|
Re: اي واحد ما يسمع اسم قبيلتو ...بالله يتطلب الله ويورينا عرض أكتافو! (Re: Shinteer)
|
قرجه وبت الحسين كل سنه وانتو طيبين .. ان شاء العيد الجاى مستقرين فى بلدنا يا بت الحسين ومبسوطين .. ويا قرجه بلاش فرقه يا يابا .. نحن على قول بت الحسين دى بعد كيمان اللحم الكومتو ده من باقى لحم الضحيه ..دحن فضل فينا شنو ؟ لوووووووووووول
شانتير لوووووووووووووووووول كده لى ما شاء الله ..والله ضحكت من اعماقى لمن بقيت اتلفت مافى زول يكون صحا .. النعمنو ياخوى الدنيا عندى دغش شديد.. كل سنه وانت طيب ان شاء الله قلت لى الفلوجه راسه عديل ؟ لووووووووووووووول نحن غايتو اهل العوض يا قرجه .. والله نحرن ليكم كده فى جزيرتنا ديك اكان يمرقنا الشديد القوى .. نقبل نمشى وين يعنى ؟ كدى قول لينا كده بى رواقه .. تسلموا وكل سنه وانتو طيبين
| |
|
|
|
|
|
|
Re: اي واحد ما يسمع اسم قبيلتو ...بالله يتطلب الله ويورينا عرض أكتافو! (Re: garjah)
|
قرجة حبابك في دار حمر يكثر اسم كرجة Kerchah هل انت من هناك؟ ولفظة قرجة تطلق على العود المنحني يشابه السفروق في الشكل وهو سلاح عند اهلنا البديرية يستخدمونه في رحلات صيد الارنب
طبعاً جعفر عباس له موقف خلينا نطلق عليه لفظة عدا للمسميات العربية الركيكة والتي يكثر فيها حرف الصاد الذي الذي لا تحتمله اللغة النوبية وانا بحمد الله لا توجد لقبيلتي جزور في الجزيرة العربية وهي ذات لسان يتحدث العربية إلى اين يمكن ان ننقلع؟؟؟
| |
|
|
|
|
|
|
Re: اي واحد ما يسمع اسم قبيلتو ...بالله يتطلب الله ويورينا عرض أكتافو! (Re: garjah)
|
الحبيب على اسماعيل لك الود عون الشريف ذكر ان في منطقة السروراب بشمال ام درمان ولد الجد حمد ابو ريش وفي ذلك يقول انه جعلي أما شاع فهمه هو ان قبيلة رياش والبديرية والشويحات خرجو من فصيلة واحدة اي ان بدير وشيح وريش ابناء عمومة أما الوالد فهي من أب بشاري وأم معلّلاوية من منطقة ام كريدم ولكني ولدت في منطقة دار حمر التي انتسب إليها ولكني اتحدث بأنني لست عربياً ولا افريقياً بل سودانيا
| |
|
|
|
|
|
|
Re: اي واحد ما يسمع اسم قبيلتو ...بالله يتطلب الله ويورينا عرض أكتافو! (Re: EMU إيمو)
|
اخوى الاستاذ / ايمو - سلامات يا زول
اتارى انا عندى اهل كتيرين فى الدارة دى (حوش بكرى ده) وانا ما عارف ، لكن حاقوم اجيب ليكم سبارة واشوف العددية الباقية فى اى زاوية مدسوسة- اخباركم انشاء الله تمام
اولا طبعا بينا وبين حلة رياش بس الشق (الخور) هادى الحمادى وديك حلة رياش - اهل الوالد ومسقط راسى . وثانيا طبعا بينا وبين ام كريدم فركة كعب بس غرب حى الناظر وبرضو اهل الوالدة ومسقط راسها - طبعا اهلك البديرية منشريين فى كل كردفان - كده لمن الاقيك فى الماسنجر يمكن تطلع قريبى لزم -
لك وللاخ قرجة التحية
| |
|
|
|
|
|
|
Re: اي واحد ما يسمع اسم قبيلتو ...بالله يتطلب الله ويورينا عرض أكتافو! (Re: saifkeli)
|
أخوي قرجة
أريت قرجتك طيبة ومضببة
إسم قرجة له وقع في نفسي و ذكريات جميلة رغم بعد الزمن ، ففي أمدرماننا الحبيبة و بحي بيت المال تدقيقاً في حي الملازمين تقع مدرسة بيت المال الإبتدائية المذدوجة وتاريخاً في السبعنيات كانت مدرستان وهما (بيت المال) و (أبو قرجة) الإبتدائيتين وكانت بينهما منافسة جميلة حبيبة الي نفسي شملت الجمعيات الادبية والفرق الرياضية إضافة إلي المنحي العلمي.
بس يا أخوي ما قلت لينا هسي نتحسب مع منو شي قالوا خزرج ولون أخدر وعرق لبناني واحد تركي وغيرو مصري وآخر مربوط في عم رسولنا(ص)
أخوك السوداني / إسماعيل حميم
| |
|
|
|
|
|
|
|