|
|
 إستقالة وزير
|
شقة فاخرة تجبر وزير مالية فرنسا على الإستقالة
باريس - رويتر
استقال أيرف جيمار وزير المالية الفرنسي أمس الأول بسبب الفضيحة التى ثأرت حول إقامته في شقة سكنية فاخرة على نفقة الدولة وهزت حكومته المحافظة في وقت تفرض فيه إجراءات لخفض النفقات لا تلقى تأييداً شعبياً وقال جيمار في بيان ((قررت تقديم إستقالتى لرئيس الوزاء كوزير الإقتصاد والمالية والصناعة))
وأضاف قوله (( أعلم أني أرتكبت أخطاء فادحة وسوء تقدير شديد فيما يتعلق بظروف إعاشتي الرسمية ))
وقال جان بيير رافاران مكتب رئيس الوزراء الفرنسي إنه قبل الإستقالة لكن لم يتضح على الفور متى تعين الحكومة من يخلفه.
وجاءت هذه الخطوة قبل أقل من خمس ساعات من الموعد الذي كان مقرراً ظهور جيمار على شاشة التلفزيون ليتحدث الى الأمة عن أسباب إنتقاله هو وزوجته وأطفاله الثمانية إلي شقة سكنية واسعة إيجارها الشهري 14 الف يورو أو ما يعادل 18500 دولار أمريكي تدفعه الدولة..
ويحق للوزراء في فرنسا الإقامة على حساب الدولة لكن ثمن شقته حتى بمقاييس وسط باريس إعتبره كثير من النقاد إسرافاً مغالى فيه وغير مقبول .. ويعادل الإيجار الشهري لشقة جيمار الحد الأدنى السنوي لأجر عامل في فرنسا.. ...... .... ((منقول))
حبيت أشاركم معاي الحضارة في تعامل المسئوليين وياريت لو أديتونى رايكم في الكلام دا
ويا حبذا لو كان من وجهة نظر مسئول ...
الوزير دا إستقال عشان كلف الدولة 18500 دولار يا ربي الوزير الكلف الدولة 2 مليون دولار دا المفروض يعملوا ليهو شنو...
نعيب زمانناًً .. والعيب في مسئولييننا
|
|
 
|
|
|
|
|
|
|
|
Re: إستقالة وزير (Re: ابوالهيثم)
|
خالص التحايا00
العزيز ابوالهيثم
فن الاستقاله؟؟ او ادب الاستقاله؟؟ 00
انا اسال نفسى هل يوجد شى اسمه ادب الاستقاله او تقديم اعتذار من مسؤل فى بلدى ؟
ربما ياعزيزى لم ينزل هذا البند عندنا بعد ..
لك الله ياموطنى000
| |
|
|
|
|
|
|
|
|
|
Re: إستقالة وزير (Re: ابوالهيثم)
|
خليك من وزير ... ولد وزير في السودان استولي علي جزء مقدر من قطعة جاره بالصافيه واقام عليها مبني مسلح ... بغض النظر عن ولد الوزير عمره كم ومؤهله شنو غير وظيفة ابوه ... لا الوزير لا ولده ما عاوزين يتفاهموا مع الجيران في حقهم ... خليك من الاستقاله ... دي شبه مستحيله في السودان
| |
|
|
|
|
|
|
|
|
|
Re: إستقالة وزير (Re: ابوالهيثم)
|
الأخ أبو الهياثم
ديل يا أخوي عينهم قويه و الأختشوا ماتو
تخريمه
أخونا jini
| Quote: (والله لا أخلع لباسا سربلنيه الله) |
الموضع الذي أوردتها فيه لا يشبهها فلا حكامنا يشبهون ذو النورين و لا المقوله قيلت في موضع يشبه هذا !!!!
لو كان الجماعه ديل بيقتدوا بسيدنا عثمان رضي الله عنه ما كان دي حالنا
ودي وتقديري
محمد علي
| |
|
|
|
|
|
|
|
|
|
Re: إستقالة وزير (Re: Mohamed Elbashir)
|
لا أجدموضعا تقال فيه هذه العبارة أنسب من هذا
عثمان رفض ترك الحكم بغعتباره هبة من الله لا تنزع منه!
ذو النورين شئ وتوليته لبنى أمية على رقاب الناس وإستشراء المحسوبية والفساد في عهده حتى وصفه على كرم الله وجه بانه مثل جمل الظعينة تقوده بنى أمية أين شاءت!
وتمسك بالحكم حتى إغتيل!!
جني
| |
|
|
|
|
|
|
|
|
|
Re: إستقالة وزير (Re: ابوالهيثم)
|
الأعزاء
العوض الطيب
معتز تروسكي
مرتضى
جني
محمد البشير
إجلال وتقدير لكم
لا أدري أيستحى الفرد من الإعتذار عن خطأ أخطه طيب ما دام الواحد ما بيقدر على الإعتذار وبيخاف منو بيعمل الخطأ ليه..
طيب الأمانة لو ما بتقدر تتحملها لي تجيب لي نفسك الكلام والمشاكل والسؤال ..
وزي ما قلتو في حاجات كتير لسه ما نزلناها في قواميسنا ..
لكن يا شباب آدب الإستقالة موجود والدليل أنو الوزير الإستقال كان عاوز يتحدث مع الإمة عن الأسباب الخلتو يأجر شقة بي 14 الف يورو..
لكن يا تري وزيرنا حا يعمل شنو في لجنة التحقيق والمقصرين وووووو هلمجرا.
حسبنا الله ونعم الوكيل [B/]
| |
|
|
|
|
|
|
|
|
|
Re: إستقالة وزير (Re: ابوالهيثم)
|
يا جماعه دي عادت كل العرب عامة والسودانيين خاص
اي واحد يمسك منصب حتى لو مدير عام في شركة لازم يريح نفسه
ويريح اهله ويديهم مناصب ومناصب وعقارات واراضي
عشان كده لو اي واحد من المشتركين في المنبر الحر ده مسك منصب
حا يعمل زي بيعملوا الوزراء والروساء
المسكوا مناصب في السودان منذ الاستقلال
ودي عاده سيئية يصعب تغيرها
والتجارب السودانية واضحه
| |
|
|
|
|
|
|
|
|
|
Re: إستقالة وزير (Re: ابوالهيثم)
|
العزيز عبدالله بابكر
تحياتى
لكن يا عبدالله أصابع اليد ما واحد
والضمير ممكن يكون نائم في جسد لكن صاحي في أجساد تانية كثيرة وما معناه أنو التمسحه (من تمساح) كانت ساريه في جميع الأجساد كان الناس أكلت بعض لكن حقنا ما بنخليهو ما بنخليهو ما بنخليهو
| |
|
|
|
|
|
|
|
|
|
Re: إستقالة وزير (Re: ابوالهيثم)
|
الأخ عبد الله بابكر
Quote: اي واحد يمسك منصب حتى لو مدير عام في شركة لازم يريح نفسه
ويريح اهله ويديهم مناصب ومناصب وعقارات واراضي
|
السيد الأمير عبد الله عبد الرحمن نقد الله كان وزيرا للحكومات المحلية والتي كانت الأراضي تتبع لها. قام بتقسيم كل أمبده القديمة ولم يمنح أحدا من اسرته قطعة ارض بها. بل الأغرب من ذلك أنه لم يكن يملك منزلا في أم درمان وكان يسكن في منزل والده عبدالرحمن نقد الله ومات وهو لا يملك منزلا في أم درمان. عليه رحمة الله.
المرحوم يحي الفضلي مات في بيت إيجار في حي البوستة وكان وزيرا في حكومة الأزهري.
المرحوم حسن عوض الله مات هو الآخر في منزل إيجار وكان وزيرا للداخلية في الديمقراطية الثانية.
المرحوم أحمد مجذوب البحاري كان وزيرا في حكومة عبود ومات في منزل إيجار أيضا
الرجال كانت بخير وتلك سنونا لم تعيشونها يا أستاذ... لكن الزمن تغير..
معلومة أخيرة هل تعلم أن المهندس الذي خطط كل الخرطوم 2 لم يأخذ لنفسه قطعة أرض واحدة والسبب أنه لا يملك قيمة الأرض والأورنيك. وعندما عرض عليه السيد الصديق المهدي أن يدفع له قيمة الأرض بالدين على أن يسددها له بعد ميسرة رفض الرجل إقتراح السيد الصديق وقال له شاكرا سوف يتهمونني بالفساد وأخذ حق غيري
اللهم ارحمهم جميعا.
ألمي حامي ولا لعب قعونج.
| |
|
|
|
|
|
|
|
|
|
Re: إستقالة وزير (Re: ابوالهيثم)
|
العزيز cantona_1
ربنا يرحمهم ويرحمنا ويديهم على قدر عملهم.. لكن زى ما قلنا أصابع اليد ما واحد
لكن بينى وبينكم في السودان اصابع المسئوليين كلها ووووواااااااااااااحــــــــد وعملهم ووووواااااااااااحــــــــــــــــد وربنا يعينكم
| |
|
|
|
|
|
|
|
|
|
Re: إستقالة وزير (Re: ابوالهيثم)
|
العزيز cantona_1
ربنا يرحمهم ويرحمنا ويديهم على قدر عملهم.. لكن زى ما قلنا أصابع اليد ما واحد
لكن بينى وبينكم في السودان اصابع المسئوليين كلها ووووواااااااااااااحــــــــد وعملهم ووووواااااااااااحــــــــــــــــد وتفكيرهم ووووووووواااااحـــــــــد وربنا يعينكم
| |
|
|
|
|
|
|
| |
Elawad Eltayeb
معتز تروتسكى
jini
Mohamed Elbashir
cantona_1
فيس بوك
تويتر
انستقرام
يوتيوب
بنتيريست