كتب الكاتب الفاتح جبرا المتوفرة بمعرض الدوحة
|
|
 منبر لا يطاق
|
غايتو لولا الذي بين اساسي و جاد من جهة؛
و ياسر الشريف من جهة اخرى.
و لولا الذي - كان - بين اسامة الخواض من جهة؛
و بشرى الفاضل و عجب الفيا من جهة اخرى.
لكان المنبر لا يطاق.
|
|
 
|
|
|
|
|
|
|
|
Re: منبر لا يطاق (Re: Hussein Mallasi)
|
يعنى بتحب الربة
شفتك قلت من عطبرة ... دكتور بابكر عبد الغنى أخصائى النساء بعطبرة فى الثمانينات كان أيام الكتاحة الشديدة يكون مبسوط ولما نسألوا يقول بقيت من ناس عطبرة... ويضحك ويقول ناس عطبرة مزاجم بكون رايق لما الجو يعكر.
| |
|
|
|
|
|
|
|
|
|
Re: منبر لا يطاق (Re: Balla Musa)
|
و من منا لا يحب الربة يا بلة؛
عاشت عطبرة و العطبراويين.
و بالمناسبة تذكرت الان جملة قراءتها و اظنها لبشرى الفاضل؛
و ما زالت راسخة في ذهني منذ امد بعيد و هي:
"حين يعطبر العطبراوي"
او حاجة بالشكل دا.
و شوف النحت دا كيف باللاهي "يعطبر" و يتعطبر.
| |
|
|
|
|
|
|
|
|
|
Re: المنبر يمر بحالة طلق، كما السودان أيضا (Re: Yasir Elsharif)
|
الاخ /حسين ملاسى - التحية والاحترام
صدقت والله لا يطاق – كنت ومن قبل ان اكون عضو فى المنبر بحجز لى ساعة من وقتى خاصة بالمنبر لاقراء واستفيد من الذين قلتهم وآخرين ولكن الان وكم من مرة ادخل وامنى نفسى بأن لا ادخل مرة ثانية ااااااااااه يا استاذ او كما قلت
Quote: غايتو لولا الذي بين اساسي و جاد من جهة؛
و ياسر الشريف من جهة اخرى.
و لولا الذي - كان - بين اسامة الخواض من جهة؛
و بشرى الفاضل و عجب الفيا من جهة اخرى.
لكان المنبر لا يطاق. |
خالص الشكر والتقدير
| |
|
|
|
|
|
|
|
|
|
Re: منبر لا يطاق (Re: بلدى يا حبوب)
|
Quote: غايتو لولا الذي بين اساسي و جاد من جهة؛
و ياسر الشريف من جهة اخرى.
و لولا الذي - كان - بين اسامة الخواض من جهة؛
و بشرى الفاضل و عجب الفيا من جهة اخرى.
لكان المنبر لا يطاق. |
اول مرة الواحد يتمنى أن يكون اسمه مكتوبا!
لكن ما همية الموت مع الجماعة عرس يا عريس
جني
| |
|
|
|
|
|
|
|
|
|
Re: منبر لا يطاق (Re: Balla Musa)
|
حسين أوافقك علي أنو المنبر ممل جدا وسخيف ومرات لاأبه بأمور أو طروحات مهمة ومرات تطرح فيهو مسائل ممعنة في اكاديميتها بطريقة فجة تجيب الدوبال وتقرف.
مرات بحس اني في المنطقة الصناعية
ايد ده!!
| |
|
|
|
|
|
|
|
|
|
Re: منبر لا يطاق (Re: raheemsudani)
|
تعرف يا حسين
لولا الخو والأو بتاعة العطبراوي
ما كان نجحنا في امتحان ولا دخلنا جامعة.. كل مذاكرتنا كانت تحت الكوبري
أحيانا كنت أطلع كوبري العطبراوي من علو عشان اسمع خوة العطبراوي الدافر
والحكمة لما يمر القطر
استقر تحت الكوبري واشوف رجفانه
كركلك كتركلك بلك بلك بلك
وعلى وزن ذلك قيس ليه جموع الحجيج بتقول
الملك لك لبيك لا شريك لك لبيك
| |
|
|
|
|
|
|
|
|
|
Re: منبر لا يطاق (Re: المسافر)
|
تعرف ياملاسي
وليد المبارك لو بتذكرو
لولا انتظاري ان يعاد تسجيله
لإتخارجت من زمان
ده السبب الاول
اها السبب التاني
ازيارك .......
| |
|
|
|
|
|
|
|
|
|
Re: منبر لا يطاق (Re: بلدى يا حبوب)
|
| Quote: ولولا التمنيات بعودة المفصولين وانتظارهم |
يا سلام يا حبوب؛
في دي ليك حق تمام.
و الارحج ان يكون السيد بكري راغب في
مفاجأتنا بعودتهم في شم النسيم.
| |
|
|
|
|
|
|
|
|
|
Re: منبر لا يطاق (Re: Tabaldina)
|
ملاسى
ياراسى
ساكن جنب
اساسى
سبب الركووووود غياب
بيان وبنات العباسى..
والاسم المستعار
المستخدم من
قبل اهل الفكر الحداسى...
لو لا مابين ال org و ال com
لصار المنبر لا يطاق
| |
|
|
|
|
|
|
|
|
|
Re: منبر لا يطاق (Re: abuguta)
|
كيفك يا ابو الجنون؛
| Quote: اول مرة الواحد يتمنى أن يكون اسمه مكتوبا! |
مشكلتك الوحيدة انك ما مركِّز؛
مرة مع ناذر و مرة مع ابوالريش و مرات مع جمعة؛
غايتو لو ركزتا ليك في خانة و قفلتا ليك زول؛
بتفوت حمد المنتشري؛ و بتلقى اسمك مكتوب وش.
| |
|
|
|
|
|
|
|
|
 Re: منبر لا يطاق (Re: Hussein Mallasi)
|
ملاسي...
يا مستبين الأشواق...
طيب...
| Quote: يطاق ام لا يطاق !! |
حسب الحالة المزاجية للأفراد...
والكتاتيح ..
وأغبرتها.....
ووتقلبات الأمزجة...
أحياناً..
يطاق حد الأشواق...
وأحياناً..
لا يطاق..
| |
|
|
|
|
|
|
|
|
|
Re: منبر لا يطاق (Re: A.Razek Althalib)
|
سلامات يا المسافر؛
Quote: استقر تحت الكوبري واشوف رجفانه
كركلك كتركلك بلك بلك بلك |
زمان؛ و نحن في طريقنا - او طريق عودتنا -
لحوض البركس من بحري.
كان ود الجوكر ينحني واضعاً اذنه على قضيب القطر؛
فإن سمع ما يشير الى ان هنالك قطار قادم؛
فانه كان لا يجازف ابداً بقطع الكبري .
و كنا كل يوم و التاني في الفيلم دا.
| |
|
|
|
|
|
|
|
|
|
Re: منبر لا يطاق (Re: Hussein Mallasi)
|
كان عطبرتو بندندر معاكم
اساسي يحب ينكت الحاجات الغريبة لحدي ما يوم ينكت ليه عقرب ناشفة شايلها اخلاقا في ضنبا
كدي يا ملاسي اديها صنه شوية والعصافير بترك براها
| |
|
|
|
|
|
|
|
|
|
Re: منبر لا يطاق (Re: newbie)
|
سلامات يا newbie
| Quote: كدي يا ملاسي اديها صنه شوية والعصافير بترك براها |
كويس بنديها صنة يا newbie؛
بس الخوف كلو من رك العصافير دا؛
و لو ما مصدق شوف فيلم هتشكوك بتاع الطيور داك.
| |
|
|
|
|
|
|
|
|
|
Re: منبر لا يطاق (Re: Hussein Mallasi)
|
يا ود يا ملاسى ........... امنع الفوضى !!
من زمان شايفه بوستك دا معلق وما قادره ادخل الواحد بقى يخاف من العطرايه!!
الليله كنت مدبرسه شديد .... من يوم فراق الخاتم.. وحاجه تقيله قابضه قلبى ...
جيت على البورد وحالفه ما ادخل اى بوست فيهو كلام حزين !!!!!!!!!!!
اتوكلت على يوستك دا !! ابتسمت ... حسيت يطعم الابتسام غريب على وكانى لم ابتسم
دهرا ........ شكرا ملاسى فانا مدينه بتلك الراحه لك !!!
ويا سيدى هذا البورد لمن استطاع اليه سبيلا.................ز
تسالنى وكيف الاستطاعه؟؟؟؟؟؟؟؟؟؟؟
نقول بالطاقه!!!!!!!!!!!!!!!
لقيتك ما عندك طاقه والله...........
طيب ولياقتك كيف!!!!!!!!!؟؟؟؟
اوووووووع تقول لى تعبانه؟؟؟؟؟؟؟؟؟؟؟؟؟؟
ايه رايك نجعل ما بينى وبينك.......... يحول هذا المنبر الى (يطاق )........
ولا هى عكسها شنو ... لايطاق دى؟؟؟؟؟؟؟؟؟ اسعفنى بالعربى .........قوام
| |
|
|
|
|
|
|
|
|
|
Re: منبر لا يطاق (Re: هميمة)
|
لولا مابينى وبين كل من فى هذا المنبر الوطن من
حب
واحترام
واختلاف
ومعزة
لماطقتهم ولاكانوا ليطيقوننى
ولكنها العشرة الحلوة اخى ملاسى
| |
|
|
|
|
|
|
|
|
|
Re: منبر لا يطاق (Re: هميمة)
|
كيفك يا ابو قوتة؛
دعني - و قبل ان ابدأ - احيي عبرك السيدة
الفاضلة الزميلة "أم قوتة".....
Quote: ملاسى
ياراسى
ساكن جنب
اساسى
سبب الركووووود غياب
بيان وبنات العباسى..
والاسم المستعار
المستخدم من
قبل اهل الفكر الحداسى... |
اتخيل معاي يا ابو قوتة؛ لو السيد بكري
رجع الاخوات بيان؛ رجاء؛ راوية و رودا؛
و بعد ما يرجعهم يرفضن العودة بدعوى
ان ليس للسيد بكري ان يوقفهم و يعيدهم وقت يشاء.
اها تفتكر حينها الموقف حيكون كيف !!
| |
|
|
|
|
|
|
|
|
|
Re: منبر لا يطاق (Re: Hussein Mallasi)
|
كيفك يا هميمة؛
نشاطركم الاحزان فالفقد واحد.
زي القريت كدا انك بتعرفي سعد عثمان بشير؛
ان كان ذلك كذلك فتحياتي له.
Quote: طيب ولياقتك كيف!!!!!!!!!؟؟؟؟
اوووووووع تقول لى تعبانه؟؟؟؟؟؟؟؟؟؟؟؟؟؟ |
كانت تعبانة؛ الا انها لم تعد كذلك؛
فمنذ اسابيع بديت برنامج لعودة الشيخ لصباه.
يعني برنامج رياضي و كدا.
و لاني لم اكن اعترف بما فعل المشيب؛
فانني مازلت اعاني من تمارين كرة السلة؛
و مشيتي اصبحت اقرب للعرج بسبب اللام العضلات.
الا ان ما يخفف من وقع الامر؛ هو ان الذهن مازال حاضراً.
| |
|
|
|
|
|
|
|
|
|
Re: منبر لا يطاق (Re: Hussein Mallasi)
|
سلامات يا نادية؛
Quote: لولا مابينى وبين كل من فى هذا المنبر الوطن من
حب
واحترام
واختلافومعزة
لماطقتهم ولاكانوا ليطيقوننى
ولكنها العشرة الحلوة اخى ملاسى |
انا شخصياً يا نادية؛ لولا الاختلاف - تحديداً -
لما استطعت ان اطيق المنبر.
فبالاختلاف تتفجر الطاقات؛ و يشتعل المنبر فوق اشتعاله.
| |
|
|
|
|
|
|
| |
Hussein Mallasi
Balla Musa
Yasir Elsharif
هاشم نوريت
معتز تروتسكى
بلدى يا حبوب
jini
raheemsudani
المسافر
abuguta
A.Razek Althalib
فيس بوك
تويتر
انستقرام
يوتيوب
بنتيريست