|
|
 هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع !
|
حبيبنا ابو الريش عضو نشيط فى المنبر ... مافى كلام ... وزول عندو حكاية وقصة وقضية ... بيدافع عنها باستماتة ودا برضو من حقو .. وفكرك انتو مخير فيهو زى ما قال المغنى زمان ايام الحزبية البعد الانتفاضة ديك .. لكن بصراحة بصراحة ودى نصيحة كدا فى الهواء الطلق لاخونا ابو الريش ان يمرق من جنينة ناميش مش بتاعة يوسف السباعى ولكن بتاعة حبيبنا (ابو عضل) هاشم بدرالدين دى .. .. وكل شوية وقدر ما تلقى ليك بوست لابوالريش تلقى هاشم بدرالدين ناطى (ياااااااااااااااع ) عضلات تبش عروق فلنكة صدر مسطبة .. زى الجماعة البيتشاكلو فى صف سينما كلزيوم الشاغلة اليومين دى افلام هندية زى الفل رغم انها لسه بتقوم على انو البطل (الضابط ) يطلع فى النهاية اخو (الخائن ) بتاع تجارة المخدرات والبيحب فردة البطل بنت الوزير بتاع المحلية !
وهسة خطب هاشم بدر الدين دى لو كانت لزول من ناس الحكومة كانت القيامة قامت .. شايفين التطرف ... شايفين الظلامية ... وبص شوف القتلة والسفاحون وصف طووووووووووووووووووويل من النعوت لكن ابو الريش سبحان الله كل شوية ينزل ليك مداخلة يقول ليك هاشم وكمان يديك بخرة عشان تمشى تشوف (الكمندر ) http://sudan.org ماسك ليهو مصيبة كدا قال وين فى همشكوريب (المحررة من ايد قوات الجبهة الاسلامية ) وناس كدا لابسة فلاين (cut ) وواضح انهم بيرشو ذخيرة فى الهواء لانهم مرتاحين خلاص ومتصورين وهم نضاف الصلاة على النبى . والغريب انو مش هسة ترويج لمواقع تانية ولا الفهم شنو
وهاشم بدر الدين دا زاتو زول غريب والاغرب من غرابتو انو بيسموه (كمندر ) يعنى قائد وضابط وزول مسئول لكن فى ياتو تنظيم وحزب الله اعلم لانو ناس الحركة قالو الزول دا بتاع كفاوى ويمكن يوم يزهج يطقطق عمك قرنق ويحت سنونو وناس التجمع قالو ليهو اللهم حوالينا ولا علينا .. وهم براهم ناس عجائز يعنى (كف ) واحد من ضراع هاشم بدر الدين دى يمكن تخليهو يطلبو عضوية جديدة بدل فاقد للضحايا وناس حزب الامة زى ما قال واحد منهم ما ليهم فى الناس البتفكر بعضلها دى والعندو راس وطايوق حبابو جوه جوه الحزب والما عندو يتطلب الله وكدا بقى الزول دا شايت وين ما معروف لكن يمكن ابو الريش يكون عارف ... ويا رتنى لو كنت عارف ودا كلو كوم وحكاية عمليات خاصة دى كوم قال شنو قال بتاع عمليات خاصة وين ما عارف يمكن فى منهاتن فى نيويورك ولا غلطان طبعا اخوكم ما ناقش ابو النوم فى المدن الامريكية لكن سمعت انو منهاتن دى محل الناس المرطبة والمروقة واولاد العز والمصارين البيض وانو هارلم دى بتاعة ناس قريعتى راحت والحوارى فى امريكا اها هاشم بدر الدين يمرق لينا فى خطبة فى منهاتن ولا يخلى سودان ولا مصر والجامعة العربية مش عارف – الكلام لهاشم – تبع وزارة الخارجية المصرية والامريكان خاتين راسهم تحت تحت مع الحكومة دى عشان المصريين قالو ليهم مافى بديل غيرها ... وهاك يا خطب وتصريحات ونحن الشافو خلو ونحن الدود ... وقرقر سقى للوسادة برقو شال لمكادة ... وشوية كدا كان هاشم بدرالدين وابو الريش معاهو قالو لينا ( ما بينشنق ود ابو الكريق فى السوق ) ... والكلام دا وين فى (امريكا ) يعنى كم زول كدا لقو ليهم فسحة قالو نعمل لينا حركة فى شكل وردة .. وهاك يا خطب وهاك يا عنتريات .. شى ساهل جدا ... رغم انى كنت حاحترم الجماعة ديل لو قالو الكلام دا من جوه خندق ولا وهم على وشك الدخول فى معركة مع (النظام ) سمحة النظام دى .. لكن تقولو لينا فى مهاتن ... بيكون وهمة وقندفة ساى ..شنو يا جماعة زعلتو ... من كلامى ... ما تزعلو ما قبل كدا فى زول هنا قال (البشير ) زول هراط وجواط ودلدول و(قاعد ساى ) ونحن البنحب البشير سكتنا ... نقول شنو ما حرية تعبير ..وعلى عثمان كلو يوم مطلعنو ليك سفاح وكتال كتلا ... ودا كلام نمر عليه مثل اللغو كراما .. والكلام دا مهم عشان ما ينط لينا زول يشبكنا إننا شتمنا زيد وحقرنا بعبيد ... كويس .
والفكرة ... بتاعتى ... مش بتاعة (الأستاذ ) انو ناس هاشم بدرا لدين ومريديه يختو الرحمن فى قلبهم ويبطلو شغل الفاتية دا .. حنضرب ونشلت ونفرتق ... دا حنك هسة ما بياكل عيش .. الشغل بقى منطق وواحد زائد واحد يساوى اتين (طه وقرنق ) واللقى فرصة ربنا يوفقو وما عندو فرقة (ينقطنا بسكاته ) ...سمح ...
وكلمة اخيرة يا (بدرى ) الكلام دا كتبتو انا محمد حامد دا امشى البروفايل وشوف عنوانى ويمكن ترسل لى عشان اديك وصف للبيت عشان لمن تجى السودان حاكم باذن الله حيكون عندى عندك مؤكدة (كسرة نضيفة ) وشكلة ليها ضل والكلام عشان ما تتشربك هسة فى بكرى ولا اى زول من ناس المنبر المعاكم فى امريكا وتديهو الفيها النصيب ... اصلو قالو انت زول يدك طرشاء
|
|
 
|
|
|
|
|
|
|
 Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: محمد حامد جمعه)
|
محمد حامد جمعة الجبهجي ازيك ..اول مرة اتقاطع معاك في حلة واحدة وعجبتني الحلة دي لانه فيها صديغي هاشم تبش... عارف اكثر حاجة عاجباني في قصة كوماندوز دي شنو.. ؟شعارها
موش بتاعنكم بتاعين الدفاع الشعبي ديلك جها\ نصر شهادة.؟؟؟
اها قالوا شعار ناس كوماندوز هاشم كان ..اي شنكبة عنكبة راس صهريج شعر سلوك قميص زنكي زراير طبل ...وبزاغ موية نار
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: WadAker)
|
اساسى
والله خطوة عزيزة ............ قلت لى (بدرالدين بلنجات ) جابك ....والله جزاه الله خير الوصلك لينا بدرالدين دا
WadAker
غايتو اول تبادى انت واساى شيلو شيلتكم ولو قاعدين فى امريكا حقكم راح ومن هسة شوفو طريقة (التامين ) وبدل العلاج ورص السنون تانى
قلت لى برضو الزول دا منو انا شخصيا ما بعرفو وما شفتو ليهو مقال ولا مداخلة لكن كتير بسمع انو زول بيحب (الصراع ) وجنو وجن (الضرب ) ... الله فى .
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: علاء الدين يوسف علي محمد)
|
ايمن حسين قلت
كلام هاشم بدر الدين البطل في كل مجال يرتاده ابن المربي الفاضل بدر الدين محمد حفيد ....... محمد عبد الرحيم ... ولو قولتو لي ماعارفين محمد عبد الرحيم كمان... راح أزعل جدا)
هؤلاء رجال .... نجلهم ونحترمهم فاهم من ربوا بعضنا وهم من ارخوا لهذه البلاد ... وما تزعل يا اخوى ولا حاجة ... لكن مش غريب ان يكون سليل اولئك القوم شخص بمثل هذه الانصرافية والحرص فقط على الضرب ... اما بشان بقية افاداتك - وهى خارج هذا النص - فهى اقوال كثيرة نسمع بها بان الانقاذ والاسلاميين باعوا كيت وكيت ونصبح يوميا لنجد ان الباعة كانوا دوما فى الصف الاخر ....
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: WadAker)
|
لم ابادر الترابي بالعنف ولست نادماً على ضربه
لم يشتهر هاشم بدرالدين بين افراد الشعب السوداني، كناشط سياسي وانما عرف وذاع صيته كبطل عالمي في رياضة الكاراتيه، غير ان حادثة ضربه للترابي بالعاصمة الكندية اوتاوا عام 1993م التي سارت بذكرها الركبان ، غطت على شهرته كبطل رياضي وابرزته كفاعل سياسي له رؤاه ومواقفه. هو الان قائد القوات الخاصة بالجيش الشعبي لتحرير السودان، وله موقف رافض لمفاوضات السلام الجارية بين الحكومة والحركة الشعبية بنيفاشا، لا يتردد في الجهر به، التقيت به في جلسة مطولة بنيروبي قبل توقيع بروتوكولات السلام بنيفاشا التي لم يحضرها حيث غادر قبلها بفترة الى كندا التي يعمل ويقيم بها ولكنه حضر الى الادغال ليلبي نداء النضال على حد تعبيره.
أجري الحوار بنيروبي موفد الصحافة
صدفه!!
* منذ حادثة ضربك للترابي بكندا لم يسمع عنك الناس شيئا، اين انت الان؟
- انا قائد القوات الخاصة بالجيش الشعبي لتحريرالسودان وموجود في اي مكان تتطلب دواعي النضال تواجدي به، وانا الان بنيروبي لان هناك اتفاقا على وقف العدائيات نتيجة المفاوضات الجارية بنيفاشا.
* كينيا هي مكان للمفاوضات وانت رجل ميدان ما الذي جاء بك الىها؟
- انا موجود هنا لاشياء اخري وليس بالضرورة ان اطلع خصومي على كل افعالى وتحركاتي..
* اريد ان اعود بك الى ايام ضربك للترابي بكندا، هل تم ذلك بالصدفة ام كنت تعلم بقدومه وتخطط لذلك؟
- تحدثت في هذا الموضوع كثيرا ولكن باختصار الترابي كان قادما الى كندا لاجراء مباحثات مع المسؤولين في الخارجية الكندية وكنا مجموعة من السودانيين المقيمين هناك نعلم بذلك وقدنا مظاهرة ضده امام الوزارة، لقاؤنا في المطار كان مصادفة والتفاصيل الطويلة بعد ذلك قلتها في المحكمة وكانت النتيجة من الناحية القانونية انني كسبت القضية نتيجة دفاع جيد واثبتنا ان مرافقي الترابي هم الذين بادروا بالعنف وكان بامكانهم كسب القضية اذا ما قالوا الحقيقة ولكنهم حادوا عنها.
* ماذا قالوا تحديدا؟
- هم افتأتوا كثيرا حول علاقتهم بالنظام الحاكم وعلاقتهم ببعضهم البعض واسباب زيارتهم لكندا وتعريفهم لتنظيم الاخوان المسلمين، ومع ذلك حاولوا ان يكسبوا القضية قانونيا وسياسيا ومن ثم خلق بطولات لبعضهم البعض ولكنهم فشلوا في كل ذلك.
لا اريد ان اخوض في هذه القضية الان كثيرا لان الشاهد الاساسي فيها هو المرحوم احمد عثمان مكي ولكن الترابي موجود وعلى الناس ان يسألوه لماذا لم يأت الى المحكمة ، اعتقد ان ذلك من طبيعة الترابي الذي يخشي دائما «المحاكمات» واراد ان يكسب القضية دون حضوره، اضف الى ذلك انهم كانوا على جهل كبير بالقانون.
استفزاز!!
* عندما ضربت الترابي، هل كنت تعبر عن موقف شخصي ام موقف سياسي؟
- ليست لي مشكلة شخصية مع الترابي ولم التق به طيلة حياتي قبل لقائي به في اوتاوا سوي مرة واحدة وكان ذلك في زواج ابنة خالى مزمل سليمان غندور ولكن مشكلتي الاساسية معه انه يسافر الى الخارج ولا يقول الحقيقة عن الاوضاع الداخلية في السودان. وكان في ذلك استفزاز كبير جدا للشعب السوداني.. هو يدعي لنفسه الذكاء واذا كان كذلك فعلا كان علىه قول الحقيقة لان العقل القوي هو دليل صاحبه الى الحقيقة.. واتضح اخيرا بعد الخلاف الذي نشب بينه وتلاميذه انهم كانوا يعرفون ما نقوله عنه من انه شخص لا يطلب الحقيقة ولاينطق بها.
اصل الحكاية ان الترابي كان في زيارة لكندا، وكنا مجموعة من السودانيين نظمنا مظاهرة ورفعنا لافتات نحتج فيها على استقباله وسماع مزاعمه حول الاوضاع في السودان. والدفاع عن النظام الحاكم في الخرطوم وبناء جسور بينه وبين الغرب واقامة علاقات مع بعض رجال الاعمال الكنديين ، ونفي وجود انتهاكات لحقوق الانسان في السودان رغم ان هذه الانتهاكات كانت موثقة ووجهت بها ادانة للنظام داخل اروقة الجمعية العامة للامم المتحدة مرتين في ذلك الوقت، كما ان غالبية السودانيين الذين يقيمون بكندا كانوا من اللاجئين السياسيين الذين شردهم النظام الذي جاء للدفاع عنه، لذلك كان مجرد وجوده هناك هو استفزاز كبير جدا لمشاعرنا، فكيف يأتي للدفاع عن نظام يخاطب احد قادته الشعب السوداني بان (من اراد ان تثكله امه وترمل زوجته وييتم اولاده!!) اذ لم يسبق لاحد ان خاطب هذا الشعب بمثل هذه العنجهية، لان مهمة المسؤولين هي حماية الشعب وخدمته ولا يعني ان احدهم تسنم موقع المسؤولية انه (ارجل من الشعب السوداني) هذا خطأ كبير وهو ما دعانا لحمل السلاح بعدما قالوا انهم اخذوا السلطة بالسلاح والذي يريدها علىه ان يحمل السلاح، وقررنا ان (نشوف الرجاله دي حدها وين)..
* وانت مقبل على تنفيذ ضربتك للترابي، الم تنقسم داخل نفسك وتتردد في انه رجل كبير في السن؟
- لم اكن احمل نوايا مسبقة لضرب الترابي، فقد كانوا امامي وكنت اهتف ضدهم، فبادروني بالعنف!!
* كيف بادروك بالعنف؟
- نعم هم من بادر بالعنف بغض النظر عن حجم العنف الذي تعرضت له ولما لم يكن بيني وبينهم محبه لم يكن هناك ما يدفعني للرأفه بهم، كما ان الترابي كان يتمتع بحراسة ضخمة وهم لم يذكروا ذلك واظهروه وكأنه كان في طواف حول الكعبة.
في طريق القوم
* عرفت انك متصوف، هل تعلقت بهذا الشغف باكرا ام لاحقا؟
- اخذت الطريقة ا لسمانية عام 1975م من الشيخ الشريف محمد الامين الخاتم (ازرق كركوج) بعد فصلي من مدرسة الجيلي الثانوية العلىا لاسباب سياسية عقب انتفاضة (السكر) الشهيرة.. المهم ذهبت بنصيحة من الاهل الى كركوج وقابلت الشريف وعرض على ان اخذ الطريق فاخذته ومنذ ذلك التاريخ وانا سالك فيه.
* الم تجد صعوبة في مباشرة سلوكك في الطريق وانت تتقلد مهامك داخل الجيش الشعبي؟
- على العكس تماما، فانا اجد الاحترام والتقدير والحب نتيجة التزامي الطريق داخل الحركة اكثر من وجودي خارجها، لان بالحركة والجيش الشعبي عددا كبيرا جدا من المسلمين ولا يوجد احد يتدخل في مذاهبهم واعتقاداتهم.
* انا اقصد ان ظروف الحرب والعمل الميداني لا تتيح فرصة او زمنا لاداء الاوراد والمناسك بشكل كامل للمتطرق مثلك؟
- بالعكس هناك وقت كافي، والاوراد لا تأخذ وقتا طويلا لان الاعداد متفاوته ولم اجد مشقة او عنت في ادائي لها اثناء العمل الميداني.
لن اتسامح معهم!!
* تعطي انطباعا بانك شخص عنيف وهذا يتناقض مع جوهر التصوف الداعي للتسامح ونبذ العنف، كيف تفسر ذلك؟
- لا اذكر انني مارست العنف يوما ما مع انسان لايمارس العنف ، والتصوف هو العمل بمقتضي الكتاب والسنه، لذلك فان التسامح والتهاون مع الشخص الظالم الباطش لىس من الدين في شئ.. والسكوت على الظلم والسلبيه لا علاقه لهما بالاسلام، واذا كان هناك اناس يظهرون في وسائل الاعلام ليعظوا الناس فقط دون ان يحدثوهم عن الظلم وانتهاك حقوق الناس وتعذيبهم وتضليلهم باسم الدين فلا اعتقد ان اي شخص ذو عقل وضمير حي سيصدق ان ذلك هو غاية الدين.. لدي طريقتي ومنهجي في فهم الاسلام واعتقد ان على المسلم رفض حتي انتهاك حقوق غير المسلمين وان قبلوها هم، لان ذلك يسيئ للاسلام.. على المسلم الحق ان يغضب لما يغضب الله سبحانه وتعالى ، صحيح نحن لسنا كاملين لكن واجب علىنا ان ننشد الكمال.. نعم انا صوفي ومتدين ولكني لا اعتقد اطلاقا ان ذلك لايوجب على ان اتسامح مع نظام الجبهة الاسلامية ولا اعتقد ان هناك انسانا لديه الحق في العفو والتسامح في امر ليس له فيه حق التسامح.
اضطرار!!
* هاشم بدرالدين معروف لدي الشعب السوداني على انه بطل في رياضة الكاراتيه ولكنهم فجأة وجدوه في حلبة السياسة كيف تمت هذه النقلة؟
- السياسة بالنسبة لي ليست مهنة ولا انوي ان اتخذها كذلك وهي ايضا ليست هواية كما عند البعض، وانما هي موقف اقتضته الظروف، وانا لدي موقف سياسي طيلة حياتي وهو اني لا ارضي الظلم، لاننا نشأنا في بيوت لا تقبل القهر ومنذ صغرنا كانت جدتنا تقول لنا ان جدودكم لم يأتوا الى ام درمان هذه كايسين رزق وانما جاءوها راكبين خيل،، وهم جاءوا لمحاربة الظلم، وعلى هذا الطريق قمنا نحن فلسنا مثل الحيوانات الالىفة همنا ان نأكل ونشرب ونتزوج ونتكاثر..
الذي ادخلنا الى السياسة هو تهاون السياسيين وتخاذلهم حتي اوصلوا البلاد الى هذه المرحلة وخذلوا الشعب السوداني بعجزهم عن منازلة نظام الجبهة الاسلامية حتي اضطررنا نحن لذلك واذا كنت تسمي ذلك سياسة فافعل، ولكنها قضية البلد وكرامتها وكرامة الشعب السوداني.. عموما الرياضة او الفن عند البعض هو ان تكون محايدا حتي تحتفظ بشعبيتك ولكني اري ان الحياد في قضايا البلاد المصيرية جبن، ولا رغبة لي اطلاقا في ان تكون لي شعبية في اوساط من يتعاطفون مع هذا النظام، لانني تعودت طيلة حياتي ان اقف مع المظلومين ، فعندما عدت من الىابان عام 1982 بعد ان تلقيت تدريبا عالىا في الكاراتيه هناك لم تكن لي رغبة في الذهاب الى الىابان مرة اخري لانني كنت اريد ان اقدم الكاراتيه للشعب السوداني ولكني حوصرت من قبل النظام الحاكم وقتها والطبقة الاقطاعية التي كانت تهيمن علىه حتي اقدمها لابنائهم فقط، ففضلت ان اقيم فريقا في نادي الربيع وادرب ابناء الكادحين بغض النظر عن مردود ذلك بالنسبة لي ، والان اعددت جيشا كاملا من القوات الخاصة في الجيش الشعبي لتحرير السودان.
خذلان!!
* قبل مجئ حكومة الانقاذ هذه، ماهو انتماؤك السياسي؟
- شاركت في انتفاضة شعبان عام 1973 وكنت طالبا بمدرسة الجيلي الثانوية العلىا وفصلت
اثر ذلك، ويذكرني زملائي من طلاب الاخوان المسلمين في ذلك الوقت، امثال عمر محمد خير وغيرهم وانا اذكرهم جيدا لان تلك الفترة شهدت احداثا هامة جدا في تاريخ السودان.
* الى اي التنظيمات كنت تنتمي؟
- انتميت لتنظيمات كثيرة جدا فباكرا جدا انضممت للجبهة الديمقراطية لفترة قصيرة لانني لم اكن افهم مضمون دعوتها وتركتها بعد اربعة شهور، ثم انتميت بعدها لحزب الامة لانني انحدر من اسرة انصارية وتكون حزب الامة في بيتنا بام درمان فجدي هو المؤرخ محمد عبدالرحيم ، وانتميت في السعبينات ايضا لحزب البعث بأمل ان يكون وعاء بديلا يستوعب ابناء الانصار وغرب السودان ولكنه خذلنا ايضا لانه ارتبط بالعراق اكثر من ارتباطه بالسودان، كما ان القومية العربية نفسها اصبحت فكرة غريبة جدا بالنسبة لنا ، شعرنا باننا نتناقض مع مكونات المجتمع السوداني حسب فهم الحزب لها، لذلك هجرته، وعدت مرة اخري لحزب الامة، اثناء فترة عملي كمدرب بقوة دفاع ابوظبي وعملت معه اثناء فترة الانتفاضة ، ولكني عندما شعرت بانه خذل الشعب السوداني وقبل بحكم المجلس العسكري لمدة عام.. واتجه للتحالف مع الجبهة الاسلامية وقبل بقانون تنظيم الاحزاب وذهب في تسليح قبائل البقارة لمواجهة الحركة الشعبية بدلا عن الحوار معها، فشعرت بانه يريد ان يرث نظام مايو دون ان يجري علىه اي تعديل جوهري في مؤسسات الدولة القومية، وكنت قد سمعت الصادق المهدي في خطبة صلاة العيد عام 1982 يطالب باجراء ذلك التغيير حتي ينقذ البلاد ولكنه عندما تولي السلطة لم يفعل ذلك، لذلك فان حزب الامة خذلنا.
ارفض هذا الاتجاه
* هل كان خيارك لمعارضة نظام الانقاد هو الحركة الشعبية مباشرة ام ا نتقلت عبر تنظيمات اخري؟
- درست الخيارات المطروحة امامي جميعها، اتفقت مع الحركة الشعبية في اشياء كثيرة، واختلفت معها في اشياء كثيرة ايضا ولكن قدر الاتفاق الموجود بيني وبينها هو الاتفاق الموجود عادة بين أى تنظيم سياسي ومنتسبيه، فهو التنظيم الذي وجدت انه يعبر عني كثيرا واستطيع ان اعمل من خلاله وفي نفس الوقت هو تنظيم ديمقراطي لا يطلب مني ان اتبع قائده تبعية عمياء واتبني كل افكاره مثل شيخ الطريقة مثلا.
* عرفت ان لك موقفا معارضا داخل الحركة الشعبية لعملية السلام هذه، هل انت ضد السلام؟
- انا لست ضد السلام ولكني ارفض اي صيغة او اي حل يبقي على نظام الجبهة الاسلامية في السلطة لانها هي المشكلة ولايمكنها ان تكون جزءا من الحل.
* ولكنك لم تنتصر علىها حتي تطالب باقصائها عن التفاوض؟
- يجيب باقتضاب: سننتصر لا محالة وليست لدينا مشكلة في مواصلة الحرب.
* ولكن السياسة تقتضي احيانا...؟
- مقاطعا بحدة: على الناس الا يفسروا ويبرروا كل خطوه غير مبدئية بانها السياسة، فقد صاروا يفسرون الكذب والنفاق والتحالفات المشبوهة بانها سياسة، السياسة بالنسبة لنا هي قضية مبدأ فنحن حملنا السلاح لنزيل نظام موجود في الخرطوم هونظام غير شرعي وظالم ومكروه من معظم الشعب السوداني. لا يمكن ان نرضخ للمعطيات التي فرضها الاخرون فلأن نظام الجبهة خلق تحالفات اقليمية مع مصر والسعودية واللذان اقنعا الامريكان بان زواله من شأنه ان يخلق صومله في السودان، او انه تعاون مع المخابرات الامريكية في حربها ضد الحركات الاصولية.. لايمكن ان نرضخ لذلك..الاخرون يمكن ان ينظروا للامر بحسابات المصلحة السياسية ولكني لا احذو حذوهم لان منظاري هو منظار المبدأ ، الحل الوحيد بالنسبة لي هو ان يسلم النظام السلطة للشعب، كما لا بد من اجراء محاكمات ومحاسبات على كل الجرائم التي ارتكبت في حق هذا الشعب.. باختصار انا اعتقد ان مجرد التفاوض مع نظام الجبهة الاسلامية هوتخلي عن المبادئ التي من اجلها حمل الناس السلاح وقدموا ارواحهم فداء لها. ولكني لا افرض رأيي على الاخرين ومن يريد ان يفاوضهم فليفعل ولكني واثق تماما من النتيجة التي سيصلون لها وقلت ذلك مرارا.
* ما الذي سيحدث برأيك؟
- سيصلون الى ان الجبهة الاسلامية غير جاده وهي تتشاطر وتحاول كسب الوقت باعتقاد ان اعدائها سيتشتتوا وهذا لن يحدث، ستتوقف الحرب في الجنوب ولكنها ستندلع في دارفور وفي مناطق اخري من السودان ولكن الباب مفتوح لمن يعتقد انه سينقذ الشعب السوداني عن طريق التفاوض مع نظام الجبهة الاسلامية.
* واذا ما هو خيارك اذا ما وصلت الحكومة لاتفاق سلام مع الحركة الشعبية؟
- موقفي سيكون ثابتا.. سأواصل الحرب..
* من اية منصه ستفعل ذلك؟
- هذا متروك الان لان هذه حرب ، ولا يخبر احد الاخر باي يد يضربه هل بيمناه ام يسراه ولكن ساواصل طالما انا عايش وقادر وقد امضيت حتي الان عشرة اعوام في الجيش الشعبي ولا اظن ان المتبقي لي من العمر كثيرا.
نوستالجيا!!
* الا تحن الى العودة للخرطوم وممارسة تدريب الكاراتيه للشباب هناك؟
- طبعا هذا الاحساس موجود فطبيعي ان يحن المرء لاهله واصدقائه ولكن اقتضت الظروف ان
نكون موجودين بالخارج واذا اخذت القرآن وهو منبع معرفتنا تجده يتحدث باسهاب عن الذين اخرجوا من ديارهم من اجل قضية لذلك لا تهاون في ماهو مبدئى رغم الحنين الجارف للاهل.
* اذا حدث ما تتمناه هل ستأتي وتتولي امارة ام تعود لتدريب الكاراتيه؟
- الكاراتيه هي منهج بالنسبة لي في الحياة ولا تختلف اطلاقا عن كل شعائري الاخري التي اؤديها، لذلك لن اتركها وسأعلمها لكل انسان يرغب في ذلك، كما انني لا رغبة لي اطلاقا في تولي اي منصب سياسي والشعب السوداني يكره دائما الحكام والمتسلطين، وحب الرئاسة هو من امراض البشر ، وكما قال الامام الغزالى ان (اخر ما يخرج من قلب المسلم هو حب الجاه) لانه يزيد مع العمر ولا ينقص مثل الاشياء الاخري. وحب السلطان هو الذي يقود الى الظلم والبطش كما نري في الانظمة القهرية انا هدفي هو ايصال الشعب السوداني الى الحرية ليختار حكامه بنفسه واذا ما تحقق ذلك لامانع لدي من الارتزاق من تدريب الكاراتيه او اي عمل شريف اخر.
هذا سلاحي
* هل تشعر ان تصوفك هذا يوفر لك الامن الداخلي؟
- لا اريد ان ابالغ اذا ماقلت لك انني اعتمد تماما على اورادي وهي سلاحي الاساسي داخل الميدان وخارجه، وانا عندما قررت ان اخذ الطريق اخطرت ابونا الشيخ محمد الامين الخاتم بان والدي متطرق على يد الشيخ الفاتح قريب الله وانني بدأت في قراءة اوراده فاذنني في ان اقرأ اوراد الشيخ قريب الله مثل (حزب الامان) وتوسل السماني والمسبعات وكل اوراد السمانية ونصلي على النبي صلي الله علىه وسلم ونستغفر.
* انت قائد المجموعة تعتنق معتقدات مختلفة، هل تسعي احيانا لبث عقيدتك هذه بينهم؟
- افعل ذلك ولكن عن طريق القدوة ولسان الحال وهو نهج الصوفية عموما بان الدين لا ينتشر باللسان وانما بالقدرة وهو الاسلوب الذي نشروا به الاسلام في السودان وفي كل بقاع العالم لذلك لا استغرب ان تشن صحف الجبهة الاسلامية هجومها على الطرق الصوفية وتسميتها اصحاب العقائد المنحرفة.
* هل لمست ان اسلوبك هذا مقبول داخل الجيش الشعبي؟
- نعم فانا اشعر انني محبوب جدا داخل الجيش الشعبي والحركة الشعبية ولا اجد اي صعوبة في الحياة داخلهما.
* الم تشعر وانت داخل ذلك المحيط في يوم من الايام انك محتاج لان تتنازل قليلا عن قناعاتك وشمالىتك ومنهجك في الحياة؟
- اولا تصنيف شمالىتك هذا لا نتعامل به نحن داخل الجيش الشعبي، فنحن نؤمن - وانا شخصيا كذلك - باننا ننحدر من اعراق مختلطة لذلك لا نسعي لتشكيل كتلة عرقية داخل الحركة الشعبية، كما اننا لا نستند على أى امتياز خاص سوي قدراتنا الشخصية وهذا اكسبنا قوة اكثر لاننا نقود جيشا ليس لنا فيه روابط عرقية او قرابة ومع ذلك استطعنا ان نكسب ثقة الناس.
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: فتحي البحيري)
|
لا غرو أن يغضب عملاء النظام منك يا با الريش
لا غرو أن يتميز أعداء أهلنا الذين (كما بدا واضحا من شريحة الفيديو التي صورت هروب على عثمان من مظاهرة السودانيين في نيويورك) ليست لديهم شجاعة مواجهتنا عراة من السلطة تملصت من بين أصابعهم
فليهربوا إذن
وليثيروا الغبار على نبل هذا النبيل هاشم بدرالدين
فلعمري لايساوون جميعهم قلامة ظفر خنصره
التحية لك هاشم
وأنت تتناوشك الكلاب الصفر هذه
لا لشيء
إلا لأنك جئت بالصدق
... وصدقت به
وانتميت إلى آلام أهلك مثلما لم ينتموا
والتحية لك يا ابو الريش
وإن غدا لناظره قريب
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: فتحي البحيري)
|
اللخو جمعة سلامات,
امانة الكلام بالكي بورد ما ساهل.
رايك شنو في مناظرة هاشم و على طه؟
امرق النصيحة اكان رباك عليها شيخك الكضاب الترابي.
انت عارف هاشم في المقابلة الفوق دي منعو الحياء عن ذكر بعض الاشياء الحصلت في المطار من ضمنها انو شيخك الكضاب بال في هدمو لمن شاف هاشم ماشي عليهم، ما من اثر الكفيت من الخوف يااللخو.الكلام دا انا سمعتو في المحكمة باضاني من الدكتور العالج الشيخ الكضاب لمن ادلى بافادته.و التقرير مرفق في محاضر الجلسات. و ساتيك به. و هل تعلم انه الترابي عض هاشم في اصبعو؟
ح تشوف جنس كضب يخجل منو مسيلمة الكذاب.
ثروت
ارقد قفا يا اللخو. الصعلقة حدها قريب.
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: عمرو احمد)
|
"لا غرو أن يغضب عملاء النظام منك يا با الريش"
الأخ فتحى،
أعلـم أن كل أجهـزة الأمن فى يـد هــذا الجبان الرعـديــد، أشبـاه الرجـال.. ولقـد كان احـد المتداخلين ضابطـا فى الجيش، ثم تحـول إلى جهـاز الأمن، والأن عضـو بينــا.. علمنا ذلك.. ولكن دعهـم يقولون ما عنـدهـم.. حتى التهـديـد وصلنـا منهـم.. دعهـم فإنهـم يكشفــون الكثيـر عن هوياتهـم وأسـاليب عملهـم، ولكننـا لسنـا معنيين بكل أولائك.. المعركـة ليست مـع أفراد أمن يسترزقـون من عملهـم، وإنما مـع المجرمين الحقيقيين الذين ســاموا المواطنين العـذاب. وجمـدوا عشــرات الألاف فى أجهـزة الأمن المختلفـة بدل أن يتركوهـم يشقون طريقهـم فى التعليـم والتطـور المهنى .. فهؤلاء أنفسهــم ضحـايـا مثلما كل قطاعـات الشعب.
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: محمد حامد جمعه)
|
Quote:
* عرفت ان لك موقفا معارضا داخل الحركة الشعبية لعملية السلام هذه، هل انت ضد السلام؟
- انا لست ضد السلام ولكني ارفض اي صيغة او اي حل يبقي على نظام الجبهة الاسلامية في السلطة لانها هي المشكلة ولايمكنها ان تكون جزءا من الحل.
|
Quote:
انت عارف هاشم في المقابلة الفوق دي منعو الحياء عن ذكر بعض الاشياء الحصلت في المطار من ضمنها انو شيخك الكضاب بال في هدمو
|
Quote:
و هل تعلم انه الترابي عض هاشم في اصبعو؟
|
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: Rastafarian)
|
بسم الله والصلاة والسلام على رسول الله
اها جينا ... شنو يا جماعة يعنى ما (ننوم ) الا ونجى حبايبنا ديل عملو حلقة نقاش فى غيابنا ...
طيب جيناكم
فتحى البحيرى :
سلامات يا زول ... وين الحى بيك عساك طيب ، شنو طولت الغيبة مالك سمعت ولا جابو ليك ؟
قلت لى هاشم بدرالدين قائد الان للقوات الخاصة للحركة الشعبية وانو ضد اتفاق السلام لانو (ثنائى النغم والعاصمة ) طيب ما الاتفاق دا مضاه وصادق عليه قائد الحركة جون قرنق وبرلمانها فى رمبيك ..الزول دا ملكى كان كدا لانو ما ممكن يقود قوات خاصة فى حركة ويجى يقول انو رافض للاتفاق طيب ياخ ما يستقيل ويلا ينشق ولا يشوف ليهو فيلم نضال جديد
وقلت شنو نحن ما بنساوى قلامة خنصر بدرالدين ... ياخ دا اكرام لينا شكرا ليك ...
سوار الدهب :
الترابى عض هاشم بدرالدين ... يا راجل ... يا راجل ... هو (الشيخ ) لحق يعمل حاجة بعدين فى ذمتك شيخ حسن دا لو كان بيعضى يعضى زولكم دا ... مالو جنا !
هادية :
ابين ...
عمرو :
قاعدين يا حبة ... شيل الصبر زى ما بيقول زولنا عزو مؤلف اوبرا العميد
ابو الريش
قلت لى فى البورد فى شخص كان ضابط جيش وهسة مشى الامن وهسة عضو فى البورد .. عارفين
تصدق وتعرف ... انت ما بتعرف.
ومبروك عليك شهادة فتحى البحيرى بانك ابو النضال والوطنية الجلال ... ونحن خلنا ساى ناس مهلوسة وبره الشبكة وماجورين ... مالو ...
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: محمد حامد جمعه)
|
Quote: الأخ فتحى،
أعلـم أن كل أجهـزة الأمن فى يـد هــذا الجبان الرعـديــد، أشبـاه الرجـال.. ولقـد كان احـد المتداخلين ضابطـا فى الجيش، ثم تحـول إلى جهـاز الأمن، والأن عضـو بينــا.. علمنا ذلك.. ولكن دعهـم يقولون ما عنـدهـم.. حتى التهـديـد وصلنـا منهـم.. دعهـم فإنهـم يكشفــون الكثيـر عن هوياتهـم وأسـاليب عملهـم، ولكننـا لسنـا معنيين بكل أولائك.. المعركـة ليست مـع أفراد أمن يسترزقـون من عملهـم، وإنما مـع المجرمين الحقيقيين الذين ســاموا المواطنين العـذاب. وجمـدوا عشــرات الألاف فى أجهـزة الأمن المختلفـة بدل أن يتركوهـم يشقون طريقهـم فى التعليـم والتطـور المهنى .. فهؤلاء أنفسهــم ضحـايـا مثلما كل قطاعـات الشعب. |
الاخ العزيز/ ابو الريش
تحية وسلام مشتاقين يا حبيب.
حديثك أعلاهه حديث في منتهى الخطورة .
دينق.
| |
|
|
|
|
|
|
|
|
|
Re: هاشم بدر الدين ..يآآآآآآآآآآآآآآآآآآآآآآآآآآآآآآآآآآآآآآع ! (Re: Elawad Eltayeb)
|
| Quote: الترابى عض هاشم بدرالدين ... يا راجل ... يا راجل ... هو (الشيخ ) لحق يعمل حاجة بعدين فى ذمتك شيخ حسن دا لو كان بيعضى يعضى زولكم دا ... مالو جنا |
!
أمران
الاول
هو حسن ده لسه شيخ يا تور يا بقر الجواميس
الثاني
انتا بتعرف هاشم بدر الدين ده ولا عرفته من دقته لي الشيخ زمان عارف الشيخ زمان ده اخر مصطلح للمريض اسي او قل لـ وجبة الفئران اللاسلامية
| |
|
|
|
|
|
|
| |
محمد حامد جمعه
اساسي
عبداللطيف خليل محمد على
أيمن حسين فراج
علاء الدين يوسف علي محمد
abuguta
فتحي البحيري
Rastafarian
ahmed haneen
Deng
A.Razek Althalib
خالد
abookyassarra
فيس بوك
تويتر
انستقرام
يوتيوب
بنتيريست