|
رجاء العباسى عليك الله جاوبى لى على السؤال دة ؟؟؟؟
|
اول حاجة وفى اول مداخلة لى معاك بقول لك ازيك وكل سنة وانتى طيبة بس عندى سؤال على خلفية بوستك المعنون عـلي التوم: اتـفـاقـيـة السـلام السـودانيـة إنجـاز مضيئ... سـودان جـديد (مقال) عاوزك لو قدرتى تجاوبى لى علية ؟ برغم احداث البورد الحالية كنتا قاعد فى ندوة لجون قرنق فى العاصمة الامريكية واشنطن السنة الفاتت وطبعا العقيد شرح ووضح واستمات فى ايضاحاتة باللغتين العربية والانجليزية فى حديثة عن السودان الجديد وانة ما حايكون فى انفصال رغم كل الدلائل المحسوسة وان السودان الجديد سيسع الكل وان فكرة الانفصال دى ما موجدة قمتا سالتة سؤال يا جون قرنق انتا بتنادى بجيشين ونظامين بنكيين وكمان عملتين زد عللى ذلك دستورين فى بلد واحد انتا قلتا انة ما حينفصل طيب يا جون قرنق ممكن توضح ليا كيف تحكم بلد بدستورين وجيشين ونظامين بنكين وبصراحة ما جاوب ليا اجابة كاملة مقنعة وكل القالو ليا يا هاشم ما يا هشام النظامين البنكين والدستورين والعملتين فى ما معناة بتدى الناس فرصة للاختار ايهما الاحسن يعنى لو ما عجبك دستور الحكومة تمشى لدستور الحركة والعكس كذلك يعنى بصراحة والله ما فهمتا قمتا سالت المحاور الاقتصادى لوال دينق نفس السؤال ووالله العظيم اتهرب من الاجابة .. طيب اذا فعلن قلنا السلام فرصة حقيقية وانشاء الله يكتب لة النجاح البجاوب على السؤال دة منوا واذا كنتى بتعتقدى فى السلام ما هو رائيك فيما سردت وما هى اجابتك وفى الانتظار
|
|
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Hisham Amin)
|
العزيز هشام..
ســــلام وتحية..
رجعتا تاني..
أولا السلام المرجو أو المأمول، على الجميع الاشتراك والعمل لتحقيقه.. بمعنى.. الا ننتظر أحدا آخر ان يحقق لنا السلام في وطننا.. وما تحقق حتى اليوم من اتفاقات لا يعني ابدا نهاية الطريق.. بل هي البداية..
سألت د. جون قرنق نفس سؤالك عام 97 هنا في القاهرة.. أيام طرح الحركة الشعبية للكونفدرالية في منبر الإيقاد.. والآن أرى ان الكونفدرالية كانت أهون مما تم التوصل إليه. على الأقل كنا نعرف حقوق وواجبات كل نظام. وقد كانت إجابته انهم لم يقترحوا الكونفدرالية إلا لتمسك النظام في فرض الشريعة الإسلامية..
بالفعل.. النظامين المصرفيين والعملتين المختلفتين، والجيشين، كلها مؤشرات لدولتين.. ومكابر من لا يرى غير ذلك.
ولكن..
الا ترى يا هشام ان من حق الجنوبيين (المسيحيين منهم واللا دينيين) الا يختارو ان يكونو في دولة تحكم بقوانين الشريعة الإسلامية..؟ ما الذي يجبرهم وقد جاءتهم فرصة ان يبنوا دولة وفق تشريعاتهم التي يرتضونها..؟
السلام والوحدة يتطلبان عمل الجميع.. وعدم تحميل طرف واحد فقط مسئولية عدم تحققهما.. فإذا كان نظام الخرطوم حريصا على وحدة السودان لما رضى ان يكون هناك دستورين للدولة الواحدة صاحبة الأديان والأعراق المختلفة..
..
بما ان الحديث بدأ في هذا الأمر.. اريد توجيه هذا السؤال لك ولكل مهتم..
- ما هو الدور الذي يمكن ان يلعبه أي فرد فينا لدعم السلام.. والحفاظ على الوحدة..
تحياتي..
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Raja)
|
معليش يا رجاء الرد دة جاء متاخر شوية كالعادة المشغولية -Quote: ما هو الدور الذي يمكن ان يلعبه أي فرد فينا لدعم السلام.. والحفاظ على الوحدة.. |
والرد هو تناسى الماضى وفتح صفحة جديدة مليئة بالعمل الجاد الدؤوب لرفعة الانسان ليرفع الوطن وهناك الكثير و لكن لن يسعنى الوقت لكتابتة
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Fadel Alhillo)
|
Quote: بما ان الحديث بدأ في هذا الأمر.. اريد توجيه هذا السؤال لك ولكل مهتم.. |
الاخ فاضل الحلو التحية يا اخى العزيز كلامى وكلامك وكلام رجاء شكلة كدة ما جايب دخل وشكلة تانى لو الكلام ما بقى فية نبذ لناس الانقاذ والدين وتعرية المتخفين مافى زول حايهتم والغريبة كلهم عاملين وطنين وسياسيين وطلعوا من السودان مقهوريم وكمان مهجرين ......
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Hisham Amin)
|
العزيزة رجاء سلام تانى ومعليش الرد متأخر شوية
كتبتى وقلتى
Quote: الا ترى يا هشام ان من حق الجنوبيين (المسيحيين منهم واللا دينيين) الا يختارو ان يكونو في دولة تحكم بقوانين الشريعة الإسلامية..؟ ما الذي يجبرهم وقد جاءتهم فرصة ان يبنوا دولة وفق تشريعاتهم التي يرتضونها |
معليش يا رجاء خليني اختلف معاك شوية واقول ليك انة دة اساس المشكلة من اصلة معروف ان الدولة اى دولة يوجد بها جماعات وافكار عقائدية مختلفة وما حصل سمعنا بدولة بتسن او تشرع فى عمل دستور ثانى لترضى جماعة معينة او فصيل يعنى معنى الكلام دة اى مجموعة لها افكارها و معتقداتها لها حق المطالبة بقوانين تتكيف معها هى وحدها ودة الغلط الكبير وعلى سبيل المثال امسكى امريكا دى فيها مليون جنس وكذا عقيدة ومعتنق لكن كلنا بنتعامل مع قانون واحد ودستور واحد ومافى زول فينا عندة معتنقة الخاص طلب من السلطات انها تعمل لينا دستور يتماشى معانا وبصراحة لمن نخطى خطوة زى دى معناها انة اى جماعة ممكن تطالب بدستور خاص بيها فى السودان وزى ما قلتا دى المشكلة زاتا ولا رائيك شنوا
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Hisham Amin)
|
معليش للمداخلة....عارف الحوار ثنائى لكن لى تعليق بسيط.... وما حصل سمعنا بدولة بتسن او تشرع فى عمل دستور ثانى لترضى جماعة معينة او فصيل المشكلة يا هشام فى الدستور الاول قبال ما نتكلم فى التانى وعلى سبيل المثال امسكى امريكا دى فيها مليون جنس وكذا عقيدة ومعتنق لكن كلنا بنتعامل مع قانون واحد ودستور واحد الدستور الامريكى بيكفل الحريات و بيراعى الاديان ..... اعطيك مثال بدولة تعتبر القدوة لناس السودان والدول العربية... ماليزيا...فيها بوزيين و هندوس و مسيحيين...ديانة الدولة الرسمية هى الاسلام لكن فيها نظام بنكى اسلامى ونظام ربوى...اتحداك تقول لى جا وفت الصلاة و مالقيت مكان تصلى فيهو..و عينك هناك للبارات والديسكوهات ...فى محاكم مدنية و فى محاكم شريعة...لو كان الدستور المطبق فى السودان عادل قرنق ما بقول عاوز واحد جديد
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Mahathir)
|
الاخ Mahathir عزيزى شكرا للمداخلة والحوار ليس ثنائى ومرحب بك فى اى وقت اما بخصوص سردك
Quote: ...اتحداك تقول لى جا وفت الصلاة و مالقيت مكان تصلى فيهو..و عينك هناك للبارات والديسكوهات |
احب ان اقول انا هنا لست بصدد التحدى لا بل اسعى جاهدا مع كل حادب لاصل الى نقطة الالتقاء وما ايرادى للدستور الامريكى وتعاملة مع كل الاجناس الا اعتراف منى بنجاحة ومع ذلك لا يعنى ان نطبقة بحزافيرة لا بل ناخذ منة ما يمكن ان يفيدنا فى سوداننا اى ان نعمل على ايجاد قانون ودستور وضعى للكل لا قانونين او دستورين وهذا قصدى اما وجود بنك ربوى هنا او هناك فهذا ليس اساس المشكلة فى رائى ...... ويستمر الحوار
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Hisham Amin)
|
Hi hisham, i don’t mean to challenge anybody but I gave that as an example that it’s widely available, again , the main objection is to the 1st constitution we are implementing in Sudan, it’s favouring some lot over the other. Solve this for now. In a place where the Muslims are the majority, it’s not allowed to let a none muslim to lead them . but again it’s Sudan and every Sudanese should be allowed to rule and lead. Garang would’ve not opt for a different constitution in the south if not for the unmerited constitution implemented in the north.
| |
|
|
|
|
|
|
Re: رجاء العباسى عليك الله جاوبى لى على السؤال دة ؟؟؟؟ (Re: Hisham Amin)
|
الاخ هشام تحياتي وارجو ان تسمح لي بالمداخلة البسيطة اعتقد يا عزيزي ان من حق الاخوان في الجنوب ان يعملوا جاهدين لضمان حقوقهم بعد ما عانوه من دمار لحرب نسمع بها من يوم خرجنا لهذه الدنياافقدتهم الثقة في كل شئ حتي في انفسهم . لذا علينا نحن جميعا ان نجتهد كل بقدر استطاعته في محاولة اعادة الثقة بيننا وبين الجنوب بعد ان وضعت حكومة الجبهة الاسلامية الوطن في مهب الريح بهذه الاتفاقية والتي لولا انها اوقفت هذه الحرب اللعينة لكنا من دعاة معارضتها. وعليه لابد من تنازلات من كل الاطراف حتي يظل السودان الوطن الواحد.
ودمتم
| |
|
|
|
|
|
|
|