أنا من تجهجه دائشا في كل أمة أنا من يقنب في الامور المدلهمة حتى اذا داست بكلكلها عليه وزانقته صاح يمــــــــــــــــــــــــــــــــة
و قال :
أنا المستعرب الخلوي أنا من شد خلف السرج ضنابا أنا من خرشت رجلاه كرابا انا من سك في الفوات متلابا و في كبروسا صارت بني كربو كدرابة ــــــــــــــــــــــــــــــ و في رواية و في جبرونا صارت ...
ان كان هناك تذوق لهذه اللغة فسنبحث و نمد بما نجد و الله ولي التوفيق
03-27-2005, 03:21 AM
almulaomar
almulaomar
تاريخ التسجيل: 07-08-2002
مجموع المشاركات: 6485
الشعر الحلمنتيشي هو ضرب من ضروب الأدب الرائع في تقديري ، وقبيلة حلمنتيش وهيئتها العليا هم قوم كان يمكن لهم أن يغيروا ويضيفوا الكثير للمجتمع لو تواصل عطاؤهم ، لكنها سنة الحياة والجري في ضروبها والتي فرقتهم وبعثرتهم في الأرض شأنهم شأن كل الطيور المهاجرة والمهجرة. أجد في كتاباتهم السهل الممتنع فهم يخلطون الجد بالهزل في غير إسفاف. وليكن هذا الركن بوابة نطل منها على إبداعاتهم وإتكاءة نستريح فيها من وعثاء السفر وشظف العيش وقساوة الأنظمة.
ها انا اقف اجلالا لمرورك من امامي اذ ما زلت وغيري كثر مازلنا نتحسس في غيابات الماضي البعيد المتباعد يوما بعد يوم عسى نروي عطش الحنين اليه ونخفف من لهيب السموم عليه فاليكم و الى من من لم يعرفوا شيئا عن حلمنتيش سنوالى نشر بعضا من كلماتهم و نرجو من لديه شيء ان يمد يده الينا ونسأل الله ان لا يرده خاليا و اليكم ـــــــــــــــــــــــــــــــــــــــــــــــــــــــــــ Too Late
{{ فــات الأوان }}
آه ..... آه على قلبي و على أملا حملتو دهور قطعت بحور .... سواد الليل علي ليلتين ..... صبرت كتير وراجي النور ... يا قطعة البلور ........... يا رنة الطنبور ............. يا سستر بنات الحور............... يا صاحبة مسز شنتور ........ عليك اسم الله يا حاكم علي ما تجور .......... **************
شفتك يوم ................ عجبتيني قلت أقول .... انا الفي اولى داير اخطب؟ ده ما معقول !! بقيت ساكت ..... و فرحان بيك ........... أحدث زول .......... و ادس من زول ............. دا عاد حبا أصيل و عريق ...... لف ودار عليهو الحول ....... لكن صحيح الدنيا ما بتصفى و تروق للزول لو ربطو المعاك محلول ..... اتقدم ...و اتراجع ... و اتردد ..... لمن حصل محصول ....... اتمحن وقف ....... فكر مشلول ....قليبي المجرح بالملح مكيول !! ــــــــــــــــــــــــــــــــــــــــــــــــــ المعاني = ادس اي اخفي اتمحن اي اضع يدي على رأسي متحيرا
ـــــــــــــــــــــــــــــ و تخفيفا سوف نكمل معلقتهم هذه حبة حبة
03-27-2005, 06:18 AM
almulaomar
almulaomar
تاريخ التسجيل: 07-08-2002
مجموع المشاركات: 6485
************** يا لينة ياشتلة فريع البان يا أملا بنيتو عليك و عشت زمان ..... أفكر فيهو لمن بان بقيت للحسرة و الاهات يا درة دامر المجذور يا زينة الطالبات .... و يا امل السنين الفات و يا طفلي الرضيع المات اتحسرت واتبهدلت ما خليت .... و دمع العين نزل ...... وكت قات لي !! oh too late .... ضيعني الدكتور عشا البايتات و عاد خطبوكي لي زولا ... عريض وكبير و علمو كتير ... ولابس ليهو نضارات عربيتو تسوّي حي وا ليل ..... و حافظ الكيميا في راسو وحاكي اشنابو نص رباط و عاد شغال .... وحالتو كويسة باني البيت رضيتي بيهو طوالي ..... و ما قلتيلو !! oh too late .... ـــــــــــــــــــــــــــــــــــــ المعاني : نص رباط = الشنب محلوق من الجانبين ومتروك الوسط على ما اذكر زي شنب شارلي شابلن !
و نتابع باذن الله معلقة حلمنتيش Too Late فات الاوان
03-28-2005, 00:33 AM
abuguta
abuguta
تاريخ التسجيل: 04-20-2003
مجموع المشاركات: 8276
الا هبى بدالك فاصبحينا ولا تزرى خمور البنقرينا وكاساقد شربت بكلكتا واخرى فى دلى وفى بونا وانا سوف تصلنا التذاكر وانا مثلك ياخليجى مسافرونا وقد اغتدى والناس فى اسرتهم ببنفسجن خير المواتر لونا وكم احضرت اللحمة من سدر فسلقت البصل فصارت مسبكونا ولقد حببتك يابلومة فافهمى فان الحب اخره جنونا ولقد ذكرتك والاسكريم فى يدى وراس كونج ومنقاه الحنونا ودت تقبيل الاسكريم لان داعب شفتاك فى اليوم مليونا اوتذكرين يوم حضورك حفلة قبل النهاية قلتى الى جلونا كل القلوب صارت تدق بدقة حذاك وصارت كل الكراسى محركونا وكم غيرت موترى عسى انال رضاك ياذات العيونا وكم رهنت جوازى عسى اوفر وجبة فاكون ضمن الفايزونا وكم كم ثم كم كم وكم عزمتك فى المطاعم مثل ارجونا ولو تركتك عفونا بنيتى فان قومى فيك مكسرونا ولقد خرجت وبارتناتى مرة الى جقت فصار السودنة فينا محملقونا ففاروا فورة فى من يليهم وفرنا فورة فى من يلينا فآبو بالسمبوسة منوعات وجينا بالهنود مقرنينا الا لا يعنكبنا احد علينا فنعنكب فوق عنكبة المتعنكبينا اذا بلغت البرلومة لنا اسبوعا صار الكبار فيها مكسرونا واذا بلغ البرلوم لنا يوما ركب الياماها واللونا
ودا حلمنتيش هندى كومبيوتر
اى حاجة كومبيوتر الساعة كومبيوتر والنضارة كومبيوتر والجزمة كومبيوتر ياحليل زمن النقر كانت الدنيا طايرة راكة مرة كفر ومرة وتر بس الليلة كلامن كل بقى كومبيوتر الزواج بالكومبيوتر والطلاق بالكومبيوتر والحب بالكومبيوتر والموت بالكومبيوتر انا مالى والكوبيوتر انا مالى وعيشة الضر كنت عايش مرتاح وفى السوق عامل سيوبر ديك بضاعة رابحة وديك خاسرة مرة تركيا ومرة مصر بس ابوى اصر وقال لازم ادرس كومبيوتر عشان بيتنا فيه كومبيوتر وامى صاجة بكومبيوتر وعندها حلة بريجر perjure حتى حواشتنا فيها كومبيوتر الزراعة بكومبيوتر والسقاية بكومبيوتر والحصاد بالكومبيوتر عشان مافى حاجة فى بيتنا تخسر انا لازم ادرس كومبيوتر جيت لقيت (ناغبيور) ظريفة ما فيها عيون حاملة شر لكن القلوب عليمها الله هى تراها دافنة سر ما حصل لجان دخلت ومع اى زول قاعد بهظر بس لما جيت اتصعد العواجيز صارت تنظر مرة قالو عنى كوز ومرة قالو شيوعى حر ومرة قالو وقالو قالو ومرة قالوانى بسكر ودا كله عشان انى قاعد بدرس كومبيوتر مافى ناس عاملين فيه ادميشن من سنة حفرو البحر لا دايرين امشو ابوظبى ولا دايرين يسافرو قطر بس قاعدين لشغل التنظر انا ذاتى حاقعد انظر النشوف مين الفينا يخسر ما اى حاجة كرهت احمد حتى حركات البرنتر printer ولما اكتب برامج The output equal error حتى اللونا منى زهجت وفى النهاية عملت موتر وعلقت ليه شعار سودانير بس الموتر بمشى خطوة خطوة واللستك جديد قاعد يبنشر ولو الواحد عايز يحب برضو هنالك من ينظر ولو دخلت معاههم معاينة بطلعونى واحد صَغير بس هى قالت لى عشان تبقى قيس وابقى ليلى وتبقى روميو وابقى جولييت وابقى عبلة وتبقى عنتر انا لازم تدخل معسكر انا مالى والمعسكر ومال وبلدى وحكومة عسكر عشان كلامك كومبيوتر وانت ذاتك سى بى يو cpu وانت ذاتك كومبيوتر فى مشيك لا كى رايحة ولا كى جاية ولا كى ماشة ولا كى راجعة متل حركات البرنتر printer عشان عيونك يامزرزر انا اتعلمت الكومبيوتر كومبيوتر كومبيوتر كومبيوتر
03-28-2005, 00:39 AM
garjah
garjah
تاريخ التسجيل: 05-04-2002
مجموع المشاركات: 4702
الاخ العزيز عمر الرباطابى تحية طيبة وايضا هناك مدرسة سودانية فى تقييم البعد الاجتماعى والسياسى للمرحلة المعينة بالشعرلذى قيل فيها وهذه المدرسة يقودها الدكتور عبد السلام نور الدين فى كتابه العقل والمجتمع وقد اخذالمتنبى نموذجا.وانى هنا ساقتبس لك بعد ملامح هذه المدرسة فى القصيدة الحلمنتيشية (سيد بشبش) وهى تصف حالة فصامية واكبت الفترة ..حيث يعيش المسؤل حياتين محترمة فى ناحية وساقطة فى الناحية خرى او ما يسميه الخواجات دكتور جيكل اند مستر هايد..ويمكن اخدك فىمقطع صغير لهذه الشيزوفرنيا والتى لها رموزها الاسلامية المعاصرة الان.. سيد بشبش جوة المكتب رسمى بيغضب وفى البيت يرفس ويضرب مع اصحابه يرقص ويلعب راجل نكتة وصاحب مقلب ********** دى جكة خفيفة وسنعود لاحاقا لتفكيك هذه القصيدة سوسيوبولتيكالى
أبو قوتة بي ناس قرجة لافي و قرجة في خيماتو سافي و ود اللمين قعد انتكل
عبد العظيم بالصدفة جيت
ـــ أتمنى لكم الدوام و التوفيق في الجمع بين القديم و الحديث الى ان لا يالك عشانا الكديس ... و الجكة الخفيفة دي ياعادل اخاف ما تبقى جرية و الجري دا ما حقي و للاحباب السلام
تابع المعلقة فات الاوان ( Too Late ) ـــــــــــــــ
بعد الحصل قات لي : يا مولانا أدعو لينا معاك
يجازيك الله يا فلانة ! زماني و فات .. ز دايراني أجيب ابريقي و اتوضا وافرش الفروة و اتمسكن زز و اصنقر ليكي للدعوات زمان ما كنت بدعو ليك وافكر فيك لكن الليلة بدعو عليك .. بركة البغداي ود جابر .. و كية فيك يا فلانة أبوك لا يرضى لا يخاطر و مما تجيبي شوط الخطبة في خشمك يعاين ليك .. و يحمر فيك .. يتكربن .. يشيل كرباجو يتكرب ومسكك من طريف التوب طرفو الطوييييل نازل حدا العرقوب و امك عاد تقول حي ووب .. و تتعارض .. سجمنا الليلة يا ابو فلانة !! يقول ليها يا فلانة .... كان عارضتيني طلقانة !! تقولو لا لا .. خليتك .. براك زعلان و تقعد تج .. و يجرك كر ..علىي الديوان ـــــــــــــــــــــــــــــــــــــــــــــــــ و تبقى المقطع الاخير ياتي لا حقا باذن الله
مع تحياتنا ل almulla واخوانه
04-04-2005, 07:45 AM
almulaomar
almulaomar
تاريخ التسجيل: 07-08-2002
مجموع المشاركات: 6485
مقتطفات من الشعر الحلمنتيشي في موضوع التهاب السحائي والمعروف عوضياً بأبو الفرار:
لفح الحر سمائم وأب الفرار حايم وأنا في السوق هائم أتمشي وسط زنكات الخضار أنفض الجيب أكشكش وللكوسه أفتش أبتغي بعض رغيف لصغار في متاهات الجريف إن هذا العيش ذو وزن خفيف ومحرق ومشقق ومكندك عند بصات الصحافة قاشر لابس قيافه ليس في الممشي مسافه وإذا الكمساري وبكل جلافه طبع في كتفي شرافه يا لها منه سخافه عند شاطئ النيل بي قرب الفنادق كل ما الجو بجبره صار حارق جاء جيش من عراة متسابق ليت لو تمساح توتي جاء مارق وتبرع صار وطني المشاعر صار يبلع وأراح الناس من هذي المناظر
يا سيدنا عمر.. والله فتحت لي باباً من الطرب كنت قد سمرته من زمااااااااااااااان.. هذه القصيدة كسرت ضلعي أجمعين حين استمعت لها في أواخر الثمانينات بنصها الكامل والإقاء البديع.. لكن ضاع تسجيها مني، وضاعت وريقات كنت دونتها فيها.. ألكع بسراعك كمل باقيها قبل ما نكمل أنحنا.. وراجع لك
أهلا أخي عمر الرباطابي جميل أن تذكرنا بهيئة حلمنتيش العليا وفرسانها المغاوير ايضا بعد أن أسقطت عناهموم الحياة ومشاغلها بعضا مما نحفظ لهم من ابيات نرددها زمانا طويلا لعل الشعر الحلمنتيشي يندرج تحت قائمة أدب الفكاهه أو ما يسمي بالشعر الضاحك وهوطرح ومعالجه لبعض مشاكل الواقع الذى تفرضه علينا الحياه بإسلوب سآخر أفلح فيه شعراء هيئة حلمنتيش على الصعيد الخاص وهذه مشاركه هديه من شخصي المتواضع لشخصك السامي ما أظن يجي يوم ننسي فيهو حياة الفقر ونودعه ونبقي زى الناس في العمارات متجدعه وبيوتنا القديمه ومتصدعه تصبح زى متاحف بالنجف نرصعه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة