|
|
 دافوري يا بورداب الرياض ..رايكم شنو ؟؟؟
|
يا كل بورداب الرياض الشباب والعجايز (مااااااااااااا اظن فينا شباب) ياخ عايزين لينا لمة بتاعت دافوري نجري بها دمنا ده ومنها نقابلكم ونشوفكم ..
عارف الناس حا تكون علاقتا بي الكورة زي علاقتي بي اللغة الهروغلوفية وعارف الكوامر كتيييييييييييييييييييرة والزنقلة بتكون مترين لي قدام ومقدرييييييييييين الظروف بس انتو تعالو وتمرين تمرينين كده والامور حا تسلك ..
وشوية شوية حا يجونا محترفين من جدة ومن الدمام وعرعر وشويتين كمان نعمل فريق عزة السودان وتلاتة شويات كده ونسمع بي عمر السعودي في الهلال وعبد الرازق الرياض في المريخ وتمبس العليا في الموردة وود قاسم الملز في الخرطوم 3 ...
واذا كمان انتو من زماااااااااااااااان عندكم النشاط ده وبتتمرنو من زمان ادونا فرقة وورونا وين الكلام ده عشان نجي ندفر معاكم ...
وعليييييييييييييييكم الله ما دايرين خرخرة وجرس من اسسسسسسسسسسسسسسسسة !!!
اها شن قولكم ؟؟؟
|
|
 
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
بالله وقفوا دكين حارس مرمي قالوا زي (الحدية) ودابرك ما يمر فوقه ..
لكن الببسي بين الشوطين علي منو؟؟
تمبس دا يوم المباراة ابعدوا من الكبسة لانه لو خليتو الا تفرشوا ليهو عنقريب
مع الخط ..
الساحر والسنجك ديل ابعدوهم من بعض
واحسن تخلوهم حكام رايات مافي واحد يقرب التاني ...
وانت يا عمر بالله التزم بالزي الرياضي جلابتك دي ما تجينا بيها وتكفكفها لينا
ترهاقا وابوجهينة ود قاسم طاقم التدريب بنابر كدا ومع الخط برضو حدا تمبس
والله ما فضل جوة الا معتصم
غايتو شوفوا ليهو كورة خلوهو يضقل بيها والفورة مية
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: اساسي)
|
دكين مالو؟؟؟ بتاع بطيخ ؟؟؟ بيمسك الكورة وبيقوم يجدعا جوة القون ؟؟؟ لالالا ياخ ...
وبيني وبينك تمبس بدووووووووون كبسة عايز ليهو عنقريب لكن والله شكلو فرفااااااااارة والنوع الكورتو كلللها جري ولزليز ودفير لكن حرامي اقوان ..
السنجك ده انا خايفو يقعد قصاد المصوراتي ويمسك الكورة مرة ومرة يقعد فوقا ومرة وهو بيشرب في البيبسي باقي صاحبنا جننننو صور وعايز يلحقا البوست المولع داك اما الساحر ده حا يكون انشاء الله ساحر وما سائل في رونالدينهو (كورة ما شكل )عشان ما تفهمني غلط يا الساحر ..
ترهاقا وابو جهينة وود قاسم والله من اساميهم بيدوك احساس العصر الذهبي ناس جكسا وكمال عبد الوهاب وقاقرين (طبعا ما قاصد السن والعمر) قاصد المستوي ..لكن بيني وبينك ود قاسم شكلو خرخااااااااااااااار وابو جهينة بيلعب بي خيال وترهاقا النوع البيطير ليك جوز داك ..
معتصم اوووووووووووووووووووووووووو ده نمرة 10 بتاعنا ونجم التسجيلات القادم وعينا باااااااااااااااردة..
انا خليني سااااااااااااااااي كورتي في لساني نصها كوراك ونصها التاني واقف غازززي كوعيني وواقف ..
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
أنا عليّ أوفر ليكم الملعب ، وبالمناسبة معتصم دفع الله لاعب ممتاز ومعروف في أوساط الفرق السودانية ،،
بس تعرف انا بالرغم من أني عضو في الرابطة الرياضية إلا أني لا أفقه في الرياضة شيئا ،، ولا أمارسها إلا في أضيق الحدودحين أضطر للمشي بعد وجبة دسمة ،،،
أهلا بكم في دافوري الرياض ..
بس يا أساسي أطلع منها ،، في السياسة ناطي لينا ، وفي الدين ناطي لينا ، وفي الرياضة برضو ؟
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
الاخ عمر
سلام.
اظنك خلصت شغل السنة الفاتت بتاع الشركة والسنة الجديدة قاعد ساكت بلا شغل ومشغلة عشان كدة بقيت تفتش لى الدافوري.
والله بالغت لكن يا عمر. ناس عمك ود قاسم ديل ما بقدروا ليك على جنس المدافرة الدايرا دى. قول ليهم حلفة بى مرغنى المامون واحمد حسن جمعة ولا شية فى احدى حدائق الرياض لكن كورة ومادفرة الله اعلم.
بالمناسبة نستمتع هذه الايام بوجود الاخ صلاح شيخ الدين فى دبي.
ولك الود
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: المعتمد)
|
يا معتمد ولا يا والي ..
ليك التحية علي المرور والدافوري مسخخخن والله والخرخرة شديييييييييييييدة يازول جيب كدارتك وتعال ساااااااااااااااااي ..
وبعدين يا اخوي اللماك بي صلاح شنو .؟؟؟ وما تقول لي مستمتعين وحركات المغتربين ديك انتو زااااااااااتكم متعوهو ولمن يرجع بالله كتروا ليهو من الشنط والهدايا 
والله الزنقة حاصلة في الشغل بس عايزين نستمتع بي لمة الشباب ..
اها يا اخوي رسل لي في المسنجر عشان نعرف اكتر ...
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
حبيبنا علاء :
ياخوي ود الشيخ بعد شفناهو بي لبس البوليس الا يجي امن ملاعب ولا نلعبو قشاش..
اها انت يا اخوي مع طمبورك ده الا نخلي ليك التشجيع بي الفرقة الموسيقية ..المهم اشتري الهدوم وما مشكلة بنلعبك
يا سمؤل:
والله شرطك ده صععععععععععععععععععب خصوصا مع الناس البيطردوها من اول 5 دقايق دي ..وبعدين كان ما عملنا الكروت الشافنا عيدنا والجبص في الكرعين مااااااا كضب ..يازول اقول ليك حاجة انت تعال وانا بقول لي الحكم (خالد ) الزول ده عمي
سيد اللمة ود قاسم :
يازول والله جيهتنا جيهة وايه رايك نضرب عصفرين بي حجر واااااااااحد تجيبوا خرفانكم
(لاحظ تجيبوا دي يعني ما نجيب) ونحن نجي نلعب ليكم مش انت ما عندك علاقة بي الكورة ؟ كمان نحن ما عندنا علاقة بي الخرفان )لوووووووووووووول)
بالله يا ود قاسم انت عشان كبيرنا بس اقترح لينا المواعيد والمكان للملعب وبعد داك انشاء الله ماف عوجة تب..
بعدين ياخ اساسي ده حبيبنا يا ود قاسم خليهو ياخ وبعدين امكن نحتاج نعمل معاهم كورة ودية
يا معتصم مرادونا:
ياخ الناس ديل كللللللهم شايلين حسك وقالوا منقطة ..اها يا اخوي تعال لينا بي جاي انشاء الله تدقل علي قول اساسي بس المهم شاركنا ..
| |
|
|
|
|
|
|
|
|
 Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
Quote: يا معتصم مرادونا:
ياخ الناس ديل كللللللهم شايلين حسك وقالوا منقطة ..اها يا اخوي تعال لينا بي جاي انشاء الله تدقل علي قول اساسي بس المهم شاركنا .. |
العزيز عمر الفاروق
سلام كتاااااااااااار ..
ياخي مالك علينا عايز ترجعنا للكورة تاني بعد ما قررنا الإعتزال ..
تعرف مرة الريس بتاعنا قلت ليهو ياخي كفانا نحن كبرنا عايزين نخلي الكورة ..
قال لي تخلي شنو يا معتصم ياخي انتو لسه صغار ..
قمت قلت ليهو صغار شنو يا ريس نحن عدينا التلاتين جيب ليك ناس 16-17 سنة تربيهم وتعلمهم الكورة ويلعبوا ليك كمان عشرين سنة جايات ..
عاين لي كده وقال هو انت حصلت التلاتين ..
الريس كان لسه فاكرني عمر الزهور ..
لكن بيني وبينك جايين جايين بس الكدارات عليك ما تنط ..
ومن هسي البوست دا انا ما مارق منو ..
أرقد عافية ..
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
كبتنا معتصم يا نمرة 10 :
أررررررررررربو التلتين يا وييييييييييييييييلي من التلتين
والله يا اخوي من قلت لي الريس قال والريس فعل معناها فعلا انت الا يجيبو ليك الكدارات واظنك كنت النوع الكان ما ربطو ليهو القروش في التكة ما بيلعب
يازول والله مرحب بيك تب ومن اسة انت الكابتن وود قاسم الكوتش وخلاص يا جماعة طالما الناس موافقة اها ادونا الاقتراح والزمن والمكان ..
الكدارة يازول ما تشيل هم تب بس ورينا المقاس ومن اسسسسسة لو طالوش ومن 43 ولي فوق انسي الموضوع
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
يا عمر أخوي من هسي نكون المنتخب ..
1- تمبس .. حارس مرمى والله دا فقري فقارية التقول كان بتاع بطيخ ..
2- شتات .. مساك يمين والله عكليت جنس عكلتة الموية ما تمشي منو ..
3- محمد الشيخ .. دا طبعاً الدينمو بتاع الفريق مهندس عديل كده عيني باردة بس ..
4- يوسف حمدالنيل .. مساك شمال ولو إنو طبعو طيب شديد لكن فقري فقارية في الكورة دي ..
5- وليد طه .. ياخي دا منقطه عديل كده توديهو أي حتة يلعبه ليك حتى ولو باك وراء الحارس ..
6- عمران حسن صالح .. ياخي دا جوكر عديل كده بس البطقه بجيب أجله ..
7- وليد399 .. ياخي دا رأس حربة خطير بجيب قون بكرعيهو الإثنين ..
8- خالد أحمد عمر .. دا بقى المهندس رقم 2 لعيب أوي يا قول المصريين ..
9- دكين .. ياخي دا بتاع شكل ساي بنلعبو عشان العوة وكده وعشان الجماعة ما ياكلونا حنك ..
10- عبدالرازق .. دا لاعب من طراز فريد كان جرى ما بتلحق تاني ..
11- سمؤل .. رغم إنو بنطرد من أول خمسة دقائق لكن أهو عشان الجماعة يكبو الهرشة بدري ..
الإحتياطي
أي زول إسمو ما مكتوب يجي يكتبو هنا دا..
الجهاز الفني
1- أبوجهينة
2- الخال ودقاسم
3- نصار الحاج
الجهاز الإداري
1- ودالباوقة
2- أحمد حنين
3- عمنا حمزاوي
والبقية أعضاء
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
ده شنو يااااااااااااااااااا معتصم يا خوي؟
التشكيلة والله سمحة شديييييد وخلاص عليك الله كلم الشباب ديل كلللهم لانو عندك وسائل الاتصال بيهم وانا ما عندي ليهم وسيلة اتصال ..
لكن تعااااال هنا انا يا كافي البلا لي في الفريق ولا الاحتياطي ولا الاداريين ولا الاعضاء انا عشاااااااااااااان عواراتكم دي حا اعمل ليكم حركات اولاد المغتربين لمن ما يعزلوهو في الدافوري بيقول ليهم ادوني كورتي وبيطرشق ليهم التمرين ..
أها يا ناس ادوني كورتي !!!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
اخوي عمر الفاروق
السلام عليكم
كل سنة وانت طيب
انا وواحد صاحبي فات قطارنا وغناينا مات
صاحبي دا عارف نفسه
ولكن لزوم الجكة دي لله
حنجيب ليكم الكورة لمن تطلع بره
مشتاقين للقاءك
ويا يوم بكره ما تسرع
. . .
تخريمة ذي ما بيقولوا
معتصم يا سيدي وين انتو
لا شوفتن تبل الشوق
ولا تنظيما للمنتدى يفرحنا
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: حمزاوي)
|
Quote: تخريمة ذي ما بيقولوا
معتصم يا سيدي وين انتو
لا شوفتن تبل الشوق
ولا تنظيما للمنتدى يفرحنا |
أستاذنا حمزاوي
مشتاقين والله ..
ياخي شيل الصبر مجهزين ليكم يوم ما حا تنسوهو خالص ..
لسه بنعمل في الترتيبات وكده ..
دا حا نسميهو لقاء العيد ..
ما تبوظ علينا المفاجأة عليك الله ما تكلم زول ..
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: معتصم دفع الله)
|
عمر
ومعتصم
غايتو فرصه وفوتوها حتى في الاحتياطي ماختيتونا الظاهر اقطابكم مفلسين مابتقدروا على قروش التسجيل الحاله قلنا نجاملكم عشان العشره وكدا لكن خلاص انا مسافر يوم 20/01 للسودان شاهدونا في اول مباره للهلال ومبروك عليكم لعيبتكم وان شاء كان مالقيتوا فريق يغلبكم تغلبوا روحكم براكم 10صفر وخروف ودقاسم ومفاجأة معتصم ذاتن خليتن ليكم ان شاء انفعنكم
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
يازول :
والله انا زاااااااااااااااااااتي ختوني برة التشكيلة خلاص تعال نتونس ساي اصلو شكلك لاحقني زول شترة ساااااااااااااااااااي وتمشي وتجي بالسلامة وبالله ما تنسي تجيب لينا خيرات السودان ..
الكابتن ابورزقة:
والله معتصم قال انت زول فرفااااااااااااااااااارة وانا زاتي شايفك لاعب لي ود الشيخ فردة باك محل ما يمشي ما مديهو نفس شواطين مع بيلية بس وده كلام صاح عشان كده وجودك مهم جهز العدة ولمع الكدارة ..
الخال غريبة ابو صلاح :
احيي فيك روح الشباب ونحن عايزنك جووووووووووووة راس حربة اقيف لينا جمب العراضة واي كورة بنلزها ليك واملنا فيك كبيييييييييييييير عشان نلحقك تسجيلات الفترة القادمة وتلم الملاييين دي ..
اها يا ناس حددو لينا وقت !!!!!
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: walid taha)
|
اخونا عمر يا زول حرم ما عندنا مانع اصلنا نحنا ناس مدافرة وحرم يوم الدافوري
الغداء عندي قراصةما خمج وبنكتر ليها الكالسيوم عشان ناس الخال ود قاسم وحمزاوي ديل
عضامن تعبانة شوية وقولو معاى يوم الدافوري يا جبار الكسور ....
ود دفع الله .. شكرا على التشكيلة لكن احمد حنين خلوه راس حربه مش كويس ...
ود الباوقة
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
يا معتز يا خوي :
كورة الصينين دي انا بعرفا وبعدين ياخ طالما حاتجينا من الصين معناها حا تتعبنا في اذاعة الاسم يعني نقول ليك معتزونغ تشنغ يونغ سنونغ ..يازول تعال وبنخليك تلقط الكور..
يا وليد يا خوي نحن ناس حريفين والبيلعب معانا بيستمتع ومعانا محترفين زي ناس معتصم وعبد الرازق وتمبس العجايز ديل بيتعبوك وبعدين الجهاز الاداري ده فيهو دفع كاشات وكده ..اها يا خوي ما احسن ليك تخش معانا؟؟؟
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: ود الشيخ)
|
ود الشيخ ياخوي حبابك الف ..
انت اظنك بعد كلامك مع أمر ألي بقيت ما قادر تنطق اسامي العمراب التانيين قلت تكتبنا بي الانجليزي للابتعاد من الشبهة
Quote: أها يا عمر انا أجي؟
و معاي ود الشيخ كمان |
ده اخونا علاء الدين قال عازماك معاهو وانا قلت ليهو الا ود الشيخ ده اجينا امن ملاعب
ياخوي ناس الرياض ديل دومهم ياهو التفاح عشان كده الا نعمل ليك كورة تفاح انت كدي اصلنا وبعد داك انشاء الله نعمل ليك كورة بتاعت دليب عدييييييل كده ..
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
عمر
والله انا في البرد ده لا بلعب كورة ولا بكذب عليك..
باقي الدم الفضل ده .. قاعد ازازي بيهو في البورد ده ..
عندي ( طعن ) في الجهاز الفني بتاعكم ده .. ( واساسي ) من ما ينظر ليهو في حاجه اعتبر موضوعه مستحمي ..
يعدين ياعمر انتو امشو الميدان قدامي انا باخد لي نومه كده عند الخال ودقاسم بعد شربوت ود الباوقه وابوجهينة وبجيكم ( مصلح ) واقف ( رتينة ) بس ياجطتها ليكم يابقيت ليكم في رقبتكم
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
Quote: اخونا عمر يا زول حرم ما عندنا مانع اصلنا نحنا ناس مدافرة وحرم يوم الدافوري
الغداء عندي قراصةما خمج وبنكتر ليها الكالسيوم عشان ناس الخال ود قاسم وحمزاوي ديل
عضامن تعبانة شوية وقولو معاى يوم الدافوري يا جبار الكسور ....
|
اها يا بورداب الرياض جابت ليها معسكر وفيهو حرررررررررررم ..
لكن يا عمر دحين القراصة دي ما بتخلي اللعيبة ديل لاحقين برشم وحبني؟؟؟
ظبط لينا الصينية دي شوية وساعدا لينا بي جك ليمون بااااااااااااااارد لزوم اللياقة وكده .. جاينك تب انشاء الله
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمران حسن صالح)
|
شفت يا عمر الجماعة بدو يتعذرو ..
تمبس كب الزوغة لكن يا منقة طريقة مافي شكلك عايز تبيع المباريات من هسي ..
وانا زاتو عندي إقتراح نجيب محترفين واهو عندنا واحد جاهز معتز تروتسكي صديقي ..
والتاني شكلو لقى ليهو عرض مغري أخينا زول ساكت ..
والله ديل كلهم كان ما نفعو بنجيب المحترفين الصحي صحي ..
رأيك شنو في باكمبا وجاديكا ديل جاهزين والله بس ركك على تليفون يجوك هوى ..
| |
|
|
|
|
|
|
|
|
|
Re: دافوري يا بورداب الرياض ..رايكم شنو ؟؟؟ (Re: عمر الفاروق شيخ الدين)
|
صباح الخير ولا مساء الحير ماعارف...
المهم انا بكتب في الكلام ده بكرة ..الساعة كم انا ما عارف بس شكلو الصباح طلع ...
اها يمعتصم ياخوي انشاء الله رصيدك فل الفل والزول الثقيل بتاع الاتصالات داك ما قاعد يظهر عليك زيي كده " رصيدك منخفض ..." عشان مفروض خلاص تكون ضربت لي المحترفين الجدجد مش التايواني ناس تمبس وباقي الشلة ...
الموضوع شكلو اتحسم خلاص والناس كلها بقا ما عندها مانع يبقا يا جماعة ابدو في طور التنفيذ وانا والله لو عندي تلفوناتكم كان ضربت ليكم نسقت معاكم وكده وحددت ليكم المكان والزمان عشان كده ارجو من العندو رغبة يرسل لي تلفونو علي المسنجر عشان نشوف باقي التفاصيل وكده والكلام ليكم يا المنططتين عينيكم ويا تمبس ما تحمر لي بي عيونك الكلها (شربوت دي) قال شربوت قال ...
| |
|
|
|
|
|
|
| |
اساسي
زول ساكت
علاء الدين يوسف علي محمد
samwal ebrahiem
ودقاسم
المعتمد
معتصم دفع الله
A.Razek Althalib
ghariba
معتز تروتسكى
tmbis
عمران حسن صالح
صلاح الدين عبدالله محمد
فيس بوك
تويتر
انستقرام
يوتيوب
بنتيريست