|
|
|
 Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: تاج السر حسن)
|
الظلاميّ سياسيّاً المستنير ريا ضيّاً أحمد الريح
عزيزي المستنير تاج السر
معجب أنا أيّما إعجاب باستكانة الظلاميين لظلاميتهم والمستنيرين لاستنارتهم! عن نفسي أفضل أن أكون ظلاميّاً بحسب تعريف الظلام في المنبر الحر، أما الاستنارة الرياضيّة فهي سمة الهلال المنير فلا غرو أن استمدّ محبوه نورهم من نوره!
الفوز الهلاليّ جاء مصاحباً لخسارة مدوية للمريخ صباح أمس باستاده أمام الشرطة الأمنيّة وبثلاثة أهداف!! وطبعاً سنقرأ غداً أنّ المباراة وديّة وانّ الخسارة مفيدة، هذا إذا لم يطالعنا أحدهم بأنّ المباراة كانت تمريناً اختلط فيه لاعبو المريخ بلاعبي الشرطة الامنية!! وحتى لا يزيّف أحدهم الحقيقة فإنّ التشكيلة التي مثلت المريخ ضمت: بهاء (ثمّ شلبي) في حراسة المرمي، في الدفاع لعب أمير دامر وسفاري وأحمد الكاس، في الوسط لعب علاء الدين وحمدتو والصيني، تنقا، سعيد السعودي، وفي الهجوم لومامي وهيثم الرشيد!!
جاءت هذه الخسارة رغم أنّ ملك الهاتريك لومامي كان لاعب في الخط الامامي!!
أحمد الريّح
| |
 
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Agab)
|
| Quote: الظلاميين كرويآ أحمد الريح وتاج السر |
شنو يا عجب نحن ما نستنير كلو كلو؟! مش كفاية الظلام السياسيّ؟!
يا ريييييت! المرة دي روبيرو مافي لكن جاكم بلا اسمو مهند الطاهر، قالو ألعب من هيثم مصطفى... يعني ده بكون (رونالدينيو إلا خمسة)! دايرين معاكم قعدة قبل الكورة عشان نفصل الهزيمة على مقاسكم!!
| Quote: وعندو كاسات من بره السودان |
دي غايتو يغالطك فيها خالد عز الدين... صعبة عليّ !!
يا عجب اتفاءل خير! أبداً دي لزومها شنو؟ ممكن ربنا يقدر ليك وتبقى هلالابي... قول آمين!
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: osly2)
|
| Quote: مبروك احتلال المركز الثانى فى الأسبوع الاول أتمنى المحافظه عليه حتى نهاية الدورى |
يؤسفني يا أوسلي أن أخبرك أنّ هيثم مصطفى والساحر الجديد مهند الطاهر عازمان على أن يُبقيا الكأس الممتاز مع الفريق الممتاز للموسم الثاني على التوالي!
هذه الجملة تذكرني عملية (اللدغة القاتلة) التي نفذها الهيثمان مصطفى وطمبل بعد أن ضمنتم الكأس في جيبكم العام الماضي!!
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
العزيز احمد الريح :
معجب انا كثير بما تكتب واكتملت فرحتي اليوم بهلاليتك والتي ربما ستكون هي الخيط الذي سيوصلني الي احمد الريح ذلك الفتي الذي تعرفت عليه في مدرسة المؤتمر والتقت هلاليتنا عندما كنا نناكف الأخ غاندي عصام ..
ليتك تكون هو ذلك الرجل الذي افكر به والذي فارقناه مهاجراً الي امريكا ..
لم انتبه يوما للاسم والشكل ولكن ما وجدتك تكتب عن الهلال حتي استرجعت شريط الزكريات لاحمد الريح " اللفتاوي" فهل انا علي صواب ..
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
جموع حبايبنا اهل القبيلة الزرقاء :
بهدي ليكم خبر جميل جداً والله ضحكني شديييييييييييييد وخلاني احن علي بني صهيون ديل شديد ياخ ..
الخبر بيقول :
المريخ يضع أول كأس له في دولاب النادي مع بداية الموسم "
الناس ديل كانوا قاصدين كاس الخرطوم عاصمة الثقافة الفازوا فيهو علي الخرطوم 3 واحد صفر !!!!!!!!!!!!!!!!!!!!!!1
شفتوا الناس ديل حالتهم بقت صعبة كيف؟؟؟؟؟؟؟؟؟؟؟؟؟؟؟؟؟؟؟؟؟؟؟
السنة الفاتت مرقوا من المولد ملووووووووووص قالوا السنة دي يثبتوا حقهم ويقولوا الموسم ده ما مرقنا ساي وشلنا كاس الخرطوم عاصمة الثقافة !!! لالالالالالا ما تقولوا لي مثقفين خاااااااااااااااااااالص ...
مبروك علي المريخ المكرز الرابع هذا الموسم بعد ان يتصارع المورداب العايدين بي قوة والخرطوم3 علي المركز التاني ...
وما يجيني زول ناطي يقول لي الاول منو !!! اووووووووووووووووعا ...
تخريمة :
هاك الثقافة دي ....
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: عمر الفاروق شيخ الدين)
|
أهلاً بيك يا عمر الفاروق
ومرحباً بشريط الذكريات إن مرّ بالمؤتمر الثانويّة،
يبدو أنّ هذا المقال الذي بدأ هلاليّاً في طريقه ليُصبح سبباً في مفارقتي لإحساس الغربة الذي ظلّ ملازماً لي منذ أول حرف كتبته هنا! لم أكن أعرف أحداً بينما الواضح انّ صداقات كثيرة تربط بين أعضاء كثيرين بالمنبر بدرجة تحكمت في مسار العديد من الحوارات التي دارت حول أمور مختلفة، ومن تصاريف القدر أن ألتقي بعمر الفاروق زميلي في المرحلة الثانوية، وخالد عثمان زميل الدراسة الجامعيّة ثمّ وليد العجب زميل الدراسة فوق الجامعية حتى صرت أخشى أن يدعي تاج السر أنّه زاملني في المرحلة الإبتدائيّة!!
مرحباً بك ظلاميّاً ضمن الزمرة الجديدة التي انضمت للمنبر الحر وأوشكت على أن تلغى هيمنة الأقلام التي ادعت لنفسها الفكر والاستنارة ومنحت نفسها حق التفكر والتدبر وتركت لنا -نحن المساكين ديل- مقاعد المتفرجين على استنارتهم المدعاة حتى وصل الأمر بأحدهم لأن رماني بالتشدد والتزمت وأنني لم أقرأ رواية ولم أدخل مسرحاً وأنّي أعيش في كهف بالقرن السابع إلى آخر الكلمات التي لا معنى لها!!
لا أظنني يا عمر أحتاج للإشارة لأنّ الزمالة التي جمعتنا لن تمنعني من الاختلاف معك في الرأي -بل الاحتداد في الجدل إذا دعا الأمر- حتى لا نكون جزءاً من الشلليّة المملة التي قللت الفوائد المستقاة من المنبر الحر، بريدي الإلكتروني: [email protected] ، في انتظار رسالة منك ليظل بيننا حبل التواصل ممدوداً.
آخر أخبار الهزيمة الكبيرة للمريخ أمام الشرطة الأمنيّة أنّ هدفين من الثلاثة أهداف التي ولجت شباك المريخ أحرزها لاعب الهلال الزمان داااك ياسر رحمة!!
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
الأخ والصديق :
أحمد الريح ...
بعد أن تمعنت الصورة جيداً وجدت ذلك الأحمد الذي قلما تجده عابث ووجد ذلك الأحمد الذي قال يوما ما أنه يود أن يتسبدل لون دمه بواسطة الجراحة ليصير لونه أزرق ..
نعم أختلفت الملامح قليلاً (جابت ليها سمن ) لكن هو أحمد الريح بي شحمه وعضمه ...
| Quote: لا أظنني يا عمر أحتاج للإشارة لأنّ الزمالة التي جمعتنا لن تمنعني من الاختلاف معك في الرأي |
بدأت حيث أنتيهت انت ..فما قلته هو ما يجب أن يكون فقد ولي زمن المجاملات لن تمنعني الزمالة أيضاً من الأختلاف معك ولكن ربما سيكون هذا نادراً فكل ما تكتبه يا احمد كنت من المؤيدين له تماما وانا من المتابعين لكتاباتك وقلتها يوماً للصديق علاء :
" بالله يا علاء تابع الزول الاسمو احمد ده بيكتب كلام السهل الممتنع وعاصر ليك المستنيرين ديل بي رواااااااااااااااقة "...
Quote: مرحباً بك ظلاميّاً ضمن الزمرة الجديدة التي انضمت للمنبر الحر وأوشكت على أن تلغى هيمنة الأقلام التي ادعت لنفسها الفكر والاستنارة ومنحت نفسها حق التفكر والتدبر وتركت لنا -نحن المساكين ديل- مقاعد المتفرجين على استنارتهم المدعاة حتى وصل الأمر بأحدهم لأن رماني بالتشدد والتزمت وأنني لم أقرأ رواية ولم أدخل مسرحاً وأنّي أعيش في كهف بالقرن السابع إلى آخر الكلمات التي لا معنى لها!!
|
من أجل هذا أنضممنا للمنبر نطرح انفسنا نحجز لجيلنا مقعداً بعد ان تعبنا من الوقوف شماعة في مشوار طوييييييييييييييييل يريد الجميع فيه ان ينزل المحطة الأخيرة !!!والغريبة ان بعض المقاعد تكون خالية وكل ما حاولنا الجلوس قالوا لنا محجوز !!!!!
ولكن سيبقي السؤال :
هل سنبقي في هذ المنبر طويلاً حتي نلغي تلك الهيمنة ؟؟؟ أم هنالك من يحاربوننا من ابناء جيلنا فنتفاجأ يوما بحجبنا من الدخول !!!
Quote: ومن تصاريف القدر أن ألتقي بعمر الفاروق زميلي في المرحلة الثانوية، وخالد عثمان زميل الدراسة الجامعيّة ثمّ وليد العجب زميل الدراسة فوق الجامعية حتى صرت أخشى أن يدعي تاج السر أنّه زاملني في المرحلة الإبتدائيّة!!
|
والخوف يا ابو حميد ان تكون رودا دفعتك في الروضة (جناس غير تام )
تخريمة :
Quote: آخر أخبار الهزيمة الكبيرة للمريخ أمام الشرطة الأمنيّة أنّ هدفين من الثلاثة أهداف التي ولجت شباك المريخ أحرزها لاعب الهلال الزمان داااك ياسر رحمة!!
|
سيأتي المستنيرون ويقولون هكذا هم كلاب الامن ظلاميون يقومون بكل ما يدمر هذا الوطن
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: ود المايقوما)
|
Quote: هل شاهدت مباراة الهلال واوسا الاثيوبي التي اقيمت باستاد الهلال ؟
|
نعم شاهدناها وفاز الهلال 2/1 وتعادل في اثيوبيا 1/1 وصعد الهلال للمرحلة القادمة ..اها المشكلة وين ؟؟؟؟؟
| Quote: ومهما تكتب المريخ ياهو المريخ اعظم فريق سوداني ان رضيت ام ابيت |
غايتو انا ابيت وما عارف احمد رايو شنو !!!!!
اعظم فريق سوداني؟؟؟؟؟؟؟؟؟؟ ياخ دي ما واسعة شوية ؟؟؟
Quote: فريق 3/4 الشعب االسوداني .
|
 confused: confused: confused: confused:
البعرفوا انو المريخ بيشجعوهو 18 نفر منهم المرحوم الفنان الحريف (سامي عز الدين ) وبعد وفاتو فضل ليكم 17 نفر !!!!!!!!!!!!!!!!!!!!
| Quote: ونصيحة ليك وللهلاب عامة (( خلو المريخ في حالو وامشي استعدو لمباراة الترجي )) |
جاهزين ..
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: ود المايقوما)
|
العزيز ودالريح،
مبروك الفوز على تلاتة الدايشة بهزيمة المريخ..
أضيف على ود المايقومأ، مباراة الرد مع (العواسا) لا تبشر بخير أبدا، ولو تابعت هدف كرنقو من وسط الملعب على شاكلة هدف العويران الشهير في الهلال، لا يدخل هذا الهدف لو أعيدت ألف مرة، لكنه الحظ الذي ابتسم للهلال لسادس الدوري الأثيوبي...
الترجي اسم كبير وفريق يهزم بالخمسة والستة، ويملك فريقين قادر أن يلعب الأول في البطولة العربية والثاني يواجه الهلال ليخرج بالتعادل معه بالبدلاء، ليأتي الفريق الأول ويقوم بالنحر في المنزه.
أعتقد الحيدوسي يحاول التهرب قبل ملاقاة الترجي ، فهو يعلم جيدا ماذا بإنتظاره، وبدأ التمهيد بأقوال الترجي فريق كبير وخطير وفطير و.. و... ويملك لاعيبة ماهرين (برشه)(برشه)...
لومامي أشركه المدرب في خانة الطرف اليمين وليس مهاجم، برانكو مازال يجرب اللاعبين في مراكز غير مراكزهم احتياطاً لأي طارئ...
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: ود المايقوما)
|
عزيزي ودالمايقوما
لم أشاهد مباراة الهلال مع أواسا الأثيوبي ، لكن مشاهدتها لا يعني تركي تشجيع الهلال يا سيّدي، فبنفس المنطق: لديّ تسجيل لمباراة معتز كبير/ روبيرو التي تلاعبنا فيها بكم العام الماضي... لو شاهدتها أنت مرة أخرى لتركت تشجيع المريخ بل دعيت غيرك لتركه،
مع تحيات النبيجيري بيتر اسحاق نوانكو جيمس اسرائيل!! التحيات موصول لمزمل أبو القاسم!!
| Quote: خلو المريخ في حالو وامشي استعدو لمباراة الترجي |
الكابوس الإسمو الترجي ده ما تجيب لي سيرتو يا ود المايقوما!
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: abas)
|
الأخ ود المايقوما .. سلام مربع
كتبت:
| Quote: ومهما تكتب المريخ ياهو المريخ اعظم فريق سوداني ان رضيت ام ابيت .فريق 3/4 الشعب االسوداني . |
يا أخي أعظم فريق سوداني ده حا يلاعب ناس الترجي والأهلي والأفريقي وانيمبا والاسماعيلي وسانتوس وهارتس أوف أوك .. حا يلاعب العظماء ديل وين في حوش الدلوكة ..
آخر مرة لعب فيها في البطولة العظيمة التي تضم العظماء .. اترشى 5/صفر في غانا
عظمة × عظمة
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
| Quote: غايتو .. في السمعناهو عن النيجيري بيتر .. دة ما في حاجة غايتو تحوشوا لا شكية ولا بندقية |
هذا الشكية يا سيف صارت تخصصاً لمزمل أبوالقاسم الذي يبدو أنّه يبحث عن وظيفة في الانتربول! قمت بالتجسس على تلفون مزمل أبوالقاسم مساء أمس وسجلت المكالمة الخطيرة التالية...
- ألو
- ألو
- يا مزمل معاك مامون أبوشيبة
- مامون إزيك إن شاء الله خير
- ما خير يا مزمل، سمعت بالنيجيري بتاع الهلال؟
- قصدك جيمس بيتر اسحاق نوانكو اسرائيل؟
- أيوه
- مالو
- الزول ده لازم تتصرف يا مزمل وتشوف طريقة ترجعو بيتو، إن شاالله تطلعو قاصر!
- ليه
- أمبارح سوى البدع في الخرطوم3 ، يعني ده لو لمّ في عواجيزنا ديل يعمل ليهم غضروف!
- لا حول ولا قوة إلا بالله، حكاية تزوير اسمو دي ما جابت دخل، وقاصر دي ما اظنها نافعة عامل عضلاتو الكبار ديل، العمل شنو يا مامون؟
- والله ما عارف، كدي إنت خش الانترنت واقرا القوانين بتاعة الفيفا، يمكن يكون النيجيريين ممنوعين يلعبو في السودان!
- أقول ليك حاجة؟
- أها؟
- وجدتها وجدتها!
- قول
- نطلعو جنجويد ونطالب بمحاكمتو في محكمة العدل الدولية مع الكيزان، هو ذاتو قائد الجنجويد كان اسمو موسى هلال!
- فكرة شيطانيّة يا مزمل، بالله ابدا بكرة طوالي
- يا زول اطمن، بكرة كبد الحقيقة حايكشف حقيقتو ويقوم يرجع بيتو...
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
ود الريح .. سلام مربع
يا أخي ما ممكن نخسر كل القنابل التي فجرناها بخصوص تحيز قادة اتحاد الكرة مع الهلال ..
السنة الفاتت قابيتو والصلوي .. والتجديد وانتخابات الاتحاد .. وقضية وتوتي .. والسنة القبلها قضية كأس السودان .. يعني خسائر بالجملة لكن الاسمو بيتر نوانكو اسرائيل اسحاق ده قضيتو مضمونة.. يا أخي حتى لو موضوع التزوير اللي كتبناهو ما ظبط .. يكفي إنه اسمو اسرائيل ..
والقضية المضمونة التانية حقت النيجيري التاني .. يا أخي دة مدمرة بشرية .. كيف يلعب في الدوري السوداني وأولادنا أجسامهم نحيلة في الغالب .. واسمو برضو استفزازي .. GOOD WIN يعني ممكن تفسر لي ليه ناس الهلال بختاروا لاعبين زي ديل ..
شافع اسمو الصلوي .. وعجوز اسمو النونو ..
الخبرات مهمة .. عشان كدة لازم تجيبوا لينا محترفين الواحد عمره أقل شي 35 سنة
وإن جيب للنصيحة ناس كتار كتبوا في رئاسة الأرباب لنادي الهلال .. يعني كل الأشياء ماشة ضد المنطق ..
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
يا جماعة الخير اخوانا الصهاينة :
والله حاولت اتحاشا الرد في البوست ده عشان ما اثبت لي احمد الريح نظرية الشلليات ومن امبارح ايدي ماكلاني علي جنس الكلام ده ..
اها والله اسة الكلام خلااااااااااااص حرقني ويا احمد الريح كان تقول شلليات ولا كان تقول جن أزرق (الاحمر عووووووووووووووووع ) ...
اها يا احمد مزمل ابو القاسم ده قصتو حاجة تانية .. الزول ده حووصة بتاعو الايام دي بيكون عينو اتعدلت مع قنابل نيجيريا دي وبدل كان بيشوف عشرة عشرة اسة والله دربو بقا عدييييييييييييييييييييل ..
بعدين الخبير في قانون الفيفا مزمل ابو القاسم لقا المادة رقم 171 من قانون الفيفا والخاصة بالمعترفين والتي تقول :
" يحق للنيجيرين الاحتراف في خانة حراس المرمي بالسودان وما دون ذلك فهو مخالف لقوانين الفيفا "
اما المادة 97 من قانون الدايات والمواليد فهي صريحة كما وضحها الاخ مزمل :
" كل شخص عمره قانوني لا يحق له اللعب في الهلال أيضاً ..كما يجب أن يكون اللاعب من مواليد برج الجوزاء والحمل في نفس الوقت وان يكون قد ولد في البيت بواسطة داية قانونية وفي سمايتو يجب ذبح نعجتين ووزة " ..
المادة 89 من قوانين الاحجام :
" يمنع منع بات احتراف لاعبين عضلاتهم تبش ...كما يجب مراعاة عامل السن عند تحديد الخانات ومراعاة الفريق الخصم فمثلاً إذا كان عمر المدافع في الفريق الخصم هو 45 يجب ان يجلب الهلال محترف عمره 41 ..وهكذا .."
اخونا راكوبة :
كنا دايرين نشكرك في الخريف لكن نسوي شنو بيجي الخريف واللواري حاتقول ما راجعة ..
ياخوي المرة دي يجيبو زيتوني يجبيو تيني يجيبو الناس ديل انشاء الله موضوعهم مستحمي ...
غايتو انت تابع لينا المبارة الليلة واوعك تجي تقول والله بس الترجي بتاع الايام دي ما زي بتاع ايام زمان ...
تخريمة :
افكر فيه واتأمل.. أراه إتجلي واتجمل ..هلالي الهل واتكمل ..
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
جميل جداً أن نفرح لإنتصار الهلال ..
والأجمل أن نحث إدارته ولاعبيه لبذل الغالي والنفيس من أجل هذا الفريق العظيم ..
والإعداد الجيد للبطولات الخارجية ..
ووضع إسم الهلال من ضمن أعظم الفرق الأفريقية ..
أو نكتفي بنصف هذه الفرحة أعني البطولات المحلية ..
كذلك أحي الإخوة المريخاب وأتمنى أن تسود روح الدعابة والمناكفات بين مشجعي الفريقين بصورة أجمل وبروح رياضية وأن يكون الهدف إعلاً راية الكرة السودانية ..
شكراً أخي أحمد الريح ..
وتهانينا لهذا الإنتصار ..
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
الراكـــــــــــــــــــــــوبة كشفنا عيــــــــوبة الراكــــــــوبة كشفنا عيوبـا
اخونا راكوبة :
تعرف الصيحات دي كنت بقولا طوااااااااالي لمن نجيب فيكم اقوان زي قون اقجي الجابو من خور ابعنجة داك في الحارس يس وقون باكمبا بالطرشة في المريخ والظاهر علينا عشان بقينا برة البلد وما قادرين نشوف رواكيبكم حا اضطر اهتف للراكوبة الموجودة في المنبر هنا
العاجبني فيك فرحتك بي المركز الأول في الاسبوع الأول وهو حق مشروع لي فريق طوووووووول من اعتلاء الصدارة من سنة 2004 ..
ما حنقول ليك قد الكيشة والحقو لالالالالالا لانو الكيشة ما حايتقدم انشاء الله ...
تخريمة :
كنت في إجازة سنوية وحضرت الملاكم فاروق تايسون (معليش اللاعب فاروق جبرة )وكانت مباراة المريخ والتاكا وانتهت تعادل وفي استاد المريخ اها المرة دي الملاكم منو ؟؟؟ بس اوووووووووعا تقول لي العجب لانو الزول ده عجوز ومافيهو حيل ..
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: عمر الفاروق شيخ الدين)
|
| Quote: تعرف الصيحات دي كنت بقولا طوااااااااالي لمن نجيب فيكم اقوان زي قون اقجي الجابو من خور ابعنجة داك في الحارس يس وقون باكمبا بالطرشة في المريخ والظاهر علينا عشان بقينا برة البلد وما قادرين نشوف رواكيبكم حا اضطر اهتف للراكوبة الموجودة في المنبر هنا |
والله ياعمر أنت قدييييم عديل، وثقافتك الكروية بقت سماعية!! لكن نطمنك نحن المتابعين من الزمن داك ولحدي هسي الهلال ماجاب كاس، يعني مافاتك حاجة، وقت ترجع تلقاهم هم هم..!!
Quote: العاجبني فيك فرحتك بي المركز الأول في الاسبوع الأول وهو حق مشروع لي فريق طوووووووول من اعتلاء الصدارة من سنة 2004 ..
ما حنقول ليك قد الكيشة والحقو لالالالالالا لانو الكيشة ما حايتقدم انشاء الله ... |
خلاص روليت الدوري حنبداهو من الثاني المرات الجاية!!
| Quote: كنت في إجازة سنوية وحضرت الملاكم فاروق تايسون (معليش اللاعب فاروق جبرة )وكانت مباراة المريخ والتاكا وانتهت تعادل وفي استاد المريخ اها المرة دي الملاكم منو ؟؟؟ بس اوووووووووعا تقول لي العجب لانو الزول ده عجوز ومافيهو حيل .. |
برضو فاروق جمرة موجود ملاكم .. لاعب .. بعبع في رواية أخرى!!
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
| Quote: والله ياعمر أنت قدييييم عديل، وثقافتك الكروية بقت سماعية!! |
تعرف يا راكوبة وما طالبني حليفة انا كل سنة بنزل السودان إجازة وبكون ساكن سكنة في الاستادات من استاد الهلال لي دار الرياضة لي الخرطوم وتحت تحت كده المريخ برضو ..
يعني انا مرضاااااااااااااااان كورة وثقافتي الكروية سمع وشوف محمود عبد العزيز في يا مدهشة ..
تعرف السنة القبل الفاتت حصل لي حاجة عجيبة ..انا متعوود كل مرة بمشي احضر الدوري لحدي نصو وبجي الرياض وبخلي الدوري مجهجه وما معرفو والواحد بيعرف نتيجتو النهائية هنا في الرياض لكن السنة القبل الفاتت سبحان الله انا مشيت ومن الاسبوع الثالث للدورة التانية حضرت تتويج الهلال بطل للدوري في اول سابقة كروية وبفارق 18 نقطة عن الجماعة إياهم !!!! معقولة دي؟؟؟
موضوع الكاسات زي بقا ممل شوية واسطوانة مشروخة ..
بالله عليك الحجة حاتكون شنو اذا حقق الهلال بطولة ؟؟؟؟؟؟؟؟؟؟؟؟؟؟؟؟؟ طبعاً حاتجيبو حجج جديدة لنج !!!!!!!!!!!!!!!!!!!!1
| Quote: برضو فاروق جمرة موجود ملاكم .. لاعب .. بعبع في رواية أخرى!! |
وفي اخر الروايات شبح وضل وراكوبة ..الراجل قالوا بقا بيلعب تحت الاربعين سنة ..ويا ويلي من الأربعين ...
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
أخوي عمر .. سلام مكحل بزرقة النيل والهلال
| Quote: العاجبني فيك فرحتك بي المركز الأول في الاسبوع الأول وهو حق مشروع لي فريق طوووووووول من اعتلاء الصدارة من سنة 2004 .. |
الصدارة دي جات من وين اذا كان نظام المسابقة لا يأخذ فرق الأهداف في الاعتبار .. والدليل أن البطولة السابقة كانت ستعاد فيها مبارة هلال مريخ اذا انتهت بالتعادل رغم أن فرق الأهداف كان في حدود 12 هدف للهلال
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: saifkeli)
|
سيف كلي :
تحية صافية كالحليب وبياض شعار الهلال ..
والدليل ان البطولة السابقة كانت ستعاد فيها مباراة هلال مريخ اذا انتهت بالتعادل رغم ان فرق الاهداف كان في حدود 12 هدف لمصلحة الهلال ..
تعرف يا كلي الغريبة بيقولوا الاتحاد ده هلالابي وابو القوانين مزمل ابو القاسم ما علق علي الموضوع ده ولا حتي كلف حووصة عشان يسألو من الموضوع ده ..
نحن مقتنعين انو الصدارة هلالية لكن البيقنع الديك منو ؟؟؟؟؟؟؟؟؟؟؟؟؟؟؟؟؟؟
الليلة انشاء الله تاكا الشرق بهامة جبالها لاعبة وانشاء الله منصورين ونتمني ان لا نشاهد المصارع الشهير فاروق تايسون يرمي الحكم بالضربة القاضية في الشوط الأول وان ينتظر حتي نهاية الشوط الثاني ..
تخريمة :
يا راكوبة الليلة اوعكم تركبوا التونسية ...
حبيت عشانك كسلا وخليت دياري عشانك ...
وعشقت ارض (التاكا) الشاربة من ريحانك ..
اللحن مهدي لراكوبة وجميع بني صهيون
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: عمر الفاروق شيخ الدين)
|
| Quote: تعرف يا كلي الغريبة بيقولوا الاتحاد ده هلالابي وابو القوانين مزمل ابو القاسم ما علق علي الموضوع ده ولا حتي كلف حووصة عشان يسألو من الموضوع ده .. |
القانون المذكور وضع منذ بداية المنافسة، يعني لم يوضع خصيصاً بعد اقتراب حسم المنافسة بالأهداف أو شيء من هذا القبيل، فالأمر علينا وعلى الجميع، مادام الاحتكام إلى لائحة قبلتها جميع الأندية منذ البداية.
لكن العجيب في تصرفات الاتحاد العام، الأخطاء المتتالية في تسجيل محترفي الهلال، مرة خطأ مطبعي ومره زيادة أربعة أشهر في عمر لاعب ، ومره تسجيل لاعب بدون أوراق ،ومره نهب كأس السودان من المريخ ، ومره مادايرين محترفين حراس!!، ومره ، ومره....
Quote: يا راكوبة الليلة اوعكم تركبوا التونسية ...
حبيت عشانك كسلا وخليت دياري عشانك ...
|
والله نقبل اللحن وبطرب كمان، نحن في منافسة والفوز والخسارة أمر وارد، لسنا الأرسنال وإن كنا قد حققنا أرقام قياسية سابقة في الفوز بالدوري وكأس السودان دون هزائم، فلا يمكن ان نقصر حق على الآخرين نتمناه لأنفسنا، والكورة في الملعب.. 
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
الصديق اللدود لاكوبة ..
ياراجل مين قال ليك اللائحة تم وضعها من بداية المنافسة ؟؟؟؟؟؟؟؟؟؟؟؟ اللائحة لم يعلم بها الجميع الا في الاسابيع الأخيرة من الدوري والدليل انو الجميع تفاجأ بيها حتي الفريقين ..!!!الوضع كان واضح الغرض منو الكسب المادي او محاولة ارضاء المريخاب ..
بالنسبة لموضوع الأنجازات فالهلال ليست هي المرة الأولي التي يفوز بها بمنافسة دون هزيمة التي كانت العام قبل الماضي فقد فاز عندما كان دوري الدرجة الأولي حينها دون هزيمة وبتعادلين كان احدهم لي اولاد جيرانا فريق التاج هدية وكده ..
انتم لم تحققوا الفوز بالدوري دون هزيمة او تعادل ولكن حققتو الفوز بدوري العاصمة في نسخته القديمة نحن فقط من حققنا الأنجاز في الدوري العام ..وان كان هنالك انجاز لكم فهو فوزكم به لثلاثة مواسم متتالية ولكن نتساوي في مرات الفورز به وانشاء الله سنكرر نحن هذا الانجاز ونفوز به للمرة الثالثة علي التوالي انشاء الله ...
الأعجب يا راكوبة ان تكون كلللللللل هذه الاشياء غير صحيحة وان لا يقدم احد الفرق شكوي صحيحة فيكسب نتائج المباريات.. كم من فريق حاول دون فائدة ؟؟؟؟؟ يبدو ان بلاتر هلالابي علي السكين ومولود في العرضة شمال !!!!!!!!!!!!!!!!!!
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: عمر الفاروق شيخ الدين)
|
الأخ عمر،
ياخي أنا صديقك ومالدود 
| Quote: ياراجل مين قال ليك اللائحة تم وضعها من بداية المنافسة ؟؟؟؟؟؟؟؟؟؟؟؟ اللائحة لم يعلم بها الجميع الا في الاسابيع الأخيرة من الدوري والدليل انو الجميع تفاجأ بيها حتي الفريقين ..!!!الوضع كان واضح الغرض منو الكسب المادي او محاولة ارضاء المريخاب |
حتى لوسلمنا جدلنا بما قلت، أصلا الفارق في الأهداف لم يحصل إلا في آخر المباريات، بعد ظهور حكاية أن البطولة لن تحسم بالأهداف، وخاصة مباراة الثمانية التي بها توج هدافكم هداف للممتاز، علما بأنه في الدورة الأولى لم يحرز إلا أربعة أهداف، يعني الحكاية لا تقدم ولاتؤخر باعتباركم متضررين من القاعدة.
Quote: بالنسبة لموضوع الأنجازات فالهلال ليست هي المرة الأولي التي يفوز بها بمنافسة دون هزيمة التي كانت العام قبل الماضي فقد فاز عندما كان دوري الدرجة الأولي حينها دون هزيمة وبتعادلين كان احدهم لي اولاد جيرانا فريق التاج هدية وكده ..
انتم لم تحققوا الفوز بالدوري دون هزيمة او تعادل ولكن حققتو الفوز بدوري العاصمة في نسخته القديمة نحن فقط من حققنا الأنجاز في الدوري العام ..وان كان هنالك انجاز لكم فهو فوزكم به لثلاثة مواسم متتالية ولكن نتساوي في مرات الفورز به وانشاء الله سنكرر نحن هذا الانجاز ونفوز به للمرة الثالثة علي التوالي انشاء الله ... |
أما موضوع الإنجازات ده بالله خلينا منو، بعد أكتر من خمسين سنة ، محصلتكم صفر كبير، ولا حتى بطولة واحدة بيها تتصبروا شويــة.
| Quote: الأعجب يا راكوبة ان تكون كلللللللل هذه الاشياء غير صحيحة وان لا يقدم احد الفرق شكوي صحيحة فيكسب نتائج المباريات.. كم من فريق حاول دون فائدة ؟؟؟؟؟ يبدو ان بلاتر هلالابي علي السكين ومولود في العرضة شمال !!!!!!!!!!!!!!!!!! |
أما عن الشكية شكينا لامن تعبنا، وشكوى معانا كم تيم زي الخرطوم تلاتة، في قانونية تسجيل الصلوي وقابيتو، لكن الاتحاد وضباطه مصرين على حكاية الخطأ المطبعي الذي لا يحصل إلا مع الهلال، علماً بأن بعد اكتشاف فرية الخطأ المطبعي تبين أن التعديل كان بالقلم!!!
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: علاء الدين يوسف علي محمد)
|
| Quote: وفاجأتني مشاركة علي الزيتوني لاعب الترجي مع أهلي دبي، ذلك الأسمر التونسي الرشيق الخطير صاحب هدفين على ماأذكر في المباراة ديك... يعني يمكن المرة دي يمكن تكون تلاتة بس!! |
قصدك أربعة بس يا راكوبة؟! ولا قاصد المبارة القبل ديك؟!
ملحوظة: آخر هزيمة من الترجي كانت بستة اهداف كاملة، أما الهزيمة قبل الأخيرة فكانت بخمسة أهداف، الله يستر من السبعة... سبعة دي أخدناها من المقاولين... الله يستر من ال8 !!
أحمد الريّح
ملحوظة الملحوظة: ده نقد ذاتي يا راكوبة !
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
عزيزي/ علاء الدين يوسف علي محمد
أسعدني تلاقي أفكارنا،
من الغريب (والمدهش) أنّ من يحمل مثل أفكارك يعتبر غريباً ومُنكراً هنا يا علاء! هذا دليل على أنّ هذا المنبر لا يمثل السودانيين البنعرفهم (ولا حاجة)،
| Quote: ماك في غربة طالما بنقرأ لبعض و نسمع من بعض و نفهم بعض |
هذا الفهم الذي أشرت إليه يا علاء استعصى على المستنيرين أو لعلهم آثروا التظاهر بعدم الفهم! لذا فإنّك لو استنكرت معارضة الإيهام بأنّ مصطفى عثمان كان متنكرا فأنت تناصر الحكومة!! ولو سخرت من ذاك الذي ادعى أنّ الحكومة تنشر الإيدز في دارفور فأنت في الامن!! ولو قلت إنّ مواطن دارفور مغلوب على أمره بين سندان الحكوة ومطرقة المتمردين فأنت قاسي القلب لا ترحم ضحايا حرب دارفور، أطرف ما لاقاني قبل أيام عندما كتب أحدهم أنّ حرب دارفور سببها الثأر لما كان في المتمة من أحفاد محمود ود احمد وأحفاد ود تورشين قبل عشرات السنين! اعتاد صاحبنا ذاك ردوداً من نوع: شكراً يا مناضل ويا وطني ويا شنو ما عارف، لذا طار صوابه عندما قلت له: أنّ هذا السبب ممكن جداً... بشرط أن تكون حرب دارفور فيلم هنديّ، وطبعاً كنت أقصد الحبكة الدراميّة المتواضعة، دي واضحة (موش)؟! صاحبنا طلعني ليك مستهتر بضحايا دارفور وأنكر عليّ سخريتي من الشعب الهنديّ !! لم أملك إلا الابتسام وتركته (لوجه الله) كده.
وبما أنّ هذا المقال الذي بين أيدينا مقال رياضيّ ، وبما أنّك ذو دراية بأمور الحاسوب فلا بأس من الإشارة لأنّ الهاكر Hacker في (الكورة) السودانيّة يسمى بالأنطون! مهمة هذا الأنطون هي التأثير على نتائج المباريات لصالح من يدفع أكثر! ومن هذا المنطلق فإنّي أعرض عليك وظيفة أنطون بنادي الهلال بمقدم عقد خرافيّ (بضمان صلاح ادريس طبعاً)، كل المطلوب منك هو أن تدخل لحاسوب نادي الترجي التونسي وتمدنا بمعلومات تجعلنا نخسر منه بثلاثة أهداف لا أكثر! عنوان نادي الترجي الالكتروني هو [email protected] ... يللا ورينا شطارتك يا علاء!
احترامي ومودتي،
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
حبيبنا ودالريح،
تشبكنا في الكورة وتغيب تابعنا أول أمس مباراة الترجي والنجم الساحلي، انتهت تعادلية، والأهم خروج حارس الترجي الأفريقي الخطير بالإسعاف من الملعب بين الشوطين، بعد اصطدام عنيف ولم يتضح إلى الآن إن كان سيشارك أمام الهلال أم لا.
الترجي الجديد فريق شاب، تم الاستغناء عن جميع اللاعبين الكبار في السن، لديهم محترف برازيلي في المقدمة، بجانب كلايتون التونسي البرازيلي طرف شمال خطير، ومدافع أفريقي واعي وأطراف ملعب رهيبة مثل عصام جمعة ومراد المالكي.
غايتو نقول الله في!!
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
الحبيب أحمد الريح
شكراً لجميل ردك و سعيد لما قلته عن تلاقي أفكارنا
خاصة في إستنكار الكثيرين لما نكتب فقد خرجنا بحمد الله من مجتمعات لم نتعلم فيها المداهنة و التملق و المراءاة و المجاملة الغبية ، بل على النقيض كان الصدق فطامنا و الحق حضانتنا و المباديء مدرستنا و الحب جامعتنا.
فأين هم بإستنارتهم من كل هذا؟
دعهم في طغيانهم يعمهون
و دعنا نتخبط في ظلماتنا فهي خير من أن نرى سوءاتهم
يا زول كمان داير تبقيني أنطون ؟
هي والله فكرة
بخرة أون لاين و عمل دوت نت و فكي عالبال توك
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Rakoba)
|
| Quote: الترجي الجديد فريق شاب، تم الاستغناء عن جميع اللاعبين الكبار في السن، لديهم محترف برازيلي في المقدمة، بجانب كلايتون التونسي البرازيلي طرف شمال خطير، ومدافع أفريقي واعي وأطراف ملعب رهيبة مثل عصام جمعة ومراد المالكي... غايتو نقول الله في!! |
الترجي القديم فريق عجوز وكان معظم لاعبيه كبار في السن، ومع هذا فقد هزمنا بخمسة أهداف تارة وبستة أهداف تارة أخرى، المشكلة في أنّ مباراة الإياب ستكون بتونس، أي أنّ الهلال (لو غلط) وغلب الترجي في أمدرمان فسوف (يشيل شيلتو) في تونس!
لي ذكريات طريفة مع مباراة الستة، فقد كنت أعمل وقتها وظللت اتصل بصديقي المتابع للمباراة على الهواء، كلما اتصلت عليه زاد الترجي هدفاً!! قررت عندها عدم الاتصال به مرة أخرى وكسب الوقت في التضرع لله عز وجل كي يوقف سيل الأهداف المنهمر هذا!! اتصلت بصديق لي في مدينة أخرى (وهو هلالابي مرضان) وعندما سألني بلهفة عن النتيجة أجبته: والله الهلال مغلوب ستة من أول نصف ساعة، فأجابني قائلاً: طيب ما تتصرف ياخ !!
أنصح الهلال بالخسارة بهدف في أمدرمان ثم الاستماتة في تونس والخسارة بثلاثة أهداف فقط !!
أحمد الريّح
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
ود الريح
كيف حالك وينك ياراجل
ياراجل فكك من الكورة واكتب لينا حاجات فيها فايدة كما عهدناك
هلال شنو ومريخ شنو والله لا عندنا كورة ولا بنشبه ناس الكورة احنا كورتنا دي عمرها ما تتعدى ارتريا واثيوبيا والصومال وبعدين حتى المريخ والهلال بقت حواكير الحكاية شنو
هل تعتقد انه شخص يعمل بالصباح عسكري وبالعصر حلاق وبالمساء لاعب كره يمكن أن يرجى منه؟؟؟؟
اآخر تسعيرة لرونالدينو تساوي إجمالي سعر لعيبة المريخ والهلال والموردة واضف اليهم اربعة فرق اخرى بمافيهم الاحتياطي مضاعفة لعدة مرات إذا أين نحن من الكرة العالمية؟
ياخي اكتب في موضوع ثاني
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: Ahmed Alrayah)
|
يا احمد الريح :
سيب الجرسة ياخ واتفائل خير وإنشاء الله المرة دي منصورين ونكسر العقدة زي ما كسرنا عقدة الأهلي ..
انا برضو والله حصل لي موقف طريف في مبارة الترجي الشهير دي ولانها كانت منقولة علي ال ART فكان لازم امشي احضرها مع صديق لي مريخابي مرضااااااااااااان اتصلت عليهو تلفون وقلت ليهو الكورة بدت ؟ قال لي لسة فضل ليها 10 دقايق ..قلت ليهو خلاص أصلي المغرب وأجيك وفعلاً صليت ودوورت العربية وفي أقل من 10 دقايق كنت معاهو واول ما فتح الباب سألتو سؤال المطمنين ديلك أها فيها كم زالكورة كانت في الدقيقة 12 قام قال لي فيها 4 اقوان ..انا قلت دي حركات المريخاب ديك وقاااااااااااعد احضر في الكورة قام الترجي جاب قون قلت ليهو ا يااااااااااا الله الجماعة جابوا قونهم الاول !!! قال لي يا عمرأول شنو والله بالجد ده الخامس !!!!!!!!!!!!!!!!
| |
|
|
|
|
|
|
|
|
|
Re: الهلال يتألق ويهزم الخرطوم3 بهدفي طمبل، والنيجيري بيتر يُدهش الجماهير (Re: عمر الفاروق شيخ الدين)
|
| Quote: أحمد الريح : سيب الجرسة ياخ واتفائل خير وإنشاء الله المرة دي منصورين ونكسر العقدة زي ما كسرنا عقدة الأهلي |
يا عمر الجرسة دي (تكتيك) مختلف، المرات الفاتت كنت متفائل اتغلبنا كتير ياخي، المرة دي قلت أحسن اتشاءم عسى ولعلّ! أتمنى صادقاً أن نخسر بشرف! وعلى ذكر الخسارة بشرف فإنّ السودان خسر ذات مرة من يوغندا بكمبالا بهدفين كان عنوان صحيفة قوون في اليوم التالي: السودان يحرج يوغندا ويخسر بهدفين!! أحد أصدقائي علق قائلاً: يعني لو أحرجتو كان اتغلب كم؟!| Quote: قلت ليهو خلاص أصلي المغرب وأجيك وفعلاً صليت ودورت العربية |
الآن عرفت سبب الهزيمة، تاني لمن تصلي يا عمر سبّـح وأدعو ربنا الهلال يغلب وبعدين دور العربية!!
أحمد الريّح
| |
|
|
|
|
|
|
| |
Agab
Khalid Osman Jaafar
abas
osly2
saifkeli
Rakoba
بلدى يا حبوب
معتصم دفع الله
علاء الدين يوسف علي محمد
فيس بوك
تويتر
انستقرام
يوتيوب
بنتيريست