|
رسالة من عضو مع وقف التنفيذ، بكري ابوبكر نرجوا الأهتمام
|
السيد بكري ... في زول بلدياتنا ليو قريب الحول ما قادر اخش حوشكم العامر... نرجو الاهتمام برسالة العبد لله ادناه...
************************************************************
ياجماعة الخير السلام عليكم ورحمة الله وبركاته... كيف حالكم اول شي ان لي زمن طويل تقول سنة ونص ومشترك معاكم في البورد دة.. بس اشتراك شكلو مع وقف التنفيذ... يعني من اليوم اللي الأستاذ بكري اداني الباسوورد والنك نيم بتاعي لحدي دلوقتي وانا بجري لمن حفيت عشان بس ادخل راسي واتاوق بس كلو كلو مالقيت طريقة.. عارفين بقت فيني ذي شغل ناس الخدمة الألزامية في السودان الزول يكون مرطب في البيت ومتجدع والماهية بستلمه الشاويش ولمن تنهي الخدمة يجيبو لي الورقة لحدي البيت ويقولوا ليهو عفارم عليك.. وناس قريعتي راحت يلموا فيهم بالكوامر وطوالي على المرخيات جاكي بلى.... اها دي مشكلتي ياجماعةالخير وشوفوا لينا بكوري يحلها لينا سيد الحوش... الخوف كلو عارفين من شنو انو تكون قوانين فبراير لمستني بسوطه وحرمتني اللقاء قبال مايتم ذاتووو.. والله كان بقت كدة تبقى حقارة عديل والله... لابوست نزلناهو ولا رد قلناهو ساكت كدة نضيع شمار في مرقة
تحياتي ليكم جميعاً والتحية خاصة للعزيزة شايننغ ستار على الخدمات الجليلة ...... عليكم الله لمن يجيبوني عديل كدة واظهر النبي رحبوووا بي وترحيب شديد كمان.. عليكم الله بس علشان السنين دي كلها ماتروح ساكت
[email protected] مانجو2
|
|
|
|
|
|