|
|
|
 Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
Quote: انا بكتب الواقع اللي انا شايفاه .. سواء ضمناأو شالتنا البورة
|
الجااااااااااااااااااااااااااااك
اختي عزاز :
ليك التحية وانتي بتكتبي في الموضوع ده بس المشكلة انو كلام زي ده ما حايحسو الا زول عايش هنا ومهما تحكي ماف زول حايقدر يتخيل الوضع بالنسبة للمرأة هنا كيف...
للاسف السعودية بي ناسا والاخلاقيات البقت منتشرة هنا باقي لي الأبواب المؤصدة هي خير وسيلة للحفاظ علي اخواتنا وامهتنا وبناتنا ...
اظنك متفقة معاي انو الناس ديل عايزين وقت طوييييييييييييييييل عشان يتعودوا علي انو يشوفو ليهم بت ماشة في الشارع بدون عباية ولا بت سايقة عربية ولا بت قاعدة في مكتب في نص 7 رجال .....
بالجد نتمني انو نسوانا يوصدو الابواب جيدا في بلد سياسة القفلة فيهو للشباب ادت دور عكسي في التصرفات الطايشة ...
تاااااااااااااني ليك التحية ...هاك البورة دي 
| |
 
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عمر الفاروق شيخ الدين)
|
أخوي الماشي كداري لمن وجعته رجلينه .. عمر ...
انا ما طالبت انو نشيل العباية او نمشي في الشارع .. انا بطالب السودانيين انهم يخلقوا نشاط اجتماعي يحرك البحيرت الراكدة في عقول النساء ... انا لا اعتراض لدي علي قانون البلد، وهذا شأن سياسي لا يعنيني (ما تجيب لي الكفوة) ولكن نحن بأيدينا ان نخلق وضعا افضل للجالية السودانية في السعودية ... احضر الكثير من الامسيات الشعرية والمعارض التشكيلية والندوات الثقافية ولا ارى الكثير من النساء!! مااريده هو ان نخلق منتدى عاما او دارا للجالية تطرح فيه انشطة للمرأة السودانية واضعين بعين الاعتبار الظروف الاسرية وغيرها من العوائق ..
نحتاج ما يلي :
يوما ثقافيا في الشهر
نادي للكتاب
معرضا للصناعات اليدوية
يوما خيريا
يوم للطبق الخيري
يوما تراثبا للنشئ الحنكوش
يوما لكبار السن ليروا مثلائهم
يوم للصلات الطيبة
يوم ساكت كده الناس تتلم فيهو
ايام السنة 356 ممكن نستثمر بس 10 ؟!
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
الاخت عزاز :
الاسرة السودانية تركبيتا غريبة عاملة زي شنو كده في الفيزياء تكسب بسهولة وتفقد بسهولة ...
نحن بنتطبع بي اي عادة سريع جدا وده البيخلي رجال السودانيين في السعودية يشيلو طبع السعوديين ..يعني لاحظي معاي وانت ماشي لي زيارة أسرة الراجل اصلو ما بيقول ليك خش سلم علي الاولاد لكن نفس الراجل وفي اجازة في السودان بيقول ليك كدي خش جوة علي الاولاد اتونس معاهم ...
طبيعة البلد ما بتسمح بي الحاجات دي وانتي ست العارفين ...
جلسة شعرية = استراحة = اختلاط = مطاوعين = بشتنة رجال = خروج نهائي
رسم= حرام = تشبيه ارواح = خروج نهائى او سجن
لمة في بيت = شقة = ضيقة = ما بتشيل الناس يبقا البنات في جزء والرجال في جزء
والله انا اكتر المؤيدين لي طلبك ده علي الاقل لاني شفت كيف بنات المغتربين بيمشوا يتهجمو هجمة لمن يشوفو بت بتعمل calling والعجب لو واحدة شايلة حجر وبتهتف جيش واحد شعب واحد ...
تخريمة خارج النص:
الخال ود قاسم وفي تجمع البورداب اتاح الفرصة لمشاركة العنصر النسائي وكانت المشاركة صفراً بالرغم من ان الابواب كانت مفتوحة علي مصرعيها ...انه التطبع اختي عزاز ...
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
العزيزه بنت ابو الشام
تحياتي
لتجربتي واخرون هنا رأينا أن نسمي هذا الواقع (بالسعوديه بنين)
الامر لم يكن اعتباطا بقدر ماكان خلاصه لتجارب شخصية . المرأة السودانيه
والتي تحولت بقدره هيئات الامر بالمعروف والنهي عن المنكر لمجرد (عباءة سوداء)
تتحرك مع زوجها كتابع ليس الا . الاشكال الحقيقي ياعزيزتي هو في الاستلاب الثقافي
الذي حدث للمراه السودانيه في دوله بهذه المواصفات . للاسف انتقلت هذه
السؤات جميعها لتشغل حيزا واسعا وسط الاسر السودانيه ولاأستغراب
مامررتي به من تجربه مع صديقتك يؤكد مدي الازمة .
المسرحيه الهذيله تبدأ من زيارة عائله والدخول من باب (الرجال). والخروج
بعد ونسه كاربه مع راجل البيت .
البلد دي صعبه جدا
| |
|
|
|
|
|
|
|
|
|
هذا الموضوع مؤلم (Re: عزاز شامي)
|
الأخت عزاز
هذا الموضوع مؤلم .
المسألة فى عموميتها تمتد إلى الفكر الوهَابى المتشدد المتخلف.
ماذا جنى هذا الفكر على مستوى تطبيقه طوال قرنين فى السعودية على مستوى الأخلاق التى ظن أن علاجها يكمن فى فصل الرجل عن المرأة و ملاحقتها بالسوط فى الشوارع.
جنى فشل تام و إنحطاط أخلاقى مريع. هل تستطيع إمرأة أن تمشى فى شارع من شوارع السعودية حتى جوار الحرم دون معاكسة أو تحرش.
إذا ماذا أجدى حجب وجه المرأة وحرمانها من حقوقها؟
هذا فكر الجاهلية. فكر وأد البنات فكر ذكورى لا يرى فى المرأة الإ مطية للشهوات
المريع و المدهش إعتناق عدد من السودانيات لمثل هذا الفكر الذى اول مايفعل تجريدهن من إنسانيتهن
كلام عجيب!!!!!!
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
استوقفتني هذه العباره انا ايضا في احدي مطاعم ماكدونالد
قسم الافراد
قسم العائلات
طيب علي قولك الولد الرجال منو؟
لدي خربشه صغيره
يؤسس الكثيرون ان صوت المرأه عوره ناهيك عن جسدها الملئي بالعورات
وايضا ان حواء خلقت من ضلع معوووج لادم
يقول تعالي في محكم تنزيله
و(لقد كرمنا بني ادم) صدق الله العظيم
الحاصل شنو ؟
طيب نرجع تاني للسودانويه في السعوديه بنين
حدثتني صديقه اعتز بها تدعي (ع . أ)
وهي شابه لطيفه من جميلات بلادي رماها حظها العاثر او (العاتر) في راجل
مغترب اكتملت الافراح في السودان وانتقلت هي بدورها الي الاراضي المقدسه
وبما ان حظها العاثر لم يبارحهها . كان زوجها يعمل في احدي المدن والتي
يعتبر اهلها اكثر تطرفا . المهم
جاءتها في يوم من الايام احدي جاراتها السعوديات . والشابه دي ماقصرت شيلك يالشاي
شيلك يالقهوه وهاك ياونسه ولكأنها في حوش منزلهم ذات وطن خلي .
المهم خرجت منها السعوديه واشتكت لزوجها والذي قام بدوره بنقل الشكيه لزوج ص
صديقتي . كانت فحوي الشكيه بأن (ع . أ) كانت تضحك بصوت عالي وأضافت ايضا
انها لم تكن محتشمه وهي تجالس ضيفتها.
والمشكي لي الله
نموزج اخر
لايعجبني البته
المذادات المفتوحه في المناسبات
تزعجني جدا كشكشات الاساور وتلويح الايادي لاظهار (معادن بني شنقول)
طيب الحل شنو
ساعود
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: abuguta)
|
عزاز بت الناس العزاز
تحياتي
موضوع جميل و طرح هادف
الذي يعجبني في المرأة هو تكيفها السريع مع أي واقع تعيشه ( ربما بسبب ما جبلت عليه من صبر و تحمل للمعاناة النفسية أكثر من الرجل ) ..
فالتي تعيش في السودان أو في الغرب ثم تأتي لتنغلق في شقة في الخليج سرعان ما تتكيف مع وضعها و تخلق جوها الخاص بها ..
و بالعكس .. التي تكون منغلقة هنا في الخليج ثم تنفتح على العالم الرحيب نجدها تتكيف بنفس السرعة السابقة ..
تبقى المشكلة هنا في الخليج عموما .. لم لا تتحرك المرأة السودانية إجتماعيا وسط بنات جلدتهالخلق نوع من التواصل الإجتماعي و الطوعي و الخدمي بدلا من إنتظار عريس الهنا أو الزوج الذي يأتي منهكا لا يكاد يرى أكثر من أرنبة أنفه. فعلا إنها غربة من نوع آخر و لكنها غربو طوعية أكثر من غربتنا الطوعية في ظاهرها و الإجبارية في باطنها بمقاييس ( إيه اللي جبرك على المر ؟ قال اللي أمر منو )
تسلمي
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: abuguta)
|
أخت عزاز مسكاقمي
ومبروك الخطوبة أولاً وربننا يتمم على خير ويجعل أيامك كلها سعيدة
دائماً كنت في جدل مع زوجتي خاصة في اول ايام قدومها للملكة قبل تبلد الأحاسيس والقنوع والارتكان للوضع المفروض عليها
كنت أطالبها دايماً أن تمارس بعض الهوايات التي تخفف عليها طول الانتظار خلف الابواب الموصدة مثل القراءة والكتابة وتعلم الكمبيوتر وبعض الحرف والصناعات اليدوية وعدم هدر كل الوقت أمام التلفاز والمسلسلات التي لا تنتهي أبداً
مشكلة المرأة في السعودية أنها لا تستطيع التحرك والتنقل لوحدها بسهولة والازواج مستهلكون في العمل ولا هامش للوقت لديهم الا في عطلة نهاية الاسبوع وهي مخصصة في الغالب للمجاملات والزيارات العائلية وقليل من الوقت لفسحة الاطفال في حديقة عامة أو متنزه حتى هذه غير متيسرة في فصل الشتاء للظروف المناخية الممطرة والبرد في معظم مدن المملكة.
وسفارتنا العتية لا تفلح في خلق جو سوداني للعوائل وللمرأة بصفة خاصة لتمارس أنشطتها وكل همها في الجبايات والاتاوات المفروضة على كاهل المغتربين.
وأضم صوتي لصوتك أخت عزاز لخلق كيانات نسوية ثقافية أو حتى جهوية على قرار الجمعيات الخيرية التي نجد فيها بعض المتنفس نحن قبيلة الرجال
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: خضر حسين خليل)
|
أتفق معك يا أخت عزاز في أن الإقامة خارج السودان تجعل السوداني مكبلا بقيود الدولة المضيفة ويضيق نطاق العمل العام الذي اعتاد أن يؤديه بقدر القيود المفروضة.
ورغم أن هذا الأمر يبدو أكثر وضوحا على المرأة إلا أن الرجل أيضا لا ينجو من هذه القيود التي تؤثر سلبا على شخصيته ودوره العام.
وهذا الأثر زاد أيضاً في ظل النأي عن الأنظمة الشمولية الحاكمة وأدواتها في تلك الدول (سفارات ومنظمات عمل مدني مؤدلجة).
ويزيد هذا الأثر ويقل حسب درجة الحريات العامة التي تتيحها الدول، فالوضع يختلف مثلا بين المقيمين في الولايات المتحدة وكندا ودول أوروبا عمن يقيمون في البلاد العربية ودول الخليج. والسودانيون هم أكثر الناس تأدبا في انتقاد السياسات الداخلية لبلاد تضيفهم كالمملكة العربية السعودية، فهي تتيح لهم مساحة لم يجدوها في أوطانهم ويقبلون الأمر على علاته، ويتعاملون بسياسة الأمر الواقع.
وأرى أن التغيير الوحيد يمكن أن يتم من خلال السفارة فهي الجهة الوحيدة التي لها حرمة تناسب القيام بنشاط حر والمحافظة على كرامة وحرية المضافين، كما تفعل سفارات كل الدول في الرياض. وللأسف فسفارتنا مشغولة بكونها اليد الإقتصادية للنظام أكثر من كونها رافد اجتماعي أو ثقافي. وهي لا تتيح من الحرية السياسية أكثر مما يتيحه النظام الحاكم في السودان. فهو نظام لم يستوعب السودان ولذلك لم تستوعب سفاراته السودانيين.
والمواضيع متشابكة وموجعة. ولنا الله.
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
يا حسين ملاسي
الامر منه دا بكون غسيل العدة
باقي الايام دي اعاني الامرين منها في البرد دا
عزاز
لك التحية
اعتقد ان كثير من مشاكل الاندماج تعانيها المهاجرات او اللواتي يعشن خارج الوطن
ناس اشراقة مصطفى عندهم منظمة عديل بتشتغل في المجال
ناس ندا امين وجمعية المرأة السودانية في واشنطن برضو عندهن اساهمات
ياريت نسمع من الجميع
احتراماتي لك ولضيوفك / اتك
| |
|
|
|
|
|
|
|
|
 Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
بسم الله الرحمن الرحيم
الأخت العزيزة بت أبو الشام
السلام عليكم ورحمة الله وبركاته
موضوع عذابات ومشاكل الغربة موضوع يطول الحديث فيه...ولكن طبعآ لكل بلد عذباته الخاصة به...يعني الغربة في البلاد العربية تختلف عن تلك التي في الدول الأوربية وأمريكا...ربما يكون التواصل مع الأخوان والقرب من الأهل والوطن وعامل اللغة والدين أفضل في دول المهجر العربي...بينما تكون الهجرة لأوروبا وأمريكا أقسي وأصعب...عمومآ أفضل الهجرة لأمريكا لأسباب خاصة...بس إنتي هسع عروسه...مالك ومال الكلام ده..هو ده وقتو يا عزاز?
مع الود والتحايا
أخوك راشد الحاج
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: Rashid Elhag)
|
يا عزاز ،شكلك دايرة تـدى الراجل العين الحمرة من حسع
وتقولى ليه كان سويت شنو ما بسيب الشغل واقعد ليك فى البيت.
والله فعلا مشكلة المرأة فى السعودية مشكلة والواحد فينا بحن عليهن
والواحد زى ما بيقولوا بقى شغال برئة واحدة ، لكن تفتكرى الحل
شنو ؟ يعنى المطاوعة كان لقونا بى نسوانا برضو عندهم كلام
غايتو الله يكون فى عونن
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
الأخت عزاز
حقيقى الموضوع هام للغاية ولكن بصراحة اخى عمر الفاروق قال كلمة امتثل بها هنا واكررها
Quote:
بالجد نتمني انو نسوانا يوصدو الابواب جيدا في بلد سياسة القفلة فيهو للشباب ادت دور عكسي في التصرفات الطايشة ...
|
لانه بصراحة الناس هنا مش الناس البنعرفهم فى السودان ولا الاحوال هى الاحوال واظنك اكثر الناس علما بذلك والبنسمعوا يخلينا نقفل الباب ونوصى بأن يبقى موصدا حتى عودتنا...
وما كل ما يعرف يقال عزيزتى وانتى سيدة العارفين بالاحوال هنا ...
اكرر واقول :
حسبنا الله ونعم الوكيل
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
الأخــت / عزاز ، تحياتى
موضوع مهم وكبير جدا جدا ، لأنه يخص شريحه ذات ثقل فى مجتمعنا
فنساءنا هنا فى السعوديه يلقين مرارة الغربه من طعم بشع جدا جدا ، رغم البشاعه التى نعاييشها نحن الرجال فعند نساءنا لها طعم آخر ، أقول هذا لما احسه والمسه عند عودتى
من نصف الدوام الأول ، ادلف لداخل الشقه لأجد عيون زوجتى متعلقه بالباب رغم علمها يقينا
بأن الدالف هو زوجها ولكنى اجد عيونها تتعلق بالباب هى والصغيره جومانا ، اسلم وادخل
بكل هدوء واعمل نفسى اننى لم ارى شيئا ولم احس شيئا ايضا ، ولكنى رأيت أشياء كثيره فى هذه النظرات سوى من الزوجه او الصغيره ، أحسست ايضا اشياء كثيره من الحرمان واللهفه فى سبيل فك القيود لهم وعتق اسرهم ، تجرى الحياه على هذا الرتم عند عودتى
من الدوام الثانى لأجد أن الحال ضاق ووصل اقصاه من الضيق لديهم لأجد خروجه مجهزه مسبقا
رغم علم الزوجه بحالى وتعبى وشقائى طوال النهار أرضخ احيانا واتذمر كثيرا فى أحيان اخرى ، هذه هى الحياه فى السعوديه ملل وحرمان من الحريه واقصد بالحريه هنا حرية الحركه فلا الزوج يسمح لزوجته بالخروج لوحدها ولا الزوجه ستخرج ان رضى الزوج بذلك لوحدها ، فكلانا اعتاد على هذا النمط وعايشناه لأنا وجدنا قبلنا من يعايشه وحاولنا ان نتصالح معه ، غصبا عنا ، ولكن يبقى البحث عن الحريه ديدننا .
فلكم الله يا نساءنا فى السعوديه ولكم الله يا فلذات اكبادنا ، فأنتم تعانون اكثر مما نعانيه نحن فى الخارج ، نسأل الله ان يرد غربتنا جميعا فى وطن واحد كبير متعدد
الأعراق والثقافات وطن هو السودان .
أبو جومانا
| |
|
|
|
|
|
|
|
|
 Re: في السعودية : نساء خلف الأبواب الموصدة ... غربة من نوع آخر! (Re: بشير حسـن بشـير)
|
| Quote: السودانية في السعودية تقضي أيامها خلف أبواب موصدة ونهار طويل في انتظار عودة الزوج أو ملازمة لأهلها بعد أن حصلت على شهادتها وعلقتها في |
فعلا يا عزاز ، المرأة في دول الخليج عامة هي جارية وتابعة للرجل زوجا كان أب ويأتي الوضع في السعودية ليتصدر قمة هرم المأساةفهي القيشة بجد التي وجدت لترفه عن السادة الرجال في دول المهجر حتى ولو كانت تفوقهم علما وذكاء فأرى نساءا صغار في السن تحولن الى عجول من عدم الحركة وتهششت عظامهن وهن في ريعان الشباب تحس المرأة السودانية في السعودية كأنها الة حين تنظر الى السعرات والكسترول الذي يغطي ملامحا وكتل الذهب التي تزيدها بلاهة على بلاهة ، ترى انأن هناك خللا ما !! وأن تحت هذه الكتل ما هي إلأ غطاء لأكتئاب الذي تعانيه المرأة في الخليج والحياة البائسة لأنسانة معطلة عن الحياة أنها تعيش في عصر الحريم في الالفية الثالثة لها الله .
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
الاعزاء المتداخلين
لكم التحية والتجلة على فتح هذا الوجع الذي نعانيه نحن النساء في بلد ابسط ما يقال عنها انها سجن للنساء بلا تحفظ - هي سجن لكل من كتب عليها الشقاء
نعم اوافقكم القول بان ثقافة هذا البلد مبنية على هذا النمط ولكن ماذا فعلنا نحن كسودانيين ؟؟ هل نرضى بهذا الذل والموت السريع وليس البطيْ؟؟؟ هل يشفع لنا ما يقوله البعض باننا تطبعنا على اي وضع ؟؟؟ اعتقد ان هذا قمة الاستسلام
اسأل ما هو دور الرجل حيال هذه المعضلة؟؟؟ يمكننا نحن كنساء ان نكون مجتمعاتنا الصغيرة سوى جلسات ومنتديات ثقافية او غيرها يمكننا ان نخلق يوما كل شهر مثلا كاسر ونخلق برامج للاطفال وتعليمهم على الاقل جزء من ثقافتنا الام وربطهم بكل تراثياتنا ولكن لابد من مساعدة الرجال طالما حكم علينا ان نكون في بلد الرجل فيها سيد الراي
يا سادتي مساعدتكم مهمة وضرورية تمليها عليكم انسانيتكم وفهمكم للمرأة ومكانتها
كم منا مهندسات وطبيبات وباحثات ولكن كم بالله عليكم حاول مساعدة وتشجيع زوجته للبحث عن وظيفة؟؟؟؟
مشكلة الرجال(معظمهم) في السعودية انهم تطبعوا على ثقافة هذا البلد - تصوروا كثير من الاحيان وانا مارة في طريقي مع اسرتي - كثيرا ما نقابل اسر سودانية ولكن لا سلام لماذا؟؟؟؟؟؟؟؟؟؟؟؟؟؟؟؟لا ادري
وكثير من النساء تطبعن بثقافة هذا البلد واحيانا تحس بانها مفروضة عليها من قبل الزوج
كتب علينا نحن النساء التضحية دائما من اجل اسرتنا واستقرارها بان نكون مع الزوج في بلد كهذه ولكن نحتاج لمن يمد لنا يد المساعدة - صرنا كما قالت صديقتي ( اذناب الاستعمار)
اذكر موقف وانا قادمة جديدة للسعودية وانا في طريقي , في الاتجاه الاخر كان هنالك سودانيين قادمون تجاهنا وبدون ما اشعر استعديت مبتسمة للترحيب بهم وفعلا عندما اقتربوا بادرت بالسلام , هنا نظرت المراة لزوجها الذي لاذ بالصمت ومروا مرور الكرام .. بعدها عرفت بان نظرتها كانت استئذان للسلام ..
ولكن لابد لبنات جنسي من ان يلتفوا ويكونوا مجتمعاتهم باي شكل تسمح بها ظروفهم - على الاقل الواحدة تحس بانها انسان مكتمل الاهلية والنضج
والكلام يطوووووووووووووول
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
والله موضوع جميل وحأجيكم برواقة عندى كلام كتيييييييير فيهو . بس
تخريمة بسيطة.
أمس مريت بأسرة سودانية مكونة من زوج وزوجته وهى تحمل ابنتها الصغيرة
التي رزقها الله بها بعد 18 عام من الزواج ودى معلومة جاتنى لاحقاً وطبعا
من الطبيعى جدا سلمت على الراجل وبما أنه زوجته مامنقبة يعنى كاشفة وجهها
قلت أكيد ماحتكون عندها مشكلة فى مصافحة الرجال حقيقة اترددت شوية خوفاً من
الحرج لكن تانى قلت لو ماسلمته تقوم تاخد عنى فكرة بايخة وتقول دا شنو البايخ
الدمو تقيل اها مديت يدى وانا خايف وخصوصاً المكان لايستحمل أى احراج والحمدلله سلمت
على ومااحرجتنى وتنفست الصعداء ذيى مابقولوا اها لغاية هنا تمااااااام المشكلة بدت
وين؟ بعد ماتمت عملية السلام الصعبة دى صاحبنا (زوجها) وشه اتلخبط واتكدر ولسة مااديتو ظهرى اشوفوا بينهر فيها عشان تضع النقاب على وجهها ( معقولة ياناس ) انتوا دا القرن الكم ؟ لأنو صراحة انا متلخبط من أمبارح وماسكنى طمام من طريقة النهره والأسلوب وماقادر أركز عشان أحسب السنين لكن حاسي انى رجعت لعصر الإنسان الحجري الفرق الوحيد انى رأيت انسان القرن الحجرى يعبث بتكنلوجيا القرن العشرين زي ماقال بروف عبدالله الطيب ( طبعا الراجل كان بتكلم فى الجوال وهو بنهر فيها) . اها كمان الفي البيوت دا نجيهو بعدين .
ملحوظة ياناس :
Quote: وتحمل ابنتها الصغيرة
التي رزقها الله بها بعد 18 عام من الزواج |
طبعا للناس المابعرفونى الرقم دا قريب لعمرى طبعا هو ذايد شوية  اها دى لو
كان سلم عليها عمو عمر الفاروق اسى المسكينة كان اطلقت .
عزاز جايييكم تانى ماتقفلوا حوشكم دا
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عشة بت فاطنة)
|
[QUOTE]"فعلا يا عزاز ، المرأة في دول الخليج عامة هي جارية وتابعة للرجل زوجا كان أب ويأتي الوضع في السعودية ليتصدر قمة هرم المأساةفهي القيشة بجد التي وجدت لترفه عن السادة الرجال في دول المهجر حتى ولو كانت تفوقهم علما وذكاء"[/QUOTE]
الأخوة الكرام.......
الأستاذة عزاز وضعت الملح على الجرح بحثاً عن حل!!!![/B]
غالبية الأزواج يعانون ماتعانيه زوجاتهم وبناتهم المغلوبات على امرهن ..... بل يعانون الأمرين ... معاناتهم الخاصه فى العمل .. فى الشارع .. ومعاناة اسرته فى البيت وهمومه المتواصلة نحو الأرض والوطن .. مهما كان المستوى الفكرى لهذا الرجل والواقع ليس كما قالت الأخت عشة بت فاطنة ان المرأة هى جارية وتابعة للرجل ووجدت لترفه عن الساده الرجال فهذا والله انتقاص مجحف فى حق شقائق الرجال ....المرأة السودانية - دون تكريس - هى السند والواحة وشاطئ الدفء الذى يلجأ اليه الرجل حتى السلبيون منهم و(حتى سى السيد)
ونعم ..... اصبحن شريحة كبيرة جداً ومؤهلة جدا جداً ومعطلة مع سبق الأصرار!!! ولكن هل بيدى أم بيد عمرو؟
أذن المشكلة تتسع لتصبح مشكلة دولة ... تعطل فيها صوت العلم والفكر والأبداع الأنثوى - فى هذا السياق - بأحد أهم الأسباب هى الأغتراب وأدمان الأغتراب .... وأقف عند هذا المنعطف حتى لا ينحرف الموضوع الى جدل آخر يخرجنا عن الموضوع الأصلى وهى انها رهينة عدة محابس ولكن ... دون ان تكون جارية اوتابعة منقاده
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: bushramk)
|
الاخت عزاز
موضوعك شيق
بالجد حياتكم فيها معاناة شديدة
ونحن في الدول الغربية صاح سايقين عرباتنا ...الخ والحياة امنة
ولكن لدينا معاناة اخري اللة لا وراك ليها
الغربة في كل شي من الطقس للغة العادات التقاليد والدين...الخ اي شي غريب
تحتاج لوقت طويل للتاقلم حتي الشهادات لا يعترفون بها في هذه البلاد
كلما ازور الوطن احس بان سنيني ضاعت في بلاد لا طعم لها
تقديري واحترامي
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: عزاز شامي)
|
الحبيبة عائشة بنت فاطمة
نعم فالحديث يطول ولكن قبل ان استرسل في الجانب المظلم لابد ان اطمئنك بان هنالك من نساء بلادي من يمتلكن من الفهم والوعي ما جعلهن يتحركن في المساحات المتاحة وان يخلقن كيانات نسوية وكيانات اجتماعية هادفة - نحن مثلا لدينا منتدي ثقافي نسوي شهريا نناقش فيه شتى قضايانا كنساء في المهجر وقد اقمنا مجموعة من المنتديات ناقشنا فيها مواضيع مشكلات التعليم والتربية لاطفال المغتربين وناقشنا فيها الاثار النفسية والاجتماعية للمرأة في الغربة وكانت عضوية المنتدي تزيد عن ال35 امرأة اراد بعض المرجفون واعداء المرأة من خلخلة هذا الكيان بحجج واهية ( ان ظروف المملكة لا تسمح) بالرغم من ان النساء في المملكة لديهم مالوف شكل لمة (الحريم) (مع اني بكره الكلمة دي لما تعنيه هنا في السعودية) المهم هنا عادي تتجمع النساء عند منزل احداهن محملين بما لذ وطاب ولكن راينا ان تكون مثل هذه الجلسات ذات فائدة للعامة وبدأنا مشروع استغلال اوقات الفراغ بما يفيد المراة وكانت خطتنا بان تكون هنالك دورات تدريبية في شتى المجالات ولدينا من الخبرات التي تبرعت في التدريب في المجالات المختلفة
اردت هنا ان اذكر الجانب المشرق وباننا كنساء يمكننا التحرك في المساحات المسموح بها على الرغم من ضيقها ولكن اكرر مساعدة الرجال مهمة جدا ومن هنا ادعو كل رب اسرة بالمساعدة في ايجاد منافذ للمرأة ان تستفيد من وجودها في الغربة بالشي الذي يعود عليها بالنفع كانسان له قدرات ومقدرات لابد من تطويرها - فما عاد امتلاك الذهب هو همومنا ولا عادت المفاخرة بمكدسات الحلى والثياب هو جوهر امانينا
ولي عودة
| |
|
|
|
|
|
|
|
|
|
Re: في السعودية : نساء خلف الأبواب الموصدة ... غربة من نوع آخر! (Re: أم سهى)
|
ونعم ..... اصبحن شريحة كبيرة جداً ومؤهلة جدا جداً ومعطلة مع سبق الأصرار!!! ولكن هل بيدى أم بيد عمرو؟
بل أنا اقول بيدك اخي بشرا وبيد زوجتك ، عليكما معا جعل الغربة أقل ضررا ، ,أنا لا أطالب المرأة بأكثر من ان تعطى حقها في أن تعيش وتتحرك وتفعل وجودها ، وأم سهى مثال أمامك هي ومجموعتها ليهم الف تحية بحاولن اكسرن الطوق وافتحن كوة من الامل لتغيير واقع المرأة هناك .
أم سهي العزيزة احييك على المجهود الرائع أنتي وصديقاتك ويا ريت كل النساء في الخليج اطبقن جلساتكن المفيدة .
| |
|
|
|
|
|
|
| |
اساسي
خضر حسين خليل
هشام المجمر
abuguta
ابو جهينة
Hussein Mallasi
Habib_bldo
Elawad Eltayeb
مريم بنت الحسين
الجندرية
waleedi399
Rashid Elhag
ترهاقا
قرشـــو
بشير حسـن بشـير
عشة بت فاطنة
Badri
bushramk
فيس بوك
تويتر
انستقرام
يوتيوب
بنتيريست