|
|
|
 Re: شوفو الولد دا برقص كيف مع ثنائي العامراب في " رمال حلتنا (Re: sympatico)
|
سمباتيكو يا سمبتيك يا لماح
تخيل قبيل كمنت بشفو في النيل الازرق وجابو اغنية الطفلات
الظريفات الممشطات ديك .. جيت داخل البورد لقيتك منزل ليهن حاجة حلوه
وانا عارفك زول بتعرف محل الروعة ..
شايف تعليقك وسلامك في البوست بتاع رجاء قلت اجي ارد لقيتو لحق امات طه
اها قلت ارد بي هنا لقيتك منزل الرابط .. وانا عارفك زولا سمح وبتظبط الشغل زي
ماالله خلقو ..
الله يديك العافية يا سمباتيكو .. ولينا لقاء ان شاء الله
| |
 
|
|
|
|
|
|
|
 Re: شوفو الولد دا برقص كيف مع ثنائي العامراب في " رمال حلتنا (Re: 3mk-Tango)
|
سيمباتيكو يا فنان..
مفاجأة جميلة شديييييد..
والولد ما حصل.. ربنا يحفظ روحو الحلوة الفنانة البتريد الطرب..
الغنية حنيييييينة لدرجة البكا..
حأرجع تاني..
تنقو يا ذوق..
ما عارفة أقول ليكم شنو.. انا امبارح في البوست داك قلت: تنقو وتمبو وسيمبا هم نغم المنبر ولحنه..
ربي يخليكم..
..
و
يا رمال حلتنا ويييييين
| |
|
|
|
|
|
|
|
|
|
Re: شوفو الولد دا برقص كيف مع ثنائي العامراب في " رمال حلتنا (Re: sympatico)
|
زمان عشت فى غرفتى هذة لست ببعيد عن شاطئ الاطلنطى ولست بعيد عن ورث ستريت
حيث تفتح تنتلا فرساتشى متجرها وغوشى وشانيل ورالف لورين واشياء اخرى
كلهم هنا
لكن حين زرع سنبتيكو هذا البوست ارجعنى الى حوارى العامراب بالقرير يعنى
اقتلعنى واعادنى الى حيث اكون اعاد tag الصناعة واطلق الرصاص على بالونات
الوهم واسقطنى فى ذقاقنا القديم اعرف هذا الزقاق بيت بيت واعرف كل من سكن
هنا مشاعر مختلطه تداهمنى الان انتمى الى علمين مختلفين فى الشكل والاسلوب والملامح
كيف يعيش هذا التربال هنا تكمن الاجابة
شكرا سنبتيكو الريح تصرخ فى الخارج وانا فى ذقاقنا اتفرج مئات السنين تفصل
بين ما اشاهد وبين ما اعيش دمت
| |
|
|
|
|
|
|
|
|
|
Re: شوفو الولد دا برقص كيف مع ثنائي العامراب في " رمال حلتنا (Re: suliman ibrahim)
|
صديقي العزيز تنقو
تسلم لنا وانت تمنحنا كل يوم دفقات من الفن الراقي
الصديقة العزيزة رجاء
شكرا لك على كلماتك الرقيقة وآمل ان استطيع تقديم ما يسعدكم
وانجا الموجودة دوما في مواضع الجمال
ادعو معك : الله يحفظو
محمد السر
تأسرني بحضورك الباهي دوما
الاخت العزيزة
smilewomen
اقول معك آمين
ستجدين كلمات الاعنية في البوست التالي
الخ العزيز شاذلي جعفر
شكرا على كلماتك الرقيقة
الله يديم لينا هذه الحنية في اغاني الطمبور
العزيز اوسلي
| Quote: انسان تلك المنطقه يرضع الفن مع لبن امه ولا يفطم بتاتا |
كلامك صاح :
وما حا تصدق لقيت ولد صغير بعزف وبغني على الطنبور
حا انزلو قريب هدية ليك
الأخ العزيز ود المايقوما
اشكرك كثيرا على ترشيحك ولكن اعتقد ان هناك من هم احق مني بذلك
ارجو ان لكون عند حسن ظنك دوما
الأخ العزيز الزول
شكرا على كلماتك اللطيفة التي تحفزني لتقديم ما يرضيكم
الأخ العزيز سليمان ابراهيم
هزتني كلماتك وانت تحكي عن اثر هذه الاغنية عليك في مهجرك البعيد
دعواتي لك ان ترى بلدك اجمل وانضر واهلك سالمين
| |
|
|
|
|
|
|
|
|
|
Re: شوفو الولد دا برقص كيف مع ثنائي العامراب في " رمال حلتنا (Re: sympatico)
|
الاخت العزيزة
smilewomen
هذه هي كلمات الاعنية
مع كل الود
------------
يا رمال حلتنا
[SIZE=4]
يا رمال حلتنا زول كان بآنسك يا حليلو يا حليلو
فات رحل من بلدو روح روح ولا روح
روح
وفاتو لى دار ما ها هيلوو
ما ها هيلو
يا حليلو الكان بيطلع ينزل ومرة يطلع
ينزل ومرة يشرب من سبيلو
من سبيلو
ومرة يترنم يحاكى القمرى الفوق نخيلو
الرمال تشكى وتعاتبو تبكى منو وتشتكيلو
تقولو ليه خليتنى فتا والزمن فتش بديلو
الليلة يبكى دموعو سايلى نازلة ما بسرك حويلو
يبكى مطرتش مودر متيبس فاقد دليلو فقد دليلو
فاقد للايدو يمسك يورى لضلو ومقيلو
وفاقد للدموعو يمسح ليهو يثنى وقت يشيلو
ينظر القمر المنور ساح شعاعو مغطى نيلو
ينتشي ويعزف ربابتو لحن ما موجود مثيلو
يا سلام لو كان رجعلك يا بلدنا الهم يزيلو
يسمع القمرى المغرد وينسا حزنو مع هديلو
يا رمال حلتنا زول كان بانسك يا حليلو يا حليلو
فات رحل من بلدو روح روح ولا روح
روح وفاتو لى دار ما ها هيلوو
ما ها هيلوِ[/SIZE]
| |
|
|
|
|
|
|
| |
Raja
shazaly gafar
osly2
الزوول
suliman ibrahim
فيس بوك
تويتر
انستقرام
يوتيوب
بنتيريست