|
|
 قبضونا بنتحاسب !
|
السيد الصادق المهدى نط فوق وقال نهائى لا عندهم علاقة بواشنطن ولا قاعد يشيل منها التكتح ... اى امورنا مرتبة وبنشتغل بحقنا وقروشنا ونفى المهدي فى تصريحات بالدوحة وجود تنسيق بين حزب "الأمة" وواشنطن، مؤكدا أن حزبه لا يتلقى دعما ماديا من واشنطن، وقال في المؤتمر الصحافي إن الولايات المتحدة تدفع عشرة آلاف دولار شهريا للتجمع الوطني الديمقراطي الذي غادره حزب المهدي قبل أكثر من ست سنوات !
طبعا المعارضة ديل ناس طاهرة ويدهم عفيفة وحتى لمن فاطمة احمد ابراهيم هاجت فيهم وكالت اتهامات للتجمع الوطنى الديمقراطى المعارض بالتصرف فى اموال دفعتها الولايات المتحدة الاميركية لدعم المعارضة السودانية ألمحت القيادية الشيوعية الى انها صرفت خارج البنود المخصصة لها اليوم داك الناس صنت ساى وما لقينا يا كافى البلا زول يدق صدروا ويقول تعالوا نشوف الحاصل شنو .
رغم انو الاحداث تقريبا كلها بتخلى الناس تسال القروش الامريكية دى (دولار ) عمل حره يا منوفلى بتمشى وين طبعا يا جماعة حقو نقول خير ونقول انو احزابنا البره دى قاعدة تصرف على الطلاب السودانيين المساكين القاعدين بره البلد ويمكن برضو بتسهم بيها فى علاج ناس لكن مرات مرات كدا بتحصل الدقسة ويمكن تطلع جاى ولا جاى وزاتو مال امريكا دا حلال تاكلو وتسفو جت .
يا جماعة طالما ان الانتفاضة على الابواب ودولة العدل والكفاية والرفاهية جاية حقو الناس تتعلم الشفافية هسة بالله فى زول عندو شوية دم يقبل ليهو عشرة الف دولار سنويا ... عشان ينظم نفسو ويشتغل سياسة ويعارض ويسقط حكومة الجن دى ... بالله دى مش رخصة وهسة بالله ناس المعارضة البيستلمو القروش دى لو جو عديل للحكومة وبالباب ما تديهم قدرها مرتين ... عشرة الف دولار ... والله دى فسالة وجلدنة ورخصة من البيقبل بيها والغريب فى الناس المعارضة انها برضو لمن تجى الخرطوم وتظبط امورها مع الحكومة برضو هى تانى بتشيل ما تيسر طبعا كلكم متذكرين لمن مبارك الفاضل ختاه قرض مع الصادق المهدى طوالى مرق ليهو الورق كلو وفتاهو فى الرسالة الشهيرة من مبارك المهدى للصادق المهدى وفى الباب الخامس الذى كتب فيه مبارك الفاضل : اتهامنا بالعمالة واستلام المال
من المؤتمر الوطنى :
هذه تهمه مردود عليها وهى من باب التهريج السياسى تحاول عبرها تبخيس الحدث وعدم الاعتراف بأننا نجحنا حيث أخفقت أنت لأنك كنت تتذرع بعدم وجود المال لقيام مؤتمر الحزب . ولكن لنفترض جدلاً بأننا تلقينا تمويلاً من المؤتمر الوطنى وهو أمر لم يحدث لان المؤتمر الوطنى والحكومه لم يعلما بقيام المؤتمر إلا قبل ثلاثة ايام من قيامه ولأسباب تتعلق بالاجراءت الأمنيه . أما المعسكر فى سوبا فقد حجزناه قبل حوالي شهر من المؤتمر تحسبا لاى ظرف .
ولكن يا سيدى فلنعد الى موضوع استلام المال من الحكومه والمؤتمر الوطنى لقد اعترفت زوجتك السيدة سارة الفاضل بأنك استلمت مليون دولار من الحكومه تعويضات عن عربات حزب الامة.
وقبل عودتك من منفاك الاختياري الأخير بالقاهرة في 2003م أرسلت إبنك عبد الرحمن الى رئيس المؤتمر الوطنى ليقول له إن أبى يقول لك بأن بقائه فى القاهرة ليس عوده الى المنفى ولا هو مرتبط بموقف سياسى ولكنه بسبب العجز عن مواجهة الالتزامات الماليه فى السودان وانه يسألك العون حتى يعود الى السودان . وقد استجاب رئيس المؤتمر الوطنى وسدد فاتورة العوده . فلماذا تتهموننا بالحصول على التمويل من المؤتمر الوطنى اذا كنت انت معارضاً وتستلم التمويل من المؤتمر الوطنى بالفعل وليس اتهاما؟! اما اذا كان ردك بان تعويضات الحزب حكرعليك فقط فنحن ايضاً نمثل حزب الامة بل قمت شخصياً بتوفير التمويل لشراء عربات حزب الامة فى عام 1986 م، وقمت بشرائها بنفسى ومازلت املك المستندات وفواتير الشراء، بل إن معظم هذه العربات مسجل باسمى. قانوناً نحن احق منك باستلام التعويضات ولكننا لم نفعل ذلك، وكنا نسهل عليك استلامها ونترافع لك امام الحكومه وبعد كل هذا تتهمنا باستلام المال من الحكومه، واذا فعلنا يا اخى فعلى الاقل نحن حلفاؤها ولكن ماذا نقول فى معارضيها امثالكم الذى يستلمون منها التمويل لمؤتمرات السقاى وسوبا والعودة من المنفى الاختيارى فى القاهرة ؟!!!
|
|
 
|
|
|
|
|
|
|
|
Re: قبضونا بنتحاسب ! (Re: محمد حامد جمعه)
|
طبعا مبارك الفاضل دا زول شيال حيال وهسة شايفو تانى مرق بره عاوز يشيل الناس القفة تانى وعشان برضو عندو كلام تانى خطير فى مسائل الماكلة وبيقول انو الامور فى التجمع وشغل المعارضة السودانية والنضال دا بيقوم كلو على الحسابات والبقشيش وقال بشان خلافاته داخل التجمع وقصة خروج حزب الامة عنه قبل سنوات
(المهدي وقف معي في أي شئ. ماحدث ان الصادق المهدي بطبعه شخصية ديناميكية، عندما خرج للخارج كانت حركته تسبق حركة التجمع، حاول ركوب حصان التجمع هذا، ولكنه وجده بطيئاً طبيعته تفرض ذلك، فالتجمع تحالفاته متناقضة، ومشاكله كثيرة، وتوجد العديد من التوجسات، فلم يستطع ان يتواءم معه.. حاولت من جانبي خلق علاقة عضوية بين تحركاته وبين اجهزة التجمع من أجل تفادي هذا التناقض أو الحركة الموازية هذه، وقد اقترحت في أول اجتماع حضر في اسمرة ان يكون هنالك فريق عمل تنفيذي على حساب المكتب التنفيذي الذي أرأسه على ان ندخل في هذا الفريق كأعضاء تحت رئاسة الصادق المهدي لتنفيذ الخطة المتفق عليها في هيئة القيادة، كانت هذه محاولة مني لاستيعاب طاقات الصادق المهدي في اطار متناسق مع التجمع، للأسف الشديد رفض محمد عثمان هذا الاقتراح في اطار الغيرة بينه وبين الصادق. مما سبب «خناقة» بينهما بعد الاجتماع.. بعد هذا كان تحرك الصادق موازياً للتجمع لانه ما كان يمكن ان يكون في التجمع تحت رئاسة محمد عثمان الميرغني، وقبل ان يكون خارج الاطار وكان موافقا على مقترحي السابق وهو قيادة الجهاز التنفيذي دون ان يكون تحت رئاسة الميرغني أو يقبل بمنصب الامين العام اذا كان المقترح هذا قبل يمكن ان يكون عالج مشكلة الخط الموازي هذا.
تحرك الصادق موازيا، جعله يهاجم التجمع، لأن مبادرته كانت تجد عدم قبول داخل المجتمع، كانت هناك مبادرة للعلاقات المصرية السودانية مع التجمع واتفق على لجنة رفض محمد عثمان المشاركة فيها كاتحادي ديمقراطي، فقام بنسفها ثم تكتل ضدها.. كذلك اجهضت عدة تحركات بسبب التناقضات والتداخل والغيرة داخل التجمع، لذلك كان يهاجم التجمع، ويتهمه بالبطء وعدم الفاعلية.
حاولت معالجة كل هذا الى ان قدم مذكرته في عام 98 لاصلاح وهيكلة التجمع، وحقيقة الذي كان يصر على الغاء منصب الرئيس هو الصادق المهدي وليس انا، لانه كون لجنة مع الحزب الاتحادي الديمقراطي عضوية عبدالرسول النور، وابراهيم الامين ومن الاتحادي فتحي شيلا وميرغني عبدالرحمن سليمان. هذه اللجنة جلست لعامين، نقطة الخلاف الوحيدة بينهما كانت هي «الرئاسة».. فريق حزب الامة كان يصر على الغاء الرئاسة والغاء الامانة العامة والاعتماد على مجالس متخصصة. ومحمد عثمان كان يصر على الرئاسة ولذلك لم يتفقا. اذن المعركة الحقيقية دارت بين الميرغني والصادق وليست بيني وبين التجمع. انا كنت في حدود النار.. واعمل لأن يكون التجمع فاعلا ويتجاوز تلك المتناقضات، لكن المشكلة كانت بين شخصين واذيع لك سرا بانه في مارس عام 2000، اصدقائي في التجمع عرضوا علي بقشيشاً وطلبوا مني الاستقالة حتى لا يسيئوا الى، لان قصدهم هو حزب الأمة وليس شخصي، وقالوا لي انهم اجتمعوا كقوى التجمع بما فيهم الاتحادي واتفقوا على ابعاد حزب الأمة من التجمع، والهدف سيكون منصب الأمين العام ولذلك طلبوا مني الاستقالة، حتى لا تكون المواجهة معي. وقد حذرت حزب الأمة بالخطة التي اعدت، فذهب الصادق المهدي للحديث مع محمد عثمان الميرغني الذي نفى وجود مخطط كهذا، وطمأنه بأنه اذا حدث هذا فسيقوم بايقافه بنفسه. طبعا محمد عثمان الميرغني لم يعط معلومة صحيحة، وانسحب من الاجتماع ووضع عبدالرحمن سعيد لادارة الاجتماع وتنفيذ الخطة الموجودة.
| |
|
|
|
|
|
|
|
|
|
Re: قبضونا بنتحاسب ! (Re: merfi)
|
الاخ محمد حامد
مالكم اليومين ديل قايمين علي السيد الصادق
عاوزة اسالك لانك من الداخل ممكن تورينا الحاصل شنو بالضبط
هل صحي كانت في مظاهرات في جامعة الخرطوم وماهي اسباب
هذه المظاهرات
لانه قبل كدا سمعنا بمظاهرة في ناس في المنبر دا قالوا
مافي
وبرضو حزب الامة قالوا كان ناوي يحتفل بابريل ولكن ناس
الحكومة منعوه ممكن نعرف سبب المنع
تقديري وسلامي
| |
|
|
|
|
|
|
| |
محمد حامد جمعه
Abdelrahman Elegeil
merfi
فيس بوك
تويتر
انستقرام
يوتيوب
بنتيريست