أكتر واحد حيفتقد أبو عريب Bashasha ودواسو المقوم عجاج.. وكتاتيح... لا حولا..... والله العظيم فقد كبير لإفتعال الصراع في هذا المنبر... الوطن.. بكل أبعاده..! وزي ما فقدنا رودا... ووليد المبارك... هكذا يتساقط كل منفكر مع إشراقة شمس كل يوم جديد.. عنف النسور ورقة المتفائل.. بدون تمايز... وقعوا لعودة الروح لهذا المنبر... الباشا بشاشا.. الألعمية رودا.. وليد جيلي أنا... أبو صورة مقلوبة.. عدل الصورة وتعال... ما عليك.. بشاشا قال والقول في خشم سيدو سمح:
عبدالرازق تحياتي، اخوك فقط اعلن عن توقفو، كمايفعل كل مرة ينوي الغياب فيها، عن المنبر، فقط من باب الزوق و"الاتوكيت" او كده! كوني احرد وافوت المنبر ده بي اختياري، فده ظنا لاتظنو، ولا في المنام!
فانت انسان طيب علي قول المصريين عننا كشعب، حيث تجسد بمفردك خلاصة ودارنا او راسنا الجايط علي نحو لايتوفر في شخص اخر لوحدو في المنبر.
عشان كده رغم قسوتي عليك، والله بعزك من جواي او نفسي اخد عشرة ونسة معاك بعيدا عن ملاكمتنا الفكرية المعهودة.
فانت سوداني "قديم" صميم بجد ياابوعبدة، بالذات تجسيدك "للكوما" الاحنا فيها كشعب، في علاقتك الغربية بي واحد ذي اخونا علاء الدين!
علاء الدين ماتفهمني غلط، وانت بدورك مافرد وانما ضمير الشريحة المهينة علي البلد بحق وحقيقة!
انا ماعارف ناس المسرح راجين شنو؟
ده ياهو ذاتو اللامعقول يمشي علي قدمين في علاقة عبد الرازق بود الشيخ وعلاء!
اتمني تفهموني صاح ياشباب، في الحتة دي.
03-10-2005, 08:09 PM
Mohamed Elbashir Mohamed Elbashir
تاريخ التسجيل: 12-04-2004
مجموع المشاركات: 822
الباشا.. لو كل عاوي يرمي بحجر لكان المثقال بدرهم.. تعرف البلد دي يا بشاشا.. جدودي ميتين فيها شهداء... وألوان دمائهم الغانية روت دلتا مصر.. وما قيام أعظم ثورة دينية في أفريقيا... الثورة التجديدية .. ثورة الإمام محمد أحمد المهدي... تفتكر العشرات الآلاف الحصدتهم الآلة العسكرية الإنجليزية الجبانة ديل رخاص ... ونحن بننسى بالسرعة دي.... أما علاقاتي... مع علاء الدين وود الشيخ فيكفيهم إنهم سودانيون... ومنزل جدي في الفاشر عبارة عن أمم متحدة... (محلي ودولي) من كل فيافي السودان والعالم.. بقاراته ... منصور المفتاح.. الفزان. أهلي.. وتربطي بهم علاقة نسب... ودماء حارة تجري في عروقي..
Abdelrahman Elegeil
Quote: وعلى قول أهلنا .... المشتهي الحنيطير يـطير
والما شاف الترده.. البحر بخلعو... (مثل بقاري...)
باقي الشباب...
التحايا النواضر...
03-12-2005, 03:26 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
A.Razek Althalib
خدر
ودقاسم
Bashasha
Mohamed Elbashir
munswor almophtah
Abdelrahman Elegeil
فيس بوك
تويتر
انستقرام
يوتيوب
بنتيريست