|
|
 *يوميات امرأة وحيدة*
|
- ماما .... انتي ما بتحبيني زي زمان ليه؟
- ليه حبيبي ؟ ليه بتقول كده ؟
- لانك يا ماما ما بقيتي تقعد معاي كثير وما بتلعبي معاي زي زمان
- معليش يا حبيبي .. الشغل ماخد وقتي
- انت بتحبي الشغل أكثر مني ؟
- لا يا حبيبي
- لا ..بعناد .. انت ما أم كويسة زي أو حماده .... انا زعلان منك ...
وبعدين انا ليه ما عندي بابا؟
- ........
نام صغيرها تخنقه عبرة محتضنا لعبة محشوة بالقطن يحلم بغد يأتيه بـ أب .. ونامت بقربه أم تحمل هم غد تركها زوجها تقاسيه بمفردها...
*******
تاكل بمفردها
تشاهد التلفزيون بمفردها
ولا تترك الباب مواربا لشخص يأتي بعدها
كل المشتروات لشخص واحد ...
لا خلاف على الحمام ...
ولا تنتظر أحدا على الغداء
ولكن
في كل عام
في تاريخ محدد
تتأنق وتتألق
تجهز طاولة لشخصين وتزرع الورود في الزوايا...
وتعلن يوما للحب
وترقص التانجو محتضنة مخدته!
وتستيقظ في اليوم التالي ..
وحيدة!
|
|
 
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
الأغتراب ..الطلاق ..
سبابان يجعلان كل امرأة تنام قرب اطفالها وحيدة تقاسي بمفردها ..
الاخت عزاز :
رد الله غربة المغتربين ..واصلح ذات بين الاخرين ..
ليك التحية ..
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
اختنا عزاز :
كدي بيني وبينك كده وتحت تحت انتي قاصدة البرتقال ولا البرتقـــــــــــــــــالة 
زكرتيني المرا الراجلا قال ليها كان وقفتي طلقانة وكان قعدتي طلقانة ..قامت ادردقت 
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
بسم الله الرحمن الرحيم
أختي عزاز...مالك قمتي علي جنك تاني...الهبشك منو...إمبارح علي الرجال والليلة علي النسوان?...شن نفرك يا خيتي...غايتو نصيحتي ليك أكان عندكم فكي في الحلة أخيرآ تمشي تزوريهو.
عمر أخوي...شميت ليك ريحة البطيخ جيت طاير طيران...أصلو البطيخ دا ما بقدر أقاومه.
ودي
| |
|
|
|
|
|
|
|
|
|
Re: *يوميات امرأة وحيدة* (Re: Rashid Elhag)
|
عزاز
ولكن
في كل عام
في تاريخ محدد
تتأنق وتتألق
تجهز طاولة لشخصين وتزرع الورود في الزوايا...
وتعلن يوما للحب
نفس الملامح و الشبه مع فارق بسيط .. هو أن روزنامتي تتجدد فيها كل يوم كل معاني الحب و الوفاء بشكل مستمر و أظنه سيكون سرمديا أزليا بلا حدود .. و ما أقسى أن يعيش الإنسان بين الناس و لكن قلبه يعاني الوحدة ..
مش؟
| |
|
|
|
|
|
|
|
|
|
Re: *يوميات امرأة وحيدة* (Re: Rashid Elhag)
|
أخوي Rashid Elhag
ماك علي ؟
انا بشكر فيكم وفي اهميتكم لينا لمن حميتوا الام النوم هي ووليدها وجبتو للمرة الكافية وبقت ترقص براها !!
انا عاد اعمل شنو علشان ارضيكم يا اخواني ؟! والله فترت .... نديكم فرصة تفضفضوا تكلضموا!؟
نشكي حالنا من غيركم تنهرونا وتحدروا لينا!
عاد لاكين الشكية لالله ما للناس .. دايرني اتكلم عن منو طيب؟
يا الراجل يا المرة في نوع تاني ؟ ولا امشي الزريبة زي سجيمان واقعد اشيل حس الغنم والخرفان؟؟
بعدين اناالبوست بتاعي لا يتحمل أي مسؤلية في نوعية الفاكهة المذكورة في المداخلات إلا ما تذكرة الحليفة الاستراتيجية (لنا المهدي) ...
والبطيخ خلاص ما معانا بعد ده .. خلونا في الفواكه الشتوية .. الباذنجان كيف معاك؟
| |
|
|
|
|
|
|
|
|
|
Re: *يوميات امرأة وحيدة* (Re: walid taha)
|
أخوي وليد صباحاتك ورد ..
الأكثر رعبا شعور الأم/المرأة المجروحة ..
سيكبر الطفل يوما ليكون رجلا ...
ويقود أمرأة في يوم ماإما لأسوار الجنون أو لأسوار الجنة !!
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
| Quote: ما شاف أبوه من تسع سنين |
التحية لكى عُزاز
دى ذكرتنى قصة الطفل الماشاف ابوه المغترب من ولدوه...
ولمن جا اجازة امه قالت ليه: سلم علىابوك يا وليد ..
قال ليها:- وهو متوارياً خلف ثوبها- مُش ده الراجل البرسل لينا القروش يا أُمى؟
تُرى ماذا كان من حسرة بعد الترحيب وحمل حقائب الاغتراب الى الداخل؟؟
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
ابنة عمي عزاز
مسكاقمي
امهاتنا وحيدات هناك
اخواتنا وحيدات هناك
شبابنا وحيدين هنا في الجمعيات في دول الخليج
وفي كل دول المهجر
وهناك راقصات للتانجو
وراقصات بالجرجار
وضاربون للطار
وهائمون في الحلبة
والنيل وحيد
وعلى ضفتيه نخيل وقباب واناس
اصواتهم تعلو
هكرفي مسكاقمي
| |
|
|
|
|
|
|
|
|
|
Re: *يوميات امرأة وحيدة* (Re: حمزاوي)
|
أخوي حمزاوي ...
وليد ما شاف أبوه من تسع سنين
كبر بين أخواله اللي سافروا واحد ورا التاني
وفضل براه مع أمه حليمه
وكبر وليد
وسافر هو كمان
وفضلت حليمه
لا فيها قوة ترقص ولا تشيل طار
مافي مكان للزغرودة في حلق نشف من المرار وخوف من الغربة
اللي اخدت الغالين واحد وا التاني
حليمة بتكبر هناك تحت النخيل
عمرها كله مضته تودع في الراحلين
تبكي رجالها الراحو ورا النيل
وتتذكر صوت ابوها واخوانها زمااان ... وقت الحصاد
ووه حمزاوي ..
اركنا مشكليه !!!(افتقد وطني)
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
أيامها طويلة ممتدة متراصة كصف اللاجئين على بوابات المدن الحلم ...
تفرق بين نهارها وليلها بالضوء .. وتزداد وحدتها بين الفصول وتوخزها تقلبات الحرارة ...
التقت به صدفة...
جذبها نحو عالمه .. واصبحا اثنان ...
ضوء وعتمه
سكون وضجة
لم تعتد أن تسأل أحدا عن حاله أو مزاجه !!
أو أن تقرر عن أثنين
أو تشرك أحدا في خياراتها
أدخلها مدرسة التعايش والمشاركة
أدمنت لذة أن تتشاور مع كائن حي وان تسمع صوتا غير صوتها
هجرت صومعتها واستقبلت الحياة بوجه جديد....
ولكن...
افترقا يوما بهدوء ....
لأنها لم تخبره بأنها ستهاجر من المدينة لأفاق أوسع !!
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
لم تنهض من فراشها ...
ولم تسمح لضوء الشمس ان يأخذ طريقه لغرفتها المعتمة
ولا ان ترى الأخبار ، فليس هناك بالخارج من يهمها
لا يهم ان تتناول افطارها
ولا ان ترتب هندامها
من سيراها؟
فهي تعيش مع ..
قطة وكلب هرم!!
| |
|
|
|
|
|
|
|
|
|
Re: *يوميات امرأة وحيدة* (Re: سمرية)
|
أختي سمرية ...
دق الحزن النبيل ابواب حب ورفقة سكنّا اليهما حى ظننا أنهما لدوام ...
ولكن...
إمرأة (تتوهج بالصبر) هي من تحتمل هكذا غدر من الزمان ..
أشكر لك مرورك (العميق) ...
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
عزاز
طرقت موضوع غائر عزيزتى ..
تحدثنى زوجة احد الاصدقاء قائلة
كان ابنى يقول لى لقد تمنيت ان يكون لى ابا يضربنى كما يضرب الاباء ابناءهم
كلمات تقطع القلب بحق
ولكن
الحديث ذو شجون
وقد قال احدهم مرة فى قنصلية جدة :
لقد اصبح من ضحينا من اجلهم ضحايا
ترى الى متى ؟؟؟؟؟
| |
|
|
|
|
|
|
|
|
|
Re: *يوميات امرأة وحيدة* (Re: قرشـــو)
|
كانت تجلس هنالك غير بعيدة
يطارد وجهها نصف شعاعٍ مستبد
يشاطرها الحزن نصف فنجان من القهوة السوداء......
كومة الأوراق الملقاة باهمال
تحدثني بحجم المحاولات التي صنعتها من أجل كتابة رسالة
لن توصل أبداً
ولن تولد في رحم الزمن كلمات
الحديقة مرتبة بأهمال!!!!!!!!!!!
صوت النادل
و فرقعة الفناجين
و أشياء قابعة في عمق الزاكرة
ونصف الوعي
........!!!!!!!!!
لم تنجح صفحات الصحيفة في دس التوتر في ملامحها الباهتة
بالكاد أستطاعت أن تأسر دمعة يتيمة
وحيدةٌ وحيدة
قريبةٌ بعيدة
كانت فريسة سهلة للوحدة
و أستعصي عليها النسيان
والسلوي
من أين لها ثمن السلوي فتشريها؟
أزكر مرةً قالت لي
لو رميت نفسي من قمة هذا العالم
لاتخلّص من أفيون الحب
لوجدني الناس ممدداً بين زراعيهِ
قلت لها
ولكنهُ ميت
كيف تشرعي الأنتظار و تشيّدي النوافذ
و تحشدي مناديل الوصول؟؟
لانسان لن يعود
لراحل لن يأوب
!!!!!!!!!!!
أصرت علي الأنتظار
أنها تحلم بالخريف عز النزيف
أنثي تتوحـّم علي المطر
انثي من أستوائية أحلامي البكر
وماذالت كما هي
وحيدةٌ وحيدة
عزاز
والله عجبني النص شديد
قلت أنجر شوية
علي الهواء مباشرة وهكذا
تسلمي يا بنت أمي
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
لعدة عطل مضت .. رافقها طيفه
تحكي له
تسمعه
وتناديه
وبلا مقدمات ..
كالكوارث الطبيعية
جرفته أعاصير الملل
وغادرها طيفه .. للأبد!
لم تفاجأ ..
وتكومت في كنبتها القديمة
تصادق الجريدة .. وفنجان قهوة بارد
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
الإغتراب ومآسيه الكثيرة تطغى دائماً على كثير من أغانى الطمبور .. هنا قصة إمرأة شابة تركها زوجها وحيدة مع أطفاله الصغار وسافر بحثا عن وضع مادى أفضل .. ولكن كان لابد من التضحية بشىء مقابل آخر .. وكانت التضحية الكبرى بفراق الزوجة والأولاد .. وكانت الظروف التى تقابل كثير من المغتربين سبباً فى غياب ذلك الزوج خمسة سنين كاملة كانت جحيم عاشه الإثنان .. وعندما غلب الزوجة لسان حالها كتبت لزوجها هذه الرسالة التى تصور حالة كثير من الزوجات .. والأزواج فى هذا الزمان .. وأبدع الشاعر حاتم حسن الدابى فى وصف حال هذه الزوجة حين قال:-
لسان الحال
معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********
الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب
ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب
أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب
اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب
قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب
فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب
سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب
والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب
لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب
البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب
الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب
وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب
حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب
خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب
وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب
أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب
-----------
| |
|
|
|
|
|
|
|
|
|
Re: *يوميات امرأة وحيدة* (Re: سمرية)
|
فنانة الحرف .. سمرية ....
اهديك هذا الانتظار ...
****
ناضلت وحاربت هواء البعد
الوحدة
والحرمان
صمدت إمام تجاعيد ملئت الوجه والنفس
وتغضن يفضح عمر الحرمان والتوق لحضن دافئ
انتظرت
وتبرأ الانتظار منها
وتركها على مقاعد الصبر
تقرأ دروس في حلم سيأتي غدا ..
وجاء الغد ...
يحمل انحناءة ظهر
وغصة بالقلب
وأطفال رجال قفزوا المراحل قفزا ..
وباتوا كهولا في مقتبل العمر!
****
| |
|
|
|
|
|
|
|
|
|
Re: *يوميات امرأة وحيدة* (Re: عزاز شامي)
|
Quote: انتظرت
وتبرأ الانتظار منها
وتركها على مقاعد الصبر
تقرأ دروس في حلم سيأتي غدا ..
وجاء الغد ...
يحمل انحناءة ظهر
وغصة بالقلب |
آآآه يا سيدتي ..
هاهو الانتظار .. يملها ..
ويضجر ..!!
والصبر وجع مقيم ..
لا يبرأ ..
في ليلة ما ..
قررت ان تبكي ..
فقد مضى وقت ..طويل
لم تعرف فيه للدموع جداول
ولا للنهار.. ضوء
سلكت .. للحب دربه الآخر
وفلم تعرف للنوم .. احلام
صعدت .. وحدتها .. تفترش .. الارق
وتهذي .. بالانتظار
ترقب الشمس .. وتخافها
تجادل الغروب وتتمناه
لم يعد في وسعها الانتظار
ولم يعد في وسعها .. الوصول ..
بحثت عن صوتها .. في ارجاء غرفتها
وحيدة .. لا تخاف الا .. الجدران الصلدة من حولها
آآه ايها القلب ..
في فضاءك الرحيم ..
يقطن الصقيع
متى .. تفتح نوافذك .. مشرعة .. للحب ..؟؟
متى يعود .. لك النبض ؟؟!!
متى يهرب الحزن .. من بين مسامك الى الابد ؟؟!!
يا سيدتي ..
لا تدعي الانتظار .. يلفظ انفاسه الاخيرة
ناضلي من جديد ..
ضد الحزن ..
ضد الحزن
ضد الحزن
وتوهجي .. بالصبر !!
عزاز..
هل يمل القلب .. تدفق الدم الحار بين شرايينه ؟؟!!
وهكذا .. للانتظار .. شراييين لا تمل .. الحزن !!
| |
|
|
|
|
|
|
|
|
|
Re: *يوميات امرأة وحيدة* (Re: سمرية)
|
سمرية العاشقة ....
نتقاسم يا ،اختي في العشق ، خبزا معجونا بالصبر
ننثره فوقه مزيجا من لهفة
وتحمصة لوعة ما فارقت القلب منذ رحلوا
نتكأ سوية على جدار من ضجر ....
وبعد انتظار طال ...
اتكأ الجدار علينا ..
ومال!
| |
|
|
|
|
|
|
|
|
|
Re: *يوميات امرأة وحيدة* (Re: ست البنات)
|
أختي ست البنات ...
لمست مكان الوجع !
وحدتنا مركبة .. طبقات وطبقات ...
تسكننا ونسكنها، كلما خطينا خطوه خارجهااعادتنا قيودمجتمعنا(الذكوري) وبعض من نساءه الخاضعات قسرا لرحمها من جديد لنعاني مجددا من مخاض لا ينتهي ونتردد بين بوابات وحدة جبرية وحدة اخترناها بمحض ارادتنا....
| |
|
|
|
|
|
|
| |
سجيمان
Rashid Elhag
ابو جهينة
walid taha
ودقاسم
سمرية
Habib_bldo
قرشـــو
حبيب نورة
mahmed alhassan
Raja
عمران حسن صالح
Rawia
ست البنات
فيس بوك
تويتر
انستقرام
يوتيوب
بنتيريست