|
|
|
 Re: كان.. الجزلي... مذيعنا الاول . كان.. وكان.. (Re: عمر محمد عبد القادر)
|
يا دو الباوقة يا أخوي قبال ما ينسحب عمر الجزلي من الأخبار أسحب لينا كمال حامد من برنامج الرياضة ولا أقول ليك التلفزيون السوداني بقي زي كورتنا محلية وبس ولو ما شوية فنانين وأغاني كان حالنا يحنن ، وقبل أكثر من كذا بوست أعلنت أخي في مقامكم هذا عن بيع تلفزيوني السبب لي أذاي ومعاه ريموت كونترول كمان وتربيزة ونص رطل سكر تشجيعاً للمشتري وبالتقسيط المريح كمان ووحاتك لي يوم الليلة زول ساكت هببو لي مافي.
| |
 
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: almulaomar)
|
اخونا الملا عمر .. والله انا لدي اقتراح لاخوي كمال حامد يقوم ( يبدل ) عمر الجزلي يعني كمال ودحامد في الاخبار والجزلي في عالم الرياضة عشان برضو الجزلي يستفيد شوية لكن بيني وبينك كمال حامد مش حا يوافق بالذات الايام دي ( بايضالو في قفص ) مع دورة الالعاب الاسلامية هنا في السعودية ..لكن نحنا بنحاول نوفق بينهم يعني ود حامد يكون في منطقة الخليج لانو مش حا يتنازل عنها ابدا ابدا مهما يكون وجزء من اوربا واخونا الجزلي يكون في سفريات افريقيا عدا ( تشاد ) وجزء من اسيا وربنا يكون في عونه ... وعوناجميعا ... طالما انهما مكلتان فيها تكليتة بت كلب ...
ود الباوقة
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: وليد شريف)
|
| Quote: انت عارف الزكمة الماسكة الزول دة من الله خلقنا لحدي الليلة ما دايرة تفكو |
والله يا جماعة فعلا الاحسان ما ينفع فيكم الجزلي دا ليهو قرابة( نصف قرن ) يقرأ في الاخبار ودايرنو ما تجيهو ( زكمة ) يا اخي احمدو الله الما حصل ليهو ( انحباس صوتي )
بعدين يا وليد الزول دا ما بلدياتك من بربر مش كدا...
ود الباوقة
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: عمر محمد عبد القادر)
|
ود الباوقه
كيفنك
اريتك انت طيب انا لبي كلو هين
ياخي والله الزول دا لمن اشوفو تمسكني الحمه ام رجفه
انت في دا
عندو برنامجو اسماء في حلتنا
دا البقبضو كلو بلحقو امات طه
والعجب العجيب دعايه البرنامج قبل العرض وبعدالعرض ، للبرضي واليابا هو البقدمو
غايتو جنس تحشر
والله العظيم واحد شاف ابوه استضافو الزول دا
انطلق فينا بكاء ونحيب ، يازول مالك قول اسغفر الله
قال بس معاناها ابوي الزول دا داير يقرضو
وبعدين عندو قعده كدي ليها زاريه احححححححححححححي
معني المعني بحاكي ناس الجزيره
الجزيره التروح فيها ،،،،،،،،،
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: ود شندي)
|
| Quote: دا البقبضو كلو بلحقو امات طه |
اخوي ود شندي يشهدالله ما قلت الا الحق ... تعرف انا عندي واحد قريبي الجزلي دا قدر ما جرى وراه عشان يستضيفو في برنامج اسماء في حياتنااولادو ابو يخلوه يروح ليهو لانو قالوا ليهو الزول دا لو مشيت ليهو ( بيقرضك ) ويلحقك امات طه ومازال الجزلي يلح والمسكين ( كابي منو الزوغة ) بالله شوف الكلام دا كيف ... طفش الناس من التلفزيون
الله يجازيك يا الجزلي .....
ارقد عافية
ود الباوقة
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: ست البنات)
|
و الله يا جماعه ذكرتونى قصه فى التلفزيون ده حصلت قبل كم سنه...اها انحكيها ليكم.. قالولكم كنا انا و اخويا لى بنشوف لنا فى فيلم كابوى اصلى .. المهم الفلم انتهى من هنا و جانا ليك مذيع نسيت اسمه(الكبر حاصل) قال ليناو الابتسامه و احساس القيافه فووووق: "اعزائى المشاهدين نعتذر اليوم عن تقديم موجز الاخبار وذلك لذهاب الزميل المحرر الى المطار" تصدقوا بس .. امانى الدنيا ما محن... المهم اكتر حاجه و جعتنا انا و اخوى انو ما ورانا مشى يودع و الا يستقبل و فى الحالتين منو؟ الله يجازيهو كان خلى الشمار كاتلنى لهسه.
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: Siham Elmugammar)
|
| Quote: من هنا و جانا ليك مذيع نسيت اسمه(الكبر حاصل) قال ليناو الابتسامه و احساس القيافه فووووق: "اعزائى المشاهدين نعتذر اليوم عن تقديم موجز الاخبار وذلك لذهاب الزميل المحرر الى المطار" تصدقوا بس .. امانى الدنيا ما محن... المهم اكتر حاجه و جعتنا انا و اخوى انو ما ورانا مشى يودع و الا يستقبل و فى الحالتين منو؟ الله يجازيهو كان خلى الشمار كاتلنى لهسه. |
سهام .. حاولي تتذكري اسم المذيع... بعدين يظهر المحرر من ديك وعيك تاني ما جاء راجع عشان كدا قاموا( يلقطوها) من الفضئائيات الاخري .. فعلا مهازل.. مهازل ... لكن مكتوب الجبين لا بد تشوفو العين...
ود الباوقة
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: عمر محمد عبد القادر)
|
ود الباوقه
(حقوق الطبع محفوظه)
Quote: اخوي ناذر .... حرم لو داير البوست كلو شيلو ما عندي مانع وما كتير عليك .. بعدين طالما ( الرمي ) كلو في سلة واحدة مافي مشلكة وفقك الله ...
|
ناذر
ياخي الراجل دا انشاء الله تدخلو البوست ابوضبح بتاعك دا ماعندنا مانع بس فكنا منو الله يصلح حالك
(اللهم لا نسالك رد القضاء ولكن نسألك اللطف فيهو)
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: ود شندي)
|
صراحة أناأكره سماع
نشرة الأخبار من الأستاذ / عمر الجزلي ..
و بصراحة أكثر أتشائم من قراءته للنشرة ..
فما نشرة قرأها إلا و سمعته يقول
( تحتسب رئاسة الجمهورية .. )
أنا أعلم أن الموت حق ..
لكن حينما يرتبط ذلك الحق بعمر الجزلي دوماً
فهو أمر يدعو للتشاؤم ..
و ثم ثانياً ..
الأستاذ / عمر الجزلي يريدك أن تتفاعل مع الخبر
وفقاً لإنفعالاته هو
و في ذلك مصادرة لحق المتلقي في التقييم ..
هناك خبر يحزن عمر الجزلي فيهدج فيه صوته ..
و كأنه يحاول إستدرار حزن الآخرين حتى إن لم يكن هذا الخبر يحزنهم ..
و هناك خبر يفرح فتراه يحاول أن يخفف دمه
فيكون ذلك مدعاة لرفع الضغط و قل التتانوس ..
الأستاذ / عمر الجزلي ..
شكراً لك على ما قدمت ..
و آن الأوان لأن نريح عيوننا و آذاننابمن هو أفضل ..
شكراً ود الباوقة ..
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: عصام دهب)
|
Quote: صراحة أناأكره سماع
نشرة الأخبار من الأستاذ / عمر الجزلي ..
و بصراحة أكثر أتشائم من قراءته للنشرة ..
فما نشرة قرأها إلا و سمعته يقول
( تحتسب رئاسة الجمهورية .. ) |
العزيز عصام دهب يعني ممكن تقسم شهداء الجزلي لاتنين :-
1- شهداء نشرات الاخبار
2- شهداء برنامج اسماء في حياتنا.. واليك هذا الحوار
* يا ولدي الليلة ( قاشر ) كدا ماشي وين
* الابن .. والله ماشي التلزيون
* مالك عندك شنو فيهو
* والله في برنامج مستضيفني فيهو
* برنامح شنو ..
* حق عمر الجزلي .. اسماء في حياتنا
** ووب على ووب على .. مالك قنعت من روحك .
* يا امي الاعمار بيد الله
* شوف يا ولدي لو مشيت ( ماني عافية منك )
* ليه يا امي
يا ولدي الراح البرنامج دا كلو ما جا راجع ( يتلحس ) على طول
وما زال الابن حائر حتي هذه اللحظة بين ذهابة للبرنامج وعدم عفو والدته
ود الباوقة
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: عمر محمد عبد القادر)
|
تخيلت وأنا الدائش بأن إدارة التلفزيون قامت بتشفير بث التلفزيون القومي ، أها قوم يا حاج فضل بيع تلفزيونك الأربعة عشر بوصه مقايضة بأبريق وكيس مخده ، وقد إنخفض مؤشر سوني وإل جي في أسواق العاصمة الخرطوم وأصبح التلفزيون ولوح الصابون يتساويان في القيمة ومن ثم نشطت تجارة الحدود في تهريب أجهزة التلفزيون إلى الدول المجاورة وما أكثرها ، كما شهدت العاصمة إرتفاعاً ملحوظاً في أجهزة الراديو وبخاصة تلك التي تعمل على الموجة المتوسطة والقصيرة بالإضافة إلى الإف إم.
وقد صرح مصدر مسئول من الخير بأن التشفير والتحكيم كلاهما فاشلان
وأفتي بعض العلماء بعدم جواز معاينة التلفاز عملاً بمبد لا ضرر ولا ضرار
ويري فريق آخر من الفقهاء بأن التلفزيون يشبه الخمر والميسر في مسألة كونه فيه منافع للناس كجهاز لكن إثمه أكبر من نفعه وقد علق أحد الخبثاء بأنه ينوي شراء تلفزيون بلاك ليبل بدلاً عن التلفزيون الأسود وأبيض أو تلفزيون أبو بنت
كما نصح الكثير من الأطباء بأن القناة السودانية تصيب الإنسان بالكآبة والعقد لمساختها وخوائها.
| |
|
|
|
|
|
|
|
|
|
Re: كان.. الجزلي... مذيعنا الاول . كان.. وكان.. (Re: almulaomar)
|
اخوي الملا عمر .. انت قاعد تشوف الفضائية السودانية اليومين ديل حريم ساكت .. الرجال مشو وين يا ربي .. تصدق اول امس وانا داخل الي المنزل سمعت مديح بدق ( الرق ) وبما نني من محبي المديح .. ومن سماع الصوت ظننته المادح ( الشيخ الباهولي ) نفس الصوت .. اسرعت الخطى لالحق بمشاهدة التلفزيون تخيل لقيتا مراة بي داك يا التوب الما خمج وشايلا الرق وتمدح وباقي النسوان يشيلوا معاها .. كان ذلك باستاد الخرطوم ..عصر الاحد الفائت ....
ود الباوقة
| |
|
|
|
|
|
|
| |
almulaomar
ست البنات
Siham Elmugammar
جمال السنوسي
ناذر محمد الخليفة
معتز تروتسكى
فيس بوك
تويتر
انستقرام
يوتيوب
بنتيريست