|
|
 عكس كل الأدلة اشهد ان رودا مردا حقيقة وهاكم الدليل...!
|
الكرنتينة قبلة لكل السودانين في جدة للذين( خارج الخليج)
اليوم فقط الصدفة وحدها جمعتني بالعم مردا حين اتم حجه وقفل عائدا من المشعر الحرام
وكان ان دار الحوار :
*ازيك يا عم مردا ربنا يتقبل حجك ويجعله مبرورا..
-الله يبارك فيك يا ولدي.. واستطرد ..الزول منو ما عرفتك يا ولدي..؟
*انا اساسي يا عمو مردا زميل رودا في بوستن وجامعة بكري.
-حبابك يا ولدي لكن البت المسخوطة دي لاسع ما اتهدت .. الحج دا كله انا ادعي لي ربنا يهدى سرهم هي واخوانها ناس خالد والريح وخويتها ندي
*اها يا ابوي مردا البنية دي ما رسلت ليك مصاريف الحج ..؟
-والله يا ولدي لسع البنية في سمنسترها الاخير لساتا طالبة ..ما طالب منها شي غير تلقي ليها ود حلال يسترها .
*اها يا عم مردا ما قلت لي لندن كيف احسن هي ولا السعودية.؟
-والله يا ولدي بارك الله فيها بتي رسلت لي اتقابلنا هناك وقابلتها خويتها ندي ودكتورا كدا بيقولوا ود البدوي من اهلنا الجماهير ديل جنيات محمود ود طه المرحوم..علا السعودية لو ما بيت الله فيها ناسها كعبين بالحيل
وافترقنا بعد ان وعدته بان نتقابل غدا عند سيد الشية والذي يريد رؤية عم مردا ويري صورة ابنته رودا فليقابلنا عند (بتاع الشية جوارصالون شلاقة للحلاقة) .
|
|
 
|
|
|
|
|
|
|
 Re: عكس كل الأدلة اشهد ان رودا مردا حقيقة وهاكم الدليل...! (Re: ياسر مكاوي)
|
أساسي الأساسي
| Quote: وافترقنا بعد ان وعدته بان نتقابل غدا عند سيد الشية والذي يريد رؤية عم مردا ويري صورة ابنته رودا فليقابلنا عند (بتاع الشية جوارصالون شلاقة للحلاقة) . |
دا إنت خطر... لسع قاعدين تاكلوا في اللحم...
تلاقي جده كاتمة دخاخين شية ساكت... والونسات في عم مردا... وصورة خالد كودي.
حديث المدينة والساعة.
كل عام وحجكم مقبول...
قال الكرنتينة قال....
دا حي بترومين... قول يا أساسي....
| |
|
|
|
|
|
|
|
|
 Re: عكس كل الأدلة اشهد ان رودا مردا حقيقة وهاكم الدليل...! (Re: A.Razek Althalib)
|
عبد الرازق
كل سنة وانت طيب ويعود عليك بالخير والبركات
علي قولك نقول بترومين ..وبارك الله فيها الشية اللمتني مع عم مردا
Quote: تلاقي جده كاتمة دخاخين شية ساكت... والونسات في عم مردا... وصورة خالد كودي.
حديث المدينة والساعة.
|
دخاخين وبس والله دخاخين بنكهة الشمار
وتقبلوا تحيات عمكم مردا من حي (بترومين) المصفاة في رواية اخري
| |
|
|
|
|
|
|
|
|
|
Re: عكس كل الأدلة اشهد ان رودا مردا حقيقة وهاكم الدليل...! (Re: محمد الامين احمد)
|
يا ود اللمين ما تحكها شديد كدا ياخي ... غايتو في تلاتة روايات حتي الان
الرواية الاولي وهي من عم مردا مباشرة انه دا ولده البكر ...
الرواية التانية علي لسان طيب الذكر عادل عبد العاطي انه دا القرين بتاع رودا
اخوها باللفة وقيل بالرضاعة خالد كودي
والرواية الثالثة انه دا ابو القدح زاتو ... غايتو من شكل عم مردا الصورة دي
بتديهو ملامح كتيرة خاصة نظرة الانفة دي ... الناس ديل سرهم باتع بعاينو بعيـــــــد
| |
|
|
|
|
|
|
|
|
 Re: عكس كل الأدلة اشهد ان رودا مردا حقيقة وهاكم الدليل...! (Re: محمد الامين احمد)
|
محمد الامين احمد
| Quote: الاخ اساسى ، شنو يا اخ ، ما تورينا ده منو !!! |
مش قالوا ليك اللبيب بالإشارة يتمترس خلف حقائق الفضائح المجلجلة...
كده يا ود الأمين ألبس ليك نضارة... وتعال تاني.
أكبر فضيحة أنترنتية في مسألة ألمعية إنتحال الشخصية.
البحموها بالقانون الأمريكي... الغير مترجم للغة العربية...
والقانون برضو قالوا ما بحمي المغفلين.
وكل عام ودخاخينكم كاتمة... شية بس....
نشوفكم يوم باكر...
| |
|
|
|
|
|
|
|
|
|
Re: عكس كل الأدلة اشهد ان رودا مردا حقيقة وهاكم الدليل...! (Re: saif massad ali)
|
سيف مساعد
النصيحة انا ما قابلت رودا لاقيت عم مردا بس زي ما قلت فوق وهو قال بته رودا
الحقيقة عم مردا دا لاقيناهو انا وقبلي ندا علي ودكتور بدوي قال لاقي رودا بس
قال لاقاها في كندا.. خالد كودي قال بتدرس في بوستن في امريكا ما عارف اللاقاها
دكتور بدوي دي!!النسخة الاصلية ولا النسخة الاصلية حقت كودي وخالد كودي قال رودا دي هو
استاذها في جامعة بوستن وقال هي قريبته بس لكن مرته دكتورة ندا قالت ما بتعرف رودا
مع انهاقريبة راجلها ..الا انها لاقت عم مردا معانا ..
لكن اغلب الظن انه رودا دي تكون اخت مريم الشجاعة والقطار حقين كتاب المطالعة بتاع
سنة رابعة اولاد عم محمود الكضاب والنمر
| |
|
|
|
|
|
|
|
|
|
Re: عكس كل الأدلة اشهد ان رودا مردا حقيقة وهاكم الدليل...! (Re: Elhadi)
|
الاستاذ الهادي
شكرا لتسليط الضؤ علي هذا العمل
نعم هذا العمل الفني الذي يعتز به الهادي عرض في معرض (حديثنا)
واود ان اعتذر للقراء والمشاهدين علي حسن الصورة ..لا تظهر الاضاءة الخفية بصورة كافية..كما ان اجزاء اساسية من الصورة تظهر واضحة جلية مما يجعل العمل خارم بارم ...فالعمل الفني الذي يعتز به الهادي ومن خلال الخلفية والتي بنيت علي قماش ترفيرة كان يستخدمه (بكر) عم مردة في تنكره ومراسلاته
الخلفية من (الجكس) تمثل الشخصيات الهلامية والتي (تعرت) اخيرا وكان يملكها كلها (بكر) عم مردا ويستخدمها في تنكره الشخصي لتمرير (وهماته)
الا ان الاضاءة التي تظهر (سادة) حين اخز اللقطة للعمل الفني الكبير والذي يعتز به الهادي
انجز هذا العمل قبل شوية بس
الفكرة بجانب صورة (بكر) مردا لا تتجزا من فكرة البوست وهي مساءلة المشاركات المقروءة لافراد هلامين دون اي قدسية .
فالبورد يجرد الشخصيات من اي سبقه تابوهات،
اذا كذب احدهم في المنبر ، ثم بعد ذلك مارس كل مامارسه من تضليل علي البورداب والقراء الا يعتبروا هذا الشخص بطلهم القومى؟
هل يحق لهولاء البورداب ان يعيدوا كتابة البوستات وبالتالى يعيدوا تعريفات الخير والشر؟
او على الاقل توفر اتاحه لوجود رؤيه متناقضه للخير والشر دون تلك التى تكتب فى المنبر وتفرض على كل القراء,؟
وهل يعفى كاتب مثل (بكر) عم رودا مارس التضليل، هل يعفيه هذا من اى مساءله تجاه الكذبات والافتراءات والتضليل ضد القراء التى ارتكبت في بوستاته؟
هذه هى الاسئله التى يحث البوست القاري على طرحها..
وليس بالضرورة الاجابات عليها، ففى بوستاتي لا اجابات، وانا غير معن باجابات.
فالبوستات فى معرض حديثنا تتسلسل كما فى السرد لخدع وكذب مورس في المنبر منذ فترات طويلة,
لوحة (بكر ) مردا التى تظهر هنا تقترح رؤيه لمتقابلات ، ومقاربات عده،
فمركز اللوحه كما يظهر هو (بكر) مردا بكل ثقله التاريخى كبطل اثيري لكثير من البورداب
وثقل الجسم الملقى على المقدمه يظهر فى استرخاء الجسد الواضح،
الخلفيه كما تظهر (ترابيه) كلون الجالوص وهنالك بحث حول تشييد بكر مردا لشخصيات هلامية ويمكن الحوار حوله لاحقا. فى الخلفيه ايضا فتيات سودانيات ( رودات) من دون ملابس.
مركز صورهن فى نظراتهن و تحفز اياديهن،
ومن المؤسف كما ذكرت ان الاضاءه فى الصوره غير جيده، وقد تم قطع اجزاء من الصوره، كذلك (الدبلان )الذى طبعت عليه الافترات ظاهر هنا.
كل اللوحات كذبة مما يعطيك الاحساس بانك (كبيرا) من حيث الحجم امامها.
يوم افتتاح معرض حديثنا كانت كل اللوحات بما فيها صورة بكر رودا التى تكرمت بانزالها كانت كل الصور مغطاه برسومات لسودانيين مروا بتجارب التضليل والتدليس والخداع.
شكرا لاتاحتك الفرصه للحوار لاحد اعمال الهادي التى يتشرف بها.
واسمح لى بالتعليق على زوارك الذين لم يهضموا هذا العمل بالقول انه خلق لكى يتم هضمه.
Re: الفنان خالد كودي يصوَر الإمام المهدي بشكل مسىء وخارج!!!!
| |
|
|
|
|
|
|
|
|
|
Re: عكس كل الأدلة اشهد ان رودا مردا حقيقة وهاكم الدليل...! (Re: اساسي)
|
صديقي اساسي الاساسي...
كل سنه وانت بألف خير وعافية....
رجعوا لي هزيمة فحول الجعليين والعرب المستعربه الهزمتهم رودا الي نصر هسسسسسسسع دي
قبال الشمس ما تغيب يا اساسي والله شرنوبي حا يشوف شوف....كنا قارين الكلام بي حسن نية
وردّينا عليه بي حسن نية وكتين بالت النوايا....نحن زاتنا نرجع في نوايانا...
| |
|
|
|
|
|
|
|
|
|
Re: عكس كل الأدلة اشهد ان رودا مردا حقيقة وهاكم الدليل...! (Re: اساسي)
|
الاخ أساسي ،،
أطيب تحية ،،
كل عام وانتم بخير ، وكل آل الكرنتينة وبترومين والكندرة وبني مالك وباب
شريف !! المتحلِّقين حول الكوانين الوقورة السـّائل هـُدَّاب شحومها ولحومها
من السواكني والنعيمي والنجدي والأسترالي ..و ... البرتقالا ! علي أطراف
الصيجان !! والعطراباتا تجيب الضّال والمكشوش علي فشوش !! ..
يا خوي لكيـــن ما الدّلائل عندك !
وقلتا لينا " الليلة لاااااااقيتو وملأ السرور قلبي وبي إسمو ناديتو ؟؟
إنتَ كنت ضابح ليك واحد من الحجّاج ولآ شنو ؟ الودّاك تتبخـّر بالشّيات
في الكرنتينة أيام التشريق شنو ؟؟ دا لو ماكان " الهدي " معظمو
جماعة " بنك التنمية الإسلامي " بيجيبوه في جدة أوّلا ؟!!
الخلاصة :
أنّ رودا مردا ، بحسب أدلـَّتك الجايى تعرض لينا بيها دي ! عندها دقن مدوّرة !
اعتقنا يا حبيب .. خلـّينا نشتـّت من بوستك ابودلائل دا ؟ آل دلائل آل !!
مع خالص الود ،،/
| |
|
|
|
|
|
|
|
|
|
Re: عكس كل الأدلة اشهد ان رودا مردا حقيقة وهاكم الدليل...! (Re: Elhadi)
|
الهادي
يا أخوي الله يرضى عليك
أنا من أمبارح ما نمت من الضحك.
يا أخي دي كودية المرامي...
الله ينعل شياطين أبليس ...
ودي عملتها بياتو ريشة....
صحي الفنون جنون....
يا أخي واحد قاعد جنبي وقع من الكرسي من شدة الضحك.
وكشح الشاي...
منظر عجيب. والله.
يا أخي كده شوفو لينا الجنجويد ديل بينطلقوا من ياتو أبيي.
ما حقت الجنوب...
أبيي حقت الكمبيوتر الكودية ...
قال فن قال....
هي الفلهمة بتعلموها بقروش...
أرسم والبادئ أظلم.
أبوكم يا التيمان.
| |
|
|
|
|
|
|
| |
اساسي
ياسر مكاوي
مريم بنت الحسين
A.Razek Althalib
محمد الامين احمد
saif massad ali
SAdo7
Elhadi
محمد أبوجودة
7abib_alkul
فيس بوك
تويتر
انستقرام
يوتيوب
بنتيريست