|
Re: شَــعــري ... (Re: kabaros)
|
والله العظيم يا مظفر أنا منعش جدا الآن .. إنت كنت وين الزمن ده كله ؟؟
الكلام ده دمو خفيف جداً , ولذيذ ومكتوب بحلاوه ..
( ربنا يعلي مراتبك يا نيالا يا ابني .. ) ..
... طلال
| |
|
|
|
|
|
|
Re: شَــعــري ... (Re: kabaros)
|
خالص التحايا00 kabaros تعرف مريت بتجربه مثلها مع الوالده العزيزه لحدى ماقالت لى شعرك ده كما حلقتو انا بكون رضيانه 000 بالاضافه الى بعض القفشات فى التعلقيات 00 عندما تاتى خالتى تقول لى شعرك المبرم ده ووو.... وفى القلم مداد ياعزيزى واصل اخبارك وصحتك 00
| |
|
|
|
|
|
|
Re: شَــعــري ... (Re: kabaros)
|
العزيز نيالا
لي أصدقاء ببرلين
عندهم نفس مشكلتك
لكن ظروفهم اسواء لاعتبارات الراي العام في العالم الاول
انة كل من حمل راستا بيعطي انطباع بعدم المسئولية
الاول:
فقد حلم حياتة بان يدرس كلية الطيران لان المسؤول عنة في مكتب التنسيق
قرر عدم اعطاءة الفرصة للانطباع السيئ التركة في نفسة نتاج الراستا تبعة
الثاني
لف المانيا عدلة وقلبة للحصول علي شغل ما لقي والسبب الاول شعر راستتة
الذي نمي حنين بينهما لاكثر من عشر سنوات يعني اكثر من السنوات التي قضاها في حضن امة
كما يقول ...في النهاية المعايش غلابة وخضع لسطوة النظام الاجتماعي الاوربي الذي يسمح بكل شئ ووقف عند شعرة
وقص شعرة وحسب كلام زوجتة الالمانية انة اعتكف لاكثر من شهر في البيت في حالة نفسية سيئة
بعد هذا الحدث...
الثالث
دا قصتة طويلة ابتدت من تقزز اكتر امرأة احبها الي معاكسة بروفسراتة في الجامعة
وما زال صامدا...
لكن اتوقع سقوط شعر راسة قريبا لانة يبحث عن شغل ...
الراستا في اوربا اسلوب حياة ومنهج يكاد يكون مأدلج لرفض العنصرية والتمرد علي كل اشكال النظام الراسمالي البغيض ومحاولة دهسة لكل القيم الانسانية التي يحملها الاجنبي وفي الغالب الاعم حاملينها يتمتعون بهيبة ورهبة في الوسط الاجتماعي المنفتح بشكل عام للثقافة المغايرة
كما انها تبث الرعب في قلوب النازيين ...لتمتع حامليها بقوة الشخصية والقوة اللزمة للدفاع عن انفسهم..
والتحية لراستتك
وسلم لي علي الحاجة
| |
|
|
|
|
|
|
Re: شَــعــري ... (Re: kabaros)
|
Quote: شعوب اتفقت على ألا تتفق |
او.. عندما لا نرى ابعد من انوفنا.
kabaros
متى ندرك ان الخط المستقيم ليس بمستقيم وان الأرض كرويه..
وشكرا
| |
|
|
|
|
|
|
Re: شَــعــري ... (Re: kabaros)
|
الاخ كبروس. سلام كل مرة تكشف عن ملكة جديدة تبهرنا بها. لكن دى خطيرة جد. طريقة سلسة وجميلة للسرد. الناس طبعا ما بعجبها العجب ولا الصيام فى رجب وعندهم رائ فى كل حاجة. يحكى صديقنا والذى نلقبه باب شنب حكاية شبنه الماكن والذى كان مصدر اعجاب من الناس البحبو الرجالة ومصدر انتقاد من من الناس الحكناكيش والجنس الاخر بشكل عام. يقول اب شنب ان ما واجهه فى السودان من انتقادات لشنبه ورغم تضايقه منه كان لا يقارن بما واجهه فى لندن عندما ذهب للتحضير. قال لى تخيل انه انا بمجرد ما قعدت ثلاثة شهور قررت احلق الشنب الذى كان احد المعالم البارزة فى شخصيتى. قلت ليه ما لك حالقو يا ود الناس انت كلام ناس السودان ما خوفك وخلاك تقصه او تخففه الخواجات ديل قالوا ليك بندق ليك خروج بدون عودة ولا شنو؟ (طبعا خروج بدون عودة دى من ثقافة الخليج). قال لى اريتو كان كدة، الامر اخطر. تخيل انه الزول اب شنب دا مش عندنا اضكر راجل فى الحلة قلت ليه ايوة، قال لى ابن شنب هنا فى لندن معناها الراجل الخايب. وبقيت كل ما امش محل يجي يتلصق جنبي واحد وبدأ الموضوع معاى عشان كدة قلت ابقى راجل من غير اب شنب ولا ابقى اب شنب وافقد رجولتى. معليش خرمنا تخريمة طويلة لكن لكل عصر موضته ولكل بلد ثقافته. ولك الود
| |
|
|
|
|
|
|
Re: شَــعــري ... (Re: esam gabralla)
|
أعتقد ان كلام أستاذ " عادل عثمان" في محله .. فالأخ " نيالا " يتمتع - بحق - بتلك الموهبة الخلاقة , القادرة على السرد والحكي .. بعدين ده كلو مجدول بلغة ساخرة تنم عن تصالح داخلي مع العدو قبل الصديق .
...................
عصام جبرالله : وين أغاني الحقيبه الحلوة دي من زمان ..
... طلال
_________________ * الصورة أعلاه ل/ " جوان بيز " .. من مغنيات الحقيبة في أوروبا والدول المتقدمة .
| |
|
|
|
|
|
|
Re: شَــعــري ... (Re: kabaros)
|
ياطلال الحقيبه راقده
حتى خالتنا الحاجه جوان قاعده، لو ما طمام البطن الحاصل ده كان نفتح لينا واحد بوست عن حقيبة اولاد جون الما خمج دى
عندهم برضو اولاد المورده the sons of the mawrda ، كرومه دونوفان، سرور كلابتون، بوب فرح....
الشافع كاباروس ده ما عاجبنى - تحاول تصاحبوا يتزاوغ منك، بكون عندو راى فينا خلى بالك انا عاجبانى قصة انو شايت طوالى من بره الخط دى،رغم انو بخاف من الفاولات بتاعة الامه الوهم، هل تابعت حوارهم الثلاثى : حسام المؤدلج يسارا،انور المؤدلج يسار - اليمين، وكباروس المتمرد على كل الايدلوجيا و ال authorities ، مدهشين، كل مره اقول اخش عليهم اخاف ابوظ ليهم الونسه بى درابنا و كواليتنا المعسمانا دى... بس لو عرفوا اننا بى محنا الكتيره دى برضو بنفتش لى طريقه نباصر بيها درب للدنيا
| |
|
|
|
|
|
|
Re: شَــعــري ... (Re: kabaros)
|
اها كيف هسه مع شعر نيالا ده العامل لينا سمعه بين الشعوب
نودى وشنا وين؟؟؟؟
قال: كيف يكون الحال لو ما كنت سودانى!!!!!!!!
| |
|
|
|
|
|
|
Re: شَــعــري ... (Re: kabaros)
|
صاحبنا الجليل : kabaros ..
Quote: طلال ... رسلت ليك رسالتين في العيد وراس السنة ... مشتاقين
|
لم تصلني في العيد رسائل .. ( قد يكون العتب على مايكروسوفت .. ).
المهم في الأمر أن كتابنك تدعونا للمتابعة ..
هذه نقره ...
النقرة الثانية .. أن الناس هنا ( في المنبر الحر .. ) مهتمين جداً بالكلام الذي تكتبه .. ( فنرجو الإهتمام بهم ).
أما بعد .. كما سبق , يا شاب , فإن لكتابتك حضور قوي .. وحيث ذلك .. أتمنى يا مظفر أن لا تتوقف عنها .
أقصد : أن تواصل .
فأحياناً تضعك الكتابة في محكات عالية .. لا يستفيد منها إلا أنت ..
أو : أنك تكون من أكثر المستفيدين منها .
الكتابة :
تفتح الدرب للتواصل .. للحوار ..
وفي الكتابة أفق للتراجع .. ( أقصد بالتراجع هنا : سهولة الحركة والمرونة .. ) .
..... دي حاجه ..
الحاجة الثانية , أننا نحتاج لكتابة معبرة عن الواحد فينا . أي أننا ملهوفين على كتابة بنت آدم ..
كتابة صادقة ..
أنت تكتب بصدق ..
فواصل ..
... طلال
| |
|
|
|
|
|
|
Re: شَــعــري ... (Re: kabaros)
|
كاباروس: "شعورك" حي ..نصيحتي لك ان تطلقه مع الريح وليس عكس الريح حتي لا يرجع للوراء انا ماشي نيا..اوو اوووو لالالالا ماشي باريس ... مليون تحية ووردتين ...
| |
|
|
|
|
|
|
Re: شَــعــري ... (Re: kabaros)
|
Quote: يجب أن تطلقي لشعرك العنان وتجري عكس الريح، لا تخشى أن تسقطي لأنك تعلمين أن سقوطك هو لك أنت فقط ولن يزيدك إلا قوة وإصرارا وأملا .
المهم أن تجري بقدر الغضب الساكن فيك عكس الريح ...
لا تلتفتي إلى من يرشدك إلى الطريق فطريقك لا يعرفه سواك ...
لقد أصغيت إليهم من قبل وقد حان الوقت لأن لا تصغي ...
Quote: على نيالا أن يطلق لشعره العنان ويجري عكس الريح |
... |
استمتعت بهذه الكتابة المسكونة بالحرية....
حافظ خير
| |
|
|
|
|
|
|
Re: شَــعــري ... (Re: وانجا)
|
Quote: يجب أن تطلقي لشعرك العنان وتجري عكس الريح، لا |
تعرف خيالك يا نيالا قربني من حل شعرك ، ولا يهمك اركض عكس الريح او اسبح عكس التيار حتى تتساوي مع شعيراتك يا كبروس اب شعرا منكوش ولا يهمك انكشو بس لا تحنكشو لان الحنكشة ضد دائما بتسبح ليس عكس الريح ، ..
| |
|
|
|
|
|
|
Re: شَــعــري ... (Re: kabaros)
|
لو ما ختمتها بتراجيديا ما بتبقى "نيالا"!!!
أيها الفتى اليائس التعيس .....
فالتذهب إلى ...النعيم !
واصل مشوارك ، حتى لو غالب الموت جسدك .. فإن ارواحاً قد لا يبلغها الموت ، ويشرع الخلود أمامها آفاقه السرمدية .
| |
|
|
|
|
|
|
|