|
|
 الجدادة والمغترب
|
الشبخ المكاشفى خصيم الدعت
قلت البصات ضنبن رقا ياحليلن كان عمك المكى اللة يرحمة حيا وميتا يحمر فيك لامتين تقوم.... بشكرك وبدفع لك حق البص ....وكان ما يسمى بالنجع اى اولئك الذين اتى بهم الجفاف والتصحر من العياييط وغيرهمم يملاون البصات بخبت البصل والبطاطس وكل ما تجود بة المزارع والكبور آن ذاك من خريم ونبق وقرض وسنمكة ثم البيض حيا وميتا واتزكر احد الإخوة جاء من الخليج مرطب ..مطري ومندي وفى تلك الثياب التى تسوى الزلعة لمن فاتهم قطار الاغتراب آنذاك يجلس فى الكنبة التى تطل على كل البص وكنا نسمى كل من يجلس هنالك بالالفة وما ادراك ما الالفة الذى قال فية محى الدين الفاتح ما قال ويمكن ان تجد ذلك فى بيت طابت فى النت ......ذلك المغترب وفى الكنبة المواجهة لة مباشرة احدى تاجرات العياييط تحتها خراتى من البصل ومن ماجميعو كما يحلو لبولا وكانت تحمل دجاجة مزعجة ولاحياء لها تحدث لا بل تتغوط نهارا جهارا وتكاكى باعلى صوتها ثم تحاول الانفكاك من ام عزين الاان ام عزين كاربة كلتا يديها فى كرعين الجدادة زي شيت القزافى للبيين ولا نفس ......الزغللة اصابت ذلك الظريف الذى كان يضوع منة العطر الباريسى النفاذ الخلاب وكنت اتابع ذلك المشهد بدقة متناهية لسبب واحد...... قبل ان نصعد البص جاء علينا احد المشهورين يالعين الحارة فعطس من رائحة العطر وزهق من لون الملابس ولون المغترب ودرجنا نحن اهل الخبرة بذلك الأخصائى ان نتحوقل ونتعوذ ونهمهم ولكن ذلك المغترب نسى تلك القدرات الخارقة التى يتميز بها الشخص فدعونا يا جبارة غزي,,,,,ما زالت تتصاعد اصوات الجدادة كاك كاك كاك ويتصاعد معها صبر المغترب ويتصاعد فضولى لما سيحدث .....والبص حلقات مختلفة هلال مريخ واخري سياسة وكياسة واخري يتحدثون عن انواع السجائر والصعوت وفجاة اخذ يهمهم المغترب ثم انفجر اسمعى انتى الدجاجة دى رايحة تبيعيها فى السوق فاجابت ام عزين آي ياود عشاى ,,,,,سالها دايرة فيها كم قالت طرادة فاخرج اضان الدحش حمراء فاقع لونها تسر الناظرين فتخطفتها ام عزين بكلتا يداها والرعشة والخنوع والشكر ثم قالت خلها بمسكها ليك لامن تنزل فآجاب لا ....نزع الدجاجة من يدى ام عزين وبسرعة البرق لفظها عبر الدرابزين طليقة خارج البص فما كان من ام عزين الا ان تدف وتنادى للكمسارى وقف وقف وقف البص والسكاليب واحلالى ...ياللة حتى خيل لى ان ذلك المغترب سبدفع لها طرادة اخري ويدفع بها عبر الدربزين كذلك
منصور عبداللة
(عدل بواسطة munswor almophtah on 01-10-2005, 04:59 PM)
(عدل بواسطة munswor almophtah on 01-10-2005, 06:58 PM)
(عدل بواسطة munswor almophtah on 01-10-2005, 07:01 PM)
|
|
 
|
|
|
|
|
|
|
|
Re: الجدادة والمغترب (Re: munswor almophtah)
|
الرافع اللة والمعز اللة فالفول فولى اشتريتة وحدى وطبختة وساكلة وحدي وسارفع الباقى للمشلعيب وحدى ولو انت نسيت انا ما نسيت..... بلد تحتاج لايدى عاملة ذات قدرات متميزة وادراك فوري وقلوب مطمئنة
منصور
| |
|
|
|
|
|
|
|
|
|
Re: الجدادة والمغترب (Re: زول ساكت)
|
زول ساكت عليك اللة ازيك ويالطولت وين حيك
لكن الفيك عرفتها الشكينيبة دى عازمنا ليهامالك دحين آجنا مى زي التجانى الماحى وبعشر واللة شنو اقسمت يمين طرش اضانى
المغترب دا ذاتو خريج الشكنيبة وجابو للبحر الكبير عندنا لى طيب القوم الشيخ الطيب ودالبشير
يازول قسم باللة انت زول بصح بصح دحين تعالنا فى امرحى وفى البصات اسال اكان البص فية ام عزينةفوتة
لك فائق وجزيل لشكر عزيزي الفاضل
منصور
| |
|
|
|
|
|
|
| |
munswor almophtah
زول ساكت
المكاشفي الخضر الطاهر
فيس بوك
تويتر
انستقرام
يوتيوب
بنتيريست