|
|
 ياناس السودان..الكراكه دى بكم!!!
|
احد الاصدقاء يمتلك الكراكه الصغمبوتيه دى
و يفكر فى شحنها للسودان او احدى الدول المجاوره.
يحب ان نعرف كم سعرها فى السودان (تقريبا)
تكلفه التخليص و الضرائب..
و جدوى الفكره بصوره عامه.
المواصفات كما يلى:
BOBCAT – Model 4615 GEHL
1989 Model 4615 GEHL
Weighs 4300 lbs.
4 cylinder Diesel
Equipped with Heavy Duty Trailer will carry 5 ton
شكرا لتعاونكم
الوسطاء يمتنعون
|
|
 
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
النصري امين
سلام يا حبيب
الكراكة جميلة, و اخشي انت تكون ما عندها طلب في السودان. مثل هذه الكراكات Front loadr
هنا احجامها كبيرة جدا مقارنة بكراكتك الجميلة والصغيرة. اللودر يستعمل هنا في شحن القلابات وقد اصبحت حمولة القلابات هنا 50طن!!!. اللوادر هنا اغلبها من نوع كترابلير و كوماسي ومستسويسشس.
في شركتنا نستعمل لودر قريب من شكل لودرك لكن يتميز عليه انه له الة حفر مركبة في الجزء الخلفي. ويستعمل بصورة رئيسة في الحفر والجزء - فرونت لودر يستعمل في دفن ما تم حفره.
معليش معلوماتي قد لا تساعد كثيرا, لكن الجود بالموجود. احاول ان اسد دين خيط الهجرة الي كندا.
شكرا يالنصري.
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
أخي الكريم
أنصحك بعدم شحن هذه ( الكراكة) للسودان
البوب كات بشتغل فقط على الشوارع والميادين المسفلتة
أرضنا هشة وراح تتوحل (تغرز) في التراب لثقل وزنهاوما تقدر تطلعها إلا بواسطة كرين 30 طن أو أكثر ، أبعد من الشر وغني له
مع شكري وتقدري
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Alshafea Ibrahim)
|
dear Elnasri
first of all , if one of your friends absent for any reason , why you don't try to contact him even by e-mail to undeserstant what is happened with him ? , on the other hand , this bobcat is very suitable for works inside Khartoum especially in water drains , I have had experience in this matter and one day we were searching for this bobcat and only Khartoum dovelopment corporation has it , I don't know exactly it's price and how much does it cost , but if you have somebody whom you trust and can operate it , it will be very
good resource of income , but after reading all this you have to confirm by yourself as Sudan has may un predictable surprises
greetings
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
حبيبنا اوسلى
| Quote: ما دام فى منع احسن نسمسر فى بوست تانى |
شكلك يا اوسلى زى كده , ما بتعرف امور السمسره و الدلاله...
على كل....
انا عضو فى منظمه تجاره عالميه و لو داير اى حاجه من الابره
الى اجنحه الميغ (من تايوان الى جزر الباهاما) بجيبا ليك رخيصه
و بتراب القروش و تسليم بورتسودان او الخرطوم.
رائك شنو؟
الاخ العزيز عمر54
ياسلام عليك ..وو الله مقدر الحاجه دى شديد جدا جدا
لانى بحترم و بقدر الزول البيحفظ الجميل
و يازول ..انا كمان ابقى زيك واكتر
و مستعد لاى خدمه فى موضوع الهجره لكندا..
ما تتردد و اتصل بى بالايميل و ساقدم اقصى ما عندك لمساعدتك
بس اهم شئ تطول بالك و ما تقلق و الامور حتمشى تمام
شكرا ليك مره تانيه
الاخ العزيز الشفيع
شكرا ليك للنصيحه الغاليه والدسمه
و صاحب الكراكه يقول ان الكراكه كلفته حوالى 12 الف دولار ذائدا الف دولار تكلفه الشحن
يعنى 13 او 14 دولار التكلفه الكليه ...و يقال ان اسعارها تصل لمبالغ كبيره فى
السودان.
شكرا ليك مره تانيه
النصرى
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
الاخ العزيز عصام الدين
و الله العظيم افتقدك فى الفتره الاخيره ..
و سالت نفسى الزول ده وين!!! ...معقول يفوت الربه دى كلها.
افتكرك غاطس فى احدى البوستات و ما تتطلع بره..
معليش و امسح لينا فى وشنا ...
المهم سلامة العوده ....
شكرا ليك للمعلومه و زى ماقلت السودان غير مضمون اطلاقا
وزى مابقول المثل زى ود المويه(ماعارف المثل اصلو شنو)
مره اخرى تحياتى
واتمنى ان لا تختفى من جديد
النصرى
| |
|
|
|
|
|
|
|
|
 Re: ياناس السودان..الكراكه دى بكم!!! (Re: Elnasri Amin)
|
ياسلام جد هي لفته انو الناس تهتم بمجال المعدات بصفه عامه ... والسبب اكيد معروف.. اكيد يالحبيب انته عارف اسم المعده ماهي الكراكه زي ما قلته اسمه اسكد لودر واستعماله برضو معروف وهو اكيد احسن من عشره عمال ومفيد جدا جدا في المواقع الصغيره خاصتا مواقع التشيد يعني عملية الحفر والردم والمعده دي بالرغم من صغر حجمه اذا قارنها بالفرنت ويل لودر جد اخطر من الدبابه في تعامله مع التضاريس الصعبه يعني ما عندها مشكله مع طالع نازل ولا الارض الرخوه الخ الخ وعادي تنقلب وترجع لوضعها الطبيعي بس عايزه مشغل بارع واذا وجد المشغل البارع والصيانه صدقني مشروع ناجح بدل ما تمشي تجيب ليك طلبه ويدخل ليك تراب الردم او الحديقه الخ الخ في حدود 25000 جنيه تجيب الاسكد لودر ده ويدخل ليك ازيد من عشره قلابات في شوية ساعات جد مشروع ناجح وخلي صاحبك يقوي قلبه ويصبر شويه وبكره يعملهم عشره ومع خاص التحايا
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
تحية طيبة للجميع
اعتقد انها لو دخلت السودان على شكل استثمار حتكون الضرائب
مخفضة او يمكن حتى تكون مجانية, فى حركة فى البلد لتشجيع الاستثمار
عشان كده الضرائب ما مشكلة,ولا كيف يا ناس الداخل!
المعلومة دى سمعتها من جماعة لكن ما متأكد منها.
تحياتى
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
الاخ العزيز د بله
بالله كلم اوسلى ده ...
منو راس المال....
و منى الافكار...
اصلو ناس امريكا ديل عندهم قروش لكن ماعندهم زمن
يصرفوها ولا يستثمروها...
خليو يشترى الكراكه الحندوكه دى و الجماعه فى السودان
يكون عندهم نقاطه زى الورد ..احسن من اى ركشه او دفار..
كلمو بالله...
شكرا ليك
الاخ وليم اندريا
سلامات
والله الزول متردد شديد ,,لانو زى ماشايف فى برضو نصائح بالغناء للشر
و البعد عنه... اظنه يفكر الان لبيعها داخليا...
غايتو لو عندك زول عاوز يشترى ادينا خبر
وكل شئ بتمنه
شكرا ليك
الاخ محمد
سلام
انا برضو سمعت انو الضرائب او الجمارك على الاليات و معدات البناء
قليله جدا و تكاد تنعدم.
غايتو نديها صنه و نشوف البحصل شنو..
شكرا ليك على المرور
النصرى
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
الأخ النصرى امين..
لا انصح بأحضار مثل هذا اللودر للسودان لأنه من مواصفات اللودرز العاملة بالسودان يجب ان يكون
Front loader lifting capacity يجب ان تكون على الأقل 3000 كج وذلك حتى تعمل بصورة اقتصادية.
وطالما صديقك يريد الأستثمار فى الحديد كما نقول نحن الشماسة فلماذا لا يشترى تراكتور 82 حصان وهو التراكتور العامل فى كل انحاء السودان فى مجال الزراعة مطرية كانت ام مروية ولاداعى لشراءه من خارج السودان اذ ان بالسودان شركات لأستيراد التراكتورات مما يعفيه من مصاريف النقل والترحيل والبضاعة المضروبة..ويمكنه بعد ذلك تغطية التكلفة فى حدود موسمين.ويمكنك الأتصال بى عبر هذا المنبر لأى استفسارات زيادة.
هذه الأستشارة بالمناسبة ملح .
مع تحياتى.
| |
|
|
|
|
|
|
|
|
|
Re: ياناس السودان..الكراكه دى بكم!!! (Re: Elnasri Amin)
|
أخي النصري
تحياتي الحارة
الكراكة دي ذكرت في نكتة حكاها الدكتور إبراهيم عبيدالله عام 1990 في ندوة بجامعة القاهرة فرع الخرطوم قال:-
( مثال للفساد الموجود في زمن الأحزاب ، واحد خفير رسلوه يحرس كراكة في إحدي قري الجزيرة ، بنى له بيت يقيه من المطر والكراكة واقفة ، رأى بنتاً أعجبته من القرية فتزوجها والكراكة واقفة، أنجب طفله الأول والكراكة واقفة ، دخل الطفل المدرسة والكراكة واقفة وحتى الآن مازالت الكراكة موجودة)
أتمني ألا تكون هذه الكراكة هي نفس الكراكة التي تحدث عنها الدكتور إبراهيم عبيدالله
مع تحياتي
عادل عبدالرحمن
| |
|
|
|
|
|
|
| |
osly2
Balla Musa
willeim andrea
محمد الامين احمد
قلقو
adil rahman
فيس بوك
تويتر
انستقرام
يوتيوب
بنتيريست