|
السنه الجديده.......دعوات
|
اليكم جميعا فى المنبر الحر كل سنه وأنتو طيبين, وسالميين ربنا يخليكم ويديكم الصحه والعافيه,ويكبر اطفالكم, ويشملهم برعايته ويجعل الخير ومجد السودان فيكم وفيهم ربنا يديم العافيه لأمهاتكم , وأبائكم,وجدودكم,وحبوباتكم,وخالاتكم, وعماتكم ويرحم من اختاره الى جواره منهم 2 ربنا يحفظ نساء السودان ويجعلنا قادرين على الوقوف خلفهن,ويقيل عثرتنا بالأعتراف الكامل بحقوقهن,ويقدرهن على انتزاع مجد القياده والرياده من أجل مستقبل السودان , ويخت الرحمه فى قلوبنا ويبعد الغشاوه عن عيوننا لنرى كم دفعن من شرايين قلوبهن, تمن الحروب , والمجاعات وحملن ما لا طاقة لنا به من مسئوليات , وقاسمن الطير , والشجر تحمل كل هذه العذابات. ربنا ينصفهن, ويعوض تعبهن خير كتير يعم القرى والحضر. 3 ربنا يجعل البركه فىرجال السودان ويقدرهم على التواضع, ويبعدهم عن الأنانيه وحب الذات , ويقدرهم على الأعتراف بالخطأ ويجعل الحكمه والايثار ديدنهم. 4 ربنا يجعل شباب السودان من الجنسين متعلمين,ومتطورين ويديهم البأس الشديد ,والقوه على تحمل أوضاعنا الحاليه ,وتجاوز أخطأنا وان يغفروا لنا هذا الخراب العظيم الذى سنتركه لهم , وأن يقيموا فى مكانه وطن كان......... ولابد ان يعود على أكتافهم. 5 ربنا يحقق السلام فى كل ربوع السودان, ويشعر به كل الناس فى حياتهم,ومعاشهم, وتربية اطفالهم, وعلاقاتهم بجيرانهم, ويجعل اى قريه او سكن عشوائى اجمل من اى بقعه فى العالم. 6 ربنا يوقف نريف الدم فى دارفور ويجعل احساسنا بمعاناة أهلها عمل كثيف ومستعجل لتضميد جراحاتهم, وانقاذ اطفالهم واعادة البسمه الى شفاه نسائهم, وشبابهم, وشيوخهم وارجاعهم الى ديارهم, وحيشانهم, ويقدرنا على مساعدتهم لأنتزاع حقوقهم كامله , ويعطينا الشجاعه للاعتراف بأخطائنا التاريخيه فى حقهم. 7 ربنا يقوى ناس الجنوب على احتمال فقدهم وسنين معاناتهم ويقدرنا على تعويضهم سلام ,ومحبه. 8 ربنا يقوى ساعد احزابنا, ومنظمات المجتمع المدنى,ونقاباتنا, ويقدرنا على مساعدتهم ويجعل الخير كل الخير فى مجهوداتهم , ونضالهم ويوفقهم فى النظر الى عيوبهم ويجعل اقوالهم تطابق افعالهم. 9
ربنا يساعدنا على عودة الديمقراطيه كامله غير منقوصه, ويقدرنا على ممارستها,واحترام تقاليدها, ويعود قضائنا عادلا كما كان, وصحافتنا واجهزة اعلامنا حره ونزيهه, ويقدرنا على قول الحقيقه والجهر بها و بما فى قلوبنا. 10 واخيرا ربنا يقدر ناس الجبهه ليروا الحق حقا ويتبعوه , والباطل باطلا فيجتنبوه, ويقدرنا علىلجم طموحاتهم التى لا تشبهنا, ويدينا الصبر على احتمالهم , وانتزاع حقوقنا منهم .فى النهايه ربنا يدينا القدره على مسامحة من لم يرتكب جريمه منهم.
(عدل بواسطة فجراوى on 01-01-2005, 08:10 PM)
|
|
|
|
|
|
|
|
Re: السنه الجديده.......دعوات (Re: فجراوى)
|
ونطلع للحياه أنداد
زي سيفين مساهر..
فيهم الحدّاد
ونطلع من بذور الأرض
زرعاً فارع الأعواد
حبابك يا سما الأعياد
أحبك يا ضحى الميلاد
ويا وطناً بدون أسياد
ويا انشاد عصافيراً
ببالن ما خطر
صياد
تسلم يا زوق وسيد القصيدة دردم ايدو وادانى السلام ليك .اها عشان كلامك دا عافين ليك عدم جية الولاد للبيت
| |
|
|
|
|
|
|
Re: السنه الجديده.......دعوات (Re: فجراوى)
|
العزيز ود العجمى أنه السلام يغشاك...ويلقاك..والمعاك
طيبيين
وايضا السلام(يعربن) أيامك ..وأمسياتك... ويوعد...مشاويرك....ولهفتك..للجاى ويطمنككككككككككك
وسلام...وسلامات....بالأحضان
Quote: ونطلع للحياه أنداد
زي سيفين مساهر..
فيهم الحدّاد
ونطلع من بذور الأرض
زرعاً فارع الأعواد
حبابك يا سما الأعياد
أحبك يا ضحى الميلاد
ويا وطناً بدون أسياد
ويا انشاد عصافيراً
ببالن ما خطر
صياد
|
وقول ليه لو ممكن تتتلخص كل شفافية العالم فى انسان لما فاتتك جاى ...والله غادى ما تتخيل هزانى كلامك كيف؟ القصيده دى بالذات...بالذات...بتذكرنى بنزيف..وأوجاع عامه رغم الفرح الفيها!!
يا..الهىىىىىىىىىىىى
مالك على
الود
| |
|
|
|
|
|
|
Re: السنه الجديده.......دعوات (Re: فجراوى)
|
واخيرا ربنا يقدر ناس الجبهه ليروا الحق حقا ويتبعوه , والباطل باطلا فيجتنبوه, ويقدرنا علىلجم طموحاتهم التى لا تشبهنا, ويدينا الصبر على احتمالهم , وانتزاع حقوقنا منهم
آمـيييين
"ى النهايه ربنا يدينا القدره على مسامحة من لم يرتكب جريمه منهم"
فقـط عـنـدمـا يتبنـوا مـواقف أخـلاقيـة واضـحـة تـديـن مـاتفعلـه العصـابة الحـاكمـة وهـذا لا يعـنـي عـنـدما تبـلغ أرواحـهم الحـلقـوم
كـل عـام وأمـانيك مـسـتجابة
مـني عـوض خـوجلـي
| |
|
|
|
|
|
|
Re: السنه الجديده.......دعوات (Re: فجراوى)
|
الحكومة السودانية توقع في العاصمة الكينية نيروبي اتفاقا شاملا للسلام مع المتمردين في الجنوب بحضور وفود وشخصيات عالمية
خدر
انا
متفائل
يازول....اقول ليك.. فرحان عديل كده
أنت كيف؟
| |
|
|
|
|
|
|
|