما قدرت أكمل معاك تلفون واحد في يوم من أيام العيد !!!!!!
ألو ... إزييك يا والدة ...كل سنة وإنتي طيبة .. أسمع بعدها صوت مبحوح فرحة ممزوجة بالدموع صوت بكاء ...أسمع صوت الأخوان يا أمي سلمي عليهو الولد ده كويس والدنيا عيد ما تبكي ...لكن انا مشتاقة ليهو يا أولاد ...
وليتك تعرفين كميات الشوق التي تملأني تلك اللحظات ... كم وكم بتمني ان أدخل عبر تلك السماعة ...
بكرة إنشاء الله في وقت زي ده كلكم ملمومين حافة الناس بي حنانك وطيبتك وانا انا المسكين !!!!!!!!!!!!!!!!!!!!!!!!!!!!!!!!!
يا يمة رسلي لي عفوك ينجيني من جووووووووووووووور الزمان ...
من قلبي لييك بتمني دوام الصحة والعافية وإنشاء الله ما تشوفي شر ...
ربنا يخليك لينا ويغطيك ويحفظك .....
ويديك طوووووووووووووووولة العمر ..
بكتب ليك رسالة طويلة يا أمي...
بكتب ليك رسالة طويلة بي دمي...
أقادلك فيها يا أمي وأضمك ساعة في حضني ...
يا أمي.....
|
|
 
|
|
|
|
|
|
|
|
Re: أمي الله يسلمك .. (Re: خدر)
|
خدر أخوي :
Quote: كل سنه وبت صديق بألف خير
وربنا يحفظكم لي بعضكم |
ويديك العافية ويكفيك شر خلقو ...
| Quote: كلام مؤثر جدا يا عمر |
في حضرة من تكون الجنات تحت أقدامهم تجدننا مجبرين علي ذلك ...
أمي .. أمي يا أجمل كلمة بقولا يا أحلي نشيد يا نغمة جميلة ..
شكراً ليك يا خدر يا حبيب ..
تخريمة :
تلفوني في البيت قرص عشان كده صعب علي أضغط 1 أو 2 لكن بعد مرورك ده بحاول أشتري تلفون أزرار ومن أسة بضغط 1 
| |
|
|
|
|
|
|
|
|
|
Re: أمي الله يسلمك .. (Re: محمد عبدالرحمن)
|
محمد عبد الرحمن :
| Quote: كم هي حنينه هذه اللغة التي تكتب بها وكم هي صادقة |
وأكثر حنية منها أمي ...
كم أشتاق إليها ...
بدور أجيك يا يمة ضاقت بي يا يمة هنا...
بشتاق يا يمة لي ملاح النعيمية ..
وريحة صاجك المحروق لما تسوي طعمية ...
عاطر التحايا يا أبو حميد
| |
|
|
|
|
|
|
|
|
 Re: أمي الله يسلمك .. (Re: عمر الفاروق شيخ الدين)
|
خالص التحايا..
عمر .
امى كم احبك ومشتاق ليك تسلمى كتير من اى شر الكلام فى حقك ما بطولك ..
ربنا يخلى لينا امهاتنا..
وليك ولجميع وانا معاكم...
الكلام فيهن لايخلص بس ..و نقول ..
يا يمة ..
لو صحيح ولدك تريدي!!
كلما تصلي ليهو عفوك زيدي..
ويايمة قولي لو عافي منك يا وليدي.. 
| |
|
|
|
|
|
|
|
|
|
Re: أمي الله يسلمك .. (Re: معتز تروتسكى)
|
معتز يا تورتسكي :
Quote: امى كم احبك ومشتاق ليك تسلمى كتير من اى شر الكلام فى حقك ما بطولك ..
|
عارفك بتعاني من نفس مشكلة البعاد ..تتجرع الان من كأس الغربة المر...
وعشان نبل الشوق في الرصيف نستنا وللثواني نحاسب عشان في أقرب إجازة نمتع روحنا بالدهشة في حضرة أهلنا ...
Quote: ربنا يخلى لينا امهاتنا..
وليك ولجميع وانا معاكم...
|
امين يا رب العالمين ...
Quote: يا يمة ..
لو صحيح ولدك تريدي!!
كلما تصلي ليهو عفوك زيدي..
ويايمة قولي لو عافي منك يا وليدي |
أمهاتنا ما بيحتاجن للوصية ..طوالي محملننا العفو والعافية محل ما نقبل ..
يديك لي طووووووووووول العمر في الدنيا يوم ما يألمك ....أمي الله يسلمك ..
| |
|
|
|
|
|
|
|
|
|
Re: أمي الله يسلمك .. (Re: عمر الفاروق شيخ الدين)
|
عمر الفاروق
أتاريك ريّاد يا عمر ، وبكّاي ، ودائما ماسك في طرف توب أمك ؟ وأتاريك بتريد اللحم زي خالك ؟ بس أنا ما بريد لبن العلب ،،،
تحياتي الزاهية لأختنا بت صديق العجب ،، ولكل أمهاتنا في الوطن أو خارجه ،، ونسأل الله أن يكرمنا جميعا بدفء أحضانهن ، في وطننا الغالي ، وفي بيوت هي أحبّ إلينا من كل أبراج الدنيا ...
| |
|
|
|
|
|
|
|
|
|
Re: أمي الله يسلمك .. (Re: ودقاسم)
|
ود قاسم :
| Quote: ودائما ماسك في طرف توب أمك ؟ |
وأسسسسسسسسسة كان لقيتو ما بفكو ....
| Quote: وأتاريك بتريد اللحم زي خالك ؟ |
والله يا خال لازم تكون شية جمر من إيد الوالدة
| Quote: بس أنا ما بريد لبن العلب ،،، |
ولا أنا يا خال ..بس داك أيام الجهل وبعد وعينا والله بقينا نفتش لي الحليب تفتيش والله ما خلينا اخر محطة ولا خلينا الزرايب ولا خلينا البلد ..
Quote: ونسأل الله أن يكرمنا جميعا بدفء أحضانهن ، في وطننا الغالي ، وفي بيوت هي أحبّ إلينا من كل أبراج الدنيا ...
|
اميـــــــــــــــــــــــــن يا خال إنشاء الله ..
| |
|
|
|
|
|
|
|
|
|
Re: أمي الله يسلمك .. (Re: هشام مدنى)
|
الخال هشام مدني :
وانسب لك كلمة خال لما تحويه هذه الكلمة من حنية ولما معروف عن الخال دوماً بأنه حنين ..
| Quote: ربـــــنا يحفظها ويدها الصحة والعافية وطول العمر |
اللهم امـــــــــــــــــــــــــــــــــــن يا رب ...
خالص التحايا ...
| |
|
|
|
|
|
|
|
|
|
Re: أمي الله يسلمك .. (Re: عمر الفاروق شيخ الدين)
|
..
.
أمى .. الله يسلمك
ويديكى لى طول العمر..
وفى الدنيا يوم ما يألمك ..
امى .. الله يسلمك ..
* * *
أمى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى .. الله يسلمك
***
خيرك على بالحيل كتير ،
يا مرضعانى الطيبة بالصبر الجميل ،
سا سعد أيامى وهناى
لو درتى قلبى ، أسلمك.
أمى .. الله يسلمك
***
أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام
يا منتهى الريد ومبتداه ..
يا الليا .. الله يسلمك ..
ويديكى لى طول العمر
وفى الدنيا يوم ما يألمك ..
أمى .. الله يسلمك..
| |
|
|
|
|
|
|
|
|
|
Re: أمي الله يسلمك .. (Re: Tabaldina)
|
تبلدينا وتبلديهم وتبلدي كل الناس :
ليك التحية وانا بفتش للأغنية دي وفرت علي عناء البحث ...
أجمل هدية لي أجمل أم ...
ليك كل التحايا
Quote: أمى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى .. الله يسلمك |
كم وكم جار علينا الزمان ما لقينا غير حصنك يا امي ...
وكم وكم فتشنا للطمأنينة ما لقيناها الا عندك ..ونحن غير الهم ووجع القلب ما بنسوي ليك شي ...
Quote: خيرك على بالحيل كتير ،
يا مرضعانى الطيبة بالصبر الجميل ،
سا سعد أيامى وهناى
لو درتى قلبى ، أسلمك.
أمى .. الله يسلمك
|
خيرك علي يا أمي ما بتعد وما بتحسب ..وقلبي لو سلمتو ليك ما بيكفي ...
Quote: أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام |
والدليل أهو ده يمة ...حاولت أكتب وأفصح وفي النهاية المحصلة صفر... ماقدرت أوفيك حقك ..ماقدرت أعدد جمايلك علي .. ما قدرت ولو بي أبسط حاجة أجيك داخل اسالمك وتسالميني ...بعيد منك انا اسة وعزاي الوحيد كل كلمات الغرام ليك يمة ..
Quote: يا منتهى الريد ومبتداه ..
يا الليا .. الله يسلمك ..
ويديكى لى طول العمر
وفى الدنيا يوم ما يألمك ..
أمى .. الله يسلمك.. |
مبتدا الريد نعم ... منتهي الريد لا ...ريدي ليك ما بينتهي اصلو يا بت صديق العجب
أمي الله يسلمك يا يمة الله يسلمك ...
| |
|
|
|
|
|
|
|
|
|
Re: أمي الله يسلمك .. (Re: Mayada)
|
Quote: ربنا يحفظ ليك امك وكل الامهات ويدهم الصحة والعافية ويرحمهم في الدنيا والاخرة انشالله...
|
امـــــــــــــــــــــــــــــين يا رب.....
| |
|
|
|
|
|
|
|
|
|
Re: أمي الله يسلمك .. (Re: Mayada)
|
وأنا يا ولدي عافي منك ...
عفواً يشمك ويجمك ...
عفواً يسهل ليك ولاد الحلال ويبعد عنك بنات الحرام ...
عفواً عدد ورق الشجر وحبات المطر ....
والله يا ولدي البيت بلاك خلا ...
وربنا يسهل عليك في الرايحات والجايات .....
( لك حبي أمي الزهراء بت على ود أرباب ونحن يمة عيدكم في قلوبنا كل يوم عيد جديد ودعواتكم ياها الماشين بيها وشايلانا في بلد السجم والرماد .
أخي عمر الفاروق ..
الله يديك العافية
| |
|
|
|
|
|
|
|
|
|
Re: أمي الله يسلمك .. (Re: عمران حسن صالح)
|
عمران :
يا رايع إنت وينك ووين أيامك..
Quote: وأنا يا ولدي عافي منك ...
عفواً يشمك ويجمك ...
عفواً يسهل ليك ولاد الحلال ويبعد عنك بنات الحرام ...
عفواً عدد ورق الشجر وحبات المطر ....
والله يا ولدي البيت بلاك خلا ...
وربنا يسهل عليك في الرايحات والجايات ..... |
دعوات محتاجين نسمعها بالحيل يا عمران يا اخوي ...
محتاجين نسمعا ونحن قاعدين جمب امهاتنا ... ونسمع منهن ودعناك الله والرسول مشاويرك عديلة عليك ...
لكل الأمهات التحايا أمي والحاجة زهراء بت الارباب وكل الامهات ربنا يديهن العافية ويرحم من هن الان في جنان الخلد إنشاء الله ...
| |
|
|
|
|
|
|
|
|
|
Re: أمي الله يسلمك .. (Re: عمر الفاروق شيخ الدين)
|
الأم .. ذلك النبع المتدفق من الحنان .. تظل ترى أولادها صغارا مهما طال بهم العمر .. ولا تحتمل فراقهم .. كيف إن كان هذا الإبن هو الوحيد وأتى بعد سنين طويلة من الإنتظار والصبر؟؟.. الشاعر علاء الدين أبو سير وصف حال هذه الأم وهى تشكو من محاولة إبنها السفر بعيداً عنها ويسوق هذه المشاعر فى قالب تراجيدى مؤثر .. هاكم هذه القصيدة الرائعة..
عافى منَّك .. وراضى عنَّك .. سوْ رضايا
ومابيخيب الرضَّى والدتو.. يا جنايا
إنتَّ من يا دوب صغيِّر من زمان دايماً معايا
إنت ديمة أمامى ساير .. ما بخليك بى قفايا
ما بتغيب من عينى لحظة لا حصل سبتك ورايا
ولامن الله يشيل أمانتو ببقى خاصاك بالرعاية
لىِّ يرعاك البيرعى لىَّ بيك يبرد حشايا
أصلك إنت هدية منِّو الله بيك أجزل عطايا
جيتنى واحد مالو تانى رحمة فى آخر صبايا
قبل ما أفقد قدرتى وقبل ما تنهار قوايا
جيتنى زى بدراً منّور فجأة طليت فى سمايا
وصرت حد عمر المآسى وسد سيول سهرى وشقايا
وكنت راس هرم الأمانى واحتياجى ومبتغايا
وكان بتتوخد النصايب كنت جبتك بالشراية
الا كان إيمانى ثابت وراضى بى قدرى وقضايا
وجيت يا دخرى الغلابة.. مَسَّحْ غبار همى وعنايا
وصار غرامك لىَّ حرفة ولىْ مداعبتك هواية
وياما سويت فيك قصايد وياما حجيتك حجايا
وصرت لى أمك فؤادا ومركز التفكير ورايا
إنت ياكا عَدِلْ مزاجا وياك تمام الكيف وشايا
وهسى لما خلاص كبرت ماش تسيبنى أعيش برايا؟؟
ماش تفارقنى وتهاجر والحزن يصبح جزايا؟؟
كيف يهون لك تحزن أمك شان تحقق ليكا غاية؟؟
لو مناك ترحل تغادر قعدة بى جنبك منايا
لو مسافر شان علاجى بلقى فى شوفتك دوايا
ولو مسافر شان كسانا أخير نعيش جنبك عرايا
لو عشان كرعينا راحل نحن بى بعدك حفايا
لو عشان تسقينا زمزم نحن بى حنك روايا
لو مسافر شان تعرس خير ابوك مالى التكايا
خيرو وافر ابوك يحمدو مراحو مليان بالسعايا
وبالقروش الجيب متكن ولسة برضو الجايى جاية
برضى منك مابقصر بحفر اديكا المعايا
ولو دة كلو كمان شوية بتلقى فى دهبى الكفاية
اصلى من سويتو ناذرا يبقى لى ايام قسايا
داخرا للزمن البعاند ولى سعادتك يا عشايا
إنت من تبيت صغير راسى مابتحتاج وصاية
ما حصل خيبت ظنى ولا فشل فيك زين غنايا
لا تسيب أمك تسافر يمة محتاجة الحماية
ولا تسيبنى وراك ترحل وإنت للمكشوف غتاية
دايرة منك تبقى جنبى.. جنبى فى فرحى وبلايا
ودايرة كان قحيت أتبنك .. أرفع أقسملك غتايا
إنت ساعة تبقى جنبى بتبقى ضلى وتوب دفايا
وما بخاف ظلم الليالى إنت ياك عكاز عمايا
داير أقضى عميرى جنبك أصلو قارب للنهاية
وخايفة كان سافرت ترجع تلقى فاضى البيت بلايا
وحينا ما بتنفع قروشك وما بتجيبلك أم سوايا
مانى عارفى سبب رحيلك يا وليدى شنو الحكاية
الا تبقى براكا شايف فى فراق الوالدة غاية
ما بعاتبك لو رحلت وما بلومك وبلقى فى الأمثال عزايا
على حجر دايما قليبك وقلبى كلو عليك جنايا
| |
|
|
|
|
|
|
|
|
|
Re: أمي الله يسلمك .. (Re: mahmed alhassan)
|
محمد الحسن :
أهلنا الشوايقة الحنينيييييييييين ..
أحتفيتم بالأم أيما أحتفاء ...
عافية منك وراضية عنك سو رضاية ...
وأمي يا نبع المحبة ..قايمة الصباح متكفلتي شايلة الحليلا علي المراح ..
ويااااااااااا يمة رسلي لي عفوك ينجيني من جور الزمان ...
شكراً جميلاً محمد الحسن وربنا يحفظ لينا أمهاتنا ويرحم من اخذهم المولي عز وجل إليه فهن الان إنشاء الله في جنات الخلد بل والجنان تحت أقدامهم ...
Quote: ولا تسيبنى وراك ترحل وإنت للمكشوف غتاية
دايرة منك تبقى جنبى.. جنبى فى فرحى وبلايا
ودايرة كان قحيت أتبنك .. أرفع أقسملك غتايا
إنت ساعة تبقى جنبى بتبقى ضلى وتوب دفايا
وما بخاف ظلم الليالى إنت ياك عكاز عمايا
داير أقضى عميرى جنبك أصلو قارب للنهاية
وخايفة كان سافرت ترجع تلقى فاضى البيت بلايا
وحينا ما بتنفع قروشك وما بتجيبلك أم سوايا
مانى عارفى سبب رحيلك يا وليدى شنو الحكاية
الا تبقى براكا شايف فى فراق الوالدة غاية
ما بعاتبك لو رحلت وما بلومك وبلقى فى الأمثال عزايا
على حجر دايما قليبك وقلبى كلو عليك جنايا
|
سبناك ورحلنا وكان ربنا مد في العمر بنجيكم يا يمة ...
بس خلو قليبكم ديمة علينا ونحن حاشانا قليبنا يكون من حجر ...
| |
|
|
|
|
|
|
|
|
|
Re: أمي الله يسلمك .. (Re: عمر الفاروق شيخ الدين)
|
كل سنة وأنت وأمك وكل أم بخير وعافية
الجنة تحت أقدام الامهات .... من منا لا يريد الجنة وثواب الآخرة؟؟؟؟ نسأل الله أن يجعلنا جميعا من البررة ويسر لنا طاعة والدينا والبر بهم وأفتح من برهم وطاعتهم ومصاحبتهم بالمعروف بابا للجنة لنا جميعا يا رب
أهدي لأمك ولأمي ولكل أم في السودان باقة ورد بهذه المناسبة
| |
|
|
|
|
|
|
|
|
|
Re: أمي الله يسلمك .. (Re: Habib_bldo)
|
حبيب بلدو وحبيب نورا وحبيب بورقيبة وكل الأحبة :
ليك تحية ولي كل الأمهات مليون باقة ورد ...
| Quote: كل سنة وأنت وأمك وكل أم بخير وعافية |
وانت بي الف خير كمان ..
تحياتي ..
يا يمة رسلي لي عفوك ينجيني من جور الزمااااااااااااان ..
| |
|
|
|
|
|
|
|
|
|
Re: أمي الله يسلمك .. (Re: عمر الفاروق شيخ الدين)
|
الله يا عمر الفاروق ، ربنا يحفظها ويطول عمرها يا اخي و يرزقها الجنة ، حقيقة يا اخي عمر احس بأنك دائما حنين وهذا التعبير طالع من جواك وهو يلامس الوجدان ، التحية لهن اجمعين وربنايقدرنا على طاعتهم ورضاهن ، علماً يا اخي عمر انهن يرضن بالقليل جداً حتى لو كلمة طيبة .
عميق الود
| |
|
|
|
|
|
|
|
|
|
Re: أمي الله يسلمك .. (Re: الصادق خليفة)
|
الصادق يا خليفة :
| Quote: ربنا يحفظها ويطول عمرها يا اخي و يرزقها الجنة |
امـــــــــــــــــــــــــين يا صادق وكل الأمهات كمان ...
| Quote: يا اخي عمر احس بأنك دائما حنين وهذا التعبير طالع من جواك وهو يلامس الوجدان |
في حضرة الأم الأم يطيب الجلوس وفي حضرة الأم القوما ليها ...
كل الناس يتدفقون حنية في حضرة أمهاتهم ...
بدور أجيك يا يمة ضاقت بي يا يمة هنا ...
تعرف يا الصادق ونحن صغار وفي فترة من فترات العمر كنت أنادي أمي بإسمها أصلو ما حصل نهرتني ولا شاكلتني ولا قلات لي يا ولد هيييييييييي وكنت لمن أقول ليها (أمي) تقول لي أها مالك داير كم ؟؟؟ ولا داير يغسلوا ليك شنو ؟؟؟
حتي ونحن نحرمهن من أبسط حقوقهن كن هن الأكثر حنية ...
تسلم يا حنين إنت ...
| |
|
|
|
|
|
|
| |
محمد عبدالرحمن
خدر
معتز تروتسكى
ودقاسم
lana mahdi
Mayada
عمران حسن صالح
mahmed alhassan
Habib_bldo
الصادق خليفة
فيس بوك
تويتر
انستقرام
يوتيوب
بنتيريست