كتب الكاتب الفاتح جبرا المتوفرة بمعرض الدوحة
|
|
 محمد حامد جمعة والوان يطلقان سراح تيسير علوني
|
يوم الثلاثاء الماضي نشرت قناة الجزيرة في شريط الاخبار المتحرك سطرا يقول ان
Sudan Media Center وجريدة الوان ناشدتا السلطات الاسبانية اطلاق سراح الصحفي تيسير علوني.
على ذمة الراوي فان القاضي الاسباني المختص قد فغر فاهه مندهشا ولا زال يعاني من (كبسة) الدهشة عليه. لقد تلقى سعادتو عشرات المناشدات من العالم الحر والديمقراطي ومن جهات تهتم بالانسان كانسان مهما كان اتجاهه السياسي. مرات مكالمات من رؤساء دول ديمقراطية ومن شخصيات عالمية ومن طلاب وتلاميذ واتحادات وصور مظاهرات وقنوات فضائية
وهو اي القاضي سادي دي بطينة ودي بعجينة. والما عجبو يشرب الاطلسي كلو.
ولكن حين قرأ مناشدة جريدة الوان و SMC هرع الى سكرتيره يستفسره عن صحة ما قرأه فلما جاءته الاجابة بنعم. اسرع الى طاولته وكتب بالاحمر
اطلقوا سراح تيسير علوني فورا
ولما سئل عن سبب قراره، قال لقد هان القضاء الاسباني حتى يناشده امثال هؤلاء. الا ترى (الوان) المساكين المحتجزين داخل زنازين الامن السوداني تحت سلطة وسمع وبصرSMC ؟
لماذا لا يطلق هؤلاء شيخهم الذي علمهم السحر؟
وماذا عن سجناء الشرق؟
واين اسرى الحركة الشعبية؟
الا يستحي هؤلاء.
واضاف القاضي الاسباني – لا زالت العهدة على الراوي – يدهشني في امثال هؤلاء ان يثيروا ضجة اذا صافح الصادق المهدي يهوديا وهم قد عينوا اللواء الفاتح عروة مندوبا للسودان في الامم المتحدة ، ارفع منظمة عالمية، وهو الذي فطر وتغدي وتعشى ونام مع اليهود وساعد في تهجير الفلاشا من داخل الحدود السودانية. ولا زال هؤلاء يتحدثون عن انهم آخر من يصافح اليهود !!!!
قال الراوي ان القاضي لا زال يتحدث الى نفسه بصوت عال من فرط الدهشة.
الراوي من عنده قال انه حاول الاتصال بعضو جهاز الامن / عضو البورد الا انه علم ان العضو لا يستقبل المكالمات على الموبايل لاسباب امنية اي خوفا من التفجير.
من جانبي اشد على يد محمد حامد جمعة مهنئا على هذا الموقف النبيل واحساسه بمرارة الظلم الذي وقع على تيسير واناشد زميلنا ان يواصل جميله ويسعى لاطلاق سراح الابرياء الذين في زنازين مكتبه.
|
|
 
|
|
|
|
|
|
|
|
Re: محمد حامد جمعة والوان يطلقان سراح تيسير علوني (Re: ود شاموق)
|
خالص التحايا...
Zoal Wahid
غايتو لو كلامك ده صاح..
لانبخس الناس اشيائها ..ونقول عمل جيد
لكن لو صحى طيب الناس دى ما سمعت
با الاقربون اولى بالمعروف..
ثم
Quote: ود شاموق
الله يقطع مصارينك زي ما قطعتا مصاريني .. انا والله من الضحك والدموع ما شايف الكيبووووووووووووورد
مع السلامة بجيك بعديم لمن أكمل ضحكي ....
|
قالو موت الجماعه عرس..
| |
|
|
|
|
|
|
|
|
|
Re: محمد حامد جمعة والوان يطلقان سراح تيسير علوني (Re: معتز تروتسكى)
|
الاخ معتز تروتسكى
الصاح انو قناة الجزيرة نشرت يوم الثلاثاء المناشدة من صحيفة الوان وSMC
انا من شدة ما كضبت عيوني ناديت الولية وقلت ليها: عليكي الريدة تقري لي الكلام دا.
الحصل انو يوم الاربعاء القاضي اطلق سراح تيسير
اها شوفك كده الكلام صحي ولا ما صحي؟؟؟؟؟؟
Quote: لكن لو صحى طيب الناس دى ما سمعت
با الاقربون اولى بالمعروف..
|
ما ياهو ده الجنن بوبي
| |
|
|
|
|
|
|
|
|
|
Re: محمد حامد جمعة والوان يطلقان سراح تيسير علوني (Re: Habib_bldo)
|
يا شباب ... سلامات
يا زول العتب على النظر واحسن تراجع ناس قناة الجزيرة وتشوف الناس العملت المناشدة منو ... المسالة كانت يوم ولقاء تضامنى نظمته صحيفة الوان والمركز القومى للانتاج الاعلامى للتضامن مع تيسير علونى .. والمركز الذى اعمل به لا دخل له من قريب او بعيد بهذه المسالة وشاركنا بالتغطية الصحافية فقط ...
يعنى يا حبة وبالعربى البسيط كدا ... قول بسم الله ... ودقق فى معلوماتك حتى اذا كان المصدر ثقة عندك - الشريط الجارى فى قناة الجزيرة او قول حصاد اليوم الاخبارى - ..
عشان يا زول وبقية الاحباب كدا المسالة ما بتكون حلوة ... لانها زى ما بيقولو المصريين جر شكل ...
بعدين بتنجهونا ... الزول بس يخش النت يلقى اسمو فى الترويسة وفووووووووووووق .. ما شاء الله .. اللهم زد وبارك ..
المهم .. مبروك لتيسير علونى بالمناسبة الزول محبوس وين فى اسبانيا يعنى فى اوربا والغريب فى الكلام دا انو فى ناس تقول هناك مافى ربط ... ولا دى الدقن يا ربى الجابت ليهو الهواء فى بلد الاستنارة ... يا نائح الطلح ...
بالنسبة للاقربون
... انشاء الله يمرق قريب ... وتغنو معانا ... النقر جا
اها ..
| |
|
|
|
|
|
|
|
|
|
Re: محمد حامد جمعة والوان يطلقان سراح تيسير علوني (Re: محمد حامد جمعه)
|
انا متأكد100x200 انو الاسم كان اسم المركز التابع لجهاز الامن، يعني المركز الانت بتعمل فيهو.
ولو كنت قايلك بتغالطني زي ده كنت صورت الشريط المتحرك.
| Quote: بعدين بتنجهونا ... الزول بس يخش النت يلقى اسمو فى الترويسة وفووووووووووووق |
دي آخر ايام الشمولية فيا اخي خلي روحك رياضية
| Quote: الزول محبوس وين فى اسبانيا يعنى فى اوربا والغريب فى الكلام دا انو فى ناس تقول هناك مافى ربط ... ولا دى الدقن يا ربى الجابت ليهو الهواء فى بلد الاستنارة |
يعني لو ربطوا زول واحد هناك انتو بتلقوا ليكم عذر تربطوا كل الشعب السوداني ؟؟؟؟؟
Quote: بالنسبة للاقربون
... انشاء الله يمرق قريب ... وتغنو معانا ... النقر جا
اها .. |
حيمرق حي ولا جنازة؟
والباقيين حيكونوا في خبر كان ولا شنو ...
| |
|
|
|
|
|
|
| |
Habib_bldo
ود شاموق
معتز تروتسكى
محمد حامد جمعه
nadus2000
saif massad ali
Abo Amna
فيس بوك
تويتر
انستقرام
يوتيوب
بنتيريست