إنه مرض عضال طالما حير الأطباء في جميع دول العالم ليقف الجميع أمامه عاجزا ، ما عدا ذلك الصيدلي السوداني النابغة ... إنه مرض فتاك طالما فتك بالبلايين في جميع أنحاء العالم ، إلى أن تمكن هذا الصيدلي السوداني النابغة بإكتشاف علاج ناجع له لتقوم منظمة الصحة العالمية بترشيحه لنيل جائزة نوبل في الطب لهذا العام الحالي ...
يا له من شرف عظيم يطل على السودان فيزيد أهله شموخا و عزة و كبرياءا ... يا له من إكتشاف علمي باهر يوضح عظمة السودانيين و عبقريتهم و نبوغهم ... إنه المرض العضال المعروف بمرض حامد (Hamid's Disease) ، و إنه الصيدلي السوداني النابغة و المتواضع لله ... محمد ابراهيم قرض
01-27-2005, 11:45 PM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
(إيه نان يااا قرض الجن حامد ده تاني ما ياكل معاكم عيش ؟؟؟؟
وأهه يالفالح علاجك ده أوعك تقولي يتبخر بي قرض ولا كدي ... ده زمان سوهو وما نفع ...
وأظنه كان في علاج في النيا دي كون عند دكتور سي جي مااااااااااااان ...
أصله كان عنده المرض ده من زمان بس ما ني عارف اتعاج منه ولا داسيه ولا بد به ساكت....
الله يديك العافي مرقتنا من جو المعارك والعكاكيز والعجاجه الضاربه المنبر اليومين ديل)
الشايقي ... يا سلام عليك يا قريبي .. و لعلمك مرض حامد ده ما بيصيبنا نحن الشايقية ضمة ضمة ... حامد ذاته بخاف مننا ناهيك عن مرضه اللعين ..
ما الشايقية نحن أصلنا معروفين ... بلا عشق البنات ما عندنا تقنين ... ما بنتذل ليهم ... بيجيونا تب طايعيين .. و كان بي موت بي حياة ... لازم بنملي العين ..
لذلك من الطبيعي أن يهرب حامد و مرضه من جحافل الشايقية ليقضي على الرباطاب أمثال السجيمان و من لف لفه
السلام عليكم بحكم العمل لفتني البوست وفكرت ما المرض أضحكتني... أشكرك علي هذه الضحكة أحتاجها في زمن فقدنا القدرة عليها... و خليني الوكيل بالسودان عشان الحالات مستعصية ...أغني و أخلي ليك الباقي ...و لا اديهو اميفارما.... تسلم
(السلام عليكم بحكم العمل لفتني البوست وفكرت ما المرض أضحكتني... أشكرك علي هذه الضحكة أحتاجها في زمن فقدنا القدرة عليها... و خليني الوكيل بالسودان عشان الحالات مستعصية ...أغني و أخلي ليك الباقي ...و لا اديهو اميفارما) ..
1-ملأ طلب رسمي بالوكالة يوثق من السفارة الأمريكية. 2-الحصول على ترخيص معتمد من إدارة الصيدلة. 3-دفع مليار جنيه سوداني تأمين لا يرد. 4-وضع دمغة الترابي القانونية (لازمك مشوار لموقع الإقامة الجبرية في جبرة). 5-إعداد عشرة أطنان من زاد المجاهد إستعدادا للنفرة أقصد الوكالة الكبرى
(ونحن بيننا الاستاذ العزيز محمدابراهيم قرض وفى شرف وعظمه اكثر من كده)
سعادة المشير أول معاش هشام ود مدني ... نور بيتنا و شارع بيتنا يوم طليت علينا ... و لو كنت شايقي زينا كنا أديناك أكتر ... لكن براك مشيت للقبايل التانين ... يا ود القبايل ... لك مودتي ...
01-29-2005, 02:44 AM
Ahmed Daoud Ahmed Daoud
تاريخ التسجيل: 01-30-2004
مجموع المشاركات: 755
العزيز قرض اكتشاف خطير جدا ... اهنئك عليه ان شاء الله بس تكون كلمت الفنانة اللبنانية صياح بالعلاج دا عشان هى محتاجة ليهو شديد على حسب رواية الرائع سى جى . لك خالص مودتى
(العزيز قرض اكتشاف خطير جدا ... اهنئك عليه ان شاء الله بس تكون كلمت الفنانة اللبنانية صياح بالعلاج دا عشان هى محتاجة ليهو شديد على حسب رواية الرائع سى جى)
أحمد ... ياخي صباح دي مليون طن من علاجي ده ما بيفيدها ... عشان علاجي ده يشتغل ، لازم تكون الحرمة لسه ما وصلت سن اليأس ... الرسول فيك تتخابر من صباح دي و تشوفها كان ضربت اليأس و لا لسه ما يائسة ... يمكن أكون بهتها ساكت لا سمح الله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Al-Shaygi
المسافر
Ahmed Daoud
فيس بوك
تويتر
انستقرام
يوتيوب
بنتيريست