|
Re: الصديق الغالي سمؤال شلبي ينجو من حادث حركة الف سلامة (Re: Khaalaleyaal)
|
شلبى رفسك الجاموس رفسك.. كمان جاءك فى قفصك... ولمى فى السيارة اعفص اعفص اعفص وبركة الماعفصك... شلبى ما قلت ليك ياولد من زمان بطل المشى شديد..ايام كان عندك الكوازاكى الدكن الكامب..كندوا وبالعكس....كلها كنت بتمشيها فى ربع ساعة يابوى دى دبى خليك مسكين زى كدا تعلمت السواقة بعد تلتلة ..وبسوق بسرعة 60 ..مالى لافى شنو ولا حاجة سمؤال الجاتك فى السيارة والله سامحتك بكرة تببقى كويس وتمشى المعارض وتشترى سيارة لنج سلامات والله سلامات والجواميس بلخها كرامات... شلبى عشى الامات.. بركة السلمت الرقيبات... والمعارض مليانه سيارات.. ولقدام
| |
|
|
|
|
|
|
Re: الصديق الغالي سمؤال شلبي ينجو من حادث حركة الف سلامة (Re: mohmmed said ahmed)
|
الاعـزاء الغاليين،، لكم خالص حبي وعميق إمتناني،، أشكر لكم صادق مشاعركم فقد كنتم البلسم الشافي و المعين عند الشدة.. وكما قيل المكتوب على الجبين لابد تشوفوا العين..الحمد لله قدر ولطف .. لم تكن للسرعة من جانبي دورا فيما حدث ، و انما كنت ضحية حادث سير (مركب) وقع بين ثلاثة سيارات و موترسايكل ، وقع الحادث في المسار الاول لشارع الشيخ زايد بمدينة دبي ، بداية الحادث كانت في المسار الاول للشاع المكون من خمسة مسارات إثر اصطدام بين سيارتين ادت الى فقدان السائق المتسبب في الحادث للسيطرة ومن ثم اخذ في الدوران في وسط الطريق والتخبط ذات اليمين وذات وتصطدم بكل من في الطريق ومن ثم اصطدمت السيارة بالحاجر الحديدي لتعاود وتصطدم بسيارتي في اقصى اليسار ومن ثم تدور سيارتي دورة كاملة لتصتدم بتلك السيارة في الوسط لتعاود الاصتدام بالحاجز الحديدي ومن ثم بسيارتي للمرة الثانية من الخلف مما ادي الى تدهور سيارتي للمرة الثانية الى عرض الطريق.. قدر الله ان اكون رابط لحزام الامان وقد ساعد كيس الهواء Air bag في امتصاص الصدمة بعد خروجة .. ولله الحمد فقد (شفت الموت) ولكن قدر ولطف .. بالتأكيد تضررت السيارة وقد اصبحت حطاما و العزاء في السلامة وزى ما قالوا (الجاتك في مالك سامحتك).. اتمنى ان يحفظكم الله جميعا في حلكم وترحالكم وان لايريكم مكروها ابدا..
| |
|
|
|
|
|
|
Re: الصديق الغالي سمؤال شلبي ينجو من حادث حركة الف سلامة (Re: Shalabi)
|
ياشلبي الف حمدالله علي السلامة عادة لا اتعامل مع الجهاز يوم الخميس والجمعة وتفجأءت اليوم ... يأأخي طالما الطرق مليانه جواميس راقده جخ ...(سق بحذر) والي ان يحين ثورة الثيران وموسمهم علي الجواميس الرقادن لخ ... ارجو ان تستعمل (تقنية)القماش الاحمر مع الجاموس ابو قرون .. الف حمدالله علي السلامة ...
| |
|
|
|
|
|
|
Re: الصديق الغالي سمؤال شلبي ينجو من حادث حركة الف سلامة (Re: mohmmed said ahmed)
|
حمد الله على السلامة تاني يا شلبي كنت عايزة انزل صورة العربية مدشدشة لاكن ما عرفت انقلها عموما ربنا يجعلها كفارة للسيئات ويعوضك خير منها باذن الله
Quote: وثمة شكر خاص للدكتورة النوبية الرائعة والاضافة المميز لبورداب الامارات جولياشوقي لتكبدها مشاق الحضور لموقع الحادث و ظلت ملازمة لي حتى يسر الله الامور... |
وأهو ربنا ما قصر معاك وجاب ليك صدفة حلوة زي دي لو ما الحادث كنتوا لاقيتوا الناس الحلوة دي كيف قلت لي كمان جنب بيتهم ؟
| |
|
|
|
|
|
|
Re: الصديق الغالي سمؤال شلبي ينجو من حادث حركة الف سلامة (Re: mohmmed said ahmed)
|
رائعتنا zoola 123 ،، و الله يازولة (رب صدفة خير من الف ميعاد)،، طبعا جوليا شافت الكلام ده مكتوب في بوست بورداب الامارات و اتصلت بي قبل الاخ عبد الله بابكر بدقائق و حينما علمت بأن موقع الحادث قريب من مكان تواجدها حضرت و ظلت متواجده (لحدى ما حنينا عليها) وبالمناسبة كانت المره الاولى التى نلتقى فيها..
Quote: وأهو ربنا ما قصر معاك وجاب ليك صدفة حلوة زي دي لو ما الحادث كنتوا لاقيتوا الناس الحلوة دي كيف |
لكن يازولة انا تاني البوديني (حلة ناس جوليا شنو؟؟) والله يازولة شارع الشيخ زايد ده بقيت اشوفه (عشرة عشرة) تاني الواحد الا يمشيه بالجو يعني فوق الحلة ديك انا تاني مابجي الموت كتير انا تاني ما بجي ..
| |
|
|
|
|
|
|
Re: الصديق الغالي سمؤال شلبي ينجو من حادث حركة الف سلامة (Re: mohmmed said ahmed)
|
سمؤل اخوي .. انا ما عملت الا الواجب وما بستاهل الشكر ده .. المهم انك بخير وبعدين تعال هنا, والله حلتنا جمييييلة , مش كفاية مسمية باسم(جكسة) شخصيا.. الظاهر انت كنت بتفكر في (الجماعة) وما ركزت مع السواقة !! وفي رواية تانية انك كنت بتتكلم في الموبايل مع زولة .. .. ( ما زولة123)
يازولة123 شفتي الصدف دي والله انا لما لقيتو خجلت اقول ليهو فرصة سعيدة
| |
|
|
|
|
|
|
Re: الصديق الغالي سمؤال شلبي ينجو من حادث حركة الف سلامة (Re: mohmmed said ahmed)
|
الأعزاءالغاليين ،، محمد صلاح عثمان الزبير عبد الحميد البرنس
عميق شكري لمشاعركم الصادقة و اتمنى ان يحيطكم الله برعايتة و حفظة و ان يبعد عنكم كل سوء.. د.جوليا تعرفى الواحد كان تفكيره في مليون حاجة وحاجة (هي الغربة دي غير كترة التنشنة فيها شنو ؟؟ ) والجماعة طبعا من ضمن الحاجات الكتيرة دي .. د.zoola 123 كانت تتحدث معي قبل الحادث بدقائق عن التجهيزات لاستقبال ضيوف الامارات من البورداب المتوقع وصولهم أول الشهر قبل ان تعتذر لمعاينة احد المرضى مع الوعد بالمواصلة (بعد شوية) وكان كل شيىء على ما يرام وبعد شوية اتصلت و كنت انا بين الحطام .. المشكلة كلها بقت في الإنتظار الممل لبداية المحكمة 6/4 و تحديد المسؤولية وسخافة شركة التأمين يعنى الشغلانة بقت مأساة لانهاية لها آه لــو أن الأماني بيدي لحبست خطوات الزمان (و غيرت الشارع اليوم داك)....
| |
|
|
|
|
|
|
|