كتب الكاتب الفاتح جبرا المتوفرة بمعرض الدوحة
|
|
 حبايبى الحلوين اهلا جونى
|
اليومين دى ما شاء الله وفد الحركة الشعبية فى الخرطوم قابض الجو شى تصريحات وشى لقاءات وشى حشود ولقاءات جماهيرية .. طبعا ناس الحركة خلاص يا شباب وضعو البندقية وقرروا الانخراط فى مسيرة العمل الوطنى مع المؤتمر الوطنى شايفين الثنائية حمد والديبة حاجة شنو عجيبة ورهيبة . .. والغنا بس حبايبى الحلوين اهلا جونى 
وخلاص قريب حيتم اعلان الشراكة و سوا سوا وطبعا الناس من باقى الاحزاب جايطة وعاملة شمطة ما دخلونا وما ادونا وما شاورونا بس تقول الشغلة عرس بت وحيدة فى نص دستة اولاد وعيال عمها كتار وطبعا ناس المؤتمر الوطنى ما عندهم قشة مره فى الجوطة دى وما تخصهم لانو اصلا من قولة تيت حفظو نسب حلفائهم فى برنامج الاحزاب الشغالة بالداخل وهم زاتهم كانوا احزاب هدية ورضية وقبلو بنسبتهم وما قالو زيدوها ولا مطوها لكن المشكلة بقت فى الناس التانية وديل يمكن نقول انهم مقربين من الحركة الى قامت طوالى قالت خلاص مافى مشكلة تتنازل ليهم عن تلت نسبتها – وتفوق التلت كمان – فى لجنة الدستور للقوى المعارضة لكنها برضو ختت خط احمر ومعاه رجل خط عديل وقالت النسبة دى للمشاركة فى نقاش الدستور بس لكن الكجم من حصة الحكم دى ببح مافى نهائى يعنى النسبة لمن يجى توزيع الحكومة الانتقالية وتشكيلها مافى وترجعو للحددتو نيفاشا ، طبعا ناس حزب الامة دقو جرس ومسكو صراخات وختو ليك قرض خاصة مع ياسر عرمان اكتر زول نضام فى وفد الحركة ويومتا هبشو ودقشو ليك ناس حزب الامة ديل بتصريح سخن قالو فيهو عديل شنو يا جماعة خلاص نسيتونا وبقيتو مؤتمر وطنى ونسيتو حزب الامة الضحى كتير عشانكم قام ياسر عرمان رد قال للصحافيين يا جماعة ما تشتغلو بالكلام دا دى نيران صديقة من حزب الامة وطنش وتانى ما جاب خبر لغاية امس قبل تانى لناس حزب الامة ودرشهم ليك ووراهم ليك العين الحمرا ... هى يا ناس حزب الامة شنو .. مواقفكم مربكة وضبابية وحتجيب لينا قرحة .. شنو كل يوم جايين لينا بوهمة وقصة وتصريح نحن نرى ونعتقد وهلمجرا ومشى عرمان يكيل بالتقيل قبال دا حزب الامة دا زاتو شبكنا البلد فيها هامش حريات كويس واننا فى الحركة نتبنى اجندة حربية يجى هسة يملصا فينا .. غايتو ياسر عرمان مرق بره فى الصقيعة واختتم تصريحات قريتها هسة فى الراى العام بصوت وسوط عديل لحزب الامة (ان محاولات خلق التناقضات بين حزب الامة والحركة الشعبية ليست ذات فائدة للطرفين منبها لضرورة ان يتم حوار هادئ وموضوعى بين الطرفين ) ..
والمهم انو وفد الحركة الشعبية هسة فى الخرطوم ضارب الترطيبات وقالو ليك الليلة ولا بكره ماشيين المجلس الوطنى زيارة وجلساتهم ومشاوراتهم تقوم وتقع مع الحكومة عشان اكمال برامج الشراكة والمسالة بعد مؤتمر المانحين والنجاح الكبير الحققو كانت رسالة معناها انو اى مرحلة جايية فى البلد دى وشكل جديد فيهو راسين كبار وعناصر اصلية (الحكومة والحركة الشعبية ) ويمكن نفر نفرين من بره وفى كلام تحت تحت انو النفرين ديل الميرغنى ونقد وباقى الجماعة راحو فى الباى باى ...
|
|
 
|
|
|
|
|
|
|
 Re: حبايبى الحلوين اهلا جونى (Re: محمد حامد جمعه)
|
سعادتو... طبعاً أول مرة أناديك باللقب ده وبما أنه عاجبك يا أبو حميد لن أتردد مستقبلاً في مناداتك به..
حزب الأمة يا أبو حميد حدد موقفه من زمان.. قال ما عايز يشارك في سلطة يعني بصريح العبارة مبروكة عليكم كراسي السلطة أنتو وأخوانا في الحركة.. ولكن في نفس الوقت رأيه واضح.. وهو أن مشكلة السودان لا تحل بإتفاق ثنائي وبالتالي يا سعادتو لا بد من توسيع مفهوم السلام... وبما أننا ريحناكم من نسة الـ 14% دي فلن نريحكم في مسألة الدستور دي.. وسنظل نكافح بأنكم والحركة لستما الجهة الوحيدة المخولة بوضع الدستور الإنتقالي للبلاد..
أما حكاية كلام ياسر عرمان، فيا أبو حميد نحن نعرف رأي ياسر عرمان جيد والعلاقة التي تربط ما بين حزب الأمة و الحركة ما عايزه ليها درس عصر وإن إختلفت الرؤى في بعض القضايا إلا أن هناك ثوابت مشتركة بين الأمة والحركة..
سعادتو... ما سمعنا رأيك في مسألة مطاردة ناس أمنكم لكوادر حزب الأمة.. عليك الله ورينا رأيك في الحتة دي.. فقط من أجل تسجيل موقف.. يعني لزوم التوثيق وكده..
أها أقعد عافية..
| |
|
|
|
|
|
|
|
|
|
Re: حبايبى الحلوين اهلا جونى (Re: إسماعيل وراق)
|
وراق
تصدق لقب سعادتو ما عاجبنى لكن اسوى شنو زى ما يقول اسماعيل حسن ..المهم قلت لى راى ياسر عرمان عارفنو طيب كان كدا شنو التهارش الاعلامى الحاد بينكم والرجل
اما موقفى بشان من ذكرت ممن اوقفوا من حزب الامة فهو الرفض اذا كانوا ابرياء
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
سعادتو
سلام.،
ليس هناك تراشق كما يفهم البعض.. وبعدين مصطلح تهارش ده جديد لنج يعني حنسجل الماركة دي ليك من الآن..
قلت ليك موقفك حيكون الإدانة أن كان كوادر حزب الأمة أبرياء.. بالله عليك أنت ما عارف القصة شنو يا أبو حميد ولا دي تريقة منك... المهم قالوا الوصية في الذمة .. قول لناسكم ديل الدنيا ما دوامة.. وبتجي أيام حالكم ببقى زي حال كنيش.
أها برضو عايزن نسمع رأيك في إعتقال كوادر الأمة وكمان أضف لها مقتل الطالب خالد محمد نور..
| |
|
|
|
|
|
|
|
|
|
Re: حبايبى الحلوين اهلا جونى (Re: إسماعيل وراق)
|
قول لناسكم ديل الدنيا ما دوامة
ودى عاوزة قول يا سمعه النهاية والموت والزوال قون وبيخش فى اى زول .. واما راى فهو رايك وازيدك كمان شفافية ووضح ... انا ارفض وساتنكر وادين واطلب الرحمة لكل مظلوم من رب السماء قبل ممن هم فى الارض
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
| Quote: انا ارفض وساتنكر وادين واطلب الرحمة لكل مظلوم من رب السماء قبل ممن هم فى الارض |
سعادتك كده رأيك بقى واضح..
لكن برضو كمل جميلك.. وأدعو ربك أن ينتقم من كل معتد ومجرم ذاق الأبرياء على يديه صنوف من العذاب.
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
محمد كلامك حلو وانا كنت قايلك الليلة طلعت من علبك وتعلمت تنزيل الاغانى وتكرمت عليا
باغنية الفنان الابقوتى عبد الواهب الصادق
ادخل والقاها سياسة
ياود امى السياسة الخلت شيخ فى النصف الاخير من السبعين يطعنوه بمخدر...برى منها اخير اقعد ساى
لكن بتكون حاضر لقاء سامى حداد قبل يومين فى قناة الجزيزة قطبى المهدى مطرم التقول جائى من عزاء والله اول مرة فى حياتى احن على انقاذى...مسكين الزول كل ضيوف البرنامج ضده بما فيهم المقدم نفسه....لكن اجمل تعليق عجبنى من ذلك الفتى الشعبى المستشار القانونى
قال لقطبى ...اظنك ياقطبى توافقنى ان الحكومة شغالة رزق اليوم باليوم.....والله عبارة تنطبق تماما على حكومة الانقاذ الايام دى..يعنى لو قعدنا الليلة بكرة الله كريم...
فياجمعة الحكومةلو قعدت السبت بتخاف من الاحد
وربنا يقعدك معانا شايف نفسك بقى يطلع وينزل..زى ناس الحركة الجو ديل..هم برضهم خايفين على المليارات التى اتت عليهم زى مطر الجنوب...من حقهم يجو ويجلسو ويتفاهمو...لكن
موال
يالماشى ل لاهاى
شالك الهاى هاى
ودينى لحدباى
عشان اسمع الدوباى...
عنان يادلاى
قرارك البكاى
خاتنو فى المخلاى
وكاربنو بالوكاى...
ريسنا يالحلاى..
والجرسة جاى
حاى جاى..
الكلام لقوتة
اللحن لهباتى
الغناء ست البنات
ولقدام
| |
|
|
|
|
|
|
|
|
|
Re: حبايبى الحلوين اهلا جونى (Re: abuguta)
|
يالماشى ل لاهاى
شالك الهاى هاى
ودينى لحدباى
عشان اسمع الدوباى...
عنان يادلاى
قرارك البكاى
خاتنو فى المخلاى
ابو قوته
اها والمطربة منو للاغنية لانو حاسى انها قريبة من خالتو مافيشة معزومة جبنة بى شيشة
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
جنابو
قال الامام الحسين عليه السلام
((قل للشامتين بنا
سيلقى الشامتين ما لقين
فان نهزم فهزامين قدما
وان نهزم فغير مهزمين
ولكن منايانا ودولة اخرين))
للمرجع للشعب وغدا المرجع لله وهنالك يخسر المبطلون
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
| Quote: انا ارفض وساتنكر وادين واطلب الرحمة لكل مظلوم من رب السماء قبل ممن هم فى الارض |
وطالما بوسعك ان تدين و تستنكر فعل من هم في الارض ايضا فما تقصر ف"رأس الجهاد كلمة حق فى وجه سلطان جائر"
| |
|
|
|
|
|
|
|
|
|
Re: حبايبى الحلوين اهلا جونى (Re: lana mahdi)
|
| Quote: حبايبى الحلوين اهلا جونى |
ومن الحب ما قتل!
وانما على عدم الحب تأسى و تاسف النساء!!!!!
لا شأن لنا بحبك او عدمه وأنصحك بمراجعة بيطار يا تور الجواميس فقد اشتد خوارك!
وكما يقول اهلنا في المثل
خياط القربة مع القحف!
فسرعان ما يتصدع جمعكم
جني
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
مقال محمد جمعة ده لو شلنا منو المكاواة والتريقة وأضان الكوز ببقي كلام جله صحيح مية المية وخاصة فيمايتعلق بي صحوبية عمنا قرنق والبشير وطه وكلامو عن ثشرذم القوي المعارضة وتخبطها المريع برضو صاح.
| |
|
|
|
|
|
|
|
|
|
Re: حبايبى الحلوين اهلا جونى (Re: المسافر)
|
عمار
كلامك صاااااااااااااااااح
لنا مهدى
ما بنقصر يقصر الملح
جنى
تصدع جمعنا ... كويس ربنا يحقق امانيك بس كيف حال الناس المنصدعين ومصدعين قبلنا
عبد الماجد
بالله وريهم يا ابو حسبو
ميرفى
انا خايف بعد تعبك دا وصورك وسوماتك دى كل القصة تطلع اوت سايد ضربة قوون والناس تاكل نيم ... بدون شيرى
المسافر
فرشو الفرشات
للحكومة الجات
فرشو الفرشات
للحكومة الجات
وتانى بتقطع
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
الاخ الكريم محمد حامد .. تصدق ان الاغنية عنوان البوست تم اجازتها بقرار جمهوري في عهد ( دراج المحن ) المشير نميري ... والسبب هو عدم اجازتها من قبل اللجنة المكونة وقتها من المراحيم .. جمعة جابر .. والعاقب محمد حسن وأخرون .. دي حقيقة مش مزحة.....
دا كل ما اردت قوله رغم انه خارج عن الموضوع الرئيسي .. اسف ..
ود الباوقة
| |
|
|
|
|
|
|
|
|
|
Re: حبايبى الحلوين اهلا جونى (Re: محمد حامد جمعه)
|
Quote: شوف يا وردى فى جماعة بورداب طلعونا ظلاميين عشان قابلنا الرئيس وشجبنا القرار 1593 ... وقالو ليك انت تحديدا ضيعوك ودروك انت ما بتعرف صليحك من عدوك !
|
وردي دا رقيتوهوا من فنان الشعب لي فنان قصر الشعب
ونحن عاذرنوا لانوا الحبوب الببلع فيها عشان الجسم مايرفض الكلية المزروعة من اعراضها الجانبيةنفخة الجسم ونفخة جنون العظمة وهسة مفتكر الشعب حيمشى وراهوا اصلوا قايل الشعي تيران ياتور بقر الجواميس!
جني
| |
|
|
|
|
|
|
|
|
|
Re: حبايبى الحلوين اهلا جونى (Re: jini)
|
Quote: يا جنى بسم الله
يا جماعة ما تشوفو لينا ياور موضوعى شوية |
اها بقيت ما بتفهم كلامي ولا بتتغايى !!ماعلى اذا لم تفهم البقر ولعلمك البقر تشمل التيران كما يقال العروسين للعروس والعريس وانا عارف كلامي محل حارقك!
جني
| |
|
|
|
|
|
|
| |
محمد حامد جمعه
إسماعيل وراق
abuguta
عمار عبدالله عبدالرحمن
lana mahdi
jini
عبدالماجد فرح يوسف
merfi
المسافر
فيس بوك
تويتر
انستقرام
يوتيوب
بنتيريست