|
|
 عاوزه رايكم
|
حاحكى القصه بالعربى الدارجى , ممكن....
قبل احتفالنا بيوم المراه فى امستردام قلنا يا جماعه لضيق المكان دايريين النسوان بس..
فى داك اليوم كان اول الحضور رجل سودانى وبعد كدا زاد عدد الرجال ومنهم ابو مهند ,,,,, كان المصور هو ومنعم شوف
قلنا مافى مشكله نفرح ونحتفل سوا.... عدد الرجال السودانيين كان اكبر عدد وكان هناك راجل واحد اثيوبى
الحصل انو البرنامج كان جميل وناجح ومتعدد الفقرات واحد من الفقرات كان عرض للازياء الشعبيه والغرض كان تعريف المجتمع الهولندى بثقافتنا المختلفه
كجاليات بهولندا.....طبعا ماشاء الله بناتنا السودانيات عرضن التوب واللوى وغيره بكل فن وخجل وبعدهم جو اخوانا الاثيوبيات وهرضن ازياهن وقدمت واحده لبسه لاحد القبائل ورقصت .... اللبسه كانت عاريه ومختلفه , لكن دى ثقافتهم ولازم نحترمها... الحصل انو الرجال السودانيين ما قصرو وعبرو بكل مايملكون من اصوات وتصفيق تعبير عن اعجابهم ..... قلنا مامشكله الله جميل يحب الجمال..
الحصل بعد كده...
بعد لحظات من انتهاءالعرض قام احدهم بعرض صورة البنت الاثيوبيه فى sudaniyat وبدات التعليقات وكتر الاستهتار وعدم الزوق وقام شخص اخر بنشر الصور فى dr.moizsite وتم الناقص وكتب الكتير مما يسئ لنا كنساء عامة وسودانيات خاصة وتم تلخيص اليوم الجميل والناجح فى تلك الصوره ....
ماحدث بعد ذللك اتصلت بى رئيسة الجمعيه الاثيوبيه وكانت غاضبه وقرفانه وطلبت منى توضيح لما حدث ومن الذى قام بالتصوير ومن اعطاه الاذن واماذا تم انذالالصوره فى الinternet وماذا كتب وكتير من الاسئله المحرجه وانو نحن قلنا مادايريين رجال لانو كناعارفيين دا حيحصل
الؤلم انو انا اواجه بالاسئله والجماعه لسه مدوريين فى البوست بهناك وانا اتصلت ونبهت وحزرت وما حصل اى تغيير
ما احزننى انو الاثوبيه عارفه انو زوجى كان من المصوريين لكن صور video ما فوتغرافى لكنى احس بالذنب لانى سودانيه والمستهتريين هم سودانيين
لماذا يا اخونا .... لماذا يامناصريين المراه..... لماذا تحرجونا مع اخواننا..
لماذا ترموا بجهدنا ونجاحنا عرض الحائط..
يوم الامس قمت بالاعتذار للاثيوبيين وقبلو اعتذارى لكنهم يطالبو انزال الصوره فورا من كل اsudaneseinternet site
رجاء لكم جميعا ان تساعدونى بنقل كلامى هذا لهولاء الناس هناك لانى ماعندى اشتراك وابومهند عيان ومافاضى لى
يا خسسسسسسسساررررره
حليمه الزعلانه جدا
|
|
 
|
|
|
|
|
|
|
 Re: عاوزه رايكم (Re: mulhim)
|
العزيزة حليمة 2
والله ما عارفة اقول ليكي شنو
وقبل ما ابدا حاوريكي اني حذفت الللينك لموقع عكس الريح اولا وهذا كل ما اقدر عليه. لاكن لا أملك حق حذف أي موضوع هناك حتى ولو كنت مشرفة واعتقد ان الامر سيكون صعبا كذالك في سودانيات.
أول مرة أسمع عن احتفالكم كان من موقع عكس الريح من بوست الاخت كرزة وهي بالمناسبة (فتاة) وليست رجل حتى ينتفي سوء النية, وتحدثت عن احتفال كبير للمرأة ورفعت صورة كعينة من الاحتفال ووعدت باكمال البوست.
كانت مفاجأة لي ان اسمع عن احتفالية للمراة وعندما أشاهد الصور بان الأمر لي كأنها احتفال راقص. وبحسن نية ورغبة في وضع تعليق طريف كتبت:
Quote: شكله كان احتفال
معبببببببببببر جدا
قال قال يوم مراة قال |
واذا وجدتي فيه ما يعيب ساقوم بحذفه ايضا.
لاكن هل تعتقدي ان هذا هو الحل؟ وهل يمكننا اجبار جميع المتداخلين في المنبرين على حذف تعليقاتهم؟ وهل طبيعة الكتابة في المنتديات تسمح للادارين بتعديل المواضيع او حذفها حسب الطلب؟ طبعا لا, وحتى اذا تعللنا بان الصور قد تكون كاشفة, فقد لا تعتبر عن البعض كذالك.
الى هنا لا بد ان اشير الى أصل المشكلة الحقيقي وبدون زعل يا حليمة فاللوم كله يقع على عدم التزامكم بنظام الحفل, اذا استنكرت العضوة الاثيوبية السماح بالتصوير فالملام هو من صور ومن ثم انتقلت الصور من يديه الى الانترنت.
والأهم هو ما ذكرتيه من ان اتفاقكم كان على حضور السيدات فقط ثم امتلاء المكان بالرجال السودانين.
اشاركك الشعور بالحرج واتمنى ان اقدر على الاتصال بالسيدة الاثيوبية للاعتذار لها, لاكني للاسف لا املك تصحيحه.
تحياتي وحبي
زولة123
| |
|
|
|
|
|
|
|
|
|
Re: عاوزه رايكم (Re: zola123)
|
سلام حليمه 2 و كل المتداخلين
نعم يمكن حذف الصور من كل المنابر
سودانيز اون لاين
سودانيات
عكس الريح
فقط بطلب او ارسال هذا البوست الي ادارات المنتديات المعنيه
اعتقد ان الموضوع يهم سمعتنا كسودانيين و مصداقيه الزميله
حليمه 2 امام الجهات المعنيه
| |
|
|
|
|
|
|
|
|
 Re: عاوزه رايكم (Re: Halema2)
|
الاخوه الاعزاء
شكرا لتفهمكم للموقف واستنكاركم لما حدث ودى المحريه فيكم
شكرا زوله وكلامك صاح الكاتبه هناك كانت امراه وتحدثت معها بالتلفون واعتذرت واظهرت حسن النيه ووعدت بان لاترد على البوست
بالنسبه لعدم التزامنا لكى الحق فالغلط راكبنا كلنا
عزيزى خدر
شكرا وكلام صاح واتمنى انو الناس تساعد فى حل الاشكال واقاف المهزله
لك الود يااخوي
الكلام طبعا وصل الهولنديين والناقصه تمت وانا فى وش المدفع
و اسفاااااااه
| |
|
|
|
|
|
|
|
|
|
Re: عاوزه رايكم (Re: Halema2)
|
الاخت حليمه
ارجو منك ان تاتي بالرابط حتي نكتب لهم هنالك , لم اري هذا البوست
راي ماتم عيب وغلط ما ليهم حق يدخلوك في ورطة وهم عارفين ممنوع دخول الرجال
ولا اظن يرفط الاخوة في سودانيات وصفحة دكتور بمعز بسحب البوستات المعنية
| |
|
|
|
|
|
|
|
|
|
Re: عاوزه رايكم (Re: Halema2)
|
الأخت حليمة 2
تحياتي لك
لقد تم عكس كل ما قدم في احتفالكم من كلمات وعروض فنية ولا اعتقد ان التعبير مهما كان شكله يقلل من قيمة وقدر الإحتفال لأن ما نقل عن الحفل كان بالحفل وبما أنه حفل عام فمن الممكن أن تنقله كل وسائل الإعلام
أول مرة أعرف أن الإثيوبيين يستحون من رقصاتهم ومن نقلها بكل الوسائل الإعلامية وما شاهدناه من صور لا يمثل شيئاً أمام ما نشاهده على مواقعهم الإلكترونية وعلى قنواتهم الفضائية الرسمية فغريب جداً أن تقل الأثيوبية والتي تعيش في أمستردام بالتحديد (نحن كنا ما دايرين رجال عشان كنا عارفين ده ح يحصل).. وليه أصلاً رقصوا قدام الرجال من أساسو ما دام دي أفكارهم وليه أصلاً هم قاعدين في هولندا!!!
ثم من الذي دل الأثيوبيين على سودانيات وبقية المواقع السودانية الأخرى ومن ترجم لهم التعليقات وكيف ترجمها وما كان الغرض من نقلها إليهم أصلاً؟؟! التعليقات كان يمكن أن تتم داخل مكان الإحتفال وينقلها لهم أصحاب الفتنة أيضاً الذين نقلوا وترجموا ما بداخل المواقع
الدعوة لاقامة احتفالات نسائية ليس للرجال أن يحضروها ليس لدي اعتراض عليها ولكن لا أعتقد أن الاثيوبيين يفكرون بهذ الطريقة فثقافاتهم ودياناتهم مختلفة ولا أعتقد من فكر أصلاً في يوم المرأة أراد عزلها عن الرجال.. وطالما وجد الجنسين معاً وجدت التعليقات، ومن الجانبين معاً، لكنني لم أقرأ تعليقاً مسيئاً .. أما مسألة الصراخ والتأوهات فهي تحدث في كل احتفال والنساء والرجال في الغرب ينقلهم الإسعاف الجوي من الصراخ والتأوهات في الحفلات العامة ولا يعتبرها أحد اساءة
عموماً مبروك نجاح الإحتفال وهذا هو الجانب الإيجابي في الأمر ولا تاخدي في خاطرك
وأعتقد أن الأخ فاتح أنزل بوستاً جيداً عكس ذلك النجاح
| |
|
|
|
|
|
|
|
|
|
Re: عاوزه رايكم (Re: Dr. Moiz Bakhiet)
|
الاخ دكتور معز
تسلم يا ملك
دخلت هنالك في الموقع لم اجد البوست المشار اليه , كنت عايز ارد علي صاحب/ة البوست , ولكن حديثك هذا كحديث الامام مالك ليس بعدة فتوة ,
اعتذر مرة اخري
| |
|
|
|
|
|
|
|
|
|
Re: عاوزه رايكم (Re: Halema2)
|
خالص التحايا..
الزميله العزيزه..
Halema2
اولا اود على كلام الاخ خدر..
Quote: سلام حليمه 2 و كل المتداخلين
نعم يمكن حذف الصور من كل المنابر
سودانيز اون لاين
سودانيات
عكس الريح
فقط بطلب او ارسال هذا البوست الي ادارات المنتديات المعنيه
اعتقد ان الموضوع يهم سمعتنا كسودانيين و مصداقيه الزميله
حليمه 2 امام الجهات المعنيه |
ثانيا ..
نتضامك مع كل الحلول التى تقوليها ..
وشى مؤسف..
انهم اصحاب الفوضويه الفرديه...
| |
|
|
|
|
|
|
|
|
|
Re: عاوزه رايكم (Re: Halema2)
|
الاخت الغالية حليمة
اولاً ليك المدى
واتضامن معاك وانا اعرف حساسيتك اتجاه الاخرين وحبك لهم واعرف كم انت كبيرة في داخلك وماهو خارج منك
تذكري: لو كان عزمتوني انا وصحابي بس ... ده ماكان حصل يا حليلك يا بت مكي
ارجو من الجميع التعاون مع حليمة من اجل جمال السودان
وعودة الروح لها
| |
|
|
|
|
|
|
|
|
|
Re: عاوزه رايكم (Re: Halema2)
|
امين العزيز
ليك المدى كله
شكرا يااخوى وياحليلكم وحليل احترمكم للاخرين
الحساسيه دى هى زاتها المشكله المطلعا روحى
الناس بتمشى لى قدام ونحن راجعين لى وراء الوراء
لك الود
| |
|
|
|
|
|
|
|
|
 Re: عاوزه رايكم (Re: Halema2)
|
سلام ايها المتداخلين وحليمتي2
اود ان ابين بعض الاشياء;
| Quote: الدعوة لاقامة احتفالات نسائية ليس للرجال أن يحضروها ليس لدي اعتراض عليها ولكن لا أعتقد أن الاثيوبيين يفكرون بهذ الطريقة فثقافاتهم ودياناتهم مختلفة ولا أعتقد من فكر أصلاً في يوم المرأة أراد عزلها عن الرجال |
.
د.معز
كانت اولوية الدعوه للنساء نسبة لضيق المكان.
وبما انها التجربة الاولى في عموم هولندا لمثل هذا العمل المشترك وفي احتفال كهذا ومن جهة نظر لا ادري مصدرها كانت تقول انه لا داعي لتوجيه دعوه للرجال.
اما مسألة أن الاثيوبيين يفكرون بهذ الطريقة فثقافاتهم ودياناتهم مختلفة فهذا شآن اخر,وايضا عزل المرأة عن الرجل في عيدها فهذا شأنها فلتحتفل كيفما شأت.
| Quote: ثم من الذي دل الأثيوبيين على سودانيات وبقية المواقع السودانية الأخرى ومن ترجم لهم التعليقات وكيف ترجمها وما كان الغرض من نقلها إليهم أصلاً؟؟! التعليقات كان يمكن أن تتم داخل مكان الإحتفال وينقلها لهم أصحاب الفتنة أيضاً الذين نقلوا وترجموا ما بداخل المواقع. |
قدر ما توقعت لم اتوقع مثل هذا الكلام ولكن لابأس فلكل جوادا كبوه, يا دكتور ليس في الامر فتنه ام نسيت ان المواقع السودانيه متواجده في الشبكة العنكبوديه العالمية كماتقول الترجمه وان الاخوه الاثيوبيين منهم من يعرف العربية,والاخرون لهم حواريون ومريدون...
وطالما وجد الجنسين معاً وجدت التعليقات، ومن الجانبين معاً، لكنني لم أقرأ تعليقاً مسيئاً .. أما مسألة الصراخ والتأوهات فهي تحدث في كل احتفال والنساء والرجال في الغرب ينقلهم الإسعاف الجوي من الصراخ والتأوهات في الحفلات العامة ولا يعتبرها أحد اساءة
هل تدري يادكتور ان الصورة المعنيه نزلت مزينه احدى المواقع السودانيه قبل ان تصل صاحبتها الى البيت!!
نعم في الغرب ينقلهم الإسعاف الجوي من الصراخ والتأوهات في الحفلات العامة ولكن هذه كانت في مساحه قدره 70متر مربع,,,وكانت في اعداد الخاص.
اخيرا نموذج لتعليقات في احد المواقع(عندهم وراكين ونسوانا عندهم مساويك)
وصل عدد صفحات البوستات المعنيه مابين 3الى 7 صفحات وعدد متصفحين 515و1742متصفح وبوستات الموضوع الاصلي وصلت صفحاته مابين 1و2 ومتصفحين مابين 433و130متصفح!!!?لا تعليق..
اخيرا لكم فائق احترامي ومودتي وللمرأه السودانية مذيدا من الانتصارات.
| |
|
|
|
|
|
|
|
|
|
Re: عاوزه رايكم (Re: ابو مهند)
|
الأخ العزيز أبو مهند،
تشكر سيدي على التعقيب وليس لي إضافة
لكن من جانبي واكراماً للمرأة متمثلة في الأخت حليمة2 والتي تحملت عناء ما حدث
فلقد أزلت الصور من البوست المعني بموقع عكس الريح والذي أصلاً نُقلت إليه الصور من موقع آخر
واتمنى أن ينتهي هذا الأمر بسلام ومودة
لك التحية
معز
| |
|
|
|
|
|
|
|
|
|
Re: عاوزه رايكم (Re: Halema2)
|
(أول مرة أعرف أن الإثيوبيين يستحون من رقصاتهم ومن نقلها بكل الوسائل الإعلامية وما شاهدناه من صور لا يمثل شيئاً أمام ما نشاهده على مواقعهم الإلكترونية وعلى قنواتهم الفضائية الرسمية فغريب جداً أن تقل الأثيوبية والتي تعيش في أمستردام بالتحديد (نحن كنا ما دايرين رجال عشان كنا عارفين ده ح يحصل).. وليه أصلاً رقصوا قدام الرجال من أساسو ما دام دي أفكارهم وليه أصلاً هم قاعدين في هولندا!!! )
- - - - - - - - - - - - - - - - - - - - - - - - - - - - - - - - - - - - - - - - - - - - - - - -
ولا تعليق !
ولكن :
ليس هنالك شخص فوق المحاسبة فيما يختص بحقوق الغير !!!
ومبروك للمرأة السودانية بهولندا احتفالها بيوم المرأة العالمى .
وجهد مقدر أختى حليمة والمشاركات ،
ست البنات .
| |
|
|
|
|
|
|
| |
Halema2
mulhim
zola123
خدر
saif massad ali
Dr. Moiz Bakhiet
معتز تروتسكى
Amin Mahmoud Zorba
ست البنات
فيس بوك
تويتر
انستقرام
يوتيوب
بنتيريست