|
|
|
 Re: Please Stop a while and enjoy Ethiopian Music (Re: elhilayla)
|
العزيز زين العابدين..
كل يوم وانت بخير..
طبعا هديتك جات في وقتها.. رجعت من أسبوع من اسمرا.. وفيها تعيش هذه الموسيقى الـ 24 ساعة.. وبالرغم من عدم اختلاف النغم إلا ان الارتريين يفضلون الغناء الأثيوبي.. وأشهر الأشرطة والسي ديز حقت فنانيين من اثيوبيا..
وفي افراحهم برضو بيفضلو الفنانيين والأغاني الأمهرية.. والاتنين أحلى من بعض..
شكرا ليك تاني..
مع الود..
| |
 
|
|
|
|
|
|
|
 والله نحن كنا قايلنكم حبش (Re: Raja)
|
الاخت العزيزة رجاء
شرفت البوست والله
حقيقة كانت لدي رغبة اكيدة ان اعنون البوست باسمك
لعلمي بانك كنت هناك
واكيد
كنت تستمعين للموسيقي الحبشية التي لي معها قصص وطرائف كثيرة
وساحكي لك هنا قصة حدثت لنا في الامارات مع جيراننا
رحلت اسرة الي العمارة التي نسكن فيها
وقبل ان نتعرف عليهم ويتعرفوا علينا كانوا يسمعون الموسيقي
من منزلنا
حيث كنت انا ادوام علي الموسيقي الاثيوبية
وبعد ان تم التعارف قالوا لنا والله نحن كنا قايلنكم حبش
بالمناسبة
رايك شنو في أقرم تميرا
| |
|
|
|
|
|
|
|
|
 Re: والله نحن كنا قايلنكم حبش (Re: elhilayla)
|
خالص التحايا00
العزيز الحليليه00
كفينك ياراجل وكيف الحاله عموم لسه ياهو الشغل الشغل
ولسه ياها المناخات مناخات00
ويبقى حضورك بالموسيقى مازى كل الحضور
واكثر لمن تون من ارض البن والزهرة الجديده00
شكرا عزيزنا شكرا كتيرا
مزيدا من هذا النوع.........
| |
|
|
|
|
|
|
|
|
|
Re: Please Stop a while and enjoy Ethiopian Music (Re: elhilayla)
|
العزيز الحليلة..
شكرا ليك على اللحن..
طبعا انا من يوم ما أمشي ولغاية عودتي بتعاملو معاي على أساس إني أريترية أو اثيوبية.. في البداية يتكلموا تقرنجة ولما اقول ليهم ما بعرفها اوتوماتكلي يقلبو امهرنجة.. ولما اقول ليهم والله ما بعرفها بيحتارو بتكلم اي لغة.. وفي المطار في صفين (للمواطنين والوافدين).. طوالي الضابط بتاع الجوازات بيكون في حالة تنبيه لي عشان اقيف في صف المواطنين..
..
ما حأقول ليك حضرت كم عرس.. ففي الفندق البكون نازلة فيهو تقام الأعراس يومي السبت والأحد.. والعجب في الصيف.. مغتربينهم بيرجعو للزواج.. وبقيت ضيفة دائمة لكل المناسبات.. وفي الزيارة الأخيرة أقام الفندق حفلا لفرقة الفنون الشعبية الأريترية بمناسبة انتهاء فترة إعداد طويلة..
حأرجع عشان احكي عن الحفل الساحر..
بالمناسبة اللحن ده ما حصل..
ودي..
| |
|
|
|
|
|
|
|
|
|
Re: Please Stop a while and enjoy Ethiopian Music (Re: elhilayla)
|
الرائع ود الحليلة
خالص التحايا لك وللوليدات
وتشكر على الذوق الرفيع
ولك أن تستمتع ب : نواى دببى
وفنان أرتيريا الأول إدريس محمد على الذى غنى لشاعر
الثورة الإريترية محمد عثمان كجراى إريتريا ياجارةالبحر ..
ومن التراث الإريترى الكثير
طبعاً بدورنا نهدى كل هذه الروائع لكل أهل كسلا
من الاريتريين والسودانيين
| |
|
|
|
|
|
|
|
|
|
Re: Please Stop a while and enjoy Ethiopian Music (Re: elhilayla)
|
أخي الهلالي
شكراً لهذا اهداء رغم أنني لم أستطع سماع شئ لصمم في جهاز الكمبيوتر خاصتي والذي لم يواكب ركب التقدم التقني الهائل ومع ذلك أتشبث به ويتمسك بي من منطلق الألفه والعشرة ، الموسيقى في عمومياتها تريح كثيراً وهي أمر مفيد بل يوصي البعض بضرروة سماع الموسيقى. وعن الموسيقى الأثيوبية والفن الأثيوبي فهناك يمتزج النغم بالرقص فتجد نفسك مجبراً على التفاعل مع اللحن والنغم ، والأغاني الأثيوبية في ألحانها سرقت الكثير من الألحان السودانية سرقة بينة وليحمدوا الله كثيراً أنني لست متفقهاً أو عارفاً بالموسيقى حتى أنوت سرقاتهم وأنشرها على الملأ وإن كنت ولله الحمد مستمع جيد يميز بين لحن عزه في هواك السوداني الخالص وعزه اللحن الأثيوبي.
تطربني جداً أغاني إفريم وأستير وهمل مال ونواي وسهاي وكثيرين ، وقطعاً لا أنسي كبار المطربين أمثال محمود أحمد وتلهون قسسي وأحتفظ بالكثير من الأغاني بس لا أمكانياتي لا إمكانيات كمبيوتري مجتمعين أو منفردين قادرين على تنزيلها ومشاركتكم الإستمتاع بها.
| |
|
|
|
|
|
|
|
|
|
ونسعد حقا بمشاركتك (Re: elhilayla)
|
السلام عليكم ورحمة الله وبركاته
الاخ الملا عمر
تشرفنا بزيارتك
ونتمني ان تستمع للحن بعد ان تتم معالجة الخلل في الجهاز
ونسعد حقا بمشاركتك
اخوك زين العابدين الحليلة
الغالية رجاء
لدي عدد من الاغنيات والتي حتما ستنال رضاك
بالمناسبة اخبارك الخاصة مقضوعة
مع اكيد الود
| |
|
|
|
|
|
|
|
|
|
شكلنا حبش بالجد والا شنو (Re: elhilayla)
|
رجاء العزيزة
خالص الود والمحبة
في أحدي المرات قابلني حبشي في مونتريال وأظنه في قسم المرور والرخص
تكلم معي بالحبشي وعندما رددت عليه بالفرنسبة أستغرب من الحبشي الذي برفض الأمهرية ويستعمل اللغة الأجنبية
فأفهمته بأنني حبشي من مونتريال
في النهاية صار صديقي فكلما أمر علي قسم المرور أجده فيجيبني بإبتسامة تخفي وراءها معني الود والمحبة
هذه المشاهد تتكرر كثيرا مع زوجتي
شكلنا حبش بالجد والا شنو
| |
|
|
|
|
|
|
|
|
|
أكيـــــــــــد.. (Re: elhilayla)
|
العزيز زين العابدين..
ســـلام..
للإجابة على سؤالك.. نعم نعم نعم..
العم السر قدور كان عندما يطلب مني عملا ما وأرفضه.. يقول لي: انتي ما من المتمة بتاعتنا.. انتي من المتمة العملها جدك في الحبشة..
..
بالمناسبة.. في شوارع اسمرا تقرب تسلم ليك على زول لأنك قايلو فلان البيتعرفه او قريبك.. أي زول فينا ليهو شبيه عندهم..
..
| |
|
|
|
|
|
|
|
|
|
Re: أكيـــــــــــد.. (Re: Raja)
|
(بتام بتام أمسقانلو لأولون ، نا بزو وده شالو)،لكم جميعا.
عملت لمدة عامين باثيوبيا كمدير مبيعات لشركة أماراتيه ، خرجت منها بخواطر لا تحصى ولا تعد.
الشعب الأثيوبى صاحب حضارة عريقه لهم سنينهم الخاصه بهم وشهورهم وساعاتهم.
أثيوبيا من أكثر البلدان التى تتمع بتسامح دينى.
تجد فى بيت واحد الأم مسيحيه والأبن مسلم والأخت لا دينيه.
وتجد مسلمه تتزوج من مسيحى وبالعكس.
الشعب الأثيوبى شعب فنان يحب المغنى والرقص كبيرهم وصغيرهم.
يحبون الغناء السودانى لدرجة الجنون بل احيانا يغالطونك فى لحن لأحمد المصطفى مثلا وينسبونه لأحد فنانيهم الكبار أمثال تلهون قساسا.
من الأغنيات الأثيوبيه الرائعه التى احبها (ديمو جمرى) للمطرب أفريم.
عند كل عصر اربعاء يرن الهاتف فى بيتى وتصلنى دعوة اسرة مجاوره (مسيحيه) لأرتشاف قهوة (عبد القادر الجيلانى)!!!
مدير للخطوط السودانيه أستأجر لمدة شهر تقريبا جزء من منزل تلك الأسره الكبير، وكان له طفل صغير ظريف ولطيف احبته تلك الأسرة بجنون.
وعندما رحل مدير الخطوط السودانيه الى بيته ولسؤ حظه طلب منه مغادرة أثيوبيا بعد شهر واحد ، حيث اغلق مكتب الخطوط السودانيه باديس ابابا لآول مرة فى تاريخ العلاقات بين البلدين ، وبسبب محاولة اغتيال حسنى مبارك.
لم أكن أعرف ذلك المدير الذى اتى من اقاليم السودان لمحطة اديس ابابا، لكن تلك السرة طلبت منى مرافقتهم لوداع اسرته.
وعندما ودعناهم عائدين بكى جميع افراد تلك ألأسرة كمن فقد عزيزا لديه ، خصوصا حينما كانوا يحتضنون الصغير (سليمان)، واحرجت كثيرا لصعوبة البكاء مهما كان الموقف مؤثرا.
أثيوبيا حقيقة هى التى تستحق اغنية الكابلى:-
ياأخت بلادى يا شقيقه ... يا حقيقه !!! مع أعتذارى لعشاق الوحدة العربيه.
| |
|
|
|
|
|
|
|
|
|
مشكور علي الطلة الظريفة وسعدنا حقا بك (Re: elhilayla)
|
الأخ تاج الـســـــــــــــــــــر
مرحبتين حبابك وتمت الألفة بهذه الذكريات الجميلة
شـــــــــــــــــدّ تني أغنية أفرم تميرا والتي أظن أنني أحفظها منذ 1999
حيث أهداتي صديقي عبد المنعم CD يحتوي علي مجموعة من الأعاني الحبشية كان من ضمنها أفرم وأســــــتر ومحمود أحمد وتلاهون وغيرهم
أحتفظ بذكريات كثيرة عن الأغنيات الحبشية خصوصا في مدينة أبوظبي التي قضيت فيها ثمان سنوات بين 94 و 2002
بالمناسبة الحادثة التي ذكرتها ترجع بي الذاكرة للوراء وأنا في أبوظبي المنطقة الغربية حيث واصلت موضوع حسني ميارك عن طريق مذياع من مدينة المرفأ والتي كنت أشرف علي بناء مشفاها الذي كلفنا ثلاث سنوات.
مشكور علي الطلة الظريفة وسعدنا حقا بك
| |
|
|
|
|
|
|
|
|
|
Re: مشكور علي الطلة الظريفة وسعدنا حقا بك (Re: Raja)
|
أعزائي ، أحباء أثيوبيا
أشكركم كثيراً على هذا البوست الجميل الذي جاء في وقت تجتاحني فيه نسمات القهوة الحبشية والهجرة الحبشية والحضارة الحبشية وزيارتي القصيرة الطويلة لأديس أبابا :: (( تلك المدينة التي .... ولكن تركها وهاجر لأوروبا)) كما قال أحد الشعراء ال..
حقيقة بعد عودتي من أديس قبل اسبوعين وبعد دهشتي الكبيرة وافتتاني العظيم بأثيوبيا كنت انوي أن أفتح بوست جديدلأتحدث فيه عن عظمة هذا الشعب الجميل المهذب ، المليئ بالاتيكيت المحب للاجانب وخصوصاً السودانيين - الذين بالتأكيد لا يستحقون كل هذا الحب - بلاد بوب مارلي والنجاشي وهجرة الفارين بدينهم من قريش ، وهجرة الفارين بكبريائهم من الاتراك ، وهجرة الفارين من روتين الشغل الممل بصفة عامةوالكفيل من الرياض السعودية ..
وسأعود ،،،،
| |
|
|
|
|
|
|
| |
elhilayla
Raja
Rawia
معتز تروتسكى
abookyassarra
almulaomar
Rakoba
فيس بوك
تويتر
انستقرام
يوتيوب
بنتيريست