|
|
 قصة مع الكيزان فى منسقية الخدمةالوطنية
|
القصة بدت بعد التخرج اول حاجة
فكرت فيها اقضى الخدمةعشان اخارج نفسى
المهم معاى زملان الشقىاللةاطراهم بى الخير
قلنا نمشى الصباح نبدافى الموضوع
اها صحيت الصباح اول حاجة جات فى راسى الكيزان
وشىاتكرفس مشيت ديتا دش ابى اتصلح كلو كلو المهم
ركبت حافلة السوق العربى من الثورة المهداوى وفى طول
الطريق انا بثبت فى نفسى زى الخاشى مع معركة لانو الناس
ديل اعندهم اخلاق واحترام خاصة لمن اكونوافى موقع سلطة
وماعندهم خبرة بحاولوا اتموها عسكرية
المهم وصلت محططتى قلت اشرب لى كبياية شاى حمرا بى
سكر خفيف من الجاجة بتاعة االشاى اتونستة معاها
قلتااخف عنا وتخفف عنى شربت كبايتى ودعتها واديتنى دعوة
اللة اعرس ليك بس اختى بنات الجامعات قالت لى وكانت بتاشر بى عينة
على طلبة النيلين المهم لسع ما جيت لى الموضوع
اها اتوكلت ومشيت على المنسقية وصلت زيالساعة عشرة
زحمة تقيلة اتلفتا كايس زملانا الشقى وبعد صراع طويل
وصلت الشباك وسجلت اسمى وقالو الكشوفات بعد يومين
نواصل
علىالحسن
|
|
 
|
|
|
|
|
|
|
|
Re: قصة مع الكيزان فى منسقية الخدمةالوطنية (Re: ali elhassan)
|
اها بعد يومين مشيت شفت الكشوفات
لقيت نفسى موزع الجنينة رياضيات وفيزيا
الوكت داك ى حرب فى دارفور ومافى اى حاحة
باصرتها بى جاى قلت احول امر التحرك لى نهر النيل
ولا ربك ولا اى حتة قريبة بس مافى طريقة الا واسطة
الناس ديل شغالين عكس الناس يعنى انت تكون ساكن شمال
كردفان اودوك ربك مع انو لو كل واحد قضاها فى منطقتو
كان حيوفر ممكن تمشى لاهلو وفى ناس بعولو اسر لازم اشتغل واقضى
الحدمة ولى اعتارات اخرى
المهم ناس الخدمة قالو تجو اول الشهر عشان تستلمو
جوابات لى ادارة التعليم بى الجنينة
ملحوظة
انا بكتب بىالماوس عشان كدة شايف الموضوع طويل
نواصل
| |
|
|
|
|
|
|
|
|
|
Re: قصة مع الكيزان فى منسقية الخدمةالوطنية (Re: ali elhassan)
|
المهم انا مابى المشييةلى وحاسى انوالناس
ديل بعاندوا فينا وما همهم الا مشروعم الحضاري
المهم فكرت فى طريقة اتخارج بيها من المناطق
البعيدة وبى قدر الامكان اقرب من محل انا شغال عشان
امشى امورى بي جاى وبى جاى المهم قبل مااجي اول
الشهر قلت اشوف لى طريقة اها فى يوم من الايام
تكلم مع واحدزميلنا دكتور ساكن برى
قاعد معاهم واحد قريبهم اسموالطيب قالى
تعالى بكرة لصباح الطيب بعرف لية
زول بحل ليك الموضوع دة
| |
|
|
|
|
|
|
|
|
|
Re: قصة مع الكيزان فى منسقية الخدمةالوطنية (Re: ali elhassan)
|
اهاالقصة بدت هنا تانى يوم صحيت الصباح
واتحركت ماشى برى وشايل معاى امر التحرك
بتاع الجنينة وصلت البيت دفرت الباب لانوالدكتور
ساكن براهو المهم لقيتو شربت معاهو الشاى تبادلنا
كلمات ساخطة على النظام الطيب كان فى الحمام طبعاانا
ماشفت الطيب لكن اتخيلتو ليك لابس بدلة اشتركية وحااسى
بى عصمة الطيب جاء طالع من الحمام لابس جلابية وطاقية
عرفت من اشرف بعد داك انو صوفى
المهم شال سبحتو واتوكلنا اول حاجة قالا لى مقضية
انشاء اللة وتاني حاجة سالنى قال حافص سورة يس
قولتا لية لا الكلام دة كلو ونحن فىالطريق للمنسقية
قربنا لى المنسقية ولى لب لموضوع
نواصل
| |
|
|
|
|
|
|
|
|
|
Re: قصة مع الكيزان فى منسقية الخدمةالوطنية (Re: ali elhassan)
|
وصلنا المنسقية وكانت فيها حركة شديدة
الناس زهجانة والايام ديك كانت الخدمة مدورة
فى الشوراع المهم فجاء جو داخلين شرطة عسكرية
وكيزان فيهم نوع من البلاهة ونحن ما فاهمين اي
حاجة بعدشوية جا كبيرهم طالع من مكتب
انا ماعارف دا بسموهو امير ولا منسق المهم واحد
من المنافقين ديل قال ياجماعة الناس دى كلها تقعد
في الواطة العدد كان كبير والجو سخانة تلحم
المهم الكوز دة قال يا جماعة القضى الخدمة اجي بي جاى
واورينا اوراقو والعندوا امر تح%D
| |
|
|
|
|
|
|
|
|
|
Re: قصة مع الكيزان فى منسقية الخدمةالوطنية (Re: ali elhassan)
|
وصلنا المنسقية وكانت فيها حركة شديدة
الناس زهجانة والايام ديك كانت الخدمة مدورة
فى الشوراع المهم فجاء جو داخلين شرطة عسكرية
وكيزان فيهم نوع من البلاهة ونحن ما فاهمين اي
حاجة بعدشوية جا كبيرهم طالع من مكتب
انا ماعارف دا بسموهو امير ولا منسق المهم واحد
من المنافقين ديل قال ياجماعة الناس دى كلها تقعد
في الواطة العدد كان كبير والجو سخانة تلحم
المهم الكوز دة قال يا جماعة القضى الخدمة اجي بي جاى
واورينا اوراقو والعندوا امر تحرك اجى بى جاى والماقضى
الخدمة اركب الدفار توالى المهم انا مركت منها وكنت مع
المجموعة التانية اما صحبى الطيب رفعوه الدفار
والزولا الجايين عشانو ما لقيناهو
ونواصل
| |
|
|
|
|
|
|
|
|
|
Re: قصة مع الكيزان فى منسقية الخدمةالوطنية (Re: ali elhassan)
|
المهم مرقت وانا حالف ما اقضى خدمة
ومشيت لى الدكتور قلتالية قريبك دة
دة رفعوه فى الدفار المهم بعد كام يوم
فكوة لانو كان مقضى الخدمة
العرفتو بعدايام انو الكوز الوهم القبيل
داك هو الجاب الدفار لانو قال النااس
كانت عاملة جوطة وما منظمة
قمة الاستهتار والاستخفاف بى عقول الناس
دون المراعاة لابسط حقوق البشر
دة شى بسيط لكن دلالة على انو النظام
ممكن اعمل اى حاجة فى سبيل راحتة
ودمتم
| |
|
|
|
|
|
|
| |
نصار
فيس بوك
تويتر
انستقرام
يوتيوب
بنتيريست