|
|
|
 Re: يا الضاق بيكم المكان فزيتو ورحلتو واغتربتو (Re: benyya)
|
شكرا يا بنيه للاهــــداء في هذا الزمن الصعب ..
اهديها لوالدتي الحبيبة وأتمني لها الصحة وطول العمر...
وكل امهات بلادي واخص الصابرات منهن علي قسوة الحياة وعلي فقد ابنائهن وبناتهن في جحيم الغربة وجحيم الوطن الأم..
الف شكر يابنية
| |
 
|
|
|
|
|
|
|
 Re: يا الضاق بيكم المكان فزيتو ورحلتو واغتربتو (Re: benyya)
|
الأخت العزيزة بنية، التحايا النديات..
لفت نظرى لهذا البوست زوجتى نازك وهى تعرف أننى منذ الأمس لم أجد فرصة لتصفح سودانيزأونلاين.. فكان أجمل هدية فى يوم مغطى بالتعب.. حاولت التعرف على الكلمات والمغنى ففشلت، فأرجو منك إضاءة.. باقى أنا طولتّ من البلد، لكن ظانيتو يس عبدالعظيم.. رغم أنها –أى الأغنية- تصلح كرد على أغنية محمد جُبارة (يُمة) التى غناها فى سبعينات القرن الماضى يطلب فيها من أمه أن ترسل له عفوها لينجيه من جور الزمان..
أغانى الشايقية بما تمتلئ به من حنين، فيها أيضاً أجمل وأرق المخاطبات بين الأم وأبنها (كما هذه الأغنية) أو بين الأب وأبنائه وبناته، أو الإبن وأبيه كما فى رائعة صديق أحمد "ريدكم لىّ شديد يايابا.. وريدى أنا للبريدو شديد.. إلا أنا مامعاكم ديمة..إلخ"، أو الإبن وأمه كما فى رائعة جبارة السالفة.. وأيضاً رائعة "حميد" التى غناها محمد كرم الله، وكنت قد كتبت عنها العام الماضى بوست زينوبة كُر من حالى كُر.. قاعد لى فوق كيمان جمُر
ولى قدام.. مع الأمنيات..
عدلان.
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: benyya)
|
الاخ الاستاذ عدلان
الاغنيه من اداء عبد الرحيم ارقي
وكلمات ابراهيم عبد الوهاب
والاغنيه علي لسان ام قرر ابنها الوحيد الحبيب ان يسافر وقرر يهاجر من البلد وهي بتحاول تقنعه ان يبقي و وبتقول لي انه دائماً كان معها وانها ما حتقدر علي فراقه وبتقول مخاطبه ابنها
ليه انت لم خلاص كبرت داير تسيبني اعيش براي داير تفارقني وتهاجر والحزن يصبح جزاي وكيف
يهون لك تحزن امك عشان تحقق ليك غايي
كان مهاجر عشان علاجي بلقي في شوفتك دواي
وبتعدد ليه كميه من الاسباب الممكن تكون سبب
في هجرته وبتستنكرها كلها
وفي النهايه بقتول له لا تسيب امك تهاجر يمه محتاجه الحمايه
لا تسيبني وراك ترحل انت ياك ضلي وضراي
دايره منك تبقي جنبي في فرحي وبلاي
دايره اقضي عميري جنبك اصلو قارب للنهايي خايفه كان سافرت ترجع تلقي فاضل بيت بلاي
حينا ما بتنفع قروشك وما بتجيبلك ام سواي
ماني عارفه سبب رحيلك يا وليدي شنو الحكاي
الا تبقي براك شايف في فراق الوالده غايه
عافي منك وراضي عنك سوي رضاي
وما بيخيب الرضا والدتو يا جناي
ده جزء كبير من الاغنيه
وتشكر علي الوصله وغناء الشايقيه كله حنان
لك التحيه وللاخت المناضله نازك
والله يخلي ليكم وليداتكم
لى قدام
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: benyya)
|
بينيا الحبيبة ,
أولا شكرا لتخصيصك لينا !
والبوست جميل وكلو معانى !
لكن هردتى قلبى وكبدتى بالغنية دى !
وربنا يرحم والدتى , ووالدى , ويغفر لهما .
ويرحم كل ام واب ماتو بالشوق لأبنائهم !
ويطول عمر كل ام واب فى انتظار عودة الغايبين ولم الشمل , ويبل شوقهم ويفرحهم .
وفى فرحكم جميعا فرحنا !
لكن الغمة الفى السودان دى لا دعا بيمشى فيهم , ولا مناصفا جايبة تعبها !
غايتو رب العالمين يزحهم من وشينا ويريحنا منهم !
غايتو بلوة وانزرعت وبقت زى الرماد !
والرماد اليكيل خشومون , وليهم يوم اسود زى خلقون دى , دخلوا على البلد بالساحق والماحق ,
وربنا يمحقون ويقصف عيميرون , ونشكيهون لى اقوى مننا وأقوى منهون .
وهدية منك مقبولة وجميلة وظريفة ,
ولى قدام !
ست البنات .
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: benyya)
|
العزيزة بنية
تحياتي
شكرا لهذه الاغنية - التي حاولت جاهدا سماعها ولكن زي كا قالت الجندرية في يوم من الأيام كمبيوتري انطرش واتبكم.
والوقت كالعادة قاتل - لكن لا بد لنا ان نكون لصوصا لنسرق منه شيئا.
كل الود لك ولحضورك الجميل.
تحياتي
| |
|
|
|
|
|
|
|
|
 Re: يا الضاق بيكم المكان فزيتو ورحلتو واغتربتو (Re: benyya)
|
الاخت العزيزه بنيه،
شكرا ياعزيزتى للاهداء الرقيق،
والذى ان دل على شى انما يدل على صدقك فى الانتماء الى بلدنا الصابر اهله،
فانت يا اختاه امرأه بحجم الارض،
احيى عقلك الكبير، وقلبك الكبير وافقك اللذى لاحدود له،
لك من الحب مابعد الخط الوهمى اياه...حينما تبدوا السماء تلتقى والارض، فهما لايلتقيان ، انما مجرد وهم بصرى....
وحقك على ياعزيزتى،
سلام سلام سلام.
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: ست البنات)
|
Quote: عندما صار الوطن سجن كبير ..
يعنى حتى عندما اخرجنا من المعتقل
خرجنا الى سجن كبير ..
ففضلنا المنفى عن السجن |
الاخ معتصم الطاهر
المعتقل سجن والوطن سجن
عندما تحاصر الافكار وتصادر الحريات وتحس انك غريب في وطنك
ملامح الغربه علي كل شي مسلوب
مادام حال
سيعود السودان حضنا داف يتسع للجميع ويعودوا هم الغرباء
لك تحياتي وودي
لى قدام
بنيه
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: benyya)
|
Quote: بما أننى ممن ضاق بهن المكان وأغتربن
دخلت لاقول:
المشكله هى أن الغربة ذاتها ضاقت بينا
وما عارفين نمشى وين بعد كدا.
سلام... |
الاخت العزيزه نور تاور
ان بعد الضيق فرج
وبعد العسر يسرا
وبما انك ذقت مراره الغربه من زمن بعيد
تجاهدين..
وكنت مرآه لما يحدث ويدور علي اهلنا البسطاء صابرين مظلومين
اتمني ان ينجلي الظلام ويجتمع شملنا كلنا في وطن شامخ ديمقراطي
وطن اسمه السودان
لك تحياتي وتقديري
ولى قدام
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: benyya)
|
عزيزتي رودا
كلماتك لها وقع عذوبه النضال حين يثمر
راسخه في قلبي كجبل مره
ضاربه في اعماقي عقلي وقلبي
بقدر صبر اهلنا الغلابه التعابه
وسنعود لذاك الوطن حنرجع عشان نبنيه وطناً يلمنا كلنا في سلام وامان
كلنا
رغم انف كل الجبناء
تحياتي يا راقيه
وتسلمي
و
لى قدام
| |
|
|
|
|
|
|
|
|
|
Re: يا الضاق بيكم المكان فزيتو ورحلتو واغتربتو (Re: benyya)
|
| Quote: مالك يا اختى بتردى على الناس كلهم ، وبتفرزينا أنا وأختى نور تاور ????? |
عزيزتي
ست البنيات
انا كنت بعقب علي بعض الناس
ووقفت عند الاخ معتصم
لظروف خارجه عن ارادتي
لم افرزك واتجاهلك
لا عاش من يفرزنا
العفو والرضا
ولك تحياتي وخالص مودتي
لى قدام
| |
|
|
|
|
|
|
| |
benyya
tmbis
Sakotaweya
nada ali
عشة بت فاطنة
Yasir Elsharif
Elmosley
معتصم الطاهر
ست البنات
Abo Amna
إيمان أحمد
nour tawir
Elawad Eltayeb
فيس بوك
تويتر
انستقرام
يوتيوب
بنتيريست