كتب الكاتب الفاتح جبرا المتوفرة بمعرض الدوحة
|
سؤال للحركة الشعبية .. هل هذا الأسم يتناسب واهذه المرحلة ؟
|
سؤال ظل يراودني كل ما سمعت خبراً أو قرأت صحيفة تتحدث عن السلام والفترة القادمة وأراها تكتب إسم الحركة الشعبية لتحرير السودان .. هل هذا الأسم يتناسب والمرحلة القادمة ؟؟؟؟؟؟ كيف تكون الحركة طرفاً أساسياً في السلام وهي تحتفظ بحق تحريره لاحقاً... هل تم تغيير الإسم أم الحركة ما زالت محتفظة به أم هناك خطوة مستقبيلة لتغييره أم سيظل هكذا ؟؟
أرجو الإفادة ..ولكم الشكر ...
|
|
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: عمر الفاروق شيخ الدين)
|
الأخ دينق :
هل تعتقد أن إجابة جون قرنق إجابة كافية أو حتي مقنعة ؟؟؟؟؟؟ قد تكون إجابة ديبلوماسية أو طريفة أكثر من أنها إجابة مقنعة وأعتقد أنك تتفق معي انه من أراد أن يحرر ( من شنو ) حدد هذه ( الشنو )... في رأيي الشخصي والمتواضع علي الحركة حذف ( تحرير السودان ) من مسماها حتي لا نتوقع انها تحاول ان تقلب لنا ظهر المجن ... ولسة يا دينق منتظرين رد مقنع ...
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: shammashi)
|
شموشي التمبوشي :
ياصغيري انا كلامي واضح وما محتاج شرح الحركة الشعبية ممكن تغيير اسمها لي إسم حزبي انشاء الله جونقلي ويبقي الأسم القديم إسم فقط تعود عليه الناس .. كدي وريني أنت يا سيد العارفين : عمر البشير الأن في الصحف ووسائل الأعلام بيقولوا عليهو شنو ؟؟؟؟ لسة بيقولوا رئيس حكومة الأنقاذ ؟؟؟؟؟ لسة بيقولوا ثورة الأنقاذ ؟؟؟؟ يا شموشي يا صغيري ما تكابر ساي كونك لسة راسخة ليك الأنقاذ دي حاجة بتخصك وكونهم غيروا إسمهم دي حاجة حصلت .. تخريمة : أخخخخخخخخخخخخخخخ اخخخخ شخخخخخخخخخخخخخخخخخخ شموشي مالك ما داير تسمع الف ليلة وليلة ؟
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: عمر الفاروق شيخ الدين)
|
الاخ/ عمر الفاروق
بعد اتفاقية السلام يمكن القول ان الحركة والانقاذ وجهان لعلمة وحدة وعليه نجد فى جانب الانقاذ
منسقية الجهاد والدفاع الشعبى والاغرب (دمقة الجريح ) طيب الجريح ده بعد الاتفاقية بيكون تابع لمنو . اما عن الاسم عزرا ان طبقت عليه المثل الذى يقول هذا اسما اعجميا فالعب به والى ان ترى السودان بعد تتزيل الاتفاقية على ارض الواقع يمكن لندع المسمى تحياتى
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: عمر الفاروق شيخ الدين)
|
يا بلدي يا حبوب ..ابو جلابية وتوب.. وسروال مركوب كفاك لحدي هنا ما عايزين نخليك تشيل السيف والسكين وتبقا مجرم فعلاً ده الكلام المنطقي والمفروض يحصل ولكن تحس أن الطرفين مبيتين النية لي بعض .. والغريب في الأمر أن جون قرنق لفت إنتباه الحكومة في لقاءات نيفاشا إلي أنهم يجب أن يوقفوا برنامج (ساحات الفداء) أو توجيهه لخدمة السلام ولكن جون قرنق نفسه لا ينتبه الي إسم الحركة .. تحضرني طرفة لذيذة يا بلدي يا حبوب ونحن في طريق العودة للسودان إجازة .. واحد من المغتربين ديل سايق ليهو عربية وجايي بيها من السعودية في بورتسودان شالو منو رسوم عربية وقالوا ليهو دي عشان دمغة الجريح قام دفعها ..صاحبنا تاني لمن وصل كسلا وقفوهو وقالوا ليهو تدفع رسوم تاني قال ليهم رسوم شنو ؟ قالوا ليهو رسومد دمغة الشهيد .. الراجل قال ليهم : الزول ده ما خليناهو مجروح في بورتسودان بتييييييييييين مات ؟؟؟
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: عمر الفاروق شيخ الدين)
|
أمير دبابي كدايس الميتافيزيقيا لا اعتقد أن الحركة الشعبية لتحرير السودان ستغير اسمها في الوقت الحالي لأنو أجندتها لم تنفذ كلها حتى الآن. فاسم الحركة (الحركة الشعبية لتحرير السودان) يعني تحرير السودان عسكريا وهزيمة تجار الدين والدبابين وكدايسهم. وهذه المرحلة انتهت. فتبقت المرحلة التاني Phase 2 ودي بتبدأ بتحرير السودان اجتماعيا واقتصاديا. وهذه هي المرحلة الصعبة وتبدأ بتحرير افكار الناس وفضح فكركم الساذج الذي يصور أن كل من عاداكم كعدو للإسلام. ويعطيكم حق توزيع شهادات الجنة والنار . ثم تحرير الاقتصاد من طفيليكم وبيوتاتكم المشبوهة ومحاكمة كل معتد على المال العام وتجريدكم من كل ما اكتنزتموه خلال سنين الإنقاذ العجاف. يعني الحركة تقوم تلم الدقون المقملة كلها وتحدر الفقر السمنتها الليالي الضليمة. بعد داك ممكن الحركة تغير اسمها وممكن انت تختار لها الاسم البعجبك.
بالمناسبة المشروع الحراري (غير الحاء لهاء) حتغيروا اسمو وللا حتخلوهو كدا.
تخريمة
صحح عنوان البوست بتاعك دا قبل ما نكتب ليك أعــــد يا سيبويه. فاهم؟؟؟؟؟
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: shammashi)
|
الاخ الكريم عمر الفاروق اخذنى نقاشكم لحادثة طريفة وانا تلميذ فى دور الساسة المنتشرة فى انحاء الكرة الارضية ان احد اساتذتى بعد ان اتحفنا بمحاضرته المكررة والمحفوظة فى محاربته لحكومة الخرطوم اخذنا الحديث فى الى همومنا واحداث خاصة حدثت فى العشر الاواخر من القرن المنصرم
المهم يازول اثناء حكاوينا ذى ماتقول سألته بعفوية عن تاريخ حادثة معين حدثت له وجاء الرد بعفوية اكثر انها حدثت بعد ثورة الانقاذ طوالى
والله الحقيقة ما اخدتها حاجة ضدته ولم تقلل من قناعاتى من صدقه ورغبته فى زوال هذا الانقاذ المزعوم ولكن فى سرى كدة قلت ما اطول الطريق الى سمرقند
والله لو مشاكل السودان دى اتحلت حكاية الاسماء دى بسيطة جدا واى فلسفة من سياسى الالفية الجديدة ممكن يطلع ليك نظرية فقرية خالص تقنعك بصلاحية الاسم فى كل زمان ومكانوبعدين منو فى الزمن دة الا قلة تتشابه اسمائهم وما يحملونه من مضمون
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: shammashi)
|
شموشي التمبوشي : تعرف بقيت تتكلم كلام ناس كبار وبي صراحة وبغض النظر عن المداخلة إلا إنني أحسست فيها بنوع من الجدية في الرد لذلك سأتعامل معها من هذا المنظور .. أن تحرر الحركة الشعبية السودان عسكرياً فهذا ما فشلت فيه تماماً منذ عام 1955 فالسودان ليس الجنوب فقط والسودان اذا أردت أن تحرره عسكرياً فليكن من حلفا لي نمولي .. والحركة الشعبية الي الان الرنك ما حصلتها ....
أن تحرر الحركة السودان إجتماعياً لا أدري هل سيحدث ما قاله محمد حامد بأن الجنوبية التي قال لأخري ستأتين أنتي لي لرسم حنتي فلا أعتقد أن هذا هو التحرير ولا أعتقد أن التحرير الأجتماعي أن نملأ رأس الجنوبيين أنه حان وقت السداد ... التحرير الأقتصادي واضح جداً من خلال تواضع العقيد جون قرنق الذي سكن في حي فقيييييييييير جداً في كينيا وأولاده يقرأون في أفقر الجامعات ( في جوبا مش ؟؟) وزوجته تعيش الكفاف فلا تجد ما تضرم به النار !!!!!!! هذا هو التحرير الأقتصادي أليس كذلك ؟؟؟؟
تخريمة : موضوع (حراري ) و ( هراري ) ده إنت سيد العارفين فيهو خصوصاً في موضوع البامبرس فياريت تنصح لينا ناس الدقون ديل يستخدموا ياتو نوع ..
عنوان البوست أضيف فيه حرف الألف لخطأ الأستعجال وليتك تخبر بكري بحذفه ..
كان يا ما كان .....
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: shammashi)
|
أها ترا الجماعة المقددنها جاوبوك وقالوا ليك
"تجدني أؤكد ماذهب إليه الأخ ماجد حسون"
علي اليمين كان ما ها الإجابة الصحيحة برضو تقبلا إكراما للغة الفصيحة الكتبت بيها.
أسي عليك الله يا عمر
كان كتفوك مية سنة تقدر تقول درر زي دي. بعدين ماجد حسون شنو البيجي قبلك. إنت ماجد وانت حسون وحنان ماجد ذاتو.
يا خي عسل انت وبسكويت عديل كدا
كنت وين من ماالبوست دا اتفتح. ما كان تجي زمان وتحسم الموضع يا النقر
النقر جا النقر جا
أقجي جا أقجي جا
فرنسا ذاتا ياخ.
لكن عندي لي ناس الحركة اقتراح برضو
مكن يسموها الحركة الشعبية لتحرير السودان من الكدايس الميتافيزيقية.
وا علاء الدينـــــــــــــــــــــــــــــــــــــــــــــــــــــــــــــــــاه
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: عمر الفاروق شيخ الدين)
|
محمد حامد يا جمعة ( جنابو الحياني بي كابو )
لمتين يلازمك في هواك .... مر الشجن ؟
قلت لي الجماعة بقوا يحوموا في السوق العربي ميطي ؟؟؟؟؟؟؟؟؟؟
علاء الدين يا حبيب : يا كايدهم ... موضوع إنو شموشي البشبوشي بقا يتكلم في السياسة ده عندو قصة لذيذة ..أصلو صحبك يا علاء الدين أظنو عندو أخوهو هنا معاهو في البورد وأظنو جايبو لي جنس الحاجات دي ولمن يتزنق يقوم يكلمو ويقول ليهو ( هييييييييييييييي إيييييييييييييي هيييييييه..شفت يا ... هناي داك دقاني ).. وتحت تحت يا علاء قالوا بيقول لي أخوهو أسة عليك الله انا هناي داك قدرو ولا لحم سدرو ... ما قلت ليك الولد ده (الشافعي )...
| |
|
|
|
|
|
|
Re: سؤال للحركة الشعبية .. هل هذا الأسم يتناسب واهذه المرحلة ؟ (Re: عمر الفاروق شيخ الدين)
|
شموشي البشبوشي التمبوشي :
طبعاً انا عشان بريدك وببالغ في ريدك أفردت ليك مساحة للرد براااااااااك ..باقي أنا بحب الأطفال جداً ..ربي ما تحرم بيت من الأطفال .. والغريبة إنك كاتب عدد الأطفال (2) ..إنت واحد أها التاني منو؟؟؟ ولا ياربي تكون (روح واحدة في جسدين )... بعدين ماشاء الله ما نسحرك الليلة مزاجك كان رااااااااااايق لمن بقيت تتكلم وتهضرب براااااااااك .. عموماً أنا كنت بتمني إنو تواصل لينا بي هناك في (لافتات) اكن شكلك بي الجد قلت الروب لأنو إعتذارك بي هناك جيت واصلتو بي هنا ..اها يا شموشي الفورة مليووووووون ... طبعاً كدايس الميتافيزيقيا دي قاعدة لي فيران التجارب الزيكم نلتهمهم وجبة دسمة وفي بعض الفيران بنعملا فيرات معامل ( فيران تجارب) وفي فيران صغااااااار ( أم سيسي) وديل الزيك بنقعد نلعب معاهم مرة بي الرجل دي ومرة بي الرجل التانية .. تعرف زمااااااااااان قالوا في كديس (ميتافيزيقيا) قاعد تحت ضل بتاع صالون وفوق في راس البيت كان في فار ام سيسي (زييك كده) أها الفار ده عشان شايف روحو فوق قام يتبجح ويقل في أدبو ويكاوي في كديس (الميتافيزيقا) ويمشي في السكينة بتاعت راس البيت متبختر .. اها بس فجأة كده فار ام سيسي كراعو إتعترت وجا واقع لي الكديس ( الميتافيزيقي جمممممبو وتحت كرعينو وعمنا الفار بقا يرجف ويرجف ويرجف واخر جرسة وكبكبة ..وكديس الميتافيزيقا والله ما عايز يسألو ولا يسويي ليهو أي شي بقا يتبتب ليهو في سدرو ويقول ليهو يا فار قول بسم الله بترجف مالك ؟ الفار قال ليهو بس إنت فكني إنشاء الله أجن زاتو ....
أها فهمتها يا شموشي التمبوشي ؟؟؟ طبعا هي قصة أطفال وبتتناسب مع عقلك ولا شنو ؟؟؟ سمك ...
لكن والله ماشاء الله طلعت كمان بتعرف كورة ومتزكر قون أقجي في المريخ الجابو من السوق الشعبي داك !!! بس الخوف يكون حكوهو ليك زي عبدو قابل ...
تخريمة : كان يا ما كان في قديم الزمان كان في فاطنة الشينة .... أخ اخ اخخخخخخخخخخخخخخخخخخخخ ... شموشي حبيبي ما تنوم أصحي شموووووووووووشي اللبن ..
| |
|
|
|
|
|
|
|