|
|
 أضبط.. حمامة بت في حلتنا
|
قبال ايام كنت ماشة حنة اخت صاحبتي وبيتهم كان قريب من بيتنا واثناء ما كنت بجهز في روحي سمعت صوت الفنانة تصرخ في هدوء الليل
وينو لي حبيب عيني نادو لي
والموسيقي تذداد عنفا والفنانة تكورك
الجعلي دة
الشايقي دة
الغرابي دة
والجميع يصرخ
جب جب جب
صلاح دة وينو لينا حبيب عينينا نادوا لينا
جب جب جب
واااااي وااااااي
رقصت وانا اقف امام المراية واسرعت الي منزل صديقتي للحاق ببقية الاغنية الكاربة دي
وجدت زحاما امام المنزل تعجبت لان الحفلة معمولة جوة البيت
شقيت طريقي بصعوبة وسط جموع الراقصين عشان اقيف جنب صاحبتي واختها عاينت في اتجاه الفنان
يا للهول ماذا اري
دي ما فنانة دة فنان يعني رااااااجل عديل كدة مسبسب شعره وبغني اغاني لبنات
دنقرت في صاحبتي سالتها دة شنو دة يا اختي قالت لي بصوت حاولت ان تجعله اعلي من صوت الموسيقي
انت عويرة ولا شنو دة حمامة بت
وكانت الفنانة اقصد الفنان يتمايل طربا وهو يغني:عرفني بي بته يا ستار علي وركبني عربته يا ستار علي دة راجل مرة قبلتو يا ستاااار علي
والجميع يصرخ جب جب جب
*عجورة وحارس ابواب وعبد الظمبار دكان يماني وغيرهم من الاولاد الذين يتغنون باغاني البنات يسبسبون شعرهم وفاتحين وشهم وشايلين حواجبينهم وبغنوا في الحفلات عااااااااااادي كدة وما خفي كان اعظم
وقبل ما امشي اسمعوا الحتة دي :
دق الباب وجانا انا جريت ليهو حفيانة
ما قصدي الخيانة قصدي يقيل معانا
وحناانة الكفت امو رضانا
وشئ عجيب
|
|
 
|
|
|
|
|
|
|
 Re: أضبط.. حمامة بت في حلتنا (Re: صباح احمد)
|
صباح كيف حالك...طبعافى الخرطوم الايام دى ده بقى غناء عادى
لانو ماكان يبطل الصيام على ايامنا لا ينقض الوضوء فى هذا الزمن
الجهجاه الاغبر...ولكن المحيرنى حمامة ده اناسمعته بقول دايراك..
دايراك يا ابشره..دايراك داير افتو معاك يا ابشره..
خلى بالك من( دايراك )الما ناقصة نون نسوة دى!!!!!
الله يستر عليكن..ما نحن خلاص‘‘‘‘
| |
|
|
|
|
|
|
|
|
|
Re: أضبط.. حمامة بت في حلتنا (Re: صباح احمد)
|
صديق الموج
ازيك انشاء الله رايق
صدقني الحال بقي عندنا يغني عن السؤال
وانا هنا اشرت تحديدا للفنانين
لكن حتي في الحياة العادية عندنا من نوع حمامة بت دة كتير مع اختلافات بسيطة
انتو خلاص شنو
| |
|
|
|
|
|
|
|
|
|
Re: أضبط.. حمامة بت في حلتنا (Re: صباح احمد)
|
هو راجل أو محسوب على الرجال وسموهو حماده بت وبعد كده هو رضيان ، وده كلو كوم والجابوهو كوم تاني والرقصهم لمن ركبهم ساحت كوم تالت وياً كان الجنس أول أو اني أو تالت المهم الطرب بدليل إنو الكثير من الذي نسمعه في الساحة الغنائية هذه الأيام كلمات ما عندها أى معني لكين الله يجازي الناس بتاعين البيز جيتار والبنقز والدربكه والبرميلين الكبااااار البشبهن سبيل حاج فضل المولى ديل والله بعملوا عمايل ودقي يا مزيكه
| |
|
|
|
|
|
|
|
|
|
Re: أضبط.. حمامة بت في حلتنا (Re: صباح احمد)
|
| Quote: *عجورة وحارس ابواب وعبد الظمبار دكان يماني وغيرهم من الاولاد الذين يتغنون باغاني البنات يسبسبون شعرهم وفاتحين وشهم وشايلين حواجبينهم وبغنوا في الحفلات عااااااااااادي كدة وما خفي كان اعظم |
So this madness is taking place in sudan also...damn! It's the end of the world then ..watch out!!..u
| |
|
|
|
|
|
|
|
|
|
Re: أضبط.. حمامة بت في حلتنا (Re: خضر حسين خليل)
|
الصبّـــــــــوحة
ســــلامات
قريت كلامك ده و بصراحة كده ما مصدق و طوالى مشيت سألته احد اصدقائى
اتى من السودان حديثا كان رده ( صأأأأأأح ) للأسف و الحق يقال فجعت
لما وصل اليه حال شبابنا رجال المستقبل .
و بألأمس الغريب فى قناة الجزيرة برنامج للنساء فقط كان مخصص للحال
السيىء الذى وصل اليه حال الرجل الشرقى ألآن تجد اشباه الرجال يمشون
و هم حالقى شواربهم منعمين الشعر و يلبسون ثياب ضيقة اقرب للباس المرأة
و مائعين و ناعمى ألأيدى هذا يزكرنى بشباب البرازيل فهناك ثلثى الشباب
يطلقون عليهم الshemale ترى امراة تتسكع امامك و لكنها فى الحقيقة رجل
ارجو ان لا يصل حال شبابنا الى هذا الحال .
قال حمامة بت قال .... ولله عجبى !!
الفولانى
| |
|
|
|
|
|
|
|
|
|
Re: أضبط.. حمامة بت في حلتنا (Re: عوض الله الفولانى)
|
هو حمادة بت براه
كتااااااااااااااااااااااااااااااار
البغنو غنا البنات هنا
والله البنات ارجل منهم
لكن النصيحة
غناين جنس غنا
غنا البنات في زمنا ده وبالواضح الفاضح بدا من غنية
" الساعة خمسة يا الحبيب منا تنسى"
وانت ماشي
زمنا كان بغنوه في القعدات وبالدس
هسع ارجل فنان من الجيل الجديد
لازم يجدع ليه غنيتين بتاعت بنات
ولا يصنف انو ما بعرف يغني ودمو تقيل
والله جنس هملا
وتقوم بينا العربية
| |
|
|
|
|
|
|
|
|
|
Re: أضبط.. حمامة بت في حلتنا (Re: وليد محمد المبارك)
|
Quote: دق الباب وجانا انا جريت ليهو حفيانة
ما قصدي الخيانة قصدي يقيل معانا
وحناانة الكفت امو رضانا
وشئ عجيب |
صبوحة مرحب بيك ...وان كان ترحيب متأخر فاقبليه....
هذا النوع من الغناء يظهره الزمن ...وقد ظهر من قبل وهو مربوط
اصلا بالحالة العامة للناس...نتيجة الكبت والضيق والقهر والفلس
والاحباط...
ويا ريت الكلمات تقيف عند ما قصدي الخيانة وتنتهي بالمقيل...
فالحال ان استمر هكذا سوف يأتوا بها ضقلا يكركب.....والله يستر ويصلح
الحال قبل ما يستسلم الناس في جب جب جبان عميق....
| |
|
|
|
|
|
|
|
|
|
Re: أضبط.. حمامة بت في حلتنا (Re: صباح احمد)
|
أربعون عاما من معهد الموسيقي والمسرح وتلال من الغناء السوداني من عازة خليل فرح مرورا بالكاشف وأحمد المصطفي وعثمان حسين ووردي وكابلي ومحمد الأمين عقد الجلاد وسمندل.......دا كلو راح وين???????
| |
|
|
|
|
|
|
|
|
|
Re: أضبط.. حمامة بت في حلتنا (Re: صباح احمد)
|
تشتكى الساحة الفنية هذة الأيام الكثير من العلل والامراض
والفنانين البطنطنو وببجدعو ويكوركو وبتفنسو مايدوك الدرب
على أية حال الجميع يعلم علم اليقين ماهى مسببات هذا البلاء
| |
|
|
|
|
|
|
|
|
 Re: أضبط.. حمامة بت في حلتنا (Re: صباح احمد)
|
المسألة ياريت يا جماعة لو كانت وقفت علي الغنا بس
انتوا عارفين الوسط الرياضي بتكلم عن لاعب لمن جوا يفاوضوهوا للتسجيل لاحدي النوادي الرياضية الجماعة مشوا شاوروا راجله
والله العظيم زي ما بقول ليكم راجلو عديييييييييييييييييل كدا
لكن بعد داك ما عارفه الحصل شنو
دكتور يعمل باحدي الجامعات الخاصة يكتب بصحيفة معروفة كتب قبل دة عن ان جنب الجامعة عربات الهئيات الدبلوماسية ما تديك الدرب انا شخصيا اعرف شاب سوداني متزوجه خواجه ولا هو متزوج الخواجة ما عارفة
يعني كمان علاقات عابرة للحدود
والمايشتري يا شباب
يتفرج
| |
|
|
|
|
|
|
|
|
|
Re: أضبط.. حمامة بت في حلتنا (Re: صباح احمد)
|
صباح أحمد سلامااااااااااات
ياجماعة المسألة دي نفسية ما اكتر يعني تلقى واحد يتمايع ويتمال وربنا خلقوو راجل يجي يتشبه بالنساء خيبهم الله وده تدني ما بعدوو تدني ...وللأسف الشديد أمثال حمادة بت كتاااااار وربنا يشفيهم ويكفينا شرهم والأفظع من كده سمعت أنو في بعضهم بيغني بالدلوكة وفي منهم البيعلم البنات الرقيص والله يخيب الراجل البيجيب راجل عشان يعملم عروستو او بنتو الرقيص ... بالله عليكم في استهتار اكتر من كده ...بس يا صباح انا ما معاك في مسألة انو في شباب سودانيين متزوجين شباب زيهم او خواجات ... ممكن تكون علاقات شازة بس ما ممكن نقول انهم متزوجين لأنو لا ديننا ولا قيمنا بتشبه الحالة دي ... قبل فترة قريت موضوع بس ما فاكر قريتوو وين انو في دولة اوربية أجازت زواج الجنس الواحد يعني مرأة تتزوج من مرأة مثلها او رجل يتزوج من رجل مثله...بس باين ده اخر الزمن وياما حنشووووف.
| |
|
|
|
|
|
|
| |
صباح احمد
khider
سجيمان
صديق الموج
almulaomar
saadeldin abdelrahman
خضر حسين خليل
عوض الله الفولانى
nazar hussien
Nasr
SILVER MOON
شريف درار شريف
فيس بوك
تويتر
انستقرام
يوتيوب
بنتيريست