|
|
 الفنان (الفيل)000أو كما قال دكتور الجعلي00
|
00000000وكانت مدينة الخرطوم بحري هي الام الرؤوم التي في حجرها وصدرها نمت تلك العلاقة وازدهرت0وكانت تلك الليلة البديعة بشمبات هي اس بحثنا ومربط فرس استقصائنا0
ليلة صيف بحراوية0رق نسيمها وصفا سماؤها00ليلها قد خرج لتوه من بواكير الكهولة زاحفا باتجاه الزمن الليلي السرمد0في تلك الامسية ((برد الليل))0قمر دورين توسط السماء0وتخير من (بنات نعش) اكثرهن ألقا ونضرة وبهاء ليرافقنه تلك الليلة0ذاك قمر توسط السماء حيث سعد السعود وسعد الاخبية والسماك الاعزل0في دنيا البشر توسط ابو داؤود القعدة00في يمينه الى الوراء قليلا برعي0امامه علي المك و (مخ) واخرون من اهل المغنى والطرب00جماعة متجانسة الذوق والهوى الفني يجمع بينها ودها الشديد لعبدالعزيز وحبها العظيم وهواها لحنجرته المذهلة التي تاتي باللحون الرائعات من قرونها(او كما قال علي المك)00بوصلة القادمين اليهم دوزنة برعي المتميزة على العود0لاحت بشائر وارهاصات الدخول الى حضرة الفرح: تقسيم برعي على العود00الكبريتة في يد الفنان الفيل000الات التسجيل تم ضبطها00توقفت كلاب شمبات عن النباح0امر (فحل ام صريصر ) كل صراصير شمبات الحلة ان تكف عن الحركة00قالت الضفدعة الكبرى لشقيقتها الصغرى: عليكي الله قولي للشافعات ديل يتهبدن0قالوا ابو داؤود الليلة بي جاي00من ثنايا وتخوم ليل شمبات (الكلية) خرج ضياء ذلك الصوت المهول0خرج حفيفا شفيفا كالخيل الاصيلة المطهمة اول سباقها هزل (او جكة كما يقول اهل السودان)00(يسلك) ابوداؤود حنجرته بشيء من شغل الطمبرة:
فاح لي كبريته
كبدي كالبنزين
قادحة كبريتة
اصلو هالكني
منو ما شفيتا
يا جرح غور
انشاالله ما بريتا
0000000000000000
ثم
القايمة بمبونة
الواشي ما جاب لي
ذكرى في فنونا
ما بريد دونا
يا كريم خيل لي
خلني شوية
انقر التلفون
كان يرد لي
عرضحالي التام
حجة مدنية
0000000000000000000000000000000
ثم
من اول نظرة
لم اخذ حزره
غير اني هويتو
في قلبي اويتو
قدرت جمالو
واغراني دلالو
اوريهو فنوني
ويوريني فنونو
000000000000000000000000000
ثم
كيف الحياة من غير ليمك
من بعدك اصبح
حظي زي لون هضليمك
يا نعيم الدنيا
000000000000000000000000000
ثم
ما الذ نسيم وصلك
ما رايت يا جميل مثلك
0000000000000000000000000
ثم
روحي ضاعت
في النار قعودا
يا ربي هون
لي عودا
000000000000000000000000000
ثم
حليل الراح فر بسمو
حليل الكية لي خصمو
جميع من سمى بي اسمو
حرام النار على جسمو
حليل الفرقة من بكرة
حليل الاصبحت ذكرى
بتصرف من كتاب الدكتور محمد عثمان الجعلي (رحيل النوار خلسة00علي المك وجيله)00
|
|
 
|
|
|
|
|
|
|
|
Re: الفنان (الفيل)000أو كما قال دكتور الجعلي00 (Re: فتحي الصديق)
|
راوية احبك واحب ابو اهلك واحب اليوم العرفناك فيه
واحب البيحب ابوداوؤد..لكن عليك الله كان ما راجعتيها
وما تنسى اللنك....بالله استمعى اعزك الله الى:
يتل اعطاقو يجيك مقسوم..طبيعى وخلقة فاطرو بسوم
اشهد ان لا اله الا الله واشهد ان محمد رسول الله!!
عليك الله يا راوية الزول ده عينو ما حاره وهو يصف
منظر تلك الفاتنة فى الرقيص .
استغفر الله،.تسلمى،،،،
| |
|
|
|
|
|
|
|
|
|
Re: الفنان (الفيل)000أو كما قال دكتور الجعلي00 (Re: فتحي الصديق)
|
التحية لكم جميعا والتحية ليك ياصديق الموج. محمد عثمان الجعلى او ود المرحـــــومة هوالابداع بذاته . لا اخفى ان قلت لكم باننى قرات كتابه رحيل النوار خلسة مئات المرات وهو قامة سامقة وجبل متحرك من الابداع وشامة على خد الابداع الرصين ورجل شهم واخو اخوان والعجب قول زوجته وبنياته وكانت شفت عبدالوهاب الجعلى تقول شنو . محمد عثمان الجعلى بالنسبة لعبدالوهاب نقطة فى محيط بحر. هذه عائلة التميز وياريتك قابلت المرحوم عبدالمنعم عثمان حامد الملقب بجاينيس المبدع.
بيت محمد عثمان الجعلى مسكون بكل هذه الصفات زوجته الدكتورة سامية والبنيات ناس نورة وعزة يحملن كل صفات محمد عثمان وعبدالوهاب ووالدتهن
والعجب العجاب حاج الجعلى رحمة الله الى فى الجود والكرم ايديه بارزات.
ادعو الله ان يحفظ الله لنا محمد عثمان وعبدالوهاب وعفاف وسامية والبنيات ناس نور وعزة والاولاد ويخصهم بالعافية فى المصارين وتبقالن هدم ومركوب ونعلين
| |
|
|
|
|
|
|
|
|
|
Re: الفنان (الفيل)000أو كما قال دكتور الجعلي00 (Re: فتحي الصديق)
|
ضياء الدين كتر خيرك..بعرف كل من ذكرت لكن حكاية الاولاد دى كتيرة
شوية مو ياهو الفرد شافع الجابو عبدالوهاب بعد ما البيضاء خالطت
السوداء..
ياخى تسلم ويسلم كل هولاء النبلاء وماتنسى زيد عليهم عباس وعادل وكامل والبنيات
وكل اخوالهم ال دبلوك..
فعلا ود المرحومة حقيق بالاطلاع..سوف احكى لك واحدة من قصص ود المرحومة
لكن على الماسنجر...نسيت اقول ليك طمسة عن عازة بت ودالمرحومة والله
التقول مريقه براهو ...الله يحفظها،،،،،
| |
|
|
|
|
|
|
|
|
|
Re: الفنان (الفيل)000أو كما قال دكتور الجعلي00 (Re: فتحي الصديق)
|
اولا:الرحمه والنور على قبرى الحبيبين ابو داؤود وود المك قولوا امييييين
ثانيا شكرا لا تكفى لك وعبرك لود الجعلى ولغاية العزيزه راويه الانيقه
اناقة ذلك اللحن الشجى .
رغم إنك قلبت مواجع لكن ساسقنا معاك لى عند شمبات
دفيتنا رغم إنو الجو بارد جدا هنا(واشنطن)والتلج مغطى كل الفجات
اه من ابو داؤود واه من تلك الحنجره وذاك الصوت الشجى والطرووووووب
احب ابو داؤود واحب كل البحبو وكمان شمبات وام درمان
شكرا فتحى تانى
و1000 رحمه ونور على الإثنين
وصدقنى ما قادر امرق من هنا
سلاااااااااااااااااااام
| |
|
|
|
|
|
|
| |
فتحي الصديق
صديق الموج
jini
Rawia
عبد الحميد البرنس
فارس موسى
فيس بوك
تويتر
انستقرام
يوتيوب
بنتيريست