|
اها يا البورد جاك بلا
|
في الشهور السابقة كنت اتسكع في شوارع الخرطوم مع الوجهاء عصام عبدالحفيظ وطلال عفيفي والرقيق قرمبوز وضياء وناجي والجميلة ايزابيلا ولم اكن استطيع الكلام معهم لخصوصية ونستهم عن سودانيز اون لاين ولكني الان استطيع ان اقول والله امبارح رفعت لي بورد .. وكمان ممكن اسلم على طارق ابوعبيدة وتماضر شيخ الدين وابلغها تحيات راما ومحمد في عين شمس واتمنى ان اكون احد اعضاء المنبر النافعين. شكرا
|
|
|
|
|
|
|
|
Re: اها يا البورد جاك بلا (Re: خضر عطا المنان)
|
يا ســـلاااااااااام والله فعلا بكري ابوبكر قرب المسافات و كثيرا دكتوره منال محمد علي شخصيا حمدلله علي سلامه الباص وورد و اقامه سعيده بين ظهرانينا
تعرف يا جنا عطا المنان منال دي بت حلوه زي الورد .. و نقيه كماالمويه الزرقا
| |
|
|
|
|
|
|
Re: اها يا البورد جاك بلا (Re: khider)
|
يا طارق وصحبه الميامين والله العظيم خجلتوني من ترحابكم لدرجة اني اسع ما قادرة اكتب ... والمشكلة اني مابعرف اكتب الكلام بتاع القلاصة والثقافة الصعب داك .. لكن والله كتر خيركم وياطارق وين عماد براكة ومشتاقه ليكم شديد وانشاء الله حا اكون بطرفكم شهر مايو ويا هولندا جاك بلا برضو حبي لكل من يحمل طرف هذا الخيط الجميل ( البورد)
| |
|
|
|
|
|
|
Re: اها يا البورد جاك بلا (Re: Manal Mohamed Ali)
|
منال :
نفتح لك القلب مضيفة وسُكر
فتعالي فقد صعدينا درجاً درج
والغالب الله بس كمان يا ابو الصحب : ما حيتقدري تقولي امبارح رفعت لي بورد لانو لو رفعتي البورد بطلع بره الشاشة : الشفقة شنو ..! فلكي محبتي قلماً وجسر
| |
|
|
|
|
|
|
Re: اها يا البورد جاك بلا (Re: Manal Mohamed Ali)
|
مرحب حبابك يا منال (سهام)
كل سنه وانتى بخير والقابله تتحقق الامنيات
عارفه وحتى تكتمل الافراح الباقى وجود ( الهام )وطبعا انتى عارفه
الهام ( سلامى و .....)
تانى ميلون مراحب بيك ولنا لقاء
المفروض يكون معاى ناو صديقى العزيز داك علشان نرحب بيك سويا ولكن يظهر انى تاخرت ولذا لم اجده ولكن غدا انشاء الله
قاسم اسماعيل
| |
|
|
|
|
|
|
Re: اها يا البورد جاك بلا (Re: Manal Mohamed Ali)
|
بسم الله الرحمن الرحيم الأخت العزيزة منال الف مرحب وأنت تخطين في رحاب الحوش الكبير مع تباشير السلام فيما يبدو أنها قدم خير لنا وفال حسن للسودان أجمع ـ روحك المرحة وخفة دمك تنبئ فعلآ أن البورد قد جاءه بلاءـ بس بلاء حسن مع أمنياتي لك بالإقامة الطيبة بيننا ودمتي أخوك راشد الحاج
| |
|
|
|
|
|
|
Re: اها يا البورد جاك بلا (Re: المعتمد)
|
أهلاً بك يا منال
أعتقد إنني تحدثت معك بالتلفون قبل سنوات طويلة وكنت حينها أبحث عن صديقتي كلتوم فضل الله. على كلّ أرجو أن يطيب لك المقام. ولك التحية.
نعمان
| |
|
|
|
|
|
|
|