|
|
 سقوط الهلال بالخمسة وتساقط الشامتين الحُمر
|
اول الحكي
عيناك غابتا نخيل ساعة السحر،
أو شرفتان راح يناي عنهما القمر.
عيناك حين تبسمان تورق الكروم
وترقص الأضواء... كالأقمار في نهر
يجره المجذاف وهنا ساعة السحر
كأنما تنبض في غوريهما، النجوم
الكلام لـ بدر شاكر السياب
لم اتناول عشائي ليلة امس المشئومة ، ليس لانني لا احب العشاء او ان وجبة العشاء لم تكن (ترطيبة) ، لكني كنت متضامنة مع اخوتي في (حردتهم) للعشاء ، كونهم هلالاب حتى شغاف القلب ، وفي الوقت ذاته (كيتا) في اخي الصغير ، اذ انه على الدوام مخالف للجمهور والاجماع ، لذلك هو (احمر) الهوى ، ووجدتها فرصة لان امتنع عن (عمل) العشاء الذي اصلا خلقه كده يزهج . فلم يكن ليغلب حيلة يفعل بها ما يغيظ (فسّنتر) لنفسه مكانا فسيحا في طاولةالعشاء (يتلمظ) باطايبه .. ولانه (لديح) جدا لم يلامضني امام اخوتي الاكبر منه ، فسعي لان يجعل من (وجبة) العشاء (المسكوت) عنها قضية يعيد بها الى السطح (الهزيمة) ام خمسة .
والسبب الثاني الذي جعلني احرد العشاء هو (غيظتي) من هذه النتيجة ، اذ كانت بالنسبة لي مفاجاة لم اتثبت من خبرها الا بعد الساعة العاشرة مساء ، كوني غادرت المنزل مع زوجة اخي وولدها الصغير للمستتشفي بعد هدف طمبل مباشرة ، وذلك في حد ذاته كان سببا (عظيما) يغيظني اكثر ويمنعني تصديق ان الهلال انهار بالخمسة دفعة واحدة . عند عودتنا في العاشرة مساء .
اخي الاحمراني بالاصفر هو اول من فتح الباب واستقبلنا بابتسامة حمراء متشفية ، يصر فيها على ابراز كفة يدها مفتوحة كلها .ولم افهم في البداية ، لكن اخي الكبير ابتدره قائلا : معقولة غلبانهم خمسة ؟؟ . لكن شماته اخي لم تتوقف واستمر يتقافذ كانه قرد طلح خرج للتو من قفصه .. ون تو فور فايف الهلال رشو ..
ولانني مغتاظة جداً ، منه ومن كمال حامض ، والغلب طعمه مر ، رحت افتش اسباب اقنعني بها ، وأقفل الباب امام شماته اخي الاحمراني ، لحظة اذكّره بهزيمته من الترجي قبل عشرين سنه ، وساعة اذكره بهزائم تلقاها كان حصلت ولا ما حصلت واستعين بشهادة زور اخوتي .. وجدتني اقول له : ان الرياضة في مجملها غالب ومغلوب ، وكرة القدم عموما تعتمد على المهارة والحظ ..
مهارة التشجيع ، ومهارة الادارة ، ومهارة توزيع الطاقة الجسدية والطاقة الذهنية
وعندما عرفت ان الهلال انهار بعد الدقيقة السبعين ، وجدت ان ذلك يشجعني لاستمر في ايراد اسباب الخسارة ومنها نسلم ونتخارج من شماتة اخي .
ان الترجي ايها (الاحمراني بالاصفر) الحاقد لم يستطيع ان يهزم الهلال الا بعد الدقيقة سبعين وتحديدا في الخمس الاخير من المباراة ، وهذا يعني انه اضاع اكثر من اربع اخماس زمن المباراة وهو يحاول في الوصول الى هدفه ولم ينجح الا بعد ان كسر طريقة الدفاع التي لعب بها الهلال وهي طرد عنصر فعال كان مشاركا في منع الترجي من تحقيق هدفه .
رغم ان الترجي كان يلعب بعاملين مهمين جدا في كرة القدم ، هو عامل الجمهور وعامل والتحكيم . وسنترك التحكيم حتى لا نعطي للشامتين فرصة .
ساعود لاهترش
ومين يمنعني
|
|
 
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
سقوط الشامتين الحمر
ونقول ان انهيار الهلال جاء نتيجة (لتناقص الغلة) وهذا قانون معروف في عالم الاقتصاد ، اي تناقص طاقة اللاعبين البدنية وذلك بسبب انهيار الطاقة الذهنية للاعبي الهلال وبالتالي ارتفاع ذهنية الخصم ، بقرارات غير عادلة كانت تتراكم في ذاكرة اللاعب الهلالي بعد اختبارهم للحكم في شوط المباراة الاول . وذلك وحده كان ينخر في ذهنية اللاعبين ويؤثر بالتالي في الطاقة البدنية للاعبي الازرق .
هذا ماتم بالظبط رغم انني والله على ذلك شهيد لم ارى اهداف الترجي الخمسة ، لكني عرفت انه ورغم انهيار دفاعات الهلال كان الازرق قادرا على حبس انفاس كل تونس والمغرب العربي وقبيلة (الاحمر بالاصفر) حتى قبل نهاية المبارة بخمسة دقائق .
اذن من هو الرابح ومن هو الخاسر بحساب متوسط النزيف الذي اندلق على مساحة المستطيل الاخضر مرورا بتونس وحتى امدرمان حي العرضة ..
في راي ان فريق الهلال ، كان هو الرابح الفعلي ، اذ ادي اللاعبين ما عليه ، وتغير نتيجة اللعب كان لتغير ظورف اللعب في ثانية واحدة ، ادت الى هذا السقوط العنيف ، ومع ذلك نرى ان الاخطاء التي وقعت لا يمكن ان اخذها بطريقة هبتلية ناسين عوامل اخرى ، لنرضى هؤلاء او ناس ديلك او خوفا من شماته الشامتين .
اي نعم ، خرج الهلال من تصفيات افريقية مهمة ، لكن كسب عامل مهم جدا وهو ان اللاعبين بانفسهم اكتشفوا انه ليس هنالك كبير دون بذل او استفادة من اخطاء ، ولا توجد في عالم المستديرة عقدة ، وان لعب كرة القدم هنالك عوامل كثيرة جدا تساعد في تثبيته حتى تحقق النصر، اعداد بدني واعداد ذهني ،ونفسي يصحبه قليلا من الحظ .
هزم الهلال وبنفس الطريقة التي كان قد هزم بها في مصر قبل كم سنة كده لا اعرف ماهي ، لكن اعتقد من المحلة المصري .. وكان المدرب مصري ، واليوم هزم الهلال في تونس وبنفس الطريقة انما بسيناريو مأساوي اكثر من قبل وكان المدرب ايضا تونسي ..
لا تسالوا اللاعبين ، لكن اسالوا المدرب الذي وقف مشحوطا في مكانه يتفرج على فريقه وهو ينهار ، ولم يفعل اي شيء سوى الفرجة .
هنالك خلل ما في اللاعب السوداني ، وليس في المهارات ، وفي اعتقادي ان ذلك ناتج من عملية التربية البدنية التي يتم بها تجهيز اللاعب ، فالمدرب لا يتوقف دوره فقط على شرح طريقة اللعب ثم الوقوف على خط التماس يتجاري يا اما منبذا او منهرا او مكوركا في الحكم او اللاعبين ، انما يقوم باعداد لاعبيه ويعلمهم كيف يكون بامكان اللاعب ان يوزع طاقتة البدنية والذهنية على مدار التسعين دقيقة .
ثم يقوم بمراقبة ذلك على كل لاعبيه ،حتى يكون عالما بالزمن الفعلي والحقيقي لطاقة كل لاعب وقدرته على التحمل .. قرأت ذلك في مكان ما ولست ادري أين ، اذ انا مهترشة كثيرا ما تدخلني مثل هذه التحليلات في اماكن لا اعرف كيف اتخارج منها ..
مالو برضو
ح نعود
ايدك من الريموت
انتظرونا
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
برضو ريال مدريد قرب يشبه هلالنا
انتو منو البشبهكم ؟؟
انهزم الهلال ، وخرج من تصفيات ابطال افريقيا ، فلن يغير ذلك من حقيقة ان الهلال هو الهلال العظيم ، الكبير بجمهوره واهله ، انهزم الهلال بسؤ سلطة المدرب ، واخطاء تحكيمية قاتله ربما ليست هي وحدها من هزمه ، لكنها حتما كانت عاملا مهما في حشد عوامل الهزيمة ودفعها في جسد اللاعب الازرق ، الذي في نهاية الامر هو انسان من دم ولحم ، يتاثر ذهنيا وبدنيا بما يجري كل ثانية في المستطيل ..
خطأ المدرب كان من المفروض ان يتدارك هذا العامل ويحاول ترميم ما تهدم ، لكنه بدلا من القيام بفعل ذلك ، انحاز الى قلة حيلته وتواري وراء الصمت القاتل ووقع بيدين باردتين على هزيمة الهلال بالخمسة .ومع ذلك سيقى الهلال هو الهلال ليس ريال مدريد ، لكنه في المقابل لا يقل عن ريال مدريد ان لم يكن بالامكانيات فانه في قلوبنا كذلك . نلبس الازرق والابيض هم ايضا يفعلون مثلنا وان ما اخاف الكذب نحن العلمناهم كيف يجعلوا شعارهم الازرق والابيض ومسكناهم درب البطولات ..
لديهم لاعبين اجانب يستلمون رواتبهم بالدولار ونحن ايضا ندفع بالدينار ، لديهم زيدان ونحن لدينا هيثم مصطفي وطمبل الذي لا يقل شراسة في لعبه عن رونالدو رغم ان رونالدو صائم عن الاهداف من مدة وهيثم طمبل جاب امبارح قون في وش العدو .
لديهم رئيس نادي يحضر مباريات الفريق الملكي وهو بالفل سوت اي البدلة الكاملة ونحن ايضا لدينا رئيس نادي (مريّش) لديهم (كنجالات) لا يعرف اين يوديها ، ويحضر المباريات بالبدله الكاملة اي نعم ان (جونا) معفن وساخن ، لكن برضو اهو عندنا في بلدنا من يلبس بدل وكرافتات .
المشكلة ان (الشمات) ليس لديهم احدا يلبس البدل ، ربما لانهم ليس لديهم ذائقة اختيار الالوان ..
بالله في ذمتكم دي حد يلبس احمر واصفررررر في الحر الشديد دا وكمان لووونه اخضر .. لذلك لا احد يشجع الهلال الا اذا كان ذو ذائقة جميلة ونكهة اصيلة ..
...
......
.......
اخرالحكي
فجأة ، كان البياض
يمسك بفسحة المكان
والغوايات القديمة
نفسها
متأرجحة
تتزاحم عند
.زرقة تتواطئ
مع عسل عينيك
وشيري عينها على
مباريات الليجا الاسبانية
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
العزيزة شيرى...
سلام...
ولينا طولا...
بالله الكدى أسألك، وكمان أحرق ليكى روحك زيادة حبتين:
هو متين الهلال جاب ليهو كاس من الخارج عشان ما تزعلوا كدى؟
يعنى لو كان هناك كاسات محمولة جوا من زمان كان نقول معليش،
لكين جماعتكم دول لى هسع ببحتوا بيديهم ورجليهم عشا يجيبوا
لينا ولو كاس خشب لكن فى كل دورى ماسكين الضنب
عليكى الله شوفى لينا هترشة تانية كدى، لكن هلالكم دا جاهوا اللى
جا لأسيا، توسنامى عديل البارحة
مع حبى للأزرق والأبيض، علم الصهاينة!!
وتسلمى يا ريحانة البورد...
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
خالص التحايا..
العزيزه shiry
سلامات وعوافى ولا يهمك المره الجايه يدوكم اكتر عفوا تنقصوها شويه..
ما تقولى ضدك لكن انا مع الغالب..
ده كلو هين انا جابو لى دعوه بى هناك واشيل وارحب بيك ولانتى ولا مهببه لى .. 
قايتو انا مبوسط كيف ..
وفى الحالتين انا الكاسب..
ننتظرهم اسى بجونا راجعين ونفرح سوا..
بش انتو شدو حيلكم شويه..
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: معتز تروتسكى)
|
سلام مربع
راكوبة
برضو نحن مازلنا اسيادكم وفي استادكم
ود البلد
يعني عاجباك كاسات المجاعة
التي يملاء بيها البلد فريقكم الما بعرف يختار الوانو دا
يكفيكم فخرا ، اننا غلبانكم
في اقل من اسبوعين
انت عملتوها
هاهاهاهاههههه
معتز تورتسكي
يا خموكم الشمات الحمر ديل ، بكثير كلامهم وانتصارهم دا
هسع عليك الله في زول سمع بمباراة اللعبوها امبارح دي
اقول ليك حاجة .. اتخيل حتى مدربهم كان بستمتع بمباراة الهلال
هاهاهاهه
| |
|
|
|
|
|
|
|
|
 Re: سقوط الهلال بالخمسة وتساقط الشامتين الحُمر (Re: shiry)
|
شيرى
Quote: ان الترجي ايها (الاحمراني بالاصفر) الحاقد لم يستطيع ان يهزم الهلال الا بعد الدقيقة سبعين وتحديدا في الخمس الاخير من المباراة ، وهذا يعني انه اضاع اكثر من اربع اخماس زمن المباراة وهو يحاول في الوصول الى هدفه ولم ينجح الا بعد ان كسر طريقة الدفاع التي لعب بها الهلال وهي طرد عنصر فعال كان مشاركا في منع الترجي من تحقيق هدفه .
رغم ان الترجي كان يلعب بعاملين مهمين جدا في كرة القدم ، هو عامل الجمهور وعامل والتحكيم . وسنترك التحكيم حتى لا نعطي للشامتين فرصة . |
بصراحة تحليل مقبول بس فاقد حاجة مكملة ما تنسى ان الجابوعه الهزيمة للهلال
كودايك وفنانين المريخ الركبو طيارة الوالى الملح (كمال ترباس- وحمد الريح )
تحياتى
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: Rakoba)
|
الأخت القابضه علي جمر الفضائح شيرى...
سلام مخمس قديم وجديد...
أصاله عن نفسي ونيابه عن مريخاب المنبر الفرحين دائما بما آتهم الله من شرف الانتساب للمريخ ...أقدم لك الدعوه صادقه بالانتماء لمحراب المريخ الانيق لتجلسي ما طاب لك الجلوس فيه....وكان ما عجبك الحال فيهو....تاكي الباب ووراك وشتتي.
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
العزيزة شيري
الجاتك في هلالك سامحتك
وبعدين إنتو المفروض تكونوا بقيتوا خبرة في قصة الهزائم الخارجية دي وبالذات بالخمسة فما فوق
أما الحكم و غيرو من الشماعات ما بتخارج
لانو الحكم في السودان ما قصر معاكم
وزي ما قال أخوك
ون مان شو الهلال رشو
وهاك كأس المجاعة ده
واحد من ال20%
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
العزيزة شيري
تحيات نواضر بعظمة هلال العز والمجد والوطنية
تحيات تجل بني الاحمر يفرحون لهزيمة رجل السودان الاوحد
تحيات تظهر اسنان الشامتين
ملاحظه
عزيزنا راكوبه انتو عارفين بنزل صور للهلال اكتر من المريخ
واخك ده شوفي ليك معاه حلل يا شيري بنت ام شيري
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
الأخت شيري ،
ما تطرقت له عن توزيع الطاقة حول زمن المباراة حديث علمي وفني
دقيق يجهله الكثير من المدربين وممارسي لعبة الكرة . وفي الحقيقة
كان هو السبب الأبرز في الهزيمة وكان الفاتح النقر أشار إلى ذلك
بين شوطي المباراة .
| |
|
|
|
|
|
|
|
|
|
سقوط الهلال بالخمسة (Re: shiry)
|
الاخت شيري والله يا اختى كان اتعشيتى عشاك كان احسن ليك ده واقع كورتنا وصدقينى المريخ لو كان في نفس مكان الهلال كان اخذ الخمسة وياهو احمد اخو حاج احمد والكل محصل بعضووووو نحن مفروض نحصر كورتنا محليا يوم الهلال يغلب ويوم المريخ يغلب انا شخصيا مهيى نفسي كل عشرين سنة نشيل الكاس واخر كاس كان سنة 96 يعنى مصبر نفسي لغاية 2016
والمابى الغلب يبغى عاشق هلب
| |
|
|
|
|
|
|
|
|
|
Re: سقوط الهلال بالخمسة (Re: banadieha)
|
بلدي ياحبوب
هم براهم الجابو النحس
ماهو صلاح ادريس ذاتو
النحس يفوت منو وين ؟؟
راكوبه
يجيلك يوووم يا احمر
انتطر بس ..
فرايجون
ياسيدي ماعندي مانع
بس انت سوهو ..
ودي موافقة مني غير مشروطة
بس استحملوا كلامي وما تقومو كعادتكم بفرتقة المنتدى
هاهاه
عبد الله باكر
فرحااااان اوي ..
ياسيدي .. بكره نقعد تحت الحيطة ونسمع الزيطة ..
دكتور ياسر عبد القادر
يا دكتور ، الجماعة ديل اصلو فصاااحة ساكت
كدي خليهم يجاوبوا ..
منو الكانوا مغلوبين في اخر لقاء بيناتنا
وكمان مرتين موش مرةواحد ة ؟؟
شيبا
وقف براك ؟
المشكلة انكم واقفين على ارض غير ثابته
وكان دي التيم بتاعكم ..
احسن تخليكم هنا
وبلاش تفاااااااارق
وسلامي الى وردة الجزائرية
كيجا 2000
الحكام ؟؟ منو الجاب سيرة الحكام
نحن اتغلبنا برانا وبمزاجنا
لانو لمن كنا عايزين نغلب
جبنا ثلاثة اقوان ..
ولمن شفنا (جرسة) التوانسة
اهدينا ليهم باقي المباراة
هاهاهاها
ابن النخيل
بيني وبينك دا كلام صاح
بس تقول شنو ..
الجماعة منعوني اتكلم في السياسة
العجب
بارك الله في (الترجي) الخلاكم
تطلعوا لي بره ا(الجره) ..
من شهر ديسمبر وانتو
ملازمين بيوتكم ..
ولو كنت ناسي ...
افكــــــــرك
عباس
والله اخوي دا حيرنا ذاتو
كان ليهو زمن سااااااكت
الله يازي الحكم اداهم فينا فرصة
ود احمد
الغريبة انا لظروف مرض ود اخوي لم اقعد لمشاهدة كل المباراة خاصة الشوط الثاني
لكني اتذكر انني قرأت مثل التحليل الذي قلته في كتاب .
الموردابي ..
انت قلت الكلام الصااااح
بس منو البقنع المجانيييين ديل
سلمت ياسيدي للطله البهية
بناديها
شيخ البورداب لحدهم
القمر مادام معاي
أعمل إيه أنا بالكواكب
سمعتو قال شنو
قال ان اعمل ايه بالكواكب
لانو القمر معاهو
ونحن ديل القمر موش ناس تانينين
ودي كلها وما شمتانين ..
برضو غلبانكـــم
وتاني لمن نلاقيكم حا نغلبكم
ايه رايك ..
| |
|
|
|
|
|
|
|
|
|
Re: سقوط الهلال بالخمسة وتساقط الشامتين الحُمر (Re: shiry)
|
أعوذ بالله...
قالوا الإختشو ماتوا...
وطول لسان فى الفاضى...
يلا يا شيرى... إيه رأيك فى الفضايح دى؟
أتارى ما أول مرة!!
هل ياترى الهلال بقى حمار الترجى القصير؟
قولوا بسم الله:
الترجي سجل (20) هدفا في شباك الهلال خلال (5) مباريات فقط ..!!
من الملاحظات حول لقاءات الهلال والترجي خلال السنوات الماضية نلاحظ ان الفريق التونسي سجل (20) هدفا في شباك الهلال خلال خمس مباريات .. في الاولي فاز بخماسية ثم تعادل مع الهلال 3-3 في المباراة الشهيرة بامدرمان .. وفي الثالثة خسر 1-3 ثم فاز بتونس بستة اهداف .. وفي الخامسة وهي التي لعبت امس الاول سجل خمسة اهداف ..!!
ويبدو ان الترجي قد تخصص في هز شباك الهلال بدليل الاهداف العشرين التي سجلها في خمس مباريات خلال السنوات الماضية ..!!
وبعدين قالوا الحكمّّّّّّ!!!!!
لا أحسن توسنامى...
| |
|
|
|
|
|
|
| |
shiry
Hussein Mallasi
Rakoba
WadalBalad
معتز تروتسكى
بلدى يا حبوب
sheba
keiga2000
ابن النخيل
Agab
abas
wadahmed
ALMURADABI
banadieha
فيس بوك
تويتر
انستقرام
يوتيوب
بنتيريست