|
|
 ظاهرة احتيال جديده..ضحاياها مشتركي زين !!!
|
كثرت ظواهر الاحتيال فى المجتمع بصورة لافتة..
الشرطة قبل اسابيع ضبطت عصابة السيدات فى امبده وتبقت جماعة عربة الامجاد الذين يبتزون بعض سائقى المركبات الخاصة بواسطة فتاة تلح فى ايقاف الناس ليأخذونها فى طريقهم ثم تتبعها عربة امجاد يهدودونه بخرق قانون النظام العام..
اليومين ديل ظاهرة الرصيد عن طريق الخطأ ضحاياها اصحاب الخطوط فى شركة زين حيث تصلك رسالة برصيد بمبلغ 100جنيه ليتصل عليك بعضها صاحب الرقم ويرجوك ان تعيد له رصيده الذى وصلك عن طريق الخطأ وقد وقع فى الفخ بعض الاشخاص قبل مراجعة رصيدهم...
0905187836
ده واحد من الارقام..
عليه لزم التنويه والتحذير
مودتى
|
|
 
|
|
|
|
|
|
|
 Re: ظاهرة احتيال جديده..ضحاياها مشتركي زين !!! (Re: Abubakr Osman)
|
الحبيب عكش
ازيدك في المحن بلوة
1
بس عايزة منك طلب ترسل لي قروش محتاجة ليها ضروري معليش
2
بس رسل الحاجة المعاك ما تكلف نفسك.
دى رسائل يا صديقي تصلني باستمرار ...
حاولت الاتصال بصاحبة الرقم لكنها ترفض الرد علي مكالماتي وتتحجج بانها (خجلانة شديد) ولا تريد التحدث معي .....
اها
الراي شنو
| |
|
|
|
|
|
|
|
|
|
Re: ظاهرة احتيال جديده..ضحاياها مشتركي زين !!! (Re: عثمان فضل الله)
|
الصديق والصحافى الحاذق
عثمان فضل الله
وانت كمان مع زحمة دسك التحرير ده ولخمتوا تكون عايز تتخارج من ملاحقات ورجاءات هؤلاء لتفرغ الى المعمل..العجيبه ياودفضل الله خطاب المحتالين ديل جذاب ويحنن الزول لو غفل..
المه حذر ناسك ناس الخطوط و1230 او 1239 ديل اكتر ناس بتورطو
مودتى
| |
|
|
|
|
|
|
|
|
|
Re: ظاهرة احتيال جديده..ضحاياها مشتركي زين !!! (Re: omar alhag)
|
كيفك ياعمر الحاج
جانى اتصال من شابه..صوت رقيق وحانى..
الو صباح الخير..ممكن اكلم سلمى
رديت باعتذار انو ده ماتلفون سلمى..
آسفه وقفلت الخط وبعد دقيقتين كم مسكول ورا بعض ..مارجعته..بعدها نص الرسالة التالى
(لو انت معز ارجوك كلمنى لانى محتاره فى امرى وضرورى تتصل )
بعدها رسالة تانية
(اناعارفه انت ماعايز تتصل بي ..بس القروش ماكل شىئ المهم التعامل الراقى )
رأيكم شنو؟؟
| |
|
|
|
|
|
|
|
|
|
Re: ظاهرة احتيال جديده..ضحاياها مشتركي زين !!! (Re: محمد عكاشة)
|
عكاسة
كويس والله فتحت القصة العجيبة دى
انا خصلت لى قبل اسبوعين
وبرضو مية الف
( شنو قصة المية الف تحديدا)
ضربت اعتذر ليه ومافى طريقة الا ارسلها ليه تانى يوم
سااااى كده، بحكى لاخوى فى البيت رد لى انها الشهر الفات حصلت لواحد من نسايبنا
راجعت المرسل... شكيت فى النمرة
لانها ما صح
وما بتوريك فضل ليك كم من فاتورتك
الغريبة انه مصر يضرب لى بعدها قريب اسبوع
بعد داك قطع وشه
__
المؤسف انه اتحلف واتقطع فى التلغون انه رسلها لى زول مريض فى المستشفى
| |
|
|
|
|
|
|
|
|
|
Re: ظاهرة احتيال جديده..ضحاياها مشتركي زين !!! (Re: أمين محمد سليمان)
|
الاخ امين
هو مابيخت مبلغ فى حسابك وانما هو بيرسل رسالة كتلك التى تصل عند تحويل الرصيد من محل اتصالات ..هو بيعدل فى المبلغ ويعمل ارسال لعددمن الارقام خصوصا الخطوط وهى لو قمت بمراجعة حسابك تجد انو لم ينزل به شىء ..
هم بيعتمدوا على السرعة فى الارسال وفى الحديث اليك بصورة تحنن وعلى غفلة بعض الناس وسماحتهم
| |
|
|
|
|
|
|
|
|
|
Re: ظاهرة احتيال جديده..ضحاياها مشتركي زين !!! (Re: Ameer Elfatih)
|
Quote: هو مابيخت مبلغ فى حسابك وانما هو بيرسل رسالة كتلك التى تصل عند تحويل الرصيد من محل اتصالات ..هو بيعدل فى المبلغ ويعمل ارسال لعددمن الارقام خصوصا الخطوط وهى لو قمت بمراجعة حسابك تجد انو لم ينزل به شىء ..
هم بيعتمدوا على السرعة فى الارسال وفى الحديث اليك بصورة تحنن وعلى غفلة بعض الناس وسماحتهم |
شكرا يا عكاشه علي شرحك الوافي .
السودان بقت فيهو حاجات تمحن !!
| |
|
|
|
|
|
|
| |
محمد عكاشة
معاذ الهادي
بكري الخير
omar alhag
عثمان فضل الله
شرفى عبدالقادر
Ahmed musa
عمرو كمال ابراهيم
أمين محمد سليمان
فيس بوك
تويتر
انستقرام
يوتيوب
بنتيريست