|
خير يا طير .. قبح الله هذي الوجوه الكريهة
|
كدي براحة .. أول حاجة لا أنصحك بقراءة هذا البوست ولو مُصِر .. أخد ليك دُِش بااارد .. قبل القراءة
وبعدين نفسك الطالع ونازل ديا .. وفرو بتحتاجلو يوم وعيونك المكعبلة دي .. التقول ماكل ليك جردل بصـل ولا ضارب ليك عبارين مريسة .. خلها التروق حبتين
نخش حق موضوعنا .. يا جماعة الخير .. ويا طير البورد محتاج لي سمكرة .. وشوية مفكات لزوم الصواميل الفوتو .. وكمان شوية بوهية الشغلانية بقت كلها هِشك بِشك .. إلا من رحم ربي إهتمامات في أغلبها ساذجة .. إن لم تكن رخيصة ومواضيع فارغة .. وناس فارغين .. وتعليقات أسخف من مروجيها .. ونقاش لا يرتقي لمستوى الطرح في أكثره ومجاملات وكضب .. وجديع ومناولة .. وإصطياد في مياه عكرة .. لي بنات (سايبيريات) .. حتى الواحد لو شافها حقيقةً يلعن أبو الفضاء ليل نهار ... ودوقي يا مزيكا .. أحياناً تلقى موضوع جاد وطرح ممتاز .. يجوا ناس زعيط ومعيط وناس هاجوج وماجوج .. وناس العُفار قام .. وناس المديدة الحارة وناس لو راجل طالعني .. يقلبوا أعالي البوست سافله ويحوليهو لي قطيعة وكلام فارغ ومجاملات سخيفة .. أحسن منها قعدات الخيران لو عايزين أمثلة .. كنت جبت ليكم خرطمية بوست من هكذا شكل بس الواحد خايف من الخشامة.
ألا قبح الله هذي الوجوه الكريهة
|
|
|
|
|
|
|
|
Re: خير يا طير .. قبح الله هذي الوجوه الكريهة (Re: aboalkonfod)
|
ابو القنفد
ليك التحية وكثيرا من الأشواك بالكاف وليس بالقاف كلامك مظبوط ،، والبورد محتاج لأن ينتقد الأعضاء انفسهم ومشاركاتهم،،
اما ناس زعيط ومعيط اهم جوك داخلين توش
Quote: يجوا ناس زعيط ومعيط وناس هاجوج وماجوج .. وناس العُفار قام .. وناس المديدة الحارة وناس لو راجل طالعني .. يقلبوا أعالي البوست سافله ويحوليهو لي قطيعة وكلام فارغ ومجاملات سخيفة .. |
| |
|
|
|
|
|
|
Re: خير يا طير .. قبح الله هذي الوجوه الكريهة (Re: Yasir Elsharif)
|
أبو القنفد
تحياتي يا رجل يا زين
الشغلانية بقت كلها هِشك بِشك .. إلا من رحم ربي إهتمامات في أغلبها ساذجة .. إن لم تكن رخيصة ومواضيع فارغة .. وناس فارغين .. وتعليقات أسخف من مروجيها .. ونقاش لا يرتقي لمستوى الطرح في أكثره ومجاملات وكضب .. وجديع ومناولة .. وإصطياد في مياه عكرة .. لي بنات (سايبيريات) .. حتى الواحد لو شافها حقيقةً يلعن أبو الفضاء ليل نهار ... ودوقي يا مزيكا .. أحياناً تلقى موضوع جاد وطرح ممتاز .. يجوا ناس زعيط ومعيط وناس هاجوج وماجوج .. وناس العُفار قام .. وناس المديدة الحارة وناس لو راجل طالعني .. يقلبوا أعالي البوست سافله ويحوليهو لي قطيعة وكلام فارغ ومجاملات سخيفة .. أحسن منها قعدات الخيران لو عايزين أمثلة .. كنت جبت ليكم خرطمية بوست من هكذا شكل بس الواحد خايف من الخشامة.
المختصر النافع المفيد .. تسلم
| |
|
|
|
|
|
|
Re: خير يا طير .. قبح الله هذي الوجوه الكريهة (Re: خالد أحمد عمر)
|
Quote: أحياناً تلقى موضوع جاد وطرح ممتاز .. يجوا ناس زعيط ومعيط وناس هاجوج وماجوج .. وناس العُفار قام .. وناس المديدة الحارة وناس لو راجل طالعني .. يقلبوا أعالي البوست سافله ويحوليهو لي قطيعة وكلام فارغ ومجاملات سخيفة .. أحسن منها قعدات الخيران
|
لا تعليق .. يديك ألف عافية يا أبوقنفد يا حبيب .. وكثر الله من أمثالك هنا.
خضرعطاالمنان
| |
|
|
|
|
|
|
Re: خير يا طير .. قبح الله هذي الوجوه الكريهة (Re: aboalkonfod)
|
أخي خالد:
Quote: وفي ناس لو كتبو
كب كرب كررب ككب
يجو ناس يقولوا ليهم
يا سلاأأأأأأأأأأأأأأأأم
كأنوا جاب الديب من ديلو
زي ما بقول المصريين |
مصيبتنا أخي في المجاملات واستعراض العضلات وإبراز القدرات الواهية .. مضافاً إليها المجاملات والسخافات .. والجري وراء (السايبيريات) .. حتى ولو كانت خواء .. بل كالبالونة الفارغة .. لا تحمل إلا شحماً ولحماً عافانا الله وإياكم من ذلك أخي الشكر لك أخي خالد
| |
|
|
|
|
|
|
Re: خير يا طير .. قبح الله هذي الوجوه الكريهة (Re: aboalkonfod)
|
أخي أستاذ خضر:
Quote: لا تعليق .. يديك ألف عافية يا أبوقنفد يا حبيب .. وكثر الله من أمثالك هنا. |
شكراً لك .. ولكن ما يؤرقني أخي .. هو اختلاص الحابل بالنابل والعُفار القايم .. من دون دواس .. ترى اللمة فتحسبها لمة فكر ونقاش هادئ .. فإذا هي لمة فتة وبوش .. ألا قبح الله هذي البوستات من هكذا قبيل
لك شكري ومودتي ..
| |
|
|
|
|
|
|
Re: خير يا طير .. قبح الله هذي الوجوه الكريهة (Re: aboalkonfod)
|
Quote: قطيعة وكلام فارغ ومجاملات سخيفة .. أحسن منها قعدات الخيران لو عايزين أمثلة .. كنت جبت ليكم خرطمية بوست من هكذا شكل بس الواحد خايف من الخشامة.
|
عفارم عليك ابو القنافد والله يا سيدي ..ماقلت الا الحق.. وتعرف الحق في الزمن دا ........صعيب بس عاد اثبت ..قبل ما يمرو عليك ناس جماعة ابولهب..على كلام ودالشيخ احسنت القول..
| |
|
|
|
|
|
|
Re: خير يا طير .. قبح الله هذي الوجوه الكريهة (Re: aboalkonfod)
|
أخي العزيز Luai:
Quote: عفارم عليك ابو القنافد والله يا سيدي ..ماقلت الا الحق.. وتعرف الحق في الزمن دا ........صعيب بس عاد اثبت ..قبل ما يمرو عليك ناس جماعة ابولهب..على كلام ودالشيخ احسنت القول.. |
للأسف .. نحن في زمن أعوج .. ظهر وبان فيه المتشدقون .. مروجي الأباطيل والخزعبلات .. وتوارى فيه العاقل اللبيب .. صاحب القلم الأنيق .. فإذا قلت الحق .. أنت مدان .. وإذا كذبت .. وضحكت على الذقون .. فأنت ذاك المفكر الهميم .. بل أصبحت الحقيقة نفسها مدانة .. عافاني الله وإياك أخي
لك مودتي أخي لؤي ..
| |
|
|
|
|
|
|
|