السلام عليكم

مرحبا Guest
اخر زيارك لك: 03-29-2024, 07:35 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2005م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-18-2005, 09:00 AM

المهدي صالح آدم

تاريخ التسجيل: 02-12-2004
مجموع المشاركات: 648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
السلام عليكم

    سلام عليكم ياشباب
    الواحد ما يغيب من البورد دا كم يوم إلا يجي يلقا نفسه غريب !!
    وين دفعتنا والدفعة القبلينا؟؟؟
    وين الفطاحلة(ناس الوسطى)
    البورد كله بقا (ناس ثورة التعليم)
    وين الناس اللبسو الشارلستون؟؟؟؟؟
    والركبو ابو رجيلة ؟
    هذا زمانك يا امجاد فأمرحي

    الدماء الجديدة صحيح شئ طيب لكن بصراحة الدهن في العتاهي الناس الزمان كانوا في البورد الله يطراهم بالخير كان الكلمة بتوزن كلمات وكان المعنى يساوي معاني

    هسي برضه في شباب... ماشاء الله عليهم كتابين شديد وجرئيين شديد الواحد يخطف الكلمة من خشمك قبل ما تقولها تقول (حدية في عيد الضحية) شافت ابدمام في راس قطيه
    زمان كان في خجل شوية الواحد لو عايز يشتمك يتردد الف مرة ويشتمك بكلمة يخليك تحتار هل مدح ولا ذم ولا مدح ما يشبه الذم هل هي شتيمة ولا مشكار والله تحتار(ديل الناس الكبار)....

    بكري زاتو زمان كان عايز يفصل واحد كأنه عايز يوصله لمحكمة لاهاي شئ تحريات وشئ استفتاءات وشئ مشاورات وشئ انذارات وشئ تنبيه وكرت اصفر وبعد داك ياخد مهلة

    هسي بكري بجرة قلم مستعد يفصل دفعة كاملة ... بما في ذلك ال (فير سكس) الجنس اللطيف

    صدقوني لو استشاروني وقالوا لي نرجع عادل عبد العاطي بس تديينا فكة نفصلها بدلا عنه ممكن اضحي بحوالي 15 من المحاربين الجدد وأضيف ليهم شخصي الضعيف.. بس عشان نقرأ ما يكتبه عادل

    صدقوني بس لو استشاروني بفكة عشان ترجع رودا مردا ممكن اضحي بنفس العدد مقابلها مش لأني معجب بيها اختلف معها كثيرا ولكن محتاج لقراءة افكارها ومعرفة تطلعاتها ومجادلتها باللتي هي احسن.

    صدقوني ما اعتقد يكون في بنت سودانية تستحق الطرد من اي جهة لسوء سلوك لذلك نرجو اعادة بنات العباسي راوية ورجاء (تيمنا بما آلت إليه حال المرأة في الكويت)

    الدكتورة بيان قلم قوي واذا كان لهذا المنبر من أعمدة فهي احد اعمدته

    الاستاذ علاء الدين علي محمد يوسف (الراجل الفلته) صحيح هو مشاكس وصاحب قلم لازع (كشطة الهنود) التي تأثر بها كثيرا في عباراته ولكنه قلم يحظى بتأييد الكثيريين رجل له مقدرة فائق في رص الكلمات ويتلاعب باللغة مثلما يتلاعب رونالدينهو بالكرة اتحفظ كثيرا على بعض كتاباته بل اعترض عليها ولكن اطالب بعودته فعندما يسئ لاعب الكرة الا زملائه او حتى عندما يضرب احدهم يهدد بالطرد الموقت من المبارة او يطرد ولكن لا يوفق من لعب الكرة نهائيا فعلاء الدين يجب ان يكون بيننا حتى يصبح الطعام شهيا فهو كالثوم في مرقة الدجاج .


    عمر الفاروق قلم مهم راجل ظريف واسع البال لا اتفق معه في كل كتاباته ولكني اشهد له بالثقافة العالية ورجاحة العقل وقوة الحجة يجب ان يعود.

    إبراهيم بقال لم يكن لي الشرف بالاطلاع على كتاباته حيث صادفت فترة اشتراكه انقطاعي من المنبر ولكني أطالب بعودته لأنه إن لم يعبر عن أهل دارفور فهو يعبر عن شريحة من شرائح دارفور لها وزنها وكنت أتمنى ان اجده في المنبر بل اتمنى عودته.

    والكثيرون الكثيرون منهم من قضى نحبه ومنهم من ينتظر ...........


    حيث كانت سياسية الفصل المتسرع سبب في تعدد المنابر وهي ظاهرة قد يعتبرها البعض صحية ولكني اعتبرها ظاهرة مرضية لأن تعدد المنابر يعني تبعثر الأصوات وتشتت الأفكار وتباعد الرؤى علماً أن المنابر السودانية في الإنترنت أكثر من المنابر الصينية ولك ان تقارن بين عدد السكان حارة واحدة في قرية نائية في الصين يفوق سكانها عدد 4 ولايات سودانية

    اللهم اجمع جميع منابرنا في منبر واحد وقرب افكارنا والف بين قلوبنا وأحزابنا وقادتنا
    انك سميع مجيب


    مع اطيب الأمنيات
                  

05-18-2005, 09:15 AM

المهدي صالح آدم

تاريخ التسجيل: 02-12-2004
مجموع المشاركات: 648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلام عليكم (Re: المهدي صالح آدم)

    للتصحيح

    وصلتني رسالة عبر الاميل بأن الاخ عادل قد اعيد اشتراكه في المنبر وهذا خبر طيب وموقف يحمد للادارة

    نتمنى عودة الباقيين
                  

05-18-2005, 09:34 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلام عليكم (Re: المهدي صالح آدم)

    الأخ المهدي صالح آدم
    كتر خيرك ، وإن كانت عودتك جاءت في وقت خاطئ تماماً حيث أنه تبقت بيننا وبين أرشفة بكري أبوبكر يومين تقريباً أو أقل من ذلك بقليل بحسب رؤية يوم عشرين مايو في نيويورك و لندن أو الخرطوم أيهما أولاً بحسب التوقيت العالمي – تخريمه إنت يا بكري أبوبكر ليه ماكان تختار لينا يوم معروف في تاريخ السودان لهذه الأرشفه يعني تديها خمسة أيام حسوماً لأنو صعب ترجع بينا لي السادس من أبريل – المهم يا المهدي يا أخوي قائمة الموقوفين والمتوقفين تطول ، وحال منبرنا لا يسر في كثير من نواحيه ونواصيه ، ونوع غيبتك الطويلة دي هي سبب بطريقة غير مباشرة في ما يحدث هنا من ، أتمنى أن ينصلح حال منبرنا وبنبرنا وطندبنا.

    أها رأيك شنو في المتوقفين طوعاً على سبيل المثال

    أبكر آدم إسماعيل
    شيري
    أهل العوض
    بت قضيم
    بدر الدين شنا
    الرحمابي
    محمد النور كبر
                  

05-18-2005, 09:47 AM

المهدي صالح آدم

تاريخ التسجيل: 02-12-2004
مجموع المشاركات: 648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلام عليكم (Re: almulaomar)

    شيخ الملا ود الحاج عمر

    كيف حالك واخبارك كويس انك اول زول تداخل معاي ودي زاتها تخلي الواحد يتفائل بالجد احساسي كمن سافر إلى مدينة طوكيو ولم يتوقع ويعرف بها شئ وعند خروجه من المطار وجد احد اصدقاءه بالصدفة اشكرك على المداخلة

    انا وقوفي كان بسبب ظروف عمل لكن بالجد ما بشجع الناس المعتصمين ويبرروا عدم الكتابة بما آل إليه حال المنبر (ما ياهو السودان حاله بقت اتعس من حال المنبر وناس المعارضة قاعدين بجابدوا ما قنعوا وقالوا نخلي المعارضة عشان السودان بقا سئ)
    المهم اضم صوتي لصوتك وانادي كل الذين ذكرتهم
    واضف اليهم

    الاخوة محمد آدم
    وابنوس
    والموصلي
    وتماضر شيخ الدين
    أحمد محمود
    والكثيرون
    نأمل عودتهم سريعا
    فعندما تظهر الحيتان حتما ستغيب الأسماك الصغيرة ونتمنى أن يبتعد التمساح المفترس من هذا الشاطئ فكفى افتراسا وكفى انتكاسا

    (عدل بواسطة المهدي صالح آدم on 05-18-2005, 09:50 AM)

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de